شي جينپيڭ ورتالىق كوميتەت قازىنا ـ ەكونوميكا كوميتەتىنىڭ 6 ـ رەتكى ٴماجىلىسىن باسقارىپ اشقاندا بىلاي دەپ باسا دارىپتەدى
مەملەكەتتىك ٴبىر تۇتاس ۇلكەن بازار قۇرىلىسىن ىشكەرىلەي ىلگەرىلەتىپ، تەڭىز ـ مۇحيت ەكونوميكاسىنىڭ جوعارى ساپالى دامۋىن جەبەۋ كەرەك
لي چياڭ، ساي چي، ديڭ شۋەشياڭ قاتىناستى
شينحۋا اگەنتتىگىنىڭ 7 ـ ايدىڭ 1 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى، ورتالىق كوميتەت قازىنا ـ ەكونوميكا كوميتەتىنىڭ مەڭگەرۋشىسى شي جينپيڭ 7 ـ ايدىڭ 1 ـ كۇنى تۇستەن بۇرىن ورتالىق كوميتەت قازىنا ـ ەكونوميكا كوميتەتىنىڭ 6 ـ رەتكى ٴماجىلىسىن باسقارىپ اشىپ، مەملەكەتتىك ٴبىر تۇتاس ۇلكەن بازار قۇرىلىسىن، تەڭىز ـ مۇحيت ەكونوميكاسىنىڭ جوعارى ساپالى دامۋىن ىشكەرىلەي ىلگەرىلەتۋ سياقتى ماسەلەلەردى اقىلداستى. شي جينپيڭ ماجىلىستە ماڭىزدى ٴسوز سويلەپ، بىلاي دەپ باسا دارىپتەدى: مەملەكەتتىك ٴبىر تۇتاس ۇلكەن بازار قۇرۋ — جاڭا دامۋ ارناسىن قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ قاجەتى، پارتيا ورتالىق كوميتەتىنىڭ ورنالاستىرۋلارىن مۇقيات تياناقتاندىرىپ، سايكەسۋدى، سەلبەسۋدى كۇشەيتىپ، ىلگەرىلەتۋ بىرىككەن كۇشىن قالىپتاستىرۋ كەرەك. جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، تەڭىز ـ مۇحيت ەكونوميكاسىنىڭ جوعارى ساپالى دامۋىن جەبەپ، جۇڭگو ەرەكشەلىگىنە يە تەڭىزدى بەتكە الىپ قۇدىرەتتەنۋگە ۇمتىلۋ جولىمەن ٴجۇرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق كوميتەت قازىنا ـ ەكونوميكا كوميتەتىنىڭ ورىنباسار مەڭگەرۋشىسى لي چياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت قازىنا ـ ەكونوميكا كوميتەتىنىڭ مۇشەسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق كوميتەت قازىنا ـ ەكونوميكا كوميتەتىنىڭ مۇشەسى ديڭ شۋەشياڭ ماجىلىسكە قاتىناستى.
ٴماجىلىس مىنالاردى اتاپ كورسەتتى: بۇكىل ەلدىڭ ٴبىر تۇتاس ۇلكەن بازارى قۇرىلىسىن تەرەڭدەي ىلگەرىلەتۋدىڭ نەگىزگى تالابى — ”بەس ٴبىر تۇتاس، ٴبىر اشىق ۇستاۋ“، ياعني ٴبىر تۇتاس بازار نەگىزگى ٴتۇزىمى، ٴبىر تۇتاس بازار نەگىزدىك قۇرىلعىلارى، ٴبىر تۇتاس ۇكىمەت ارەكەت ولشەمى، ٴبىر تۇتاس بازاردى باقىلاۋ ـ باسقارۋ بويىنشا زاڭ اتقارۋ، ٴبىر تۇتاس فاكتور بايلىعى بازارى، ىشكە، سىرتقا اشىق ۇستاۋدى ۇزدىكسىز كەڭەيتۋ.
ٴماجىلىس مىنالاردى باسا دارىپتەدى: بۇكىل ەلدىڭ ٴبىر تۇتاس ۇلكەن بازارى قۇرىلىسىن تەرەڭدەي ىلگەرىلەتۋدە نازاردى ماڭىزدى تۇيىنگە، قيىن تۇيىنگە شوعىرلاندىرىپ، كاسىپورىنداردىڭ تومەن باعالى، ٴتارتىپسىز باسەكەسىن زاڭ بويىنشا، بەلگىلەمە بويىنشا جونگە سالىپ، كاسىپورىنداردى ٴونىم ساپاسىن جوعارىلاتۋعا جەتەكتەپ، مەشەۋ ٴوندىرىس قۋاتىنىڭ تارتىپپەن شەگىنۋىن ىلگەرىلەتۋ؛ ۇكىمەتتىك ساتىپ الۋ مەن مەردىگەرلىككە شاقىرۋدى، مەردىگەر بولۋدى ارناعا ٴتۇسىرىپ، مەردىگەرلىككە قابىلدانۋ ناتيجەسىنىڭ ادىلدىگىن تەكسەرۋدى كۇشەيتۋ؛ جەرگىلىكتى ساۋداگەر شاقىرىپ قارجى ەنگىزۋدى ارناعا ٴتۇسىرىپ، ساۋداگەر شاقىرىپ قارجى ەنگىزۋ ينفورماتسياسىن جاريا ەتۋدى كۇشەيتۋ؛ ىشكى، سىرتقى ساۋدانىڭ ٴبىر تۇلعالانىپ دامۋىن كۇش سالا ىلگەرىلەتىپ، ەكسپورت ەتۋدىڭ ىشكە ساتۋعا اينالۋ جولىن ىركىلىسسىزدەندىرىپ، ىشكى، سىرتقى ساۋدادا ٴبىر توپ ساپالى كاسىپورىن جەتىلدىرۋ؛ كاسىپورىندارعا ساياتىن زاڭ اتقارۋدى ارناعا ٴتۇسىرۋ ارناۋلى ارەكەتىن ۇزدىكسىز ورىستەتىپ، بازاردىڭ ٴبىر تۇتاس بولۋىنا پايدالى قازىنا ـ سالىق ٴتۇزىلىسىن، ساناق جاساۋ، ەسەپتەۋ ٴتۇزىمىن جانە سەنىمدىلىك جۇيەسىن اقاۋسىزداندىرۋ؛ كادرلاردى دۇرىس ناتيجە كوزقاراسىن ورناتۋعا جانە ونى امالياتتا ايگىلەۋگە جەتەكتەپ، جوعارى ساپالى دامۋ بويىنشا باعالاۋ جۇيەسىن جانە كادرلاردىڭ ناتيجەسىن تەكسەرىپ باعالاۋ جۇيەسىن كەمەلدەندىرۋ كەرەك.
ٴماجىلىس مىنالاردى باسا دارىپتەدى: تەڭىز ـ مۇحيت ەكونوميكاسىنىڭ جوعارى ساپالى دامۋىن ىلگەرىلەتۋدە جاڭالىق اشۋ ارقىلى دەم بەرۋگە اناعۇرلىم دەن قويۋ، جوعارى ٴونىمدى سايكەسۋگە اناعۇرلىم دەن قويۋ، كاسىپ سالالارىندا جاڭالىق اشۋعا اناعۇرلىم دەن قويۋ، ادام مەن تەڭىز ـ مۇحيتتىڭ جاراسىمدى بولۋىنا اناعۇرلىم دەن قويۋ، سەلبەسىپ تەڭ يگىلىككە كەنەلۋگە اناعۇرلىم دەن قويۋ كەرەك.
ٴماجىلىس مىنالاردى اتاپ كورسەتتى: تەڭىز ـ مۇحيت ەكونوميكاسىنىڭ جوعارى ساپالى دامۋىن ىلگەرىلەتۋدە جوعارى دەڭگەيدە جوبالاۋدى كۇشەيتىپ، ساياساتتىق قولداۋ سەرپىنىن ارتتىرىپ، قوعامدىق كاپيتالدى تەڭىز ـ مۇحيت ەكونوميكاسىن دامىتۋعا بەلسەنە ات سالىسۋعا ىنتالاندىرۋ، جەتەكتەۋ كەرەك. تەڭىز ـ مۇحيت عىلىم ـ تەحنولوگياسىندا ٴوز كۇشىنە سۇيەنىپ جاڭالىق اشۋ قابىلەتىن جوعارىلاتىپ، تەڭىز ـ مۇحيتتاعى ستراتەگيالىق عىلىم ـ تەحنولوگيا كۇش ـ قۋاتىن نىعايتىپ، تەڭىز ـ مۇحيت عىلىم ـ تەحنولوگياسىنداعى جەتەكشى كاسىپورىنداردى جانە ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىنداردى جەتىلدىرۋ، دامىتۋ كەرەك. تەڭىز ـ مۇحيت كاسىپ سالالارىن كۇشەيتىپ، ساپالىلاندىرىپ، زورايتىپ، تەڭىز ٴۇستى جەل ەلەكتر ستانسيالارىن جۇيەلى، ٴتارتىپتى قۇرۋدى ىلگەرىلەتىپ، وسىزاماندانعان الىس مۇحيتتا بالىق اۋلاۋدى دامىتىپ، تەڭىز ـ مۇحيتتاعى بيولوگيالىق شيپاگەرلىك ـ دارىگەرلىكتى، بيولوگيالىق ونىمدەردى دامىتىپ، تەڭىز ـ مۇحيت ەرەكشەلىگىندەگى مادەنيەتتى جانە ساياحاتتىق نىسانالى جەردى تۇلعالاپ، تەڭىز ـ مۇحيت تاسىمال كاسىبىنىڭ جوعارى ساپالى دامۋىن ىلگەرىلەتۋ كەرەك. شىعاناق ەكونوميكاسىنىڭ دامۋىن جوبالاۋدى، زەرتتەۋدى كۇشەيتىپ، تەڭىز جاعالاۋىنداعى پورتتاردى ساپالىلاندىرۋدى، بىرىكتىرۋدى تارتىپپەن ىلگەرىلەتۋ كەرەك. تەڭىز ـ مۇحيت ەكولوگيالىق ورتاسىن قورعاۋدى كۇشەيتىپ، ٴتۇيىندى تەڭىز الابىن جالپىلىق جونگە سالۋدى ۇزدىكسىز اتقارىپ، تەڭىز الابىن قاباتقا ٴبولىپ، ستەرەولدى پايدالانۋدى بەلسەنە ىلگەرىلەتىپ، تەڭىز ـ مۇحيت كومىرتەگى قامباسى ەسەپتەۋىن ورىستەتۋ جونىندە ىزدەنىس جاساۋ كەرەك. الەمدىك تەڭىز ـ مۇحيتتى جونگە سالۋعا ىشكەرىلەي ات سالىسىپ، الەمدىك تەڭىز ـ مۇحيت عىلمي زەرتتەۋى بويىنشا تەكسەرۋدى، اپاتتان ساقتانۋ مەن اپات زيانىن ازايتۋدى، كوك ٴتۇستى ەكونوميكا سەلبەستىگىن كۇشەيتۋ كەرەك.
ورتالىق كوميتەت قازىنا ـ ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
