«پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمدارىنىڭ قىزمەت ەرەجەسىن» قارادى

جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىس اشتى

«پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمدارىنىڭ قىزمەت ەرەجەسىن» قارادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى

　　شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 6 ـ ايدىڭ 30 ـ كۇنى ٴماجىلىس اشىپ، «پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمدارىنىڭ قىزمەت ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.

　　ٴماجىلىس مىنالاردى اتاپ كورسەتتى: پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمدارىن قۇرۋ — پارتيا ورتالىق كوميتەتىنىڭ كەلەلى قىزمەتتەرگە ورتالىقتانعان ٴبىر تۇتاس باسشىلىعىن اقاۋسىزداندىرۋداعى، كەلەلى مىندەتتەردى تياناقتاندىرۋدى ىلگەرىلەتۋدەگى ماڭىزدى تۇزىمدىك ورنالاستىرۋى. «پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمدارىنىڭ قىزمەت ەرەجەسىن» جاساپ جاريالاپ، پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمدارىنىڭ قۇرىلۋىن، قىزمەت جاۋاپكەرشىلىگىن جانە جۇمىس جۇرگىزۋىن اناعۇرلىم ارناعا ٴتۇسىرۋ كەلەلى قىزمەتتەردى جوعارى دەڭگەيدە جوبالاۋ، ٴبىر تۇتاس جوسپارلاپ سايكەستىرۋ، تۇتاس تۇلعالىق ىلگەرىلەتۋ، قۋزاپ تياناقتاندىرۋ سىندى فۋنكتسيالىق رولىن ويداعىداي ساۋلەلەندىرۋ جونىنەن ماڭىزدى مانگە يە.

　　ٴماجىلىس مىنالاردى باسا دارىپتەدى: پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمدارى قىزمەت جاۋاپكەرشىلىگى ورنىن دالمە ـ ٴدال يگەرىپ، ٴىرى ىستەردى جوسپارلاۋعا، ٴىرى ىستەردى اقىلداسۋعا، ٴىرى ىستەردى يگەرۋگە تاباندى بولىپ، كەلەلى قىزمەتتەرگە اناعۇرلىم ٴونىمدى ٴبىر تۇتاس جەتەكشىلىك ەتىپ جانە سايكەستىرۋ جۇرگىزىپ، ٴبىر تۇتاس جوسپارلاۋدا ورنىن باسىپ الماۋدى، تياناقتاندىرۋدا اۋماقتان اۋىتقىپ كەتپەۋدى ورىنداۋى كەرەك. ىشكەرىلەي تەكسەرۋ ـ زەرتتەۋ جۇرگىزىپ، شەشىم جاساۋ، كەڭەسۋ ساپاسىن، ونىمدىلىگىن جوعارىلاتىپ، ٴىس جۇزىندىككە ۇيلەسەتىن، ٴونىمدى ساياسات ـ شارالاردى العا قويۋ كەرەك. فورماشىلدىقتان، تورەشىلدىكتەن بارىنشا ساقتانىپ، قىزمەتتە ناقتى ونىمدىلىككە تالپىنۋ كەرەك.

　　ٴماجىلىس باسقا دا ىستەردى اقىلداستى.