وقۋ ـ اعارتۋ بويىنشا شينجياڭعا كومەك كورسەتىلدى، سوڭعىلار الدىڭعىلاردىڭ ٴىزىن باسىپ، وقۋشىلاردى تاربيەلەدى
انار بۇلت \ شينجياڭ گازەتىنىڭ ٴتىلشىسى جاۋ شييا
”14 ـ بەسجىلدىقتان“ بەرى، اسىرەسە، 9 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى اشىلعاننان بەرى، پارتيا ورتالىق كوميتەتىنىڭ شىنايى قامقورلىعىندا، وقۋ ـ اعارتۋ مينيسترلىگى سياقتى مەملەكەتتىڭ مينيسترلىك ـ كوميتەتتەرىنىڭ كوڭىل بولۋىندە، جەتەكشىلىگىندە، شينجياڭعا كومەكتەسەتىن 19 ولكە، قالا مەن باعىتتامالى كومەكتەسەتىن جوعارى مەكتەپتەر شينجياڭ قىزمەتى باس نىساناسىن تىعىز ارقاۋ ەتىپ، نازاردى وقۋ ـ اعارتۋ سالاسىنداعى ٴار ۇلت بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىنە شوعىرلاندىرىپ، دالمە ـ ٴدال كۇش سالىپ، قامال الىپ، قيىندىقتاردى جەڭىپ، رايونىمىز وقۋ ـ اعارتۋ ىستەرىنىڭ جوعارى ساپالى دامۋىنا سەرپىندى قوزعالىس قۋات قوسىپ، وقۋ ـ اعارتۋدا قۋاتتى رايون قۇرىلىسىنىڭ ورنىقتى قاداممەن العا ىلگەرىلەۋىنە پارمەندى تىرەك بولدى.
جوعارى دەڭگەيدە ىلگەرىلەتتى
شينجياڭعا كومەكتەسۋ مەحانيزمىنىڭ باسىمدىعىن تولىق ساۋلەلەندىردى
بيىل كۇزگى وقۋ ماۋسىمىندا قاشقار جاراتىلىستىق عىلىمدار كاسىپتىك تەحنولوگيالىق شۋەيۋانى 7 ماماندىقتى تىڭنان قوسىپ، 3300 وقۋشى قابىلداۋدى جوسپارلادى. شاڭحاي قالاسى جان ـ جاقتىلى باعىتتامالى كومەكتەسۋ ـ سۇيەمەلدەۋ ارقىلى كومەكتەسىپ قۇرعان وسى جوعارى كاسىپتىك مەكتەپ قۇرىلعانىنا ٴبىر جىل بولماي تاپسىرىستىق ۇلگىدە تاربيەلەۋ، ماركالى ات بەرىلگەن كلاس، وسى زامانعى شاكىرت ٴتۇزىمى، وسى زامانعى كاسىپ سالاسى شۋەيۋانى سياقتى كوپ ٴتۇرلى سەلبەسىپ وقىتۋ جۇرگىزۋ ۇلگىلەرىن جۇزەگە اسىردى.
مەكتەپ ورنىن تاڭداپ جوسپارلاۋدان، شينجياڭعا كومەكتەسۋ قارجىسىمەن قۇرۋدان وقىتۋشىلار قوسىنىنا كومەكتەسۋ ـ سۇيەمەلدەۋگە، ماماندىق قۇرىلىسىنا دەيىن، شاڭحاي قالاسى كۇشىن سارقا جۇمساپ، تۇتاس بارىستا ات سالىسىپ، 600 ميلليون يۋان شينجياڭعا كومەكتەسۋ قارجىسىن ورنالاستىرىپ، قاشقار جاراتىلىستىق عىلىمدار كاسىپتىك تەحنولوگيالىق شۋەيۋانىنىڭ 1 ـ مەرزىمدىك قۇرىلىسىنا قولداۋ كورسەتتى، 2 ـ مەرزىمدەگى ساپاسىن جوعارىلاتىپ، كولەمىن كەڭەيتۋ نىسانىنا تاعى دا 150 ميلليون يۋان قوسپاقشى.
سوڭعى 2 جىلدا بەيجيڭ قالاسى 870 ميلليون يۋان شينجياڭعا كومەكتەسۋ قارجىسىن ورنالاستىرىپ، شينجياڭ حوتان شۋەيۋانى جاڭا مەكتەپ اۋماعىنىڭ 2 ـ مەرزىمدىك قۇرىلىسىنا قولداۋ كورسەتتى. شاندۇڭ ولكەسى 70 ميلليون يۋان ارناۋلى قارجى ورنالاستىرىپ، قاشقار كاسىپتىك تەحنولوگيالىق شۋەيۋانىنىڭ ساپاسىن جوعارىلاتىپ كولەمىن كەڭەيتۋىنە قولداۋ كورسەتتى، الداعى 2 جىلدا شاندۇڭ تاعى شينجياڭعا كومەكتەسۋ بويىنشا ٴبىر تۇتاس ورنالاستىرىلاتىن قارجى مەن دايىندىق قاراجاتىنىڭ %30تەن استامىن شۋەيۋاننىڭ مەديتسينا ٴبولىمىنىڭ امبەباپ ناقتىلى جاتتىعۋ عيماراتى سياقتى نىسان قۇرىلىسىن قولداۋعا جۇمساۋدى جوسپارلاپ وتىر.
وقۋ ـ اعارتۋ بويىنشا شينجياڭعا كومەكتەسۋ قىزمەتىن ماڭىزدى ورىنعا قويىپ، بار مۇمكىندىكتەن پايدالانىپ، بار كۇشتى سارقا جۇمسادى. وسى شىنايى وزگەرىستەردىڭ ٴبارى ورتالىقتىڭ جانە مەملەكەتتىڭ مينيسترلىك ـ كوميتەتتەرىنىڭ جوعارى دەڭگەيدە جوسپارلاۋىنىڭ، ٴبىر تۇتاس جوسپارلاپ جەتەكشىلىك ەتۋىنىڭ ارقاسىندا ورىندالدى. ”14 ـ بەسجىلدىقتان“ بەرى، شينجياڭعا كومەكتەسەتىن ٴارقايسى ولكە، قالالار جيىنى 2000نان استام وقۋ ـ اعارتۋ بويىنشا شينجياڭعا كومەكتەسۋ نىسانىن اتقارىپ، 13 ميلليارد 300 ميلليون يۋان شينجياڭعا كومەكتەسۋ قارجىسىن قوستى. ارالىقتا وقۋ ـ اعارتۋ مينيسترلىگى مەن اۆتونوميالى رايون، شينجياڭ ٴوندىرىس ـ قۇرىلىس بيڭتۋانى ٴجيى كەڭەستى، شينجياڭعا كومەكتەسەتىن ولكە، قالالاردىڭ پارتيا، ۇكىمەت ۋاكىلدەر ۇيىرمەلەرىنىڭ جانە باعىتتامالى كومەكتەسەتىن جوعارى مەكتەپتەردىڭ جاۋاپتىلارى تالاي رەت شينجياڭعا كەلىپ تەكسەرۋ ـ زەرتتەۋ جۇرگىزىپ، جەتەكشىلىك جاسادى. 2023 ـ جىلى 8 ـ ايدا وقۋ ـ اعارتۋ بويىنشا شينجياڭعا باعىتتامالى كومەكتەسۋ قىزمەتى ٴماجىلىسى ۇرىمجىدە اشىلىپ، وقۋ ـ اعارتۋ مينيسترلىگى مەن اۆتونوميالى رايوندىق حالىق ۇكىمەتى ستراتەگيالىق سەلبەستىك كەلىسىمىن جاساستى. 2024 ـ جىلى وقۋ ـ اعارتۋ مينيسترلىگى مەن اۆتونوميالى رايون، بيڭتۋان قاشقاردا ستراتەگيالىق كەڭەس ٴماجىلىسىن وتكىزىپ، وقۋ ـ اعارتۋ بويىنشا شينجياڭعا كومەكتەسۋ قىزمەتى جانە وڭتۇستىك شينجياڭ جوعارى وقۋ ـ اعارتۋىنىڭ دامۋىن قولداۋ جونىندە ورنالاستىرۋ جاسادى.
اۆتونوميالى رايون تۇلعالىق جاۋاپكەرشىلىكتى مۇقيات اتقارىپ، شينجياڭعا كومەكتەسەتىن 19 ولكە، قالانىڭ وقۋ ـ اعارتۋ تاراۋلارىمەن وقۋ ـ اعارتۋ بويىنشا شينجياڭعا كومەكتەسۋدى ۇزدىكسىز ىشكەرىلەي ىلگەرىلەتۋ ستراتەگيالىق سەلبەستىك جۇلگەلىك كەلىسىمىنە قول قويىستى. وقۋ ـ اعارتۋ بويىنشا شينجياڭعا كومەكتەسۋ قىزمەتى اڭگىمە ٴماجىلىسىن، اۋىس ـ كۇيىس ٴماجىلىسىن ۇيىمداستىرىپ اشىپ، بايلانىستىرۋدى، ٴتۇيىلىستىرۋدى ىرىقتىلىقپەن كۇشەيتىپ، قارجى، نىسان، دارىندى سياقتى شينجياڭعا كومەكتەسۋ بايلىعىنان ٴبىر تۇتاس جوسپارلاپ ويداعىداي پايدالانىپ، شينجياڭ وقۋ ـ اعارتۋىنىڭ جوعارى ساپالى دامۋىن كۇش سالا ىلگەرىلەتتى.
قۇلجا اۋدانى نانتۇڭ جوعارى دارەجەلى ورتا مەكتەبى — جياڭسۋدىڭ ىلەگە كومەكتەسۋىندەگى ٴتۇيىندى ينجەنەريا، جالپى 212 ميلليون يۋان قارجى قوسىلعان، 1 ـ مەرزىمدىك ينجەنەرياعا 136 ميلليون يۋان شينجياڭعا كومەكتەسۋ قارجىسى قوسىلىپ، زەردەلىلەندىرىلگەن ساباقحانا، جوعارى ولشەمدى تاجىريبەحانا، كوپ فۋنكتسيالى دەنە تاربيە سارايى سياقتى زاماناۋي قۇرىلعىلار سايكەستىرىلىپ، سول جەردەگى شارت ـ جاعدايى ەڭ جاقسى ورتا مەكتەپتەردىڭ بىرىنە اينالدى. ساناق بويىنشا، شينجياڭعا كومەكتەسەتىن ولكە، قالالار مەن باعىتتامالى كومەكتەسەتىن جوعارى مەكتەپتەردىڭ كومەكتەسۋ ـ سۇيەمەلدەۋىندە، 2024 ـ جىلى رايونىمىز 1843 ۇكىمەتتىك بالاباقشانىڭ وقىتۋ جۇرگىزۋ شارت ـ جاعدايىن جاقسارتىپ، ” 14 ـ بەسجىلدىقتاعى“ مەكتەپكە دەيىنگى وقۋ ـ اعارتۋدى دامىتۋ ارەكەت جوسپارىنىڭ شەشۋشى كورسەتكىشتەرىن 2 جىل بۇرىن ورىنداپ، ولشەمدەندىرىلگەن ٴبىر توپ تولىق ورتا مەكتەپتى جاڭالاپ، وزگەرتىپ، كەڭەيتىپ سالىپ، كاسىپتىك مەكتەپتەردىڭ وقىتۋ جۇرگىزۋ شارت ـ جاعدايىن ۇزدىكسىز جاقسارتقان، ٴتۇيىندى باقىلاۋ ـ ولشەۋ كورسەتكىشتەرى تۇگەل ولشەمگە جەتكەن مەكتەپتەر %94.69تى ۇستاپ، ٴار ۇلت بۇقاراسىنىڭ وقۋ ـ اعارتۋ جاعىنداعى تابىس سەزىمى كورنەكتى كۇشەيگەن.
تىلەكتەر جالعاستى
ارالاسۋدى، ىشتەسۋدى، توعىسۋدى جەبەدى
بىلتىر ”وتانعا سۇيىسپەنشىلىك·جۇڭحۋا ساپارى“ شينجياڭ جاستار مەن ورەندەرىنىڭ جازعى دەمالىس كەزىندەگى زەرتتەۋ ـ ۇيرەنۋ قيمىلىنا قاتىناسقاننان كەيىن، پوسكام اۋداندىق 3 ـ ورتا مەكتەپتىڭ وقۋشىسى ناديرا ابىلەز بىلاي دەدى: ”مەن مەملەكەتتىڭ كۇن سايىن جاڭارىپ، اي سايىن تۇلەجىگەن العا باسۋى مەن دامۋىن شىن مانىندە سەزىندىم، مەن جۇڭحۋانى قۇدىرەتتەندىرەمىن، ٴبىز ىستەمەسەك كىم ىستەيدى“! تاشقورعان تاجىك اۆتونوميالى اۋداندىق شىنتا ورتا مەكتەبىنىڭ وقۋشىسى ابيبي ٴراجاپشۇ بىلاي دەدى: ”بۇل مەنىڭ العاش رەت اۋىلدان شىعۋىم، وتانىمىزدىڭ كوركەم تاۋ ـ وزەندەرىن تاماشالاۋ ورايىنا يە بولۋ مەن ٴۇشىن ۇلكەن مەرەي“!
”14 ـ بەسجىلدىقتان“ بەرى شينجياڭ ورتالىقتىڭ قارجىسىنا جانە شينجياڭعا كومەكتەسۋ نىسانىنا سۇيەنىپ، جيىنى 33 مىڭ وقۋشىنى شينجياڭعا كومەكتەسەتىن ولكە، قالالارعا جانە باسقا ولكەلەرگە بارىپ ٴار ٴتۇرلى زەرتتەۋ ـ ۇيرەنۋ اۋىس ـ كۇيىس قيمىلدارىن ورىستەتۋگە ۇيىمداستىردى، اسىرەسە، 2024 ـ جىلى 9000 وقۋشىنى بەيجيڭگە جانە قاتىستى ولكەلەرگە بارىپ ”وتانعا سۇيىسپەنشىلىك · جۇڭحۋا ساپارى“ شينجياڭ جاستار مەن ورەندەرىنىڭ جازعى دەمالىس كەزىندەگى زەرتتەۋ ـ ۇيرەنۋ قيمىلىن ورىستەتۋگە ۇيىمداستىردى. جاستار مەن ورەندەر اۋىس ـ كۇيىس جوسپارى اتقارىلعاننان بەرى، شينجياڭداعى 4726 جوعارى، ورتا، باستاۋىش مەكتەپ، 4 ميلليون 546 مىڭ 400 وقۋشى باسقا ولكەلەردىڭ مەكتەپتەرىندەگى وقۋشىلارمەن جۇپ قۇراپ، بىرگە قۇرۋ جانە ”قول ۇستاسۋ“ بىرلەسكەن دوستىق قيمىلىن ورىستەتىپ، ارالاسۋدى، ىشتەسۋدى، توعىسۋدى ونان ارى جەبەپ، جۇڭحۋا مادەنيەتىن شىنايى مويىنداۋدى نىعايتتى.
مەحانيزمدە جاڭالىق اشتى
وقىتۋشىلار قوسىنىن كۇشەيتىپ قۇردى
قىزىلسۋ قىرعىز اۆتونوميالى وبلىستىق 2 ـ ورتا مەكتەپتە ”ۇيىرمە قۇراۋ ۇلگىسىندەگى“ وقۋ ـ اعارتۋ بويىنشا شينجياڭعا كومەكتەسۋدىڭ ارقاسىندا مەكتەپ 31 ٴپان جەتەكشىسىنەن، جاس تىرەكتى وقىتۋشىلاردان قۇرالعان شينجياڭعا كومەكتەسۋ وقىتۋشىلار ۇجىمىن قارسى الدى، ولار تۇگەل جياڭسۋ ولكەسىنەن كەلگەن، 2 جىلدان بەرى كوپشىلىك قات ـ قابات قيىنشىلىقتى جەڭىپ، وقىتۋعا بار ىنتا ـ پەيىلدەرىمەن كىرىستى.
”وقۋشىلاردىڭ ۇيرەنۋ ىنتاسى اسا جوعارى، ولاردىڭ العا باسقاندىعىن كورىپ ەڭبەگىمىز ەش كەتپەگەنىن بىلدىك“، ـ دەدى جياڭسۋ ولكەسى تايساڭ قالاسى ميڭدى جوعارى دارەجەلى ورتا مەكتەبىنەن كەلگەن، تالاي جىلدىق وقىتۋشىلىق ستاجى بار بيولوگيا ٴپانىنىڭ وقىتۋشىسى گاۋ كۋانچاڭ.
قىزىلسۋ وبلىستىق 2 ـ ورتا مەكتەپتەگى شينجياڭعا كومەكتەسۋگە كەلگەن وقىتۋشىلار وقۋشىلارعا ساباق وتۋگە دەن قويىپ قانا قويماي، ”ۇيرەتۋ، كومەكتەسۋ، جەتەكتەۋ“ رولىن دا بەلسەندى ساۋلەلەندىردى. شينجياڭعا كومەكتەسۋگە كەلگەن ٴاربىر مۇعالىمنىڭ ٴوز شاكىرتتەرى بار، وقىتۋ جۇرگىزۋ، وقىتۋدى زەرتتەۋ سياقتى جاقتاردا جەرگىلىكتى وقىتۋشىلاردىڭ ەسەيۋىنە دەم بەرىپ، جەرگىلىكتى ورىننىڭ تاپجىلمايتىن ساپالى وقىتۋشىلار قوسىنىن تۇلعالاۋىنا كۇش سالدى.
شينجياڭ جاراتىلىستىق عىلىمدار شۋەيۋانىنداعى قارت وقىتۋشى يۋان جۇڭشيان وقۋشىلاردىڭ ەرەكشە قارسى الۋىنا بولەندى. 2023 ـ جىلى يۋان جۇڭشيان شۋەيۋانعا كەلگەندە، مەكتەپتىڭ ەنەرگيالىق قىزمەت كورسەتۋ ينجەنەرياسى ماماندىعىنىڭ اشىلعانىنا ۇزاق بولماعان ەدى، ماماندىق وقىتۋشىلارى تاپشى بولاتىن. شينجياڭعا كەلۋدەن بۇرىن يۋان جۇڭشيان بەيجيڭ ونەركاسىپ داشۋەسىندە ۇزاق جىل وقىتۋشىلىقپەن شۇعىلدانعان، ونىڭ كەلۋى قىسىلعاندا قول ۇشىن بەرگەنمەن بىردەي بولدى، وقۋشىلارعا ٴپاننىڭ الدىڭعى لەكتىك بىلىمدەرىن ۇيرەتىپ قانا قويماي، جاس وقىتۋشىلاردى تاربيەلەۋ اۋىر مىندەتىن دە ارقالادى. وقىتۋ جوباسىن جاساۋدان ساباقحاناداعى وقىتۋ شەبەرلىگىنە، ودان ارى عىلمي زەرتتەۋ نىساندارىنا ٴوتىنىش جولداۋ مەن ديسسەرتاتسيا جازۋعا دەيىن، ول بارلىعىنا قولما ـ قول جەتەكشىلىك ەتتى. ونىڭ دەن قويا كومەكتەسىپ جەتەكتەۋىندە ٴبىر توپ جاس وقىتۋشى جىلدام جەتىلدى.
”14 ـ بەسجىلدىقتان“ بەرى، شينجياڭعا كومەكتەسەتىن ولكە، قالالار جيىنى 15 مىڭ 900 وقىتۋشىنى شينجياڭعا وقۋ ـ اعارتۋ بويىنشا كومەكتەسۋگە تاڭداپ جىبەرىپ، 13 ايماق، وبلىس، قالاداعى 200گە تاياۋ مەكتەپتى قامتىدى، شينجياڭعا كومەكتەسۋ ماماندارىن، دارىندىلارىن 1452 ادام (رەت) يكەمدى ەنگىزىپ، قارت وقىتۋشىلاردان 2100دەن استام ادام (رەت) قابىلداپ، كومەك قابىلدايتىن جەرلەردىڭ وقىتۋشىلارىن 201 مىڭ 700 ادام (رەت) باۋلىدى.
وقىتۋشى — وقۋ ـ اعارتۋدى ورگە باستىرۋدىڭ نەگىزى، وقۋ ـ اعارتۋدى گۇلدەندىرۋدىڭ قاينارى. شينجياڭعا كومەكتەسەتىن ولكە، قالالار جەرگىلىكتى ورىننىڭ قاجەتىمەن ۇشتاستىرىپ، ۇلگىدە جاڭالىق اشىپ، جەلىلەس ۇتىمدى كومەكتەسۋ ـ سۇيەمەلدەۋ شارالارىن اتقارىپ، وزىق وقۋ ـ اعارتۋ، وقىتۋ ۇستانىمىن تيانشان الابىنا شاشتى. گۋاڭدۇڭ ولكەسى گۋاڭدۇڭ وقىتۋشىلارى ماركاسىن سومداپ، مەكتەپ باستىعى، كلاس جەتەكشىسى، تىرەكتى وقىتۋشىلار سىندى 3 قوسىندى كۇشەيتىپ قۇرىپ، ۇستاز ـ شاكىرت جۇپ قۇراۋ، وڭىرلىك اشىق ۇلگى كورسەتۋ ساباعى جانە وقىتۋدى اۋىلعا جەتكىزۋ سياقتى قيمىلدار ورىستەتتى، شينجياڭعا كومەكتەسەتىن وقىتۋشىلار قاشقار ايماعىندا ورىستەتكەن ٴار دارەجەلى ۇلگى كورسەتۋ ساباعى، اشىق ساباق، لەكسيا 1000 مايدانعا (رەت) جەتىپ، جەرگىلىكتى ورىنداعى 500دەن استام وقىتۋشىمەن جۇپ قۇرادى؛ جياڭسۋ ولكەسى جياڭسۋدىڭ ىلەگە سۇيىسپەنشىلىگى · وقۋ ـ اعارتۋ، دەنساۋلىق ساقتاۋ ساپاسىن جوعارىلاتۋ ينجەنەرياسىن تىڭعىلىقتى تۇردە ويداعىداي يگەرىپ، از ۇلت وقىتۋشىلارىنىڭ مەملەكەتتە ٴبىر تۇتاس قولدانىلاتىن ٴتىل ـ جازۋ قولدانۋ قابىلەتىن باۋلۋ جوسپارىن اتقارىپ، تۇڭعىش توپتاعى جياڭسۋ شىفان داشۋەسىندە كۋرسقا قاتىناسقان وقىتۋشىلاردىڭ ەمتيحاننان ٴوتۋ سالىستىرماسى %78كە جەتتى.
كاسىپ سالاسىنا قىزمەت كورسەتتى
جوعارى مەكتەپتەردىڭ عىلمي زەرتتەۋ، جاڭالىق اشۋ قابىلەتىن جوعارىلاتتى
سوڭعى جىلدارى جۇڭگو كەن داشۋەسى سياقتى جوعارى دەڭگەيلى داشۋەلەردىڭ، عىلمي زەرتتەۋ قۇرىلىمدارىنىڭ باسىمدىققا يە پاندەرىنە جانە عىلمي زەرتتەۋ ۇجىمدارىنا سۇيەنىپ، شينجياڭ ينجەنەريا شۋەيۋانى مەن شينجياڭعا كومەكتەسەتىن جوعارى مەكتەپتەر ”شينجياڭ ينجەنەريا شۋەيۋانى شينجياڭعا كومەكتەسەتىن جوعارى مەكتەپتەر باتىس بولىك ەنەرگيانى دامىتۋ زەرتتەۋ اكادەمياسىن“ جانە 20دان استام زەرتتەۋ ورنىن بىرگە تۇلعالاپ، ٴار جاقتاعى بايلىقتى جۇمىلدىرىپ، شينجياڭعا كومەكتەسەتىن كادر ـ دارىندىلار عىلمي زەرتتەۋ، جاڭالىق اشۋ تۇعىرىن قۇرىپ، مەكتەپ پەن شينجياڭعا كومەكتەسەتىن جوعارى مەكتەپتەردىڭ عىلمي زەرتتەۋ جەتىستىكتەرىنىڭ شينجياڭدا تياناقتانۋىن بەلسەنە ىلگەرىلەتتى.
بىلتىردان باستاپ، شينجياڭ داشۋەسى شينجياڭعا كومەكتەسەتىن جوعارى مەكتەپتەردىڭ كۇشىنە سۇيەنىپ، ”پاندەردى بىرگە قۇرۋدى“ اتقارۋ جونىندە ىزدەنىس جاساي باستادى. مەكتەپ نازاردى ماركسيزم نازارياسى، حيميا، كومپيۋتەر عىلىمى جانە تەحنولوگياسى سىندى 3 بىرەگەي ٴپان قۇرىلىسىنىڭ ساپاسىن جوعارىلاتىپ دەڭگەيىن كوتەرۋگە شوعىرلاندىرىپ، كومەكتەسەتىن 15 جوعارى مەكتەپتىڭ پاندەر باسىمدىعىن جانە بايلىعىن بىرىكتىرىپ، ۇيىرمە قۇراۋ ۇلگىسىندە ”كوپتىڭ بىرگە كومەكتەسۋى“ ٴتاسىلىن قولدانىپ، 3 بىرەگەي ٴپان جەتەكشى بولىپ، باسقا پاندەر سايكەستى دامۋىنىڭ تاماشا ەكولوگياسىن قالىپتاستىردى. ساناققا قاراعاندا، 2024 ـ جىلى بۇكىل اۆتونوميالى رايون بويىنشا تىڭنان 39 عىلمي اتاق ٴتۇيىنى قوسىلعان، قاشقار داشۋەسى، شينجياڭ ينجەنەريا شۋەيۋانى دوكتور، ماگيستر عىلمي اتاعىن بەرەتىن ورىنداردى تىڭنان قوستى.
شينجياڭ نازاردى ەنەرگيا جانە كەن، قۋاڭ وڭىرلەردەگى وسى زامانعى اۋىل شارۋاشىلىعى، جۇڭي شيپاگەرلىگى ـ دارىگەرلىگى جانە حالىقارالىق ەمدەۋ سياقتى 3 ٴتۇيىندى سالاعا شوعىرلاندىرىپ، وقۋ ـ اعارتۋ مينيسترلىگىنىڭ شينجياڭ جوعارى دارەجەلى زەرتتەۋ اكادەمياسىن قۇرۋدى باستادى، بۇعان ەل ىشىندەگى جوعارى دەڭگەيلى 26 داشۋە قاتىناسىپ، دارىندى باۋلۋ، عىلمي زەرتتەۋ، جەتىستىكتەردى كادەگە جاراتۋ، حالىقارالىق اۋىس ـ كۇيىس، سەلبەستىك سىندى شينجياڭ ۇلگىسىن تۇلعالادى. بەيجيڭ داشۋەسىنىڭ قاشقاردا ”ٴبىر بەلدەۋ، ٴبىر جول“ زەرتتەۋ اكادەمياسىن قۇرۋىن ىلگەرىلەتىپ، ەل ىشىندەگى جوعارى دەڭگەيلى 7 داشۋەنىڭ 6 ايماق، وبلىس، قالادا زەرتتەۋ اكادەمياسىن قۇرۋىن ىلگەرىلەتتى. پىڭ سۋپيڭ، ۋاڭ تيەگۋان، حان دىمين اكادەميكتەردىڭ ۇجىمدارىن ەنگىزىپ، جوعارى مەكتەپتەردىڭ عىلمي زەرتتەۋ، جاڭالىق اشۋ قابىلەتىن ۇزدىكسىز كۇشەيتتى.
2023 ـ جىلدان باستاپ، رايونىمىز ٴۇرتىس 3 جىل ٴوندىرىستى، وقىتۋدى، زەرتتەۋدى، پايدالانۋدى ىلگەرىلەتۋ جونىندەگى حالىقارالىق ٴماجىلىستى اشتى، شينجياڭداعى جوعارى مەكتەپتەر ەل ىشىندەگى جوعارى دەڭگەيلى جوعارى مەكتەپتەرمەن قول ۇستاسىپ، ورتا ازيا ەلدەرىندەگى جوعارى مەكتەپتەرمەن سەلبەستىكتى كۇشەيتىپ، وقۋ ـ اعارتۋ تىزبەگىنىڭ، دارىندىلار تىزبەگىنىڭ كاسىپ سالاسى تىزبەگىمەن، جاڭالىق اشۋ تىزبەگىمەن ورگانيكالى ٴتۇيىلىسۋىن تەرەڭدەتىپ، ٴوڭىر ەكونوميكاسىنىڭ، قوعامىنىڭ جوعارى ساپالى دامۋىن بىرگە جەبەدى.
قاتتى بولشەك قۇرىلعىلارىنىڭ جاقسارتىلۋىنان وقىتۋشىلار قوسىنى دەڭگەيىنىڭ جالپى تۇلعالىق جوعارىلاتىلۋىنا دەيىن، نەگىزدىك وقۋ ـ اعارتۋدىڭ بىركەلكى دامۋىنان جوعارى دارەجەلى وقۋ ـ اعارتۋ ورنالاسىمىنىڭ ساپالىلانۋىنا دەيىن، وقۋ ـ اعارتۋ بويىنشا شينجياڭعا كومەكتەسۋ قىزمەتى بۇرىن بولماعان كەڭدىكپەن جانە تەرەڭدىكپەن شينجياڭ وقۋ ـ اعارتۋىنىڭ بەت ـ بەينەسىن وزگەرتۋدە. جاڭا داۋىردەگى وقۋ ـ اعارتۋدا قۋاتتى رايون قۇرۋ نىساناسىن بۇلجىماي كوزدەگەن وقۋ ـ اعارتۋ بويىنشا شينجياڭعا كومەكتەسۋ قىزمەتى نازاردى ٴمورال ارقىلى تاربيەلەۋ ٴتۇبىرلى مىندەتىنە شوعىرلاندىرىپ، جوعارى، ورتا، باستاۋىش مەكتەپتەردىڭ يدەيا ـ ساياسي ساباعىن ٴبىر تۇلعالاندىرۋ قۇرىلىسىن بەلسەنە ىلگەرىلەتىپ، مەملەكەتتە ٴبىر تۇتاس قولدانىلاتىن ٴتىل ـ جازۋ وقۋ ـ اعارتۋىن كۇشەيتىپ، جۇڭحۋا ۇلتى ورتاق تۇلعا تانىمىن بەكەمدەۋ تاربيەسىنىڭ ناقتى ونىمدىلىگىن نىعايتىپ، وقۋ ـ اعارتۋدىڭ مەملەكەت ستراتەگياسىنا جانە ەكونوميكالىق، قوعامدىق دامۋعا قىزمەت كورسەتۋ قابىلەتىن ۇزدىكسىز جوعارىلاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە دارىندىلار تىرەگىن جانە پاراساتتىق قولداۋ ازىرلەدى.
