شينحۋا اگەنتتىگىنىڭ 7 ـ ايدىڭ 4 ـ كۇنى بەيجيڭنەن بەرگەن حابارى. جاقىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ورتالىق كوميتەت ۇيىمداستىرۋ بولىمىندەگى جاۋاپتى جولداستارعا مەملەكەتتىك تەاترحانانىڭ 1 ـ دارەجەلى ارتيسى يوۋ بىنچاڭعا دەگەن شابىتتاندىرۋى مەن سالەمىن جەتكىزۋدى تاپسىردى.
شي جينپيڭ مىنالاردى ٴبىلدىردى: ٴسىزدىڭ 92 جاسىڭىزدا جۇڭگو كوممۋنيستىك پارتياسىنا مۇشە بولعاندىعىڭىزدى ٴبىلىپ قۋاندىم. سىزدە پارتياعا تالپىناتىن قىزۋ ىنتا بار ەكەن، بۇل ادامدى تەبىرەنتەدى. ٴسىزدىڭ پارتيا مۇشەلەرىنىڭ اۆانگاردتىق، ۇلگىلىك رولىن ساۋلەلەندىرىپ، اناعۇرلىم كوپ ادەبيەت ـ كوركەمونەر قىزمەتكەرلەرىن جەتەكتەپ سوتسياليستىك مادەنيەتتىڭ زور دامۋىن، زور گۇلدەنۋىن ىلگەرىلەتۋ، مادەنيەتتە قۋاتتى ەل قۇرۋ ٴۇشىن ۇلەس قوسۋىڭىزدى ٴۇمىت ەتەمىن. سونىمەن بىرگە دەنساۋلىعىڭىزدىڭ مىقتى، تۇرمىسىڭىزدىڭ باقىتتى بولۋىن تىلەيمىن!
يوۋ بىنچاڭ 1933 ـ جىلى تۋعان، ۇزاق ۋاقىت تەاترمەن اينالىسقان، «جيگۇڭ» سياقتى تۋىندىلاردا حالىق بۇقاراسى ەرەكشە ۇناتاتىن كوپتەگەن كوركەمونەر وبرازىن تۇلعالاعان، 2024 ـ جىلى 32 ـ كەزەكتى جۇڭگو تەلەۆيزيا التىن بۇركىت سيلىعى بويىنشا جۇڭگو ادەبيەت ـ كوركەمونەرشىلەر بىرلەستىگى ومىرلىك تابىس سيلىعىنا يە بولعان. يوۋ بىنچاڭنىڭ ادەبيەت ـ كوركەمونەر ىسىمەن اينالىسقانىنا 70 نەشە جىل بولىپ، ەرتەدەن ـ اق پارتياعا كىرۋدى ارمانداعان، الايدا ٴوزىن پارتيا مۇشەسى بولۋ شارتىنا ٴالى جەتپەدىم دەپ سەزىنىپ كەلگەن. ول 2024 ـ جىلدىڭ باسىندا پارتيا ۇيىمىنا پارتياعا كىرۋ ٴوتىنىشىن سالتاناتتى تاپسىردى، 2025 ـ جىلى 5 ـ ايدا جۇڭگو كوممۋنيستىك پارتياسىنىڭ كانديدات مۇشەسى بولىپ بەكىتىلدى. ”1 ـ شىلدە“ قارساڭىندا ول مەملەكەتتىك تەاترحانا پارتكومى وتكىزگەن پارتياعا كىرۋ سەرتىن بەرۋ سالتىنا قاتىناستى.
