باس شۋجي شي جينپيڭنىڭ مەملەكەتتىك جاستار بىرلەستىگى 14 ـ كەزەكتى كوميتەتىنىڭ جالپى ماجىلىسىنە جانە مەملەكەتتىك وقۋشىلار بىرلەستىگىنىڭ 28 ـ قۇرىلتايىنا جولداعان قۇتتىقتاۋ حاتى شينجياڭدا قىزۋ اڭىس قوزعادى _
كوكىرەك كەرە جاۋاپكەرشىلىك ارقالايتىن جاستىق تاراۋىن قۇلشىنا جازامىز
□ انار بۇلت \ شينجياڭ گازەتىنىڭ تىلشىلەرى
”جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە جاستار ٴىرى ىستەر تىندىرا الادى“. 7 ـ ايدىڭ 2 ـ كۇنى جۇڭحۋا مەملەكەتتىك جاستار بىرلەستىگى 14 ـ كەزەكتى كوميتەتىنىڭ جالپى ٴماجىلىسى مەن جۇڭحۋا مەملەكەتتىك وقۋشىلار بىرلەستىگىنىڭ 28 ـ قۇرىلتايى جەڭىسپەن اشىلدى، باس شۋجي شي جينپيڭ ماڭىزدى قۇتتىقتاۋ حاتىن جولداپ، جاڭا داۋىردەگى جۇڭگو جاستارىنىڭ مەملەكەتتى قۇدىرەتتەندىرۋدە مەن بارمىن دەيتىن جاۋاپكەرشىلىك ارقالاۋىن تولىق تۇراقتاندىرىپ، قالىڭ جاستاردىڭ جانە جاس وقۋشىلاردىڭ جاڭا جورىقتا سالامات ەسەيۋىنە، ەسە قوسىپ ەڭبەك سىڭىرۋىنە ۇلكەن ٴۇمىت ارتىپ، جاڭا جاعدايدا جاستار بىرلەستىگى مەن وقۋشىلار بىرلەستىگى قىزمەتىن ويداعىداي ىستەۋ جونىندە ايقىن تالاپ قويىپ، جۇڭگو جاستار قوزعالىسىنىڭ ونان ارى العا قاراي دامۋىن ىلگەرىلەتۋگە ماڭىزدى بويسۇنۋ ولشەمىن ازىرلەدى.
شىنايى تاپسىرما جۇرت جۇرەگىن جىگەرلەندىردى، شىنايى ٴۇمىت ادامدى ەكپىندەي ىلگەرىلەۋگە جەبەدى. شينجياڭداعى ٴار ۇلت كادر ـ بۇقاراسى، اسىرەسە، قالىڭ جاستار باس شۋجي شي جينپيڭنىڭ ماڭىزدى قۇتتىقتاۋ حاتىنىڭ رۋحىن مۇقيات ۇيرەنىپ، بارىنشا شابىتتانىپ، جىگەرلەنىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ٴىسى مىندەتىن ارقالاپ، پارتيا تۋى استىندا جاڭا جورىقتا ەكپىندەي ىلگەرىلەپ، جاڭا ناتيجە شىعارىپ، شينجياڭ سىندى ىرىستى توپىراقتا كوكىرەك كەرە جاۋاپكەرشىلىك ارقالايتىن جاستىق تاراۋىن قۇلشىنا جازۋعا بەل بۋدى.
”باس شۋجي شي جينپيڭنىڭ ماڭىزدى قۇتتىقتاۋ حاتىن جانە پارتيا ورتالىق كوميتەتىنىڭ ارناۋ ٴسوزىن ۇستىندە تىڭداپ، باس شۋجي مەن پارتيا ورتالىق كوميتەتىنىڭ جاس وقۋشىلارعا جانە وقۋشىلار بىرلەستىگى قىزمەتىنە قامقورلىعىن، مول مەيىرىمىن جانە شىنايى ٴۇمىتىن شىن مانىندە سەزىندىم“. اۆتونوميالى رايوندىق وداق كوميتەتى مەكتەپ قىزمەتى ٴبولىمىنىڭ باستىعى، اۆتونوميالى رايوندىق وقۋشىلار بىرلەستىگىنىڭ باس حاتشىسى سەيداحمەت يارمامەت مىنانى ٴبىلدىردى: قاجىماي ـ تالماي شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى شوعىرلاندىرىپ، رۋحتى سومداپ، قالىڭ جاس وقۋشىلاردى سانالى تۇردە پارتيانىڭ جاسامپاز نازارياسىنىڭ باتىل سەنۋشىلەرى، بەلسەندى تاراتۋشىلارى بولۋعا جەتەكتەيمىز.
ىلە قازاق اۆتونوميالى وبلىستىق جاستار بىرلەستىگىنىڭ باس حاتشىسى لين گاڭ مىنانى ٴبىلدىردى: باتىل تۇردە باس شۋجي شي جينپيڭنىڭ تالابى بويىنشا پارتيا جاستاردى باسقارۋ پرينسيبىن ونان ارى تياناقتاندىرىپ، جاستاردى يدەيالىق جاقتان جەتەكتەۋ، زاڭمەن باسقارۋ بويىنشا تاربيەلەۋ، باۋلۋ ـ جۇمىستاندىرۋ سياقتى قيمىلداردى ۇدايىلاندىرا ورىستەتەمىز. ”مەن جاستار ٴۇشىن ناقتى ٴىس ىستەيمىن“ امالياتتىق قيمىلىن ىشكەرىلەي ورىستەتىپ، شىن مانىندە جاستاردى ۋايىم ـ قايعىدان ارىلتامىز.
جۇڭگو مۇناي حيميا توبى تاحى مۇناي ايىرۋ حيميا شەكتى جاۋاپكەرشىلىك سەرىكتەستىگى الەۋمەتتىك ينجەنەريالىق جۇمىس ٴبولىمىنىڭ مانەرلەۋ شەبەرلىگى ىستەرىنە جاۋاپتى ورىنباسار مەڭگەرۋشىسى حان حۇيلياڭ بىلاي دەدى: ”مۇناي كاسىبىمەن شۇعىلداناتىن جاس رەتىندە، مەن ىقىلاستى تاپسىرمانى ەستە بەرىك ساقتاپ، ٴوندىرىستىڭ الدىڭعى شەبىندە تامىر تارتىپ، جاڭالىق اشىپ قامال الۋدى ورىستەتىپ، شينجياڭنىڭ ەنەرگيا كاسىپ سالاسىنىڭ جوعارى ساپالى دامۋىنا اقىل ـ پاراسات، كۇش ـ قۋات قوسامىن“.
(ٴتىلشى جاڭ يانفاڭ، قاتىناسقان تىلشىلەر يان شياۋتيان، لي ياڭ، جاۋ شييا، يۇي جياڭيان، جاڭ جىلي)
