جۇڭگو كوممۋنيستىك پارتياسىنىڭ پارتيا ىشىندەگى ساناق مازمۇنداماسى
جۇڭگو كوممۋنيستىك پارتياسى ورتالىق كوميتەتىنىڭ ۇيىمداستىرۋ ٴبولىمى
2024 ـ جىلى 12 ـ ايدىڭ 31 ـ كۇنىنە دەيىن جۇڭگو كوممۋنيستىك پارتياسى مۇشەلەرىنىڭ جالپى سانى 100 ميلليون 271 مىڭ بولىپ، 2023 ـ جىلدىڭ سوڭىنداعىدان ناق ٴبىر ميلليون 86 مىڭ ادام كوبەيىپ، ارتۋ مولشەرى %1.1 بولعان.
جۇڭگو كوممۋنيستىك پارتياسىنىڭ قازىر 5 ميلليون 250 مىڭ نەگىزگى ساتى ۇيىمى بار، بۇل 2023 ـ جىلدىڭ سوڭىنداعىدان ناق 74 مىڭ ارتىپ، ارتۋ مولشەرى %1.4 بولعان. مۇنىڭ ىشىندە 306 مىڭ نەگىزگى ساتى پارتكومى، 330 مىڭ باس ياچەيكا، 4 ميلليون 614 مىڭ ياچەيكا بار.
ٴبىرىنشى، پارتيا مۇشەلەرى قوسىنى جاعدايى
پارتيا مۇشەلەرىنىڭ جىنىسى، ۇلتى جانە وقۋ ماعلۇماتى. ايەل پارتيا مۇشەلەرى 30 ميلليون 995 مىڭ بولىپ، پارتيا مۇشەلەرى جالپى سانىنىڭ %30.9ىن ۇستاعان. از ۇلت پارتيا مۇشەلەرى 7 ميلليون 734 مىڭ بولىپ، %7.7ىن يەلەدى. جوعارى تەحنيكۋم جانە ودان جوعارى وقۋ ماعلۇماتىنا يە پارتيا مۇشەلەرى 57 ميلليون 786 مىڭ بولىپ، %57.6ىن يەلەدى.
پارتيا مۇشەلەرىنىڭ جاسى. 30 جاستاعى جانە ودان تومەنگى جاستاعى پارتيا مۇشەسى 12 ميلليون 272 مىڭ، 31 جاستان 35 جاسقا دەيىنگى پارتيا مۇشەسى 10 ميلليون 764 مىڭ، 36 جاستان 40 جاسقا دەيىنگى پارتيا مۇشەسى 11 ميلليون 475 مىڭ، 41 جاستان 45 جاسقا دەيىنگى پارتيا مۇشەسى 9 ميلليون 687 مىڭ، 46 جاستان 50 جاسقا دەيىنگى پارتيا مۇشەسى 9 ميلليون 41 مىڭ، 51 جاستان 55 جاسقا دەيىنگى پارتيا مۇشەسى 9 ميلليون 412 مىڭ، 56 جاستان 60 جاسقا دەيىنگى پارتيا مۇشەسى 8 ميلليون 646 مىڭ، 61 جاستاعى جانە ودان جوعارى جاستاعى پارتيا مۇشەسى 28 ميلليون 973 مىڭ بولعان.
پارتيا مۇشەلەرىنىڭ پارتياعا كىرگەن ۋاقىتى. جاڭا جۇڭگو قۇرىلۋدان ىلگەرى پارتياعا كىرگەندەر 54 مىڭ، جاڭا جۇڭگو قۇرىلعاننان كەيىنگى كەزدەن پارتيا 11 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن بۇرىنعى مەزگىلگە دەيىن پارتياعا كىرگەندەر 12 ميلليون 309 مىڭ، پارتيا 11 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىنەن كەيىنگى كەزدەن پارتيا 18 ـ قۇرىلتايىنان بۇرىنعى مەزگىلگە دەيىن پارتياعا كىرگەندەر 59 ميلليون 800 مىڭ، پارتيا 18 ـ قۇرىلتايىنان بەرى پارتياعا كىرگەندەر 28 ميلليون 108 مىڭ بولعان.
پارتيا مۇشەلەرىنىڭ كاسىبى. جۇمىسشىلار (جۇمىسشى، تەحنولوگيالىق قىزمەتكەر) 6 ميلليون 639 مىڭ، ەگىنشى ـ مالشى، بالىقشىلار 26 ميلليون 144 مىڭ، كاسىپورىنداعى، ٴىسورىنداعى، قوعامدىق ۇيىمدارداعى كاسىپتىك ـ تەحنولوگيالىق قىزمەتكەرلەر 16 ميلليون 394 مىڭ، كاسىپورىنداعى، ٴىسورىنداعى، قوعامدىق ۇيىمدارداعى باسقارۋشى قىزمەتكەرلەر 11 ميلليون 563 مىڭ، پارتيا، ۇكىمەت ورگاندارىنداعى قىزمەتكەرلەر 7 ميلليون 592 مىڭ، وقۋشى 2 ميلليون 622 مىڭ، وزگە كاسىپتەگى قىزمەتكەرلەر 7 ميلليون 849 مىڭ، دەمالىسقا، زەينەتكە شىققاندار 21 ميلليون 469 مىڭ بولعان.
ەكىنشى، پارتياعا مۇشە قابىلداۋ جاعدايى
2024 ـ جىلى پارتياعا جيىنى 2 ميلليون 131 مىڭ مۇشە قابىلدانعان.
قابىلدانعان پارتيا مۇشەلەرىنىڭ جىنىسى، ۇلتى، جاسى جانە وقۋ ماعلۇماتى. قابىلدانعان ايەل پارتيا مۇشەسى 979 مىڭ بولىپ، %46ىن يەلەدى. قابىلدانعان از ۇلت پارتيا مۇشەسى 223 مىڭ بولىپ، %10.5ىن يەلەدى. قابىلدانعان 35 جاستاعى جانە ودان تومەن جاستاعى پارتيا مۇشەسى ٴبىر ميلليون 784 مىڭ بولىپ، %83.7ىن يەلەدى. جوعارى تەحنيكۋم، سونداي ـ اق ودان جوعارى وقۋ ماعلۇماتىنداعى قابىلدانعان پارتيا مۇشەسى ٴبىر ميلليون 159 مىڭ بولىپ، %54.4ىن ۇستاعان.
قابىلدانعان پارتيا مۇشەلەرىنىڭ كاسىبى. جۇمىسشىلار (جۇمىسشى، تەحنولوگيالىق قىزمەتكەر) 149 مىڭ، ەگىنشى ـ مالشى، بالىقشىلار 346 مىڭ، كاسىپورىندارداعى، ٴىسورىندارىنداعى، قوعامدىق ۇيىمدارداعى كاسىپتىك ـ تەحنولوگيالىق قىزمەتكەرلەر 299 مىڭ، كاسىپورىندارداعى، ٴىسورىندارىنداعى، قوعامدىق ۇيىمدارداعى باسقارۋشى قىزمەتكەرلەر 221 مىڭ، پارتيا، ۇكىمەت ورگاندارىنداعى قىزمەتكەرلەر 101 مىڭ، وقۋشى 812 مىڭ، وزگە كاسىپتەگى قىزمەتكەرلەر 203 مىڭ بولعان. ٴوندىرىستىڭ، قىزمەتتىڭ ٴبىرىنشى شەبىنەن قابىلدانعان پارتيا مۇشەلەرى ٴبىر ميلليون 120 مىڭ بولعان.
ٴۇشىنشى، پارتيا ىشىندە ماداقتاپ ـ سيلاۋ جاعدايى
2024 ـ جىلى بۇكىل ەلدەگى ٴار دارەجەلى پارتيا ۇيىمدارى جيىنى 175 مىڭ وزات نەگىزگى ساتى پارتيا ۇيىمىن ماداقتاپ ـ سيلاعان، 728 مىڭ تاڭداۋلى كوممۋنيستىك پارتيا مۇشەسىن ماداقتاپ ـ سيلاعان، 240 مىڭ تاڭداۋلى پارتيا ىستەرى قىزمەتكەرىن ماداقتاپ ـ سيلاعان. تۇتاس جىلدا 894 مىڭ ”پارتيا قۇشاعىنداعى داڭقتى 50 جىل“ ەستەلىك زناگى تاراتىلعان.
ٴتورتىنشى، پارتياعا كىرۋ ٴوتىنىشىن تاپسىرۋ جاعدايى
2024 ـ جىلدىڭ سوڭىنا دەيىن بۇكىل ەلدە پارتياعا كىرۋگە ٴوتىنىش تاپسىرعاندار 21 ميلليون 420 مىڭ، پارتياعا كىرۋ بەلسەندىلەرى 10 ميلليون 611 مىڭ بولعان.
بەسىنشى، پارتيا ۇيىمى جاعدايى
پارتيانىڭ جەرگىلىكتى كوميتەتتەرى. بۇكىل ەلدە پارتيانىڭ جالپى 3200 ٴار دارەجەلى جەرگىلىكتى كوميتەتى بار. مۇندا 31 ولكەلىك (اۆتونوميالى رايوندىق، توتە قاراستى قالالىق) كوميتەت، 397 قالالىق (وبلىستىق) كوميتەت، 2772 اۋداندىق (قالالىق، رايوندىق، حوشۇن) كوميتەت بار.
قالا ٴمالى، اۋىل ـ قالاشىق، الەۋمەتتىك اۋماق، اكىمشىلىك قىستاق پارتيا ۇيىمدارى. بۇكىل ەلدەگى 9160 قالا مالىسىندە، 29 مىڭ 607 اۋىل ـ قالاشىقتا، 121 مىڭ 270 الەۋمەتتىك اۋماقتا، 486 مىڭ 326 اكىمشىلىك قىستاقتا پارتيا ۇيىمى قۇرىلعان، قامتۋ سالىستىرماسى تۇگەلدەي %99.9تەن اسقان.
ورگاندارداعى، ٴىسورىندارىنداعى، كاسىپورىندارداعى جانە قوعامدىق ۇيىمدارداعى پارتيا ۇيىمدارى. بۇكىل ەلدە جيىنى 800 مىڭ ورگان نەگىزگى ساتى پارتيا ۇيىمى، ٴىسورىندارىندا ٴبىر ميلليون ٴبىر مىڭ نەگىزگى ساتى پارتيا ۇيىمى، كاسىپورىنداردا ٴبىر ميلليون 600 مىڭ نەگىزگى ساتى پارتيا ۇيىمى، قوعامدىق ۇيىمداردا 183 مىڭ نەگىزگى ساتى پارتيا ۇيىمى بار بولىپ، قۇرىلۋعا ٴتيىستى جەرلەردە تۇگەلدەي نەگىزىنەن قۇرىلىپ بولعان.
(ەسكەرتۋ: وسى مازمۇنداماداعى ٴبىر ٴبولىم ساناق نەمەسە سالىستىرمالى شامانىڭ بىرلىك جاعىنداعى جىكتەۋدىڭ تۇرلىشە بولۋىنان تۋىلعان ەسەپتەۋ پارقىنا مەحانيكالىق رەتتەۋ جۇرگىزىلمەدى)
(شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى)
