ەركىن تۇنياز بوسنيا - گەرتسەگوۆينا پارلامەنتى ۋاكىلدەر پالاتاسىنىڭ ورىنباسار ٴتوراعاسى چاۋالامەن كەزدەستى
نۇرلان ٴابىلماجىن كەزدەسۋگە قاتىناستى
انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 2 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز 7 ـ ايدىڭ 2 ـ كۇنى تۇستەن كەيىن ۇرىمجىدە ەكسكۋرسيالاۋ ـ ساپارلاۋ ٴۇشىن شينجياڭعا كەلگەن بوسنيا - گەرتسەگوۆينا پارلامەنتى ۋاكىلدەر پالاتاسىنىڭ ورىنباسار ٴتوراعاسى چاۋالامەن جانە ونىڭ ساپارلاستارىمەن كەزدەستى.
اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن كەزدەسۋگە قاتىناستى.
ەركىن تۇنياز جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان چاۋالا جانە ونىڭ ساپارلاستارىن قارسى الاتىندىعىن ٴبىلدىردى. ول بىلاي دەدى: بيىل ٴدال جۇڭگو مەن بوسنيا - گەرتسەگوۆينانىڭ ديپلوماتيالىق قارىم ـ قاتىناس ورناتقاندىعىنىڭ 30 جىلدىعى، ٴبىز بوسنيا - گەرتسەگوۆينا جاقپەن بىرگە ەكى ەلدىڭ مەملەكەت باسشىلارىنىڭ ماڭىزدى ورتاق تانىمىن تياناقتاندىرىپ، جۇڭگو مەن بوسنيا - گەرتسەگوۆينا دوستىعىن جالعاستىرۋدى قالايمىز. سوڭعى جىلدارى شينجياڭ جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى ”بەس ۇلكەن ستراتەگيالىق ورنىن“ كوزدەي وتىرىپ، جوعارى دەڭگەيدەگى سىرتقا ەسىك اشۋدى كەڭەيتۋگە تاباندى بولىپ، دامۋدى حالىق تۇرمىسىن جاقسارتۋدا تياناقتاندىرىپ، ۇلتتار ىنتىماعىن، ٴدىن جاراسىمدىلىعىن بار كۇشپەن جەبەدى. سونىمەن بىرگە جۇڭگو ادامدىق ۇقىقتى دامىتۋ جولىمەن بۇلجىماي ٴجۇرىپ، ٴار ۇلت بۇقاراسىنىڭ زاڭدى ۇقىق ـ مۇددەسىن قورعادى. امەريكا قاتارلى باتىستاعى ٴىشىنارا ەلدەردىڭ بارىن سالىپ جۇڭگو شينجياڭىنا باعىتتاعان وسەڭ ـ اياڭداردى ويدان قۇراستىرۋىنا، تاراتۋىنا ٴبىز استە جول بەرمەيمىز. كوپشىلىكتىڭ ەكسكۋرسيا - ساپار كەزىندە كورگەن ـ بىلگەندەرىن ٴتىپتى دە كوپ ادامعا تانىستىرۋىن ٴۇمىت ەتەمىز.
چاۋالا ٴتوراعا شي جينپيڭ ورتاعا قويعان ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن جانە ”ٴبىر بەلدەۋ، ٴبىر جولدى“ بىرگە قۇرۋ باستاماسىن ايرىقشا القادى. ول مىنالاردى ٴبىلدىردى: جۇڭگو شينجياڭىندا ٴوز كوزىمىزبەن كورگەندەرىمىزدىڭ بارلىعى جۇڭگونىڭ ەكونوميكالىق، قوعامدىق جاقتارىنداعى دامۋ تابىستارىن ايگىلەدى، اسىرەسە، ۇلتتار ىنتىماعىن جەبەۋ جاعىندا ۇيرەنۋگە، ۇلگى الۋعا تاتيتىن كوپتەگەن جەرلەر بار ەكەن. جۇڭگو شينجياڭىمەن مادەنيەت ـ ساياحات، ەكونوميكا ـ ساۋدا، قارجى قوسۋ سياقتى جاقتاردا اناعۇرلىم تىعىز سەلبەستىك ورىستەتۋدى ٴۇمىت ەتەمىز.
ەلزات احمەتجان، اسەنجان احمەت، مەملەكەتتىك ساياسي كەڭەس كەڭسەسىندەگى قاتىستى جولداستار، اۆتونوميالى رايوننىڭ قاتىستى ورىندارىنداعى جاۋاپتى جولداستار كەزدەسۋگە قاتىناستى.
