الدىڭعى جارتى جىلدا شينجياڭدا 201 مىڭ 800 شارۋاشىلىق تۇلعاسى جاڭادان قۇرىلدى
سايكەس مەزگىلدەگىدەن %9.71 ارتتى
انار بۇلت \ شينجياڭ گازەتىنىڭ ٴتىلشىسى سو رۇڭجى 7 ـ ايدىڭ 4 ـ كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ ـ باسقارۋ مەكەمەسىنەن ۇعىسۋىمىزشا، 6 ـ ايدىڭ سوڭىنا دەيىن شينجياڭدا تىركەۋگە الىنعان ٴتۇرلى شارۋاشىلىق تۇلعالارى جالپى 2 ميلليون 682 مىڭ 100گە (بيڭتۋانداعى 290 مىڭ 600 شارۋاشىلىق تۇلعاسى قامتىلادى) جەتىپ، سايكەس مەزگىلدەگىدەن %6.66 ارتقان. الدىڭعى جارتى جىلدا تۇتاس رايوندا جاڭادان قۇرىلعان شارۋاشىلىق تۇلعالارى 201 مىڭ 800 بولىپ، سايكەس مەزگىلدەگىدەن %9.71 ارتىپ، تۇتاس تۇلعالىق جاقتان تاماشا دامۋ جاعدايى جارىققا شىققان.
شارۋاشىلىق تۇلعالارىنىڭ ٴتۇرى بويىنشا قاراعاندا، مەملەكەت مەنشىگىندەگى كاسىپورىن 70 مىڭ 900 بولىپ، سايكەس مەزگىلدەگىدەن %11.17 ارتقان؛ حالىقتىق شارۋاشىلىق تۇلعالارى 2 ميلليون 608 مىڭ 800 بولىپ، سايكەس مەزگىلدەگىدەن %6.54 ارتقان؛ شەتەل ساۋداگەرلەرى قارجى قوسقان كاسىپورىن 2482 بولىپ، سايكەس مەزگىلدەگىدەن %10.02 ارتقان.
جاڭادان قۇرىلعان شارۋاشىلىق تۇلعالارى بويىنشا قاراعاندا، الدىڭعى جارتى جىلدا ۋكۋاڭ توبى لانزۋان كەن شارۋاشىلىعى اشۋ (شينجياڭ) شەكتى سەرىكتەستىگى، جۇڭمەي ەلەكتر كۇشى (قۇمىل) جاڭا ەنەرگيا قارجى قوسۋ شەكتى سەرىكتەستىگى، جۇڭمەي جىڭ جاڭا ەنەرگيا شەكتى سەرىكتەستىگى قاتارلى ورتالىق كاسىپورىندار قارجى قوسقان بولىمشە سەرىكتەستىكتەر، ىلە انجيان قارجى قوسۋ، دامىتۋ شەكتى سەرىكتەستىگى، قاشقار انجيان قارجى قوسۋ، دامىتۋ شەكتى سەرىكتەستىگى قاتارلى ٴارقايسى ولكەدەگى (اۆتونوميالى رايون، قالا) مەملەكەت مەنشىگىندەگى كاسىپورىندار قارجى قوسقان بولىمشە سەرىكتەستىكتەر ارت ـ ارتىنان قۇرىلىپ، ورتالىق كاسىپورىندار، ٴارقايسى ولكە (اۆتونوميالى رايون، قالا) مەملەكەت مەنشىگىندەگى كاسىپورىندار كاسىپ سالاسى تىزبەگىن قارىشتاپ دامۋعا جەتەكتەدى. ٴۇرىمجى قالاسىندا، قاشقار ايماعىندا، ىلە قازاق اۆتونوميالى وبلىسىندا جاڭادان قۇرىلعان شارۋاشىلىق تۇلعالارىنىڭ سانى تۇگەلدەي 20 مىڭنان اسقان، تارباعاتاي ايماعىندا، التاي ايماعىندا، سانجى حۇيزۋ اۆتونوميالى وبلىسىندا جاڭادان تىركەۋگە الىنعان شارۋاشىلىق تۇلعالارىنىڭ سايكەس مەزگىلدەگىدەن ارتۋ مولشەرى تۇگەلدەي %25تەن اسىپ، شارۋاشىلىق تۇلعالارىنىڭ دامۋ ارىنى تەبىندى بولعان.
كاسىپ سالاسىنىڭ، كاسىپتەردىڭ ورنالاسىمىنان قاراعاندا، 6 ـ ايدىڭ سوڭىنا دەيىن تىركەۋگە الىنعان شارۋاشىلىق تۇلعالارىنىڭ 1 ـ ، 2 ـ ، 3 ـ كاسىپ سالاسىنداعى سانى جەكە ـ جەكە 88 مىڭ 500، 228 مىڭ، 2 ميلليون 366 مىڭ بولىپ، ۇستايتىن سالىستىرماسى جەكە ـ جەكە %3.3، %8.5، %88.2 بولىپ، 1 ـ كاسىپ سالاسى سايكەس مەزگىلدەگىدەن %18.03 ارتىپ، ارتۋ مولشەرى ٴبىرشاما زور بولعان، بۇل فينانس قۇرىلىمدارىنىڭ قارىز اقشا بەرۋدىڭ قامتۋ كولەمىن كەڭەيتۋىمەن، شارۋالاردىڭ وتباسى ەگىس الاڭىن كوپتەپ قۇرۋىمەن بايلانىستى. جاڭادان قۇرىلعان شارۋاشىلىق تۇلعالارىندا ەگىن شارۋاشىلىعىنىڭ، ورمان شارۋاشىلىعىنىڭ، مال شارۋاشىلىعىنىڭ، بالىق شارۋاشىلىعىنىڭ، كەن اشۋ شارۋاشىلىعىنىڭ، قاتىناس ـ تاسىمالدىڭ، قامبادا ساقتاۋ جانە پوچتا كاسىبىنىڭ سايكەس مەزگىلدەگىدەن ارتۋ مولشەرى %40تەن اسقان، مۇنىڭ ىشىندە ەگىن شارۋاشىلىعىنىڭ، ورمان شارۋاشىلىعىنىڭ، مال شارۋاشىلىعىنىڭ، بالىق شارۋاشىلىعىنىڭ ارتۋ مولشەرى %112.88كە جەتكەن.
اۆتونوميالى رايوندىق بازار باقىلاۋ ـ باسقارۋ مەكەمەسىنىڭ قاتىستى جاۋاپتىسى مىنالاردى ٴبىلدىردى: شارۋاشىلىق تۇلعالارى سانىنىڭ ورنىقتى، اقاۋسىز ارتۋى مەن قۇرىلىمنىڭ ۇزدىكسىز ساپالىلانۋى شينجياڭنىڭ شارۋاشىلىق ـ ساۋدا ورتاسىن ۇزدىكسىز ساپالىلاندىرۋىنان ايرىلا المايدى. جۋىق جىلداردان بەرى، شينجياڭ ٴتۇيىندى سالالاردا جانە شەشۋشى بۋىنداردا رەفورمانى بار كۇشپەن ىلگەرىلەتىپ، كاسىپورىن اشۋ بارىسىن ىقشامداۋدان اكىمشىلىك قىزمەت وتەۋ ونىمدىلىگىن جوعارىلاتۋعا دەيىن ٴبىر قىدىرۋ ناقتى شارالار ارت ـ ارتىنان تياناقتاندى. قازىر كاسىپورىن قۇرۋ ۋاقىتى زور مولشەردە قىسقارتىلىپ، اكىمشىلىك قىزمەت وتەۋ بويىنشا ينتەرنەتتە جۇمىس ٴبىتىرۋ مولشەرى ۇزدىكسىز جوعارىلاپ، ساۋداگەرلەرمەن ەتەنە بولۋ، ساۋداگەرلەردى الاڭسىز ەتۋ رايى كۇن سايىن قويۋلاپ، بازاردىڭ ومىرشەڭ كۇشى بارىنشا قاۋلاپ، ٴتۇرلى شارۋاشىلىق تۇلعالارىنىڭ تولىسىپ ـ جەتىلۋىنە مۇمكىندىك جاسالدى.
