شينحۋا اگەنتتىگىنىڭ 7 ـ ايدىڭ 6 ـ كۇنى بەيجيڭنەن بەرگەن حابارى. تاياۋدا مەملەكەت ٴتوراعاسى شي جينپيڭ الداعى 5 جىلدا امەريكالىق 50 مىڭ جاس پەن ورەندى جۇڭگوعا كەلىپ اۋىس ـ كۇيىس جاساۋعا، ۇيرەنۋگە ۇسىنىس ەتۋ باستاماسىنا قاتىناسىپ، جۇڭگودا ساپاردا بولعان امەريكا ماريلاند شتاتى مونتگومەري اۋدانى جاستار مەن ورەندەر پيك دوبى مادەنيەت اۋىس ـ كۇيىسى بويىنشا جۇڭگوعا ساپارلاۋ ۇيىرمەسىندەگى وقىتۋشى ـ وقۋشىلارعا اۋىزشا جاۋاپ قايتاردى.
شي جينپيڭ مىنالاردى ٴبىلدىردى: سەندەردىڭ جۇڭگوداعى ساپارلارىڭنىڭ تابىستى بولعاندىعىن قۇتتىقتايمىن، پيك دوبى سىندى وسى سپورتتىڭ جۇڭگو - امەريكا ەكى ەل جاستارى مەن ورەندەرى اۋىس ـ كۇيىسىنىڭ جاڭا دانەكەرىنە اينالعاندىعىن كورىپ قاباعات قۋاندىم. جۇڭگو - امەريكا قارىم ـ قاتىناسىنىڭ بولاشاعى جاستاردا، سىزدەردىڭ ەكى ەل دوستىعىنىڭ جاڭا ۇرپاق ەلشىسى بولىپ، ەكى ەل حالقىنىڭ دوستىعىن نىعايتۋعا اناعۇرلىم زور ۇلەس قوسۋلارىڭىزدى ٴۇمىت ەتەمىن.
وسىدان بۇرىن امەريكا ماريلاند شتاتى مونتگومەري اۋدانى جاستار مەن ورەندەر پيك دوبى مادەنيەت اۋىس ـ كۇيىسى بويىنشا جۇڭگوعا ساپارلاۋ ۇيىرمەسىندەگى وقىتۋشى ـ وقۋشىلار ٴتوراعا شي جينپيڭگە حات جولداپ، ٴتوراعا شي جينپيڭنىڭ ”5 جىلدا 50 مىڭ جاس پەن ورەندى جۇڭگوعا كەلىپ اۋىس ـ كۇيىس جاساۋعا، ۇيرەنۋگە ۇسىنىس ەتۋ“ باستاماسىن العا قويعانىنا العىس ايتىپ، بيىل 4 ـ ايدا جۇڭگوعا ساپارلاي كەلگەن ٴارى پيك دوبى بويىنشا اۋىس ـ كۇيىس جاساعان كەشىرمەلەرىن تانىستىرىپ، سول رەتكى ساپاردا جۇڭگولىق جاس ٴوسپىرىم دوستارمەن ۇمىتىلماس دوستىق ورناتقاندىقتارىن، جۇڭگو جاستارى جانە ورەندەرىن ۇسىنىس ەتىپ ولاردىڭ امەريكادا ساپاردا بولۋىن ٴۇمىت ەتەتىندىكتەرىن ٴبىلدىردى.
