تيانشان تورى
تيانشان تورى   ›   جاڭالىقتار   ›   شينجياڭ حابارلارى

قىزىل گەندى جالعاستىرىپ، ەكپىندەي ىلگەرىلەيتىن كۇش ۇيىستىردى

قىزىل گەندى جالعاستىرىپ، ەكپىندەي ىلگەرىلەيتىن كۇش ۇيىستىردى

— شينجياڭداعى جەر ـ جەر باي مازمۇندى ”1 ـ شىلدەنى“ قۇتتىقتاۋ قيمىلىن وتكىزدى

  6 ـ ايدىڭ 28 ـ كۇنى باي اۋدانى بۇلۇڭ اۋىلى تومەنگى بۇلۇڭ قىستاعىندا تۇراتىن قىزمەت اترەتى قىستاق پارتيا ياچەيكاسىمەن بىرلەسىپ، پارتيا مۇشەلەرىن وسى اۋداننىڭ سوتسياليزم شۋەيۋانى جۇڭحۋا ۇلتى ورتاق تۇلعا تانىمىن بەكەمدەۋ تاربيە بازاسىن ەكسكۋرسيالاۋعا ۇيىمداستىرىپ، پارتيانىڭ كۇرەس بارىسىن ەسكە الدى.

□ سۋرەتتى ابدۇلازەز تۇرسۇن تۇسىرگەن

انار بۇلت \ شينجياڭ گازەتىنىڭ تىلشىلەرى

  قىزىل تاريحتى قايتا پىسىقتاپ، رۋحاني قان تامىردى ۇلاستىردى؛ قىزىل ىزدەردى ىزدەپ، ٴداۋىردىڭ جاڭا تاراۋىن بىرگە جازدى. بىرنەشە كۇننەن بەرى، جۇڭگو كوممۋنيستىك پارتياسى قۇرىلعاندىعىنىڭ 104 جىلدىعىن قۇتتىقتاۋ ٴۇشىن شينجياڭداعى جەر ـ جەر باي مازمۇندى ”1 ـ شىلدەنى“ قۇتتىقتاۋ قيمىلىن وتكىزدى، قالالاردان اۋىل ـ قىستاقتارعا دەيىن ٴار ۇلت پارتيا مۇشەلەرى، بۇقاراسى ٴىس جۇزىندىك ارەكەتتەرى ارقىلى قىزىل گەندى جالعاستىرىپ، ەكپىندەي ىلگەرىلەۋ كۇشىن ۇيىستىردى.

  ادالدىق جىگەرىمەن اۋەلگى ماقساتتى ۇمىتپاي، پارتيانىڭ مەيىرىن جىرلادى. 6 ـ ايدىڭ 27 ـ كۇنى ٴۇرىمجى جوعارى، جاڭا تەحنولوگيالىق كاسىپ سالالارىن اشۋ رايونى (جاڭا قالا رايونى) يىڭبين جولى ٴمالىسى جاڭا ٴداۋىر وركەنيەت امالياتى ورنى لانتيڭ الەۋمەتتىك اۋماعىنىڭ جاڭا ٴداۋىر وركەنيەت امالياتى پۋنكتىمەن بىرلەسىپ، ”قىزىل جۇرەكتە پارتيا تۋى نۇر شاشتى، بەيزاتتىق مۇرالار جۇرەكتى نارلەندىردى“ اتىنداعى”1 ـ شىلدەنى“ قارسى الۋ نەگىزگى تاقىرىپتىق پارتيا كۇنى قيمىلىن وتكىزدى، 200دەن استام پارتيا مۇشەسى مەن بۇقارا قىزىل ٴان ـ بيلەردى ورىنداۋدى نەگىز، بەيزاتتىق مادەني مۇرالارىن كورمەلەۋدى ارقاۋ ەتىپ، تارتىمدى ويىن نومىرلەرىن ورىندادى.

  يىڭبين سولتۇستىك 1 ـ جولى الەۋمەتتىك اۋماعى ٴبي اترەتىنىڭ «بەس جۇلدىزدى قىزىل تۋ» اتتى كونسەرت ٴنومىرى لاۋلاعان جالىنداي بۇكىل الاڭدى نۇرعا بولەدى، ارتيستەر نازىك دەنە يشارات ٴتىلى ارقىلى ٴار ۇلت پەرزەنتتەرىنىڭ پارتياعا دەگەن ادال سۇيىسپەنشىلىگىن ايگىلەدى. الەۋمەتتىك اۋماقتىڭ تۇرعىنى تاۋ ليجيە كوزىنە ىستىق جاس الىپ: ”بۇل ٴبي جۇرەگىمدى تولقىتتى، پارتياعا، وتانعا دەگەن سۇيىسپەنشىلىگىم تاسقىنداي ٴتۇستى“، ـ دەدى.

  تاريحتى سۇيىسپەنشىلىكپەن بايانداپ ۇزدىكسىز كۇرەس جۇرگىزۋ كۇشىن ۇيىستىردى. 6 ـ ايدىڭ 26 ـ كۇنى قارامايلى قالاسى قارامايلى رايونى كۇنلۇن جولى ٴمالىسى نانلين الەۋمەتتىك اۋماعى جاڭا ٴداۋىر وركەنيەت امالياتى پۋنكتى ”جانىمداعى ٴمورال حيكايالارى“ ٴبولىسۋ جينالىسىن وتكىزدى، ”پارتيا قۇشاعىنداعى داڭقتى 50 جىل“ ەستەلىك زناگىن العان پارتيا مۇشەسى ۋاڭ چاڭجي ٴوزى مەن مايتاۋ - كۇشار تاس جولىنىڭ حيكاياسىن باياندادى. وسى ”مايتاۋ - كۇشار تاس جولى قاھارمانىنىڭ“ اڭگىمەسى مايتاۋ - كۇشار تاس جولىن سالعان كەزدەگى كورىنىستى كوز الدىعا كەلتىرىپ، سول جەردە وتىرعان كورەرمەندەرگە سول ٴبىر ماشاقاتتى جىلداردا قۇرىلىسشىلاردىڭ جاپا ـ ماشاقاتتان، قۇربان بەرۋدەن قورىقپايتىن رۋحپەن وسى تاريحي ەلەۋلى ٴىستى قالاي ورىنداعانىن تەرەڭ سەزىندىردى.

  ”وتان ٴبىزدى قاجەت ەتەدى، حالىق ٴبىزدى قاجەت ەتەدى، بۇل ٴبىزدىڭ داڭقتى بورىشىمىز“! ۋاڭ چاڭجيدىڭ ٴسوزى تىپتەن جان قيارلىقپەن كۇرەس جاساۋ ۇرىعىن ٴاربىر ادامنىڭ جۇرەگىنە تامىر تارتتىرىپ، وركەن جايدىرىپ، جويقىن كۇش ۇيىستىرعانداي بولدى.

  شىن جۇرەكپەن رۋح سومداپ، ىنتىماقتاسا ەكپىندەي العا ىلگەرىلەۋدىڭ اسقاق سيمفونياسىن شىعانداتتى. ”1 ـ شىلدە“ قارساڭىندا قورعاس اۋدانىنا توتە قاراستى ورگاندار مەن اۋىل ـ قالاشىقتار الۋان ٴتۇرلى فورماداعى نەگىزگى تاقىرىپتىق پارتيا كۇنى قيمىلىن ورىستەتتى. ساربۇلاق قالاشىعىندا ەگىنشى ـ مالشى پارتيا مۇشەلەرى قىستاق قيمىل ورتالىعىنا تەگىس جينالىپ ”پارتيا تۋىمەن بىرگە سۋرەتكە تۇسەمىن“ قيمىلىن وتكىزدى؛ قورعاس اۋداندىق تۇرعىن ٴۇي جانە قالا، اۋىل قۇرىلىسى مەكەمەسىندەگى پارتيا مۇشەلەرى پاكتىك تاربيەسى بازاسىن ەكسكۋرسيالاپ، پارتياعا كىرۋ سەرتىن قايتا ەسكە ٴتۇسىرىپ، شىرىكتەسۋگە قارسى تۇرىپ، وزگەرۋدەن ساقتانۋدىڭ يدەيالىق قورعانىس شەبىن ونان ارى بەكەمدەدى؛ ٴار ۇلت بۇقاراسى تارتىمدى ادەبيەت ـ كوركەمونەر نومىرلەرىن ورىندادى، ويناقى بارابان ٴۇنى «كوممۋنيستىك پارتيا بولماسا، جاڭا جۇڭگو بولماق ەمەس» اۋەنىمەن ٴوزارا توعىسىپ ۇندەستى.

  ناقتى ٴىس ىستەۋ ارقىلى ادالدىقپەن اتقارىپ پارتيا قۇرىلىسى مەن دامۋدىڭ تەڭ قادامدا ۇندەسۋىن ىلگەرىلەتتى. بىرنەشە كۇننەن بەرى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ارالاپ حال سۇراۋ قيمىلى، ساياسي تۋعان كۇندى بىرگە قۇتتىقتاۋ، ”پارتيا قۇشاعىنداعى داڭقتى 50 جىل“ ەستەلىك زناگىن تاراتۋ سياقتى ”پارتيا تۋى تيانشاندى نۇرلاندىردى“ جەلىلەس نەگىزگى تاقىرىپتىق پارتيا كۇنى قيمىلىن ورىستەتۋ ارقىلى پارتيا مۇشەلەرى مەن كادرلاردىڭ يدەيالىق سىننان ٴوتۋ بارىسىندا اۋەلگى ماقساتتى، بورىشتى بەكەمدەۋىنە مۇمكىندىك جاسادى. سونىمەن بىرگە بۇكىل شينجياڭداعى ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ جاڭادان قۇرىلعان 187 پارتيا ياچەيكاسىنىڭ حالىق باسقارۋىنداعى كاسىپتىك باۋلۋ قۇرىلىمىنا پارتيا قۇرىلىسى جەتەكشىسىن تاڭداپ جىبەرۋىنە جەتەكشىلىك ەتىپ، پارتيا قۇرىلىسىنىڭ حالىق باسقارۋىنداعى كاسىپتىك باۋلۋ قۇرىلىمدارىنىڭ دامۋىنا قالاي جەتەكشىلىك ەتۋى سياقتى مازمۇنداردى بىرگە تالقىلاپ، حالىق باسقارۋىنداعى كاسىپتىك باۋلۋ قۇرىلىمدارىنىڭ پارتيا ۇيىمىن ارناعا ٴتۇسىرۋ، ولشەمدەندىرۋ قۇرىلىسىن ۇزدىكسىز ىلگەرىلەتۋىنە بەرىك نەگىز قالادى.

  پاك بولۋ ارقىلى جۇرەكتى نارلەندىرىپ، پاك، كىرشىكسىز بولۋ جاڭا سالتىن جەتىلدىردى. 6 ـ ايدىڭ 27 ـ كۇنى كۇيتۇن قالاسى ىنتىماق كوشەسى ٴمالىسى ”شەبەر قاعاز ويما، پاكتىك اۋەنى“ قيمىلىن ورىستەتىپ، پاك ستيلدى، دۇرىس سالتتى اسقاقتاتىپ، مالىگە قويۋ پاكتىك مادەنيەت رايىن ۇستەدى. ٴمالى الەۋمەتتىك اۋماعىنداعى پارتيا مۇشەلەرى مەن كادرلار، ساقشى بولىمشەسىندەگى حالىق ساقشىلارى مەن كومەكشى ساقشىلار، تۇرعىندار قاتارلىلار قىزۋ ىنتامەن ات سالىسىپ، قاعاز ويما مۇعالىمىنىڭ جەتەكشىلىگىندە قىزىل قاعازبەن پاكتىكتىڭ سيمۆولى بولعان شامگۇل، كوگىلدىر بامبۋك سياقتىلاردى قيىپ، بەيزاتتىق مادەنيەت مۇرالارىنىڭ باۋرامدىلىعىن سەزىنۋمەن بىرگە، پاكتىك تاربيەسىن قابىلدادى. وسى ٴمالىنىڭ شۋگۋاڭلي الەۋمەتتىك اۋماعى پارتيا باس ياچەيكاسىنىڭ شۋجيى ۋاڭ چيان قيمىلدىڭ جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋمەن بىرگە، قاتىناسۋشىلاردىڭ اماليات بارىسىندا پاك، تارتىپشەڭ بولۋ تانىمىن تەرەڭدەتۋىنە مۇمكىندىك جاساعاندىعىن ٴبىلدىردى.

  حالىقتى نەگىز ەتىپ، قىزمەت وتەۋدى بۇقارانىڭ جانىنا جەتكىزدى. 6 ـ ايدىڭ 20 ـ كۇنىنەن باستاپ، توعىزتاراۋ اۋدانى ”تەگىن ەمدەۋ، جۇرت جۇرەگىن جىلىتۋ. ’1 ـ شىلدە‘ سالاماتتىق جەتكىزۋ“ قيمىلىن ورىستەتتى، ٴارقايسى قىستاق (الەۋمەتتىك اۋماق) پارتيا ياچەيكالارى توعىزتاراۋ اۋداندىق باس شيپاحانانىڭ كاسىپتىك ەمدەۋ، كۇتىمدەۋ دارىندىلارىمەن بىرلەسىپ، ”مەديتسينا جولى اۆانگارد پارتيا مۇشەلەرى ەرىكتى قىزمەت وتەۋ اترەتىن“ قۇرىپ، ەبدەيلى تەكسەرۋ جابدىقتارىن الىپ قىستاقتارعا (الەۋمەتتىك اۋماق) بارىپ بۇقارانى اقىسىز ەمدەدى، پارتيا مۇشەلەرى مەن بۇقاراعا قىزمەت وتەۋ ورتالىعى سالاماتتىق جەتكىزۋدىڭ مەيىر وشاعىنا اينالدى. ”ەسىگىمىزدىڭ الدىندا ـ اق كاسىپتىك قىزمەت وتەۋدەن يگىلىكتەندىك، وتە جاقسى بولدى“، ـ دەدى توعىزتاراۋ قالاشىعى تيرمان الەۋمەتتىك اۋماعىنىڭ تۇرعىنى لي شينشىڭ اسەرلەنىپ.

  سۇيىسپەنشىلىكپەن مايسا جەتىلدىرىپ، پارتيانىڭ نۇر ـ شۇعىلاسىمەن شەكارا ٴوڭىردىڭ بولاشاعىن نۇرلاندىردى. 6 ـ ايدىڭ 27 ـ كۇنى اقسۋ شەكارا باسقارۋ تارماق اترەتى جاڭا اۋات شەكارا ساقشى بولىمشەسى پارتيا ياچەيكاسى مەيىر جەتكىزۋشىلەرمەن بىرلەسىپ، قيىنشىلىعى بار 20 نەشە وقۋشىعا ۇيرەنۋ بۇيىمدارىن تارتۋ ەتىپ، مەيىر كوپىرىن ورناتتى، حالىق ساقشىلارى وقۋشىلارعا پارتيانىڭ حيكاياسىن ايتىپ بەرىپ، ولاردى جاقسى ۇيرەنىپ، تاڭداۋلى قاسيەتتى جەتىلدىرىپ، قوعامعا ۇلەس قوساتىن ادام بولۋعا شابىتتاندىردى. وقۋشىلاردىڭ كۇلكى ۇيىرىلگەن جۇزدەرى مەن حالىق ساقشىلارىنىڭ ”دارىندى بولۋعا بەل بۋىپ، وتاننىڭ ٴۇمىتىن اقتايىق“ دەگەن سالەمى ٴبىر ـ بىرىنە كورىك قوسىپ، قىزىل سەنىم شەكارا وڭىردەگى مەكتەپ اۋلاسىندا تامىر تارتىپ وركەن جايدى.

  شينجياڭنىڭ جەر ـ جەرىندەگى باي مازمۇندى ”1 ـ شىلدە“ قيمىلدارى قالىڭ پارتيا مۇشەلەرى مەن كادر ـ بۇقارانىڭ پارتياعا ادالدىعى مەن قىزۋ سۇيىسپەنشىلىگىن ايگىلەپ، جۇرت تىلەگىن ونان ارى ۇيىستىرىپ، ٴىس تىندىرىپ ناتيجە شىعارۋ ىنتاسىن تاسقىنداتتى.

  (ٴتىلشى فان چيۇڭيان، قاتىناسقان تىلشىلەر جاڭ دۇڭمەي، جاڭ يۇنمەي، لي لين)

جاۋاپتى رەداكتور : 热依扎·海米提

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.