اۆتونوميالى رايون باسشى كادرلار ٴماجىلىسىن اشتى
ورتالىق كوميتەت مىنانى ۇيعاردى: ما شيڭرۇي جولداس شينجياڭ ۇيعۇر اۆتونوميالى رايوندىق پارتكومنىڭ شۋجيى، تۇراقتى مۇشەسى، مۇشەسى مىندەتىن ەندىگارى قوسىمشا وتەمەيدى، باسقا مىندەتكە تاعايىندالادى؛ چىن شياۋجياڭ جولداس شينجياڭ ۇيعۇر اۆتونوميالى رايوندىق پارتكومنىڭ مۇشەلىگىنە، تۇراقتى مۇشەلىگىنە، شۋجيلىگىنە تاعايىندالدى
حۋاڭ جيانفا ورتالىق كوميتەتتىڭ ۇيعارىمىن جاريالادى، ما شيڭرۇي باسقاردى ٴارى ٴسوز سويلەدى، چىن شياۋجياڭ، ەركىن تۇنياز ٴسوز سويلەدى
ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى
7 - ايدىڭ 1 - كۇنى شينجياڭ ۇيعۇر اۆتونوميالى رايونى باسشى كادرلار ءماجىلىسىن اشتى.
□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن
انار بۇلت \ شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 7 ـ ايدىڭ 1 ـ كۇنى ۇرىمجىدەن حابارلايدى. 7 ـ ايدىڭ 1 ـ كۇنى شينجياڭ ۇيعۇر اۆتونوميالى رايونى باسشى كادرلار ٴماجىلىسىن اشتى. ورتالىق كوميتەت ۇيىمداستىرۋ ٴبولىمىنىڭ كۇندەلىكتى قىزمەتتى سەلبەسىپ باسقاراتىن ورىنباسار باستىعى حۋاڭ جيانفا جولداس ماجىلىسكە قاتىناستى ٴارى ورتالىق كوميتەتتىڭ ۇيعارىمىن جاريالادى: ما شيڭرۇي جولداس شينجياڭ ۇيعۇر اۆتونوميالى رايوندىق پارتكومنىڭ شۋجيى، تۇراقتى مۇشەسى، مۇشەسى مىندەتىن ەندىگارى قوسىمشا وتەمەيدى، باسقا مىندەتكە تاعايىندالادى؛ چىن شياۋجياڭ جولداس شينجياڭ ۇيعۇر اۆتونوميالى رايوندىق پارتكومنىڭ مۇشەلىگىنە، تۇراقتى مۇشەلىگىنە، شۋجيلىگىنە تاعايىندالدى. ما شيڭرۇي ٴماجىلىستى باسقاردى ٴارى ٴسوز سويلەدى، چىن شياۋجياڭ، ەركىن تۇنياز ٴسوز سويلەدى.
ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو ماجىلىسكە قاتىناستى.
ما شيڭرۇي بىلاي دەدى: مەن باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭ ۇيعۇر اۆتونوميالى رايوندىق پارتكومداعى نەگىزگى جاۋاپتى جولداستىڭ مىندەتىن رەتتەۋ جونىندەگى ۇيعارىمىن باتىل قولدايمىن، وعان باتىل بويسۇنامىن. وسى رەتكى رەتتەۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە وسكەلەڭ ٴمان بەرەتىندىگىن، اۆتونوميالى رايوننىڭ باسشىلىق القاسى قۇرىلىسىنا كوڭىل بولەتىندىگىن، قامقورلىق جاسايتىندىعىن، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ جونىندەگى شىنايى ٴۇمىتىن تولىق ايگىلەدى. چىن شياۋجياڭ جولداستىڭ، ٴسوز جوق، اۆتونوميالى رايوندىق پارتكومنىڭ باسشىلىق القاسىنداعىلارمەن ٴار ۇلت كادر ـ بۇقاراسىن ىنتىماقتاستىرىپ، باستاپ، باس شۋجي شي جينپيڭ جاساعان كورىكتى شينجياڭ قۇرۋ ايبىندى جوباسىن ناقتى تياناقتاندىرا الاتىندىعىنا سەنەمىن.
ما شيڭرۇي بىلاي دەدى: شينجياڭدا قىزمەت ىستەۋىم باس شۋجي شي جينپيڭنىڭ جانە پارتيا ورتالىق كوميتەتىنىڭ ماعان دەگەن اسا زور سەنىمى. شينجياڭعا كەلگەن 3 جارىم جىل ۋاقىتقا قايىرىلا قاراسام، جاۋاپكەرشىلىگىمنىڭ اۋىر ەكەندىگىن تەرەڭ سەزىندىم، قاي ـ قاشان دا ەرەكشە ساقتىق پەن قىراعىلىقتى ساقتادىم، الاڭسىز بولا المادىم، تەك ىقىلاستى تىلەكتى اقتاي الماۋدان الاڭدادىم. مەن شينجياڭداعى ٴار ۇلت كادر ـ بۇقاراسىمەن بىرگە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، سانالى تۇردە ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى ٴتۇبىرلى ولشەم ەتۋگە تاباندى بولىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، رەفورما، دامۋ، ورنىقتىلىق قىزمەتتەرىن بار كۇشپەن ويداعىداي ىستەدىم، شينجياڭدا قوعامدىق كەلەلى جاعداي ٴۇرتىس ورنىققان، ۇلتتار ىنتىماقتى، العا باسقان، جوعارى ساپالى دامۋ ارىنى كۇشتى، ٴار ۇلت بۇقاراسى تىنىش ٴومىر، شات ـ شادىمان تىرشىلىك كەشىرگەن تاماشا جاعداي جارىققا شىقتى. وسى بەلسەندى وزگەرىستەردىڭ جارىققا شىعۋى، وسى كورنەكتى ناتيجەلەرگە قول جەتكىزۋ، تۇپتەپ كەلگەندە، باس شۋجي شي جينپيڭنىڭ جول باستاپ، رول ۇستاۋىنىڭ ارقاسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، ورتالىق پەن مەملەكەتتىڭ مينيسترلىك ـ كوميتەتتەرىنىڭ، ورتالىق كاسىپورىندارىنىڭ جانە شينجياڭعا باعىتتامالى كومەكتەسەتىن ولكە، قالالارىنىڭ زور كۇشپەن قولداۋى مەن قالتقىسىز كومەگىنىڭ ارقاسى، سونداي ـ اق بۇكىل شينجياڭداعى ٴار ۇلت كادر ـ بۇقاراسىنىڭ بىرگە قۇلشىنىپ، ىنتىماقتاسا كۇرەس جۇرگىزۋىنىڭ ناتيجەسى. ٴدال وسى ساتتە مەن كوپشىلىكپەن ٴاردايىم بىرگە بولىپ، قامال الىپ قيىندىقتى جەڭىپ، بىرگە كۇرەس جاساعان كۇندەرىمدى ەرەكشە ەسكە تۇسىرەمىن، پارتيا، ۇكىمەت، ارميا، ساقشى، بيڭتۋان، حالىقتىڭ شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جولىندا كورسەتكەن جاپالى قۇلشىنىستارىن تەرەڭ العىسپەن ەسكە الامىن، شينجياڭنىڭ ٴبىر ميلليون 600 مىڭ شارشى كيلومەتردەن استام كورىكتى تاۋ ـ وزەنىن جانە 26 ميلليون ٴار ۇلت بۇقاراسىنىڭ تەرەڭ سۇيىسپەنشىلىگىن ماڭگى ۇمىتپايمىن.
ما شيڭرۇي بىلاي دەدى: شينجياڭ جاقسى جەر، بايلىق ارتىقشىلىعى باسىم، كورىنىسى سۋرەتتەي كوركەم، بۇقاراسى قاراپايىم، كىرشىكسىز، كادرلارى جاپاعا شىدامدى، جارقىن دامۋ بولاشاعىنا يە. قازىر بۇكىل شينجياڭ جوعارىدان تومەنگە دەيىن مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جورىعىندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن قۇلشىنا ىلگەرىلەتۋدە، جاقىن ارادا شينجياڭ ۇيعۇر اۆتونوميالى رايونى قۇرىلعاندىعىنىڭ 70 جىلدىعىن قارسى الادى. شينجياڭنىڭ ٴتۇرلى ىستەرىنىڭ گۇلدەنىپ ـ كوركەيۋىن شىن جۇرەكتەن تىلەيمىن، شينجياڭداعى ٴار ۇلت حالقىنىڭ باقىتتى، امان ـ ەسەن بولۋىن تىلەيمىن.
چىن شياۋجياڭ بىلاي دەدى: مەن پارتيا ورتالىق كوميتەتىنىڭ ۇيعارىمىن بۇكىلدەي قولدايمىن، وعان باتىل بويسۇنامىن، باس شۋجي شي جينپيڭنىڭ جانە پارتيا ورتالىق كوميتەتىنىڭ سەنىمى مەن ماڭىزدى تاپسىرماسىنا شىن جۇرەكتەن العىس ايتامىن، مەن الداعى جەردە كوپشىلىكپەن بىرگە شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ بورىشىن، اۋىر مىندەتىن ورتاق ارقالاپ، بۇكىل شينجياڭداعى ٴار ۇلت بۇقاراسىنىڭ ٴۇمىتىن استە جەردە قالدىرمايمىن. تاياۋ جىلداردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ما شيڭرۇي جولداس القا باستىعى بولعان اۆتونوميالى رايوندىق پارتكومنىڭ باسشىلىق القاسىنداعىلار شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ شينجياڭدى گۇلدەندىرۋدى، شينجياڭدى باياندى كوركەيتۋدى ورنىقتى قاداممەن ىلگەرىلەتىپ، شينجياڭنىڭ پارتيا قۇرىلىسى مەن ەكونوميكالىق، قوعامدىق دامۋ ىستەرىندە كورنەكتى ونىمدىلىككە قول جەتكىزدى.
چىن شياۋجياڭ بىلاي دەدى: پارتيا 18 ـ قۇرىلتايىنان بەرى، باس شۋجي شي جينپيڭ شينجياڭ قىزمەتىنە جانە باسشىلىق القا قۇرىلىسىنا ايرىقشا ٴمان بەرىپ، ەرەكشە كوڭىل ٴبولىپ، ىلگەرىندى ـ كەيىندى 3 رەت شينجياڭعا ٴوزى كەلىپ قىزمەت تەكسەرىپ، ورتالىقتىڭ شينجياڭ قىزمەتى جونىندەگى اڭگىمە ماجىلىسىنە 2 رەت قاتىناسىپ ٴارى ماڭىزدى ٴسوز سويلەپ، شينجياڭ قىزمەتىن ستراتەگيالىق تۇرعىدان جانە جالپى جاعداي تۇرعىسىنان باعامداپ، جوسپارلاپ، ورنالاستىرىپ، جاڭا داۋىردەگى شينجياڭ قىزمەتىن ويداعىداي ىستەۋگە ايقىن العا باسۋ بەتالىسىن كورسەتتى، ٴتۇبىرلى بويسۇنۋ ولشەمىن ازىرلەدى. مەن باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى ٴتۇرلى قىزمەتتىڭ نەگىزگى جەلىسى ەتۋگە تاباندى بولىپ، ورنىقتىلىق بارىسىندا ىلگەرىلەۋگە، مىندەت اتقارىپ جاۋاپكەرشىلىكتى ادا ەتۋگە، جاۋاپكەرشىلىك ارقالاپ ىسكەرلىك كورسەتۋگە تاباندى بولىپ، كورىكتى شينجياڭ قۇرۋعا ٴوزىمنىڭ بارلىق كۇش ـ قۋاتىمدى ارنايمىن.
چىن شياۋجياڭ بىلاي دەدى: مەن ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى باستان ـ اياق تابان تىرەر تياناق، مىندەت اتقارۋ ٴتۇيىنى ەتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ٴتۇبىرلى ولشەم ەتۋگە تاباندى بولىپ، شينجياڭ قىزمەتى باس نىساناسىن مىقتاپ يگەرىپ، قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، جاڭا دامۋ ۇستانىمىن جاپپاي ىشكەرىلەي دايەكتىلەندىرىپ، رەفورمانى ونان ارى جاپپاي تەرەڭدەتىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتىپ، جۇڭحۋا ۇلتى ورتاق تۇلعا قۇرىلىسىن تىڭعىلىقتى ىلگەرىلەتىپ، بيڭتۋان مەن جەرگىلىكتى ورىننىڭ توعىسا دامۋ تەبىنىن ارتتىرىپ، شينجياڭنىڭ باياندى تىنىشتىعىنىڭ نەگىزىن تۇبىرىنەن بەكەمدەيمىن. پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن قاتايتىپ، ناقتىلاندىرىپ، ساياسي ٴتارتىپتى، ساياسي قاعيدانى باستاماشىلدىقپەن قاتايتىپ، دەموكراتيالىق ورتالىقتاندىرۋ ٴتۇزىمى پرينسيبىن مۇقيات اتقارىپ، جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، پارتيانى جاپپاي قاتاڭ باسقارۋدى بۇلجىماي ىلگەرىلەتىپ، ستيلى پاك، سالتى دۇرىس ساياسي ەكولوگيانى قۇلشىنا قالىپتاستىرامىن. پارتيا ۋستاۆىنا، پارتيا ەرەجەسىنە، پارتيا تارتىبىنە قاتاڭ بويسۇنىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، پاك، كىرشىكسىز ساياسي قاسيەتتى ماڭگى ساقتايمىن.
ەركىن تۇنياز بىلاي دەدى: پارتيا ورتالىق كوميتەتىنىڭ اۆتونوميالى رايوندىق پارتكومداعى نەگىزگى باسشى جولداستىڭ مىندەتىن رەتتەۋ جونىندەگى ۇيعارىمىن بۇكىلدەي قۇپتايمىن، باتىل قولدايمىن. ما شيڭرۇي جولداس شينجياڭعا كەلىپ قىزمەت ىستەگەننەن بەرى، قاتاڭ دا كۇردەلى ەل ٴىشى ـ سىرتى جاعدايى الدىندا اۆتونوميالى رايوندىق پارتكوم باسشىلىق القاسىنداعىلاردى ىنتىماقتاستىرىپ، باستاپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، مەملەكەت جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى ٴبىر تۇتاس جوسپارلاپ، ٴتۇرلى ىستەردىڭ ٴبىر ۇلكەن بەلەسكە كوتەرىلۋىن ىلگەرىلەتتى. ٴبىز يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇيعارىمىمەن باتىل بىرلىككە كەلتىرىپ، چىن شياۋجياڭ جولداس القا باستىعى بولعان اۆتونوميالى رايوندىق پارتكومنىڭ ىنتىماقتاستىرۋىندا جانە باستاۋىندا، ٴۇرتىس كۇش سالىپ، قاجىماي ـ تالماي ەڭبەك ەتىپ، باس شۋجي شي جينپيڭنىڭ جانە پارتيا ورتالىق كوميتەتىنىڭ شينجياڭ قىزمەتى جونىندەگى ىقىلاستى تاپسىرماسىن ۇزدىكسىز تاماشا رەالدىققا اينالدىرامىز.
اۆتونوميالى رايوندىق پارتكومنىڭ تۇراقتى مۇشەلەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القالارىنىڭ مۇشەلەرى، شينجياڭ اسكەري رايونىنىڭ، قارۋلى ساقشى شينجياڭ باس اترەتىنىڭ نەگىزگى جاۋاپتى جولداستارى، اۆتونوميالى رايوندىق سوت مەكەمەسىنىڭ، پروكۋراتۋرانىڭ نەگىزگى جاۋاپتى جولداستارى، اۆتونوميالى رايون مەن بيڭتۋاننىڭ قازىرگى مىندەتىنەن بوساعان ولكە دارەجەلى باسشىلارى جانە ورىنباسار ولكە دارەجەلىدەن جوعارى ساقا جولداستار، اۆتونوميالى رايوندىق 10 ـ كەزەكتى پارتكومنىڭ مۇشەلەرى، كانديدات مۇشەلەرى، ايماق، وبلىس، قالالاردىڭ پارتيا، ۇكىمەت ورىندارىنداعى نەگىزگى جاۋاپتى جولداستار، اۆتونوميالى رايونداعى ٴارقايسى ورىندار مەن ورتالىقتىڭ شينجياڭدا تۇراتىن ورىندارىنداعى نەگىزگى جاۋاپتى جولداستار، ٴارقايسى دەموكراتيالىق پارتيا ـ توپتاردىڭ شينجياڭ رايوندىق كوميتەتتەرىنىڭ مەڭگەرۋشى مۇشەلەرى جانە اۆتونوميالى رايوندىق ساۋدا ـ ونەركاسىپشىلەر بىرلەستىگىندەگى نەگىزگى جاۋاپتىلار؛ بيڭتۋان پارتكومىنىڭ مۇشەلەرى، كانديدات مۇشەلەرى، ٴارقايسى شى، قالالاردىڭ پارتيا، ۇكىمەت ورىندارىنداعى نەگىزگى جاۋاپتى جولداستار، بيڭتۋاننىڭ ٴارقايسى ورىندارىنداعى، كاسىپورىندارىنداعى نەگىزگى جاۋاپتى جولداستار ماجىلىسكە قاتىناستى.
