كاسىپ سالاسى ارقىلى شينجياڭعا كومەكتەسۋ تيانشاندا ”باقىت جەمىسىن“ بەردى
انار بۇلت \ شينجياڭ گازەتىنىڭ ٴتىلشىسى شى شين
كاسىپ سالاسى — ەكونوميكالىق دامۋدىڭ وزەكتى قوزعالتقىشى. 9 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى اشىلعاننان بەرى، شينجياڭعا كومەكتەسەتىن 19 ولكە، قالا جانە ورتالىق ورىندارى جۇمىستاندىرۋدى باعدار ەتكەن كاسىپ سالاسى ارقىلى شينجياڭعا كومەكتەسۋدى ۇزدىكسىز ىشكەرىلەي ورىستەتىپ، وڭىرلىك سايكەستىكتى پارمەندى جەبەپ، دامۋ قوزعاۋشى كۇشىن جانداندىرىپ، جاڭالىق اشۋ قوزعالىس قۋاتىن توپتاپ، شينجياڭنىڭ جوعارى ساپالى دامۋ تاعانىن بەكەمدەدى.
6 ـ ايدىڭ 29 ـ كۇنى ”شينجياڭ ونىمدەرىن وڭتۇستىككە جەتكىزۋ، گۋاڭدۇڭ ونىمدەرىن سولتۇستىككە جەتكىزۋ“ بويىنشا گۋاڭدۇڭنىڭ شينجياڭعا باعىتتامالى كومەكتەسىپ جاتقان وڭىرلەرىنىڭ ايگىلى، تاڭداۋلى ونىمدەرى (جۇڭگو حالىقارالىق ورتا، شاعىن كاسىپورىندار كورمەسى) ارناۋلى تانىستىرۋ قيمىلى گۋاڭجوۋدا وتكىزىلدى. سول جەردە اۋىل شارۋاشىلىعى ونىمدەرىن ساتىپ الۋ، ساتۋ بويىنشا 5 ٴتۇيىندى نىسان جونىندە شوعىرلى كەلىسىم جاسالىپ، سوماسى 80 ميلليون يۋانعا جەتتى.
بۇل گۋاڭدۇڭ مەن شينجياڭنىڭ كاسىپ سالاسى ىستەستىگىنىڭ جاندى تۇسىنىكتەمەسى — شينجياڭ قاۋىن ـ قاربىز، جەمىس ـ جيدەكتەرىنىڭ ىركەس ـ تىركەس پىسۋىنا ىلەسە، ”وڭتۇستىككە بەت الۋ ساپارىنىڭ“ قادامى تولاستامادى: مولشەرمەن 7 ـ ايدىڭ ورتا شەنىندە تۇڭعىش توپتاعى ٴپايزاۋات قاۋىنى ۇزىلگەننەن كەيىن 24 ساعات ىشىندە جاشىكتەلىپ گۋاڭدۇڭنىڭ فوشانىنا جەتكىزىلىپ، جەرگىلىكتى قالا تۇرعىندارىنىڭ شينجياڭنان كەلگەن ”ٴتاتتى دامنەن“ اۋىز تيۋىنە بولادى ەكەن.
”قاشقار ايماعى — بۇكىل شينجياڭداعى ماڭىزدى اۋىل شارۋاشىلىعى ٴىرى ٴوڭىرى، گۋاڭدۇڭ كاسىپورىندارىمەن ٴوندىرۋ، ساتۋ سەلبەستىگى، جىنتىكتەي وڭدەۋ، اۋىل شارۋاشىلىعى ونىمدەرىن اينالىمعا سالۋ سياقتى سالالاردا سەلبەستىكتى تەرەڭدەتىپ، باسىمدىقتارمەن ٴوزارا تولىقتاۋدى، ٴوزارا پايدا جەتكىزىپ تەڭ يگىلىككە كەنەلۋدى جۇزەگە اسىرۋدى كۇتەدى“، ـ دەدى قاشقار ايماقتىق ساياسي كەڭەس قىزمەتى كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى ٴانۋار تۇرسۇن.
تيانشان الابىنداعى جاسىل القاپتاردا ٴتىپتى دە كوپ ”ٴبىر ـ بىرىنە ساي كەلگەن سەلبەستىكتەر“ جارىققا شىعۋدا.
3 ـ ايدىڭ 12 ـ كۇنى جىجياڭ ولكەسى نيڭبو قالاسىنىڭ شينجياڭعا كومەكتەسۋ قولباسشىلىق شتابى مەن بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابى بىرگە قۇرۋ كەلىسىمىن جاساسىپ، بايلىقتان بىرگە يگىلىكتەنۋ، باسىمدىقتارمەن ٴوزارا تولىقتاۋ ارقىلى كاسىپ سالاسىنىڭ دامۋى مەن ۇلتتار ىنتىماعىن ىلگەرىلەتۋگە دەم بەردى — ٴداستۇرلى جۇپ قۇراۋ قاتىناسىن بۇزعان وسى جاسامپاز اماليات شينجياڭعا كومەكتەسۋ قىزمەتىنىڭ پاراساتپەن جاعداي اشۋداعى ىزدەنىس رۋحىن ايگىلەدى.
قىزىلسۋ قىرعىز اۆتونوميالى وبلىسى جياڭسۋ كاسىپ سالاسى باقشاسىندا ”1 + 3“ كەڭىستىك ورنالاسىمى كاسىپ سالاسى ارقىلى شينجياڭعا كومەكتەسۋدىڭ جاڭا جەر بەلگىسىنە اينالۋدا — اتۇش قالاسى كۇنشان كاسىپ سالاسى باقشاسى، ۇلۇقشات اۋدانى چاڭجوۋ كاسىپ سالاسى باقشاسى، اقشي اۋدانى ۋشي كاسىپ سالاسى باقشاسى كاسىپ سالاسىنداعى 3 مەرۋەرتتەي بولىپ، قىزىلسۋ وبلىسىنىڭ كاسىپ سالاسى ٴدالىزىن تۇتاستىردى.
جۇپ قۇراۋدان اتتاپ ءوتىپ، تۇتاس ٴوڭىر بويىنشا ىستەستىك جاسادى. مۇنداي ۇلگىدە جاڭالىق اشۋ شينجياڭعا كومەكتەسەتىن ولكە، قالالاردىڭ قارجىسىنىڭ، تەحنولوگياسىنىڭ، دارىندىلارىنىڭ شينجياڭنىڭ وڭىرلىك ورىن، بايلىق، ساياساتتىق ابىزالدىلىلىعىمەن تەڭ قادامدا بولۋىنا مۇمكىندىك جاساپ، ”باسىمدىقتارمەن ٴوزارا تولىقتاۋ، ٴوزارا پايدا جەتكىزىپ تەڭ يگىلىككە كەنەلۋ“ جاڭا جاعدايىن اشتى.
نازاردى ەكونوميكانىڭ جوعارى ساپالى دامۋىنا شوعىرلاندىرىپ، 2024 ـ جىلى شينجياڭعا كومەكتەسەتىن 19 ولكە، قالا شينجياڭعا كومەكتەسۋ بويىنشا 6 ميلليارد يۋاننان استام قارجى قوسىپ، شينجياڭنىڭ ەرەكشەلىككە، باسىمدىققا يە كاسىپ سالالارىن، ەڭبەك شوعىرلانعان كاسىپ سالالارىن جەتىلدىرۋىنە، دامىتۋىنا قولداۋ كورسەتىپ، ”قان جاساۋ“ قۋاتىن كۇشەيتتى. اۋىل شارۋاشىلىعى كاسىپ سالاسىندا جيىنى 30دان استام جەتەكشى كاسىپورىندى بىرگە جەتىلدىرىپ، زورايتىپ، 700دەن استام وسى زامانعى اۋىل شارۋاشىلىعى نەگىزدىك قۇرىلعىسىن سالۋعا قولداۋ كورسەتتى؛ 70تەن استام باقشا رايونى نەگىزدىك قۇرىلعىلارى قۇرىلىسىنا قولداۋ كورسەتىپ، شينجياڭعا كومەكتەسەتىن ولكە، قالالاردىڭ 60تان استام باقشا رايونى مەن كومەك العان جەردىڭ 40تان استام باقشا رايونىنىڭ جۇپ قۇراپ بىرگە قۇرۋىن جەبەدى.
شينجياڭ بەلسەنە تۇعىر قۇرىپ، شينجياڭعا كومەكتەسەتىن ولكە، قالالاردىڭ كاسىپورىندارىن شينجياڭعا قارجى قوسىپ كاسىپتى كوركەيتۋگە جەتەكتەدى، 2024 ـ جىلى ىلگەرىندى ـ كەيىندى قارامايلى قالاسىندا، كورلا قالاسىندا، قۇلجا قالاسىندا، حوتان قالاسىندا كاسىپ سالاسى ارقىلى شينجياڭعا كومەكتەسۋ بويىنشا 4 رەت شوعىرلى تانىستىرۋ قيمىلى وتكىزىلدى، كەلىسىم قارجىسى 350 ميلليارد يۋاننان اسىپ، نىسانداردىڭ تياناقتانۋىنا بەرىك نەگىز قالاندى.
ورتالىق كاسىپورىندارى دا تەرەڭدەي ات سالىستى. 2024 ـ جىلى 40تان استام ورتالىق كاسىپورنى شينجياڭدا 336 نىسان اتقاردى، ناقتى قوسىلعان قارجى 280 ميلليارد يۋاننان استى. بيىل مەملەكەت دامۋىنىڭ جالپى جاعدايىنا اناعۇرلىم زور ۇلەس قوسۋدى كوزدەپ، مۇناي ـ گاز، كومىر، كەن، جاڭا ەنەرگيا جانە كەلەلى نەگىزدىك قۇرىلىس سياقتى سالالاردى ارقاۋ ەتكەن ورتالىق كاسىپورىندارى شينجياڭدا ٴتۇيىندى نىساندارعا 380 ميلليارد يۋاننان استام قارجى قوسىپ، شينجياڭمەن قول ۇستاسىپ، كاسىپ سالاسى ارقىلى شينجياڭدى كوركەيتۋدى ىلگەرىلەتۋدە تاعى دا سۇبەلى جەتىستىككە جەتۋدى جوسپارلادى.
