نانىمدى، سەنىمدى بەكەمدەپ، گۇلدەنۋ جورىعىندا ارشىندى قادام تاستايىق
— جۇڭگو كوممۋنيستىك پارتياسى قۇرىلعاندىعىنىڭ 104 جىلدىعىن قىزۋ قۇتتىقتايمىز
ۋاقىت كەرەمەتتەردى تاڭبالايدى، كۇرەس تاريح جاراتادى. بۇگىن ٴبىز جۇڭگو كوممۋنيستىك پارتياسى قۇرىلعاندىعىنىڭ 104 جىلدىعىن قارسى الدىق.
شيڭيە جولىنان فۋشيڭ جولىنا دەيىن، كىشكەنە قىزىل قايىقتان الىپ كەمەگە دەيىن بوران ـ شاشىندى باستان وتكەرگەن، سان ـ ساناقسىز شىڭدالۋدان وتكەن ماركسيزمدىك بيلىك باسىنداعى پارتيا اۋەلگى ماقساتىنان مىزعىماي، نانىمىن اناعۇرلىم بەكەمدەپ، سان ميلليون حالىقتى باستاپ مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ نىساناسىنا قاراي جەڭىس جىرىن شىرقاپ العا ىلگەرىلەپ، جان تەبىرەنتەرلىك ٴداۋىر جاڭا تاراۋىن جازدى.
بۇل جاڭا تاراۋدا داعدارىستى جويىپ، قيىن وتكەلدەردەن ٴوتىپ، وزگەرىستەرگە توتەپ بەرگەن بايىپتىلىق پەن قايسارلىق بار. تەرەڭ وزگەرگەن ىشكى شارت ـ جاعداي الدىندا ٴبىز كەشەندى شارا قولدانۋ بارىسىندا وراي جاراتىپ، ىرىقتىلىققا يە بولدىق. قىم ـ قۋىت، كۇردەلى سىرتقى ورتا الدىندا ٴبىز جوعارى ساپالى دامۋدىڭ ايقىندىلىعى ارقىلى ٴتۇرلى ايقىنسىزدىققا توتەپ بەردىك.
بۇل جاڭا تاراۋدا ٴارقانداي بوران ـ شاشىننان قورىقپايتىن سەنىم مەن جىگەر بار. پارتيا مەن حالىق باستان ـ اياق بىرگە تۇرىپ، بىرگە ويلاپ، بىرگە ىستەدى، قانشالاعان اساۋ اعىس، حاۋىپتى قايراڭ، قانشالاعان كەزەڭ، ۇرا ـ جىرا دا ٴبىزدىڭ باقىتتى، تاماشا تۇرمىس جاراتاتىن تەمىردەي ەرىك ـ جىگەرىمىزدى اۋىتقىتا المايدى، بارلىعى دا ٴبىزدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ نىق قادامىمىزعا بوگەت بولا المايدى.
اماليات — ەڭ جاقسى سىنتاس. باس شۋجي شي جينپيڭ بىلاي دەپ تەرەڭ اتاپ كورسەتتى: ”تەك نانىم ـ سەنىمدى بەكەمدەۋدەن اۋىتقىماساق، قايشىلىققا، ماسەلەگە تىكە قاراۋدان تايساقتاماساق، حاۋىپ ـ قاتەرگە، سىن ـ سايىسقا توتەپ بەرۋدەن يمەنبەسەك عانا، ٴسوز جوق، رەفورمانىڭ، دامۋدىڭ تىڭ ٴورىسىن اشا الامىز“!
اۋمالى ـ توكپەلى دۇنيە ٴجۇزى الدىندا شەتەلدىڭ ٴبىر ساياسي قايراتكەرى بىلاي دەپ قارادى: ”جۇڭگونىڭ اكەلگەنى ورنىقتىلىق عانا ەمەس، ونان دا ماڭىزدىسى، بولاشاعى باياندى ٴۇمىت“. حالىقارالىق قوعامدا كۇن سايىن مىنانداي ورتاق تانىم قالىپتاسۋدا: ”جۇڭگودان بولاشاق كوردىك، سەنىم كوردىك“.
100 جىلدان استام ۋاقىتتان بەرگى بەينەت پەن زەينەت، جاڭا داۋىردەن بەرگى قايراتتانا ەكپىندەي ىلگەرىلەۋ، بيىل جىل باسىنان بەرگى وزگەرىسكە توتەپ بەرۋ، وزگەرىسكە تالپىنۋ بىزگە مىنانداي تەرەڭ وي سالدى: پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعى — ٴبىزدىڭ ۇزدىكسىز جەڭىسكە جەتۋىمىزدىڭ ٴتۇبىرلى تياناعى، ”ەكىنى تۇراقتاندىرۋ“ ٴبىزدىڭ ٴتۇرلى حاۋىپ ـ قاتەرلەرگە، سىن ـ سايىستارعا توتەپ بەرۋىمىزدە، جۇڭگو ۇلگىسىندەگى وسىزامانداندىرۋدى ىلگەرىلەتۋىمىزدە شەشۋشى ٴمان الادى، ٴبىر ميلليارد 400 ميلليوننان استام حالىق ويدى ٴبىر اراعا شوعىرلاندىرسا، كۇشتى ٴبىر اراعا جۇمساسا، تىندىرا المايتىن ٴىس جوق.
بۇگىنگى كۇندە تاريحقا قايىرىلا قاراساق، جۇڭگونىڭ كەلبەتىندە، جۇڭحۋا ۇلتىنىڭ كەلبەتىندە، جۇڭگو حالقىنىڭ كەلبەتىندە، جۇڭگو كوممۋنيستىك پارتياسىنىڭ كەلبەتىندە بۇرىن بولماعان وزگەرىستەر تۋىلدى؛ بولاشاققا كوز جىبەرسەك، ”14 ـ بەسجىلدىقتىڭ“ شەشۋشى جەڭىسىنە قول جەتكىزۋگە، جاڭا جورىقتا ارشىندى قادام تاستاۋعا بىزدە سەنىم بار، ونان دا ماڭىزدىسى، ۇزاق ۋاقىت ورنىقتى دامۋدى جۇزەگە اسىراتىن، ۇلى گۇلدەنۋگە قادام تاستايتىن قابىلەت بار.
بۇكىل پارتيادا جوعارىدان تومەنگە دەيىن پارتيانىڭ تۋىلعان كۇنىن تويلاپ جاتقان وسى سالتاناتتى ساتتە، دۇنيە جۇزىندە 100 جىلدىق وزگەرىس جەدەل قۇبىلىپ، ٴبىز العا باسۋ جولىمىزدا تاعى كوپتەگەن حاۋىپ ـ قاتەرگە، سىن ـ سايىسقا ٴدوپ كەلگەن ساتتە، اۋەلگى ماقساتتى ۇزدىكسىز قاداعالاۋ، رۋحتى سەرپىلتۋ ٴتىپتى دە قاجەت بولىپ وتىر، پارتيانىڭ كۇرەس تاريحىنان جانە جۇڭگو كوممۋنيستىك پارتياسىنىڭ رۋح شەجىرەسىنەن سارقىلماس كۇش قابىلداپ، تاڭداۋلى ستيل ارقىلى زەيىن ـ زەردەنى ۇيىستىرىپ، كۇش ـ قۋات توپتاپ، ٴىس تىندىرىپ ناتيجە شىعارىپ، اسقاق ەرىك ـ جىگەرمەن جاڭا ٴداۋىردىڭ ۇزاق جورىعىن ويداعىداي باسۋىمىز كەرەك.
مۇرات ـ سەنىم — پارتيا قۇرۋدىڭ، پارتيانى گۇلدەندىرۋدىڭ نەگىزى ٴارى پارتيالى كادرلاردىڭ تابان تىرەپ تۇرۋىنىڭ تياناعى. ”توڭكەرىس مۇراتى بارىنەن اسقاق“ قىزىل ارميا قولباسىلارى مەن جاۋىنگەرلەرىنەن ”ەكى بومبى، ٴبىر جاساندى سەرىك“ رۋحىن اسقاقتاتقان عىلىم ـ تەحنولوگيا قىزمەتكەرلەرىنە، ونان ”پارتيا الاڭسىز بولسىن، مەملەكەتتى قۇدىرەتتەندىرۋدە مەن بارمىن“ دەيتىن جاڭا ٴداۋىر جاستارىنا دەيىن بەرىك مۇرات ـ سەنىم، مىزعىماس اقيقات تالپىنىسى — ٴدال ٴبىزدىڭ بارلىق جاپا ـ ماشاقات، حاۋىپ ـ قاتەرلەردى، كەدەرگىلەردى جەڭۋىمىزدىڭ قۇپيا سيفرى.
جاڭا جورىقتا مۇرات ـ سەنىمدى بەكەمدەۋدى ومىرلىك تاقىرىپ ەتىپ، مەيلى ٴداۋىر قالاي وزگەرسىن، مەيلى شارت ـ جاعداي قالاي وزگەرسىن، سانالىلىقپەن شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ بەرىك سەنۋشىسى جانە ادال امالياتتا ايگىلەۋشىسى بولىپ، حالىقتىڭ ٴۇمىتىن اقتايتىن وتان سۇيىسپەنشىلىگىن ورناتىپ، وسكەلەڭ يدەيالىق ورەگە تالپىنىپ، ىسىلعان جاۋاپكەرشىلىك ارقالاۋ قابىلەتىن كۇشەيتىپ، قيىندىقتان تايسالماي، قيىندىققا قارسى اتتانىپ، باتىلدىقپەن كۇرەس جاساعاندا عانا سان وتكەلەكتىڭ سىنىنان سۇرىنبەي وتەتىن، تاريحتىڭ جانە حالىقتىڭ سىنىنان سۇرىنبەي وتەتىن ناقتى ناتيجە جاراتا الامىز.
پارتيانىڭ نەگىزى حالىقتا، تامىرى حالىقتا، كۇشى دە حالىقتا. بيىل ”14 ـ بەسجىلدىق“ جوبا اياقتالاتىن جىل، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدەن، كەڭەيتۋدەن، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتۋدەن دامۋ بارىسىندا حالىق تۇرمىسىن قامتاماسىزداندىرۋعا جانە جاقسارتۋعا تاباندى بولۋعا، حالىق تۇرمىسىن قامتاماسىزداندىرۋ تورىن بەرىك، ٴجيى توقۋعا دەيىن... ”حالىقتى باقىتتى تۇرمىسقا كەنەلتۋ ماڭداي الدى ٴىرى ٴىس“ دەگەننەن جازباي، پارتيامىز باستان ـ اياق ٴىس جۇزىندىك ارەكەتى ارقىلى حالىقتىڭ سەنىمىنە يە بولىپ، حالىقتى باقىتقا كەنەلتتى.
جۇڭگو ۇلگىسىندەگى وسىزامانداندىرۋ سان ميلليون حالىقتىڭ ٴوز ٴىسى ٴارى حاۋىپ ـ قاتەرگە، سىن ـ سايىسقا تولى، جاپالى قۇلشىنىس جاساۋدى قاجەت ەتەتىن ايبىندى ٴىس. حالىقتى قۇن ماقساتى ەتىپ، ”مەملەكەتتىڭ زور ٴىسىن“ ەستە بەرىك ساقتاپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن دەن قويا، سۇيىسپەنشىلىكپەن شەشىپ، وسىزامانداندىرۋ قۇرىلىسى جەتىستىكتەرىنىڭ بارلىق حالىققا اناعۇرلىم كوپ، اناعۇرلىم ٴادىل تيىمدىلىك جەتكىزۋىنە مۇمكىندىك جاساساق، ٴسوز جوق، تەلەگەي كۇش ۇيىستىرىپ، ٴبىر جاعادان باس، ٴبىر جەڭنەن قول شىعارىپ، تاريحي ۇلى ىستەر جاراتا الامىز.
ٴوزىن ويداعىداي باسقارعاندا الەمدى ويداعىداي باسقارۋعا بولادى. جاڭا داۋىردەن بەرى، پارتيامىزدىڭ ”ەكى تاريحي ىرىقتىلىققا“ يە بولۋىنداعى تەتىك پارتيانىڭ وزىنە ـ ٴوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتىپ، رەفورما جاساۋ رۋحى جانە قاتاڭ ولشەم ارقىلى پارتيانى باسقارۋعا، پارتيانى جونگە سالۋعا تاباندى بولعاندىعىندا.
ۇزاق ۋاقىت ورىن تەپكەن ”ٴتورت ۇلكەن سىناق“، ”ٴتورت ٴتۇرلى حاۋىپ ـ قاتەر“ الدىندا ”ماڭگى جولدامىز“ دەيتىن قايسارلىق جانە تاباندىلىق ارقىلى پارتيانى جاپپاي قاتاڭ باسقارۋدى ىشكەرىلەي ىلگەرىلەتكەندە، ”توڭكەرىسشى الدىمەن وزىنە ـ ٴوزى توڭكەرىس جاساۋ كەرەك“ دەيتىن بەرىك ەرىك ـ جىگەر ارقىلى پارتيانىڭ وزىنە ـ ٴوزى توڭكەرىس جاساۋىن سوڭىنا دەيىن جۇرگىزگەندە عانا پارتيانى اناعۇرلىم كۇشتى، پارمەندى ەتىپ قۇرىپ، پارتيانى باستان ـ اياق جۇڭگو حالقىنىڭ ەڭ سەنىمدى، ەڭ كۇشتى تىرەگىنە اينالدىرۋعا بولادى. ٴبىز ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋدى وراي ەتىپ، ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتۋگە كۇش سالىپ، ستيلدى جاقسارتۋدىڭ ٴىس جۇزىندىك ونىمدىلىگى ارقىلى حالىق بۇقاراسىنىڭ قولداۋىنا جانە قورعاۋىنا يە بولۋىمىز كەرەك.
بولاشاققا بەت العاندا، ۋاقىت، جاعداي، ادىلەت تۇگەلدەي ٴبىز جاقتا. مەيلى حالىقارالىق جاعداي قالاي قۇبىلسىن، نانىمدى، سەنىمدى بەكەمدەپ، ٴوز ٴىسىن بۇلجىماي ويداعىداي ىستەپ، جوعارى دەڭگەيدە سىرتقا ەسىك اشۋدى بۇلجىماي كەڭەيتسە، جۇڭگو ەڭ ۇلكەن ايقىندىلىق جانە ورنىقتىلىق فاكتورى بولادى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا قۇرۋ ۇلى رۋحىن بار كۇشپەن اسقاقتاتىپ، جاڭا جورىقتا تىڭ دا اناعۇرلىم ۇزدىك جاۋاپناما تاپسىرايىق.
(شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى)
