شي جينپيڭ حات جولداپ، مەملەكەتتىك جاستار بىرلەستىگى 14 ـ كەزەكتى كوميتەتى جالپى ٴماجىلىسىنىڭ، مەملەكەتتىك وقۋشىلار بىرلەستىگى 28 ـ قۇرىلتايىنىڭ اشىلعاندىعىن قۇتتىقتاپ، مىنالاردى باسا دارىپتەدى
دۇرىس ساياسي بەتالىستان جازباي، رەفورما جاساۋدى، جاڭالىق اشۋدى تەرەڭدەتىپ، پارتيا تۋى استىندا جاڭا جورىقتا ەكپىندەي ىلگەرىلەپ، تىڭ ناتيجە جاراتۋ كەرەك
ساي چي اشىلۋ جينالىسىنا قاتىناستى
قۇتتىقتاۋ حاتى
جۇڭحۋا مەملەكەتتىك جاستار بىرلەستىگى 14 - كەزەكتى كوميتەتىنىڭ جالپى ءماجىلىسى مەن جۇڭحۋا مەملەكەتتىك وقۋشىلار بىرلەستىگى 28 - قۇرىلتايىنىڭ اشىلۋى بايلانىسىمەن، مەن پارتيا ورتالىق كوميتەتى اتىنان قۇتتىقتايمىن! بۇكىل ەلدەگى ءار ۇلت، ءار سالا جاستارى مەن جاس وقۋشىلارعا، شەتەلدەگى قالىڭ جۇڭحۋا جاستارىنا سالەم جولدايمىن!
5 جىلدان بەرى، پارتيانىڭ باسشىلىعىندا، كوممۋنيستىك جاستار وداعىنىڭ كومەگىندە، جەتەكشىلىگىندە، ءار دارەجەلى جاستار بىرلەستىگى مەن وقۋشىلار بىرلەستىگى ۇيىمدارى مىندەت وتەپ، جاۋاپكەرشىلىكتەرىن ادا ەتىپ، بەلسەنە ىسكەرلىك كورسەتىپ، قالىڭ جاستار مەن جاس وقۋشىلاردى پارتياعا ءجىتى ىلەسىپ ايانباي العا ىلگەرىلەۋگە، جاستىق داۋرەننىڭ كۇش - قۋاتىن ارناۋعا ۇيىمداستىرىپ، جۇمىلدىرىپ، جاڭا داۋىردەگى جۇڭگو جاستارىنىڭ اسقاق رۋحاني بەت - بەينەسىن ايگىلەدى.
جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە جاستار ءىرى ىستەر تىندىرا الادى. قالىڭ جاستار پارتيا مەن حالىقتىڭ ۇندەۋىنە سانالىلىقپەن قۇلاق اسىپ، مۇرات - سەنىمدى بەكەمدەپ، وتان سۇيىسپەنشىلىگىن تەرەڭ تامىر تارتتىرىپ، تاريحي بورىشتى جۇرەكتىلىكپەن ارقالاپ، كەۋدە كەرە جاۋاپكەرشىلىك ارقالايتىن جاستىق داۋرەن تاراۋىن قۇلشىنا جازۋى كەرەك.
ءار دارەجەلى پارتيا ۇيىمدارى جاستار قىزمەتىنە باسشىلىقتى كۇشەيتىپ، جاستار بىرلەستىگى مەن وقۋشىلار بىرلەستىگى قىزمەتىنە كوڭىل ءبولىپ، قولداۋ كورسەتىپ، قالىڭ جاستار مەن جاس وقۋشىلاردىڭ اقاۋسىز تولىسۋىنا، ەسە قوسىپ ەڭبەك سىڭىرۋىنە تاماشا شارت - جاعداي جاراتۋى كەرەك. جاستار بىرلەستىگى مەن وقۋشىلار بىرلەستىگى ۇيىمدارى دۇرىس ساياسي بەتالىستان جازباي، رەفورما جاساۋدى، جاڭالىق اشۋدى تەرەڭدەتىپ، قالىڭ جاستار مەن جاس وقۋشىلاردى پارتيا تۋى استىندا جاڭا جورىقتا ەكپىندەي ىلگەرىلەپ تىڭ ناتيجە جاراتۋعا اناعۇرلىم جاقسى ىنتىماقتاستىرۋى، جەتەكتەۋى كەرەك.
شي جينپيڭ
2025 - جىلى 7 - ايدىڭ 2 - كۇنى
(شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 7 ـ ايدىڭ 2 ـ كۇنى بەيجيڭنەن بەرگەن حابارى. جۇڭحۋا مەملەكەتتىك جاستار بىرلەستىگى 14 ـ كەزەكتى كوميتەتىنىڭ جالپى ٴماجىلىسى، جۇڭحۋا مەملەكەتتىك وقۋشىلار بىرلەستىگىنىڭ 28 ـ قۇرىلتايى 7 ـ ايدىڭ 2 ـ كۇنى تۇستەن بۇرىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قۇتتىقتاۋ حاتىن جولداپ، پارتيا ورتالىق كوميتەتى اتىنان قۇتتىقتايتىندىعىن ٴبىلدىردى، بۇكىل ەلدەگى ٴار ۇلت، ٴار سالا جاستارى مەن جاس وقۋشىلارعا، شەتەلدەگى قالىڭ جۇڭحۋا جاستارىنا سالەم جولدادى.
شي جينپيڭ قۇتتىقتاۋ حاتىندا بىلاي دەدى: 5 جىلدان بەرى، پارتيانىڭ باسشىلىعىندا، كوممۋنيستىك جاستار وداعىنىڭ كومەگىندە، جەتەكشىلىگىندە، ٴار دارەجەلى جاستار بىرلەستىگى مەن وقۋشىلار بىرلەستىگى ۇيىمدارى مىندەت وتەپ، جاۋاپكەرشىلىكتەرىن ادا ەتىپ، بەلسەنە ىسكەرلىك كورسەتىپ، قالىڭ جاستار مەن جاس وقۋشىلاردى پارتياعا ٴجىتى ىلەسىپ ايانباي العا ىلگەرىلەۋگە، جاستىق داۋرەننىڭ كۇش ـ قۋاتىن ارناۋعا ۇيىمداستىرىپ، جۇمىلدىرىپ، جاڭا داۋىردەگى جۇڭگو جاستارىنىڭ اسقاق رۋحاني بەت ـ بەينەسىن ايگىلەدى.
شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە جاستار ٴىرى ىستەر تىندىرا الادى. قالىڭ جاستار پارتيا مەن حالىقتىڭ ۇندەۋىنە سانالىلىقپەن قۇلاق اسىپ، مۇرات ـ سەنىمدى بەكەمدەپ، وتان سۇيىسپەنشىلىگىن تەرەڭ تامىر تارتتىرىپ، تاريحي بورىشتى جۇرەكتىلىكپەن ارقالاپ، كەۋدە كەرە جاۋاپكەرشىلىك ارقالايتىن جاستىق داۋرەن تاراۋىن قۇلشىنا جازۋى كەرەك.
شي جينپيڭ بىلاي دەپ باسا دارىپتەدى: ٴار دارەجەلى پارتيا ۇيىمدارى جاستار قىزمەتىنە باسشىلىقتى كۇشەيتىپ، جاستار بىرلەستىگى مەن وقۋشىلار بىرلەستىگى قىزمەتىنە كوڭىل ٴبولىپ، قولداۋ كورسەتىپ، قالىڭ جاستار مەن جاس وقۋشىلاردىڭ اقاۋسىز تولىسۋىنا، ەسە قوسىپ ەڭبەك سىڭىرۋىنە تاماشا شارت ـ جاعداي جاراتۋى كەرەك. جاستار بىرلەستىگى مەن وقۋشىلار بىرلەستىگى ۇيىمدارى دۇرىس ساياسي بەتالىستان جازباي، رەفورما جاساۋدى، جاڭالىق اشۋدى تەرەڭدەتىپ، قالىڭ جاستار مەن جاس وقۋشىلاردى پارتيا تۋى استىندا جاڭا جورىقتا ەكپىندەي ىلگەرىلەپ، تىڭ ناتيجە جاراتۋعا اناعۇرلىم جاقسى ىنتىماقتاستىرۋى، جەتەكتەۋى كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي اشىلۋ جينالىسىنا قاتىناستى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ٴبولىمىنىڭ باستىعى شى تايفىڭ جينالىستا شي جينپيڭنىڭ قۇتتىقتاۋ حاتىن وقىدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ٴبولىمىنىڭ باستىعى لي شۋلەي پارتيا ورتالىق كوميتەتى اتىنان ٴسوز سويلەدى. ول بىلاي دەدى: باس شۋجي شي جينپيڭنىڭ ماڭىزدى قۇتتىقتاۋ حاتى جۇڭگو جاستار قوزعالىسىنىڭ ونان ارى العا قاراي دامۋىن ىلگەرىلەتۋگە ماڭىزدى بويسۇنۋ ولشەمىن ازىرلەدى. باس شۋجي شي جينپيڭنىڭ ٴبىر قىدىرۋ ماڭىزدى نۇسقاۋىنىڭ رۋحىن تەرەڭ ۇعىنىپ، جاپپاي دايەكتىلەندىرىپ، جاڭا داۋىردە پارتيانىڭ جاستار قىزمەتىندە تىڭ دا اناعۇرلىم زور ناتيجەگە قول جەتكىزۋدى ىلگەرىلەتۋىمىز كەرەك. قالىڭ جاستاردىڭ باس شۋجي شي جينپيڭنىڭ ٴتالىمىن ەستە بەرىك ساقتاپ، مۇراتتى، باتىلدىقپەن جاۋاپكەرشىلىك ارقالايتىن، قاجىرلى، كۇرەس جۇرگىزۋگە پەيىل جاڭا ٴداۋىردىڭ جاقسى جاستارى بولۋعا بەل بايلاپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ٴوز مىندەتى ەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا كەۋدە كەرە جاۋاپكەرشىلىك ارقالايتىن جاستىق داۋرەن تاراۋىن قۇلشىنا جازۋىن ٴۇمىت ەتەمىن.
لي گانجيە، چىن ۋىنچيڭ، ليۋ جينگو، ۋاڭ شياۋحۇڭ، تيە نيڭ، باتىر جينالىسقا قاتىناستى.
قۇرىلتايدىڭ اشىلۋ جينالىسىندا كوممۋنيستىك جاستار وداعى ورتالىق كوميتەتى شۋجيچۋىنىڭ ٴبىرىنشى شۋجيى ا دۇڭ ٴسوز سويلەدى. جۇڭگو عىلىم ـ تەحنولوگيا قوعامى شۋجيچۋىنىڭ ٴبىرىنشى شۋجيى حى جۇنكى حالىقتىق ۇيىمدار اتىنان ٴسوز سويلەدى. كوممۋنيستىك جاستار وداعى ورتالىق كوميتەتى شۋجيچۋىنىڭ ۇنەمىلىك ىستەرگە جاۋاپتى شۋجيى، 13 ـ كەزەكتى مەملەكەتتىك جاستار بىرلەستىگىنىڭ ٴتوراعاسى شۇي شياۋ جانە 27 ـ كەزەكتى مەملەكەتتىك وقۋشىلار بىرلەستىگىنىڭ ٴتوراعاسى شۇي حۇي جەكە ـ جەكە مەملەكەتتىك جاستار بىرلەستىگى 13 ـ كەزەكتى كوميتەتى تۇراقتى كوميتەتى جانە مەملەكەتتىك وقۋشىلار بىرلەستىگى 27 ـ كەزەكتى كوميتەتى اتىنان قىزمەتتەن بايانداما جاسادى.
ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى جانە بەيجيڭ قالاسىنداعى جاۋاپتى جولداستار، مەملەكەتتىك جاستار بىرلەستىگى 14 ـ كەزەكتى كوميتەتىنىڭ مۇشەلەرى، مەملەكەتتىك وقۋشىلار بىرلەستىگى 28 ـ قۇرىلتايىنىڭ ۋاكىلدەرى، استاناداعى ٴار سالا جاستارى مەن جاس وقۋشىلار ۋاكىلدەرى قاتارلىلاردان بولىپ شامامەن 3000 ادام اشىلۋ جينالىسىنا قاتىناستى.
بۇل رەتكى قۇرىلتاي مەملەكەتتىك جاستار بىرلەستىگى مەن مەملەكەتتىك وقۋشىلار بىرلەستىگىنىڭ 5 جىلدان بەرگى قىزمەتتەرىن قورىتىندىلايدى، الداعى 5 جىلداعى قىزمەت مىندەتتەرىن اقىلداسىپ تۇراقتاندىرادى، «جۇڭحۋا مەملەكەتتىك جاستار بىرلەستىگىنىڭ ۋستاۆىنا» جانە «جۇڭحۋا مەملەكەتتىك وقۋشىلار بىرلەستىگىنىڭ ۋستاۆىنا» وزگەرىس ەنگىزەدى، جاڭا كەزەكتى مەملەكەتتىك جاستار بىرلەستىگى مەن مەملەكەتتىك وقۋشىلار بىرلەستىگىنىڭ باسشىلىق قۇرىلىمىن سايلايدى.
