اۆتونوميالى رايوندىق ۇكىمەت ۇنەمىلىك ىستەر ٴماجىلىسىن اشتى
سوڭعى جارتى جىلداعى قىزمەتتەردى تىڭعىلىقتى ىلگەرىلەتۋ سياقتىلاردى اقىلداستى
انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 3 ـ كۇنى ۇرىمجىدەن حابارلايدى. 7 ـ ايدىڭ 3 ـ كۇنى تۇستەن بۇرىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشتى، ٴماجىلىس باس شۋجي شي جينپيڭنىڭ جۋىقتاعى ماڭىزدى ٴسوزىنىڭ رۋحىن جەتكىزدى، ۇيرەندى، مەملەكەتتىك كەڭەس ۇنەمىلىك ىستەر ٴماجىلىسىنىڭ رۋحىن دايەكتىلەندىردى، تياناقتاندىردى، اۆتونوميالى رايوندىق پارتكومنىڭ ورنالاستىرۋىنا ساي، سوڭعى جارتى جىلداعى قىزمەتتەردى تىڭعىلىقتى ىلگەرىلەتۋ، جوعارى ساپالى جۇمىستاندىرۋدى جەبەۋ سياقتىلاردى اقىلداستى، «شينجياڭ ۇيعۇر اۆتونوميالى رايونىنىڭ ەمدەۋ قۇرىلىمىن باسقارۋ ٴادىسى سياقتى ۇكىمەت ەرەجەسىن كۇشىنەن قالدىرۋ جونىندەگى 9 قاۋلىنى (جوبا)» قارادى.
ٴماجىلىس مىنالاردى اتاپ كورسەتتى: ساياسي دەڭگەيدى ونان ارى جوعارىلاتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جەتە ۇيرەنىپ، جەتە ٴتۇسىنىپ، شىنايى تياناقتاندىرىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز ـ قالپىندا دايەكتىلەندىرىپ، تياناقتاندىرىپ، ۇكىمەتتىڭ ٴتۇرلى قىزمەتتەرىندە دۇرىس ساياسي بەتالىستى ساقتاۋعا شىنايى كەپىلدىك ەتۋ كەرەك. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ باسشىلىعىندا، ٴاردايىم قام جەپ تۇراتىن جاۋاپكەرشىلىك سەزىممەن ٴتۇرلى ٴتۇيىندى مىندەتتى ويداعىداي يگەرىپ، ەكونوميكانىڭ، قوعامنىڭ تاماشا دامۋ جاعدايىن ۇزدىكسىز ساقتاۋ كەرەك. ”بەس ۇلكەن ستراتەگيالىق ورىندى“ مىقتاپ ارقاۋ ەتىپ، تۇتاس جىلدىق نىسانانى قاداعالاپ، سوڭعى جارتى جىلداعى ەكونوميكالىق، قوعامدىق قىزمەتتەردى تىڭعىلىقتى ويداعىداي ىستەۋ كەرەك. ەكونوميكالىق اينالىمعا تالداۋ جاساۋدى ورنالاستىرۋدى كۇشەيتىپ، ونەركاسىپ نەگىزگى جاعدايىن كۇش سالا ورنىقتىرۋ كەرەك. ”التى كەلەلى ٴتىزىم“ مەن كەلەلى نىسان قۇرىلىسى ”ون ٴىرى مەحانيزمىنەن“ ويداعىداي پايدالانىپ، ”15 ـ بەسجىلدىق“ جوبانى جاساۋمەن ۇشتاستىرىپ، اناعۇرلىم جەتەكشىلىك كۇشكە يە ٴبىر توپ كەلەلى نىساندى عىلمي جوسپارلاۋ كەرەك؛ اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ سالىنۋ ۇستىندەگى نىساندارىنىڭ اياق الىسىن جەدەلدەتىپ، جەتەكتەۋ سيپاتى ٴبىرشاما كۇشتى ٴتۇيىندى كاسىپ سالاسى نىساندارىن جاڭادان ورنالاستىرۋ كەرەك؛ مەملەكەت پەن اۆتونوميالى رايوننىڭ قازىرگى بار ساياساتىنان ويداعىداي پايدالانىپ، تولىق پايدالانىپ، تۇتىنۋدى جەبەيتىن اناعۇرلىم كوپ شارا شىعارۋ كەرەك؛ جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، وڭدەۋ ساۋداسى ورنالاسىمىن جاساۋ، سىرتقى ساۋدا قۇرىلىمىن ساپالىلاندىرۋ، حالىقارالىق بازاردى كەڭەيتۋ سياقتى جاقتاردا كۇش سالۋ كەرەك؛ اۆتونوميالى رايوننىڭ ”حالىق تۇرمىسىنا قاتىستى ون ناقتى ٴىسىن“ زور كۇشپەن ويداعىداي اتقارىپ، تيانشاننىڭ سولتۇستىك بوكتەرىندەگى قالالار شوعىرى اتموسفەراسىنىڭ لاستانۋىن وڭاۋ، تاكلاماكان ٴشول جيەگى توسقاۋىل شايقاسى، كومىر الابىنداعى ٴورت القاپتارىن جونگە سالۋ سياقتى قىزمەتتەردى ويداعىداي يگەرۋ كەرەك. تەكسەرۋ ـ زەرتتەۋدى بارىنشا ورىستەتىپ، جازۋ ستيلىن، جيىن ستيلىن ۇزدىكسىز جاقسارتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتىپ، ناقتى ىستەۋگە ٴمان بەرەتىن، باتىلدىقپەن جاۋاپكەرشىلىك ارقالايتىن، ىسكەرلىك كورسەتۋگە شەبەر تاماشا رايدى زور كۇشپەن قالىپتاستىرۋ كەرەك.
ٴماجىلىس مىنالاردى باسا دارىپتەدى: جۇمىستاندىرۋدى الدىمەن ويلاستىرۋ ستراتەگياسىن ىشكەرىلەي اتقارىپ، جۇمىستاندىرۋدىڭ ساپا جاعىندا ٴونىمدى جوعارىلاۋىن جانە سان جاعىندا ۇيلەسىمدى ارتۋىن ىلگەرىلەتىپ، تۇتاس رايوننىڭ جوعارى ساپالى تولىق جۇمىستانۋدى جۇزەگە اسىرۋىن جەبەۋ كەرەك. اۆتونوميالى رايوننىڭ ”ون ٴىرى كاسىپ سالاسى شوعىرى“ سياقتى كەلەلى ورنالاستىرۋلارىن تىعىز ارقاۋ ەتىپ، توقىماشىلىق، كيىم ـ كەشەك، ەلەكتروندى ونىمدەردى قۇراستىرۋ، اۋىل شارۋاشىلىعى ونىمدەرىن جىنتىكتەي وڭدەۋ سياقتى ەڭبەك شوعىرلانعان كاسىپ سالالارىن جانە سۋتەگى ەنەرگياسى كاسىپ سالاسى، جاساندى زەردە، سيفرلى ەكونوميكا سياقتى جاڭادان گۇلدەنگەن كاسىپ سالالارىن بار كۇشپەن دامىتىپ، جۇمىستاندىرۋدى ارتتىرۋدى كەڭەيتۋ كەرەك. شارۋاشىلىق تۇلعالارىنىڭ جۇمىس ورنىن ورنىقتىرۋىنا، جۇمىس ورنىن كەڭەيتۋىنە قولداۋ كورسەتىپ، وڭتۇستىك شينجياڭداعى جۇمىستاندىرۋدى جەبەۋ ينجەنەرياسىن اتقارىپ، وڭتۇستىك شينجياڭدا تەحنولوگيالىق دارىندىلاردى باۋلۋدى كۇشەيتۋ كەرەك. عۇمىرلىق كاسىپتىك شەبەرلىككە باۋلۋ ٴتۇزىمىن اقاۋسىزداندىرىپ، جوعارى مەكتەپتەردەن وقۋ تاۋىسقان وقۋشىلار، اۋىل ـ قىستاقتاعى ەڭبەككۇشتەر، اسكەردەن بوساعان اسكەريلەر سياقتى ٴتۇيىندى قاۋىمنىڭ جۇمىستانۋىنا قولداۋ كورسەتۋ جۇيەسىن كەمەلدەندىرىپ، جۇمىستانۋدى قامتاماسىز ەتۋ قابىلەتىن ارتتىرۋ كەرەك.
ٴماجىلىس «<شينجياڭ ۇيعۇر اۆتونوميالى رايونىنىڭ ەمدەۋ قۇرىلىمىن باسقارۋ ٴادىسى> سياقتى ۇكىمەت ەرەجەسىن كۇشىنەن قالدىرۋ جونىندەگى 9 قاۋلىنى (جوبا)» قارادى ٴارى پرينسيپتىك جاقتان ماقۇلدادى. ٴماجىلىس مىنالاردى اتاپ كورسەتتى: جەر ـ جەر، قاتىستى تاراۋلار كاسىپورىنعا قاتىستى ساياساتتاردى، شارالاردى ۇدايىلاندىرا تەكسەرۋ، اداقتاۋ قىزمەتىن ۇزدىكسىز ويداعىداي ىستەپ، كاسىپورىندارعا تەڭسىز مامىلە جاساۋ كومەسكى قامالدارىن باتىل تالقانداپ، ٴتۇرلى شارۋاشىلىق تۇلعالارىنىڭ زاڭدى ۇقىق ـ مۇددەسىن زاڭ بويىنشا تەڭ تۇرعىدا قورعاۋ كەرەك. ساياساتتى ۇگىتتەۋدى كۇشەيتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن قالىپتاستىرۋى كەرەك.
ٴماجىلىس باسقا دا ىستەردى اقىلداستى.
