”تۋشينشيان“ تۇتىنۋ ارقىلى شينجياڭعا كومەكتەسۋ ماركاسى كۇش سالدى
پاميردىڭ اۋىل شارۋاشىلىق ونىمدەرى بۇكىل ەل بازارىنا بەت الدى
انار بۇلت \ شينجياڭ گازەتىنىڭ ٴتىلشىسى چىن جياڭلين
”بۇرىن ٴۇزىپ العاننان كەيىن كوبىندە جەرگىلىكتى بازاردا ساتاتىنبىز، پايداسى جوعارى ەمەس ەدى، قازىر ’تۋشينشيان‘ ارقىلى ينتەرنەت جەلىسىندە ساتىپ، ٴار قوراپتان 10 نەشە يۋان ارتىق كىرىس كىرگىزەتىن بولدىق“، ـ دەدى 6 ـ ايدىڭ 27 ـ كۇنى گۇزالنۇر تۇرعۇن ٴانجۇر ساتقانداعى كىرىسىن اۋىزعا العاندا قۋانىشىن جاسىرا الماي.
گۇزالنۇر قىزىلسۋ قىرعىز اۆتونوميالى وبلىسى اتۇش قالاسى ۇستىڭگى اتۇش قالاشىعىندا ٴانجۇر ەگىمشىلىگىمەن اينالىسادى، ٴوزىنىڭ ”بيلان شارۋالار شاتتىعى ساياجايى“ اۋلاسىنداعى بۇتاقتاردا سامسىپ تۇرعان اشىق سارى ٴتۇستى ، قىپ ـ قىزىل ٴتۇستى جەمىستەردىڭ قىسقا عانا بىرنەشە كۇندە گۋاڭجوۋ، شىنجىن سياقتى جەرلەردەگى جوعارى دەڭگەيلى ساۋدا سارايلارىندا، ەرەن بازارلارىندا ساتىلاتىندىعىن بۇرىن ويلاپ تا كورمەگەن ەدى.
”تۋشينشيان“ بەلگىسى باسىلعان ٴانجۇر تارتۋ ـ تارالعى قورابى ’Ole ەرەن بازارىنىڭ جاس جەمىس اۋماعىنا تىزىلگەن كەزدە ”جاڭا“ دەگەن ماعىناداعى وسى ماركا اتۇشتىڭ كاسىپ سالاسى ەكولوگياسىن بىرتىندەپ وزگەرتتى.
2023 ـ جىلى 8 ـ ايدا جياڭسۋ ولكەسىنىڭ شينجياڭ قىزىلسۋ وبلىسىنا باعىتتامالى كومەكتەسۋ الدىڭعى شەپ قولباسشىلىق شتابىنىڭ (تومەندە قىسقارتىلىپ ”جياڭسۋدىڭ قىزىلسۋ وبلىسىنا كومەكتەسۋ الدىڭعى شەپ قولباسشىلىق شتابى“ دەلىنەدى) كۇنشان شينجياڭعا كومەكتەسۋ قىزمەت گرۋپپاسى جەرگىلىكتى اۋىل ـ قالاشىقتارمەن قول ۇستاسىپ، ”تۋشينشيان“ تۇتىنۋ ارقىلى شينجياڭعا كومەكتەسۋ ماركاسىن بىرگە تۇلعالادى. ساندى مالىمەتتە كورسەتىلۋىنشە، بۇل ماركا بىرنەشە اي ىشىندە ـ اق اتۇشتىڭ 29 مىڭ قوراپ ٴانجۇر ساتۋىنا كومەكتەسىپ، 200گە جۋىق شارۋا وتباسىنىڭ ورتاشا كىرىسىن 3000 يۋاننان اسىرۋعا جەتەكشىلىك ەتكەن. ىلگەرى ادامدار كوپ بىلە بەرمەيتىن ٴانجۇر قازىر حىما شيانشىڭ تۇعىرىندا ٴوتىمدى ونىمگە اينالدى — ۋشي قالاسىنداعى تۇتىنۋشىلار تاپسىرىس بەرگەن 48 ساعات ىشىندە پاميردان كەلگەن ٴتاتتى ٴدامدى تاتا الادى. ٴانجۇردىڭ ”تابىسقا جەتۋىنىڭ“ استارىندا ”تۋشينشيان“ ايگىلى ماركا ۇجىمى قۇرعان تۇتاس تىزبەك بويىنشا قۋات ۇستەۋ جۇيەسى جاتىر.
”ٴبىز اۋىل شارۋاشىلىعى تاراۋلارىمەن بىرلەسىپ ٴانجۇر جيناۋ ولشەمىن بەلگىلەپ، ٴۇزىپ العاننان كەيىنگى 2 ساعات ىشىندە الدىن الا توڭازىتىپ ٴبىر جاقتى ەتۋگە شىنايى كەپىلدىك ەتتىك؛ شۇنفىڭ سۋىق تىزبەكتى زات اينالىمىمەن ٴتۇيىلىسىپ، اعاش بۇتاعىنان داستارقانعا دەيىن جاس كۇيىن ساقتاپ كۇش جالعاۋدى جۇزەگە اسىردىق“، ـ دەدى اتۇش تۋشينشيان ەكولوگيالىق اۋىل شارۋاشىلىعى عىلىم ـ تەحنولوگيا شەكتى جاۋاپكەرشىلىك سەرىكتەستىگىنىڭ جاۋاپتىسى ي ۋي تانىستىرىپ.
”تۋشينشيان“ ماركاسىنىڭ جەتەكتەۋىندە، اتۇش قالاسى 2000 شارشى مەترلىك اۋىل شارۋاشىلىعى ونىمدەرىن وڭدەۋ سەحىن سالىپ، اۆتوماتتاندىرىلعان قوراپتاۋ ٴوندىرىس جەلىسىن ەنگىزدى. ”ماركا + بازا + شارۋا وتباسى“ سىندى مۇنداي ۇلگى بىتىراڭقى شاعىن وتباسىلارىن ۇيىمداسقان كاسىپ سالاسى تىزبەگىنە اينالدىردى.
ٴتىلشى اتۇش قالاسى جەڭىل ونەركاسىپ باقشا رايونىنداعى ”تۋشينشيان“ وڭدەۋ ورتالىعىنا بارعاندا، ٴوندىرىس جەلىسى ٴانجۇردى جەمىس قاعى، جەمىس سىرنەسى، جەمىس شارابى سياقتى 8 ٴتۇرلى ونىمگە اينالدىرعانىن كوردى.
وسى سەرىكتەستىكتىڭ جاۋاپتىسى قابىرعاداعى كاسىپ سالاسى تىزبەگى سۋرەتتەرىن نۇسقاپ تۇرىپ بىلاي دەدى: ”ٴبىز ٴبىر ٴانجۇردىڭ قۇنىن 3 ەسە ارتتىردىق، تاعى قوراپتاۋ، باسىپ شىعارۋ، جوبالاۋ سياقتى سايكەستى كاسىپ سالاسىن جەتەكتەدىك“.
وسىنداي ”كوبەيتۋ اسەرى“ اتۇشتىڭ بارلىق جەرىندە جارىققا شىقتى. ”تۋشينشيان“ ماركاسىنىڭ ىقپالىندا جەرگىلىكتى ورىن 2 جىنتىكتەي وڭدەۋ كاسىپورنىن ىرگە تەبۋگە ٴساتتى باۋراپ، ٴانجۇر ەنزيمى سياقتى 12 ٴتۇرلى جاڭا ٴونىمدى اشتى.
كۇنشاننىڭ شينجياڭعا كومەكتەسۋ قىزمەت گرۋپپاسىنىڭ مۇشەسى حۋاڭ ۋي بىلاي دەپ تانىستىردى: كۇنشاننىڭ ازىق ـ تۇلىك زەرتتەپ اشۋ ۇيىرمەسى ۇنەمى اتۇشقا كەلىپ شارۋا وتباسىلارىنىڭ ەگىمشىلىك تەحنولوگياسىن جاقسارتۋىنا جەتەكشىلىك ەتىپ، ساپالى جەمىس سالىستىرماسىن %60تەن %85كە جوعارىلاتتى؛ اۋەلى، بۇرىن كەرەكسىز قالاتىن جەمىس قوقىمىن دا بيو عىلىم ـ تەحنولوگيا سەرىكتەستىگى ساتىپ الىپ ورگانيكالى تىڭايتقىش جاساپ، جاسىل اينالىم قالىپتاستىردى“.
اتۇش قالاسى ەلەكتروندى ساۋدا كاسىپ سالاسى باقشاسىنداعى تىكە تاراتۋ بولمەسىندە تاراتۋشى گۇلميرا قول تەلەفونىن كوتەرىپ توراپكەرلەرگە جاڭا عانا جاسالعان ٴانجۇر سىرنەسىن كورسەتۋدە. اپپارات كوزى الدىندا ول سالماقتى دا سەنىمدى كورىنەدى، جارتى جىلدىڭ الدىندا ونىڭ اپپارات كوزىنە دە قاراۋعا باتىلدىق ەتە المايتىن اۋىل بويجەتكەنى ەكەنىن كىم ويلاسىن. ”تۋشينشيان“ ماركا ۇجىمى وعان تىكە تاراتۋ شەبەرلىگىن ۇيرەتىپ قانا قويماي، ونىڭ ٴونىم تاڭداۋدان ساتۋعا دەيىنگى تولىق بارىستى ۇيرەنۋىنە كومەكتەستى. وسى وزگەرىس ”تۋشينشيان“ ىزدەنىس جاساعان ”قوس قوزعالتقىش“ مەحانيزمىنىڭ جاندى بەينەسى.
جياڭسۋ ولكەسىنىڭ قىزىلسۋعا كومەكتەسۋ الدىڭعى شەپ قولباسشىلىق شتابى مەن جەرگىلىكتى ۇكىمەت قۇرعان ساپاسىنىڭ تەگىن تەكتەۋ تۇعىرى سەلبەستىك بازاسىنا قاتاڭ كۋالاندىرۋ جۇرگىزدى؛ بازار جاق بولسا، كاسىپتىك جۇمىس جۇرگىزۋ ۇجىمىن ەنگىزىپ، شاڭحاي، گۋاڭجوۋ سياقتى ٴبىرىنشى ساناتتاعى قالالاردا قامبادا ساقتاۋ، جەتكىزۋ ورتالىعىن قۇردى.
قازىر ”تۋشينشيان“ ماركاسىنىڭ كولەمى ۇزدىكسىز كەڭەيىپ، جاڭادان جاساعان موناق ٴجۇزىم، بادام سياقتى ونىمدەر ارت ـ ارتىنان بازارعا شىقتى. كۇنشاندا وتكىزىلگەن تانىستىرۋ ماجىلىسىندە پامير تاڭباسى بار ەرەكشەلىككە يە ونىمدەر 20دان استام ساۋداگەردى كەلىسىم جاساسۋعا باۋرادى. ”تۋشينشيان“ ماركاسى شينجياڭعا كومەكتەسۋ نىساندارىنا قۋات ۇستەپ، اتۇشتىڭ اۋىل شارۋاشىلىعى ونىمدەرىنە كەڭ ٴورىستى بازار اشۋمەن بىرگە، جەرگىلىكتى ورىن ەكونوميكاسىنىڭ ۇزدىكسىز دامۋىنا تىڭ ومىرشەڭ كۇش ۇستەدى.
كەلەسى قادامدا ”تۋشينشيان“ ايگىلى ماركا قۇرىلىسىن ۇزدىكسىز تەرەڭدەتىپ، بازاردى جالپىلاستىرۋ مەن ساتۋ ارناسىن كەڭەيتۋدى كۇشەيتىپ، ٴونىم ساپاسى مەن قىزمەت وتەۋ دەڭگەيىن ۇزدىكسىز جوعارىلاتادى. كۇنشان شينجياڭعا كومەكتەسۋ قىزمەت گرۋپپاسىنىڭ باستىعى لي ميڭ ايتقانداي: ”ٴبىز ’تۋشينشياننىڭ‘ ’ ٴبىر مەزگىلدىك جاڭاسىن كوزدەپ قانا قويماي‘، ونان دا ماڭىزدىسى، وڭتۇستىك شينجياڭعا تامىر تارتقان ۇزاق ۋاقىتتىق ماركاعا اينالدىرىپ، شينجياڭعا كومەكتەسۋ جەتىستىگىنىڭ ٴار ۇلت بۇقاراسىنا شىنايى تيىمدىلىك جاساۋىنا مۇمكىندىك جاسايمىز“.
