انار بۇلت \ شينجياڭ گازەتىنىڭ ٴتىلشىسى جيا چۇنشيا
6 ـ ايدىڭ 21 ـ كۇنىنەن باستاپ، جاڭ جۇڭ رەجيسسەر بولعان، لي شۋەجيان باس رولعا شىققان شينجياڭعا كومەكتەسۋ تاقىرىبىنداعى كينو «اقدالا» بۇكىل ەلدەگى كينوحانالار جەلىسىندە اشىق قويىلدى، كينو — ورتالىق كوميتەت ۇگىت ٴبولىمىنىڭ رۋحاني وركەنيەت قۇرىلىسى ”بەس ٴبىر ينجەنەرياسى“ تاڭداۋلى تۋىندىلار سيلىعىن ەنشىلەگەن «شينجياڭعا كومەككە كەلگەن كادرلار» اتتى روماننان وزگەرتىپ جازىلىپ، 60 جىلدى اتتاعان شينجياڭعا كومەكتەسۋ بارىسىن جەلى ەتىپ، شينجياڭعا كومەككە كەلگەن كادرلاردىڭ شەكارا وڭىرگە تامىر تارتىپ، جاستىق كوكتەمدەرىن ارناعان حيكايالارىن بايانداعان.
”بۇل تۋىندى نەشە ۇرپاق ادامداردىڭ ماقتانى سىناق رەتىندە ەگۋ، ٴوسىرۋ حيكاياسىن نەگىزگى جەلى ەتىپ، شينجياڭعا كومەكتەسۋ قىزمەتىن ىشكەرىلەي ىلگەرىلەتۋدىڭ شينجياڭعا سيلاعان وراسان زور وزگەرىستەرىن ايگىلەدى“. رەجيسسەر جاڭ جۇڭ بىلاي دەدى: كينو جۇڭحۋا ۇلتى ورتاق تۇلعا تانىمىن بەكەمدەۋدەگى ٴبىر رەتكى ادەبيەت ـ كوركەمونەر امالياتى بولدى.
جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، ورتالىقتاعى مەكەمە ـ ورىندار، شينجياڭعا كومەكتەسەتىن ولكە، قالالار جانە ورتالىق كاسىپورىندارى جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن تىعىز ارقاۋ ەتىپ، تىنباي كۇش سالىپ، ۇزاق ۋاقىت ۇلەس قوسىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، مادەنيەت بايلىعىمەن قامداۋدى كۇشەيتۋ، مادەنيەت ـ ساياحات نىسانىن، جوسپارلاپ قۇرۋ، مادەنيەت بارىس ـ كەلىسىن، اۋىس ـ كۇيىسىن ىلگەرىلەتۋ سياقتى تاسىلدەر ارقىلى شينجياڭداعى ٴار ۇلت بۇقاراسىنىڭ جۇڭحۋا مادەنيەتىنىڭ گۇلدەنىپ ـ كوركەيۋ، دامۋ جەتىستىكتەرىنەن ورتاقتاسۋىنا كۇش ۇستەپ، ۇلتتار ىنتىماعى گۇلىنىڭ تيانشان الابىندا شەشەك اتۋىنا مۇمكىندىك جاسادى.
شەپ نەگىزىن بەكەمدەپ، مادەنيەت ارقىلى شەكارا ٴوڭىردى نارلەندىردى
”مەكتەپتە ’زەردەلى ورمان‘ سيفرلى كىتاپحاناسى قۇرىلعاننان بەرى، مەن اپتا سايىن كەلىپ «ٴۇش پاتشالىق قيساسىن» دىبىسقا الامىن، ٴوزىمدى حيكاياداعى كەيىپكەردەي سەزىنەمىن.“ 6 ـ ايدىڭ 30 ـ كۇنى قىزىلسۋ قىرعىز اۆتونوميالى وبلىسى تاجىريبە باستاۋىش مەكتەبىنىڭ 5 ـ جىلدىق وقۋشىسى جاڭ رۇيكاي بىلاي دەدى: ٴار رەت شاعىن دىبىسقا الۋ بولمەسىنەن شىققانىمدا، دىبىسقا العان حيكايامدى ساباقتاستارىمەن بولىسەمىن، كوپشىلىك قورالانىپ ٴۇش پاتشالىقتاعى كەيىپكەرلەردى، وقيعالاردى بىرگە تالقىلاعاندا ساباقحانادا كوڭىلدى ۇندەر، ٴازىلدى اڭگىمەلەر كوتەرىلەتىن.
جياڭسۋ شينجياڭعا كومەكتەسۋ بويىنشا ٴبىر ميلليون 500 مىڭ يۋان قارجى قوسىپ سالعان ”زەردەلى ورمان“ سيفرلى كىتاپحاناسىندا قاعاز نۇسقاداعى 30 مىڭ كىتاپ جانە ينتەرنەت جەلىسىندەگى 450 مىڭ كىتاپ ساقتالعان، تاعى داۋىستاپ وقۋ سامالدىعى سياقتى سيفرلانعان قۇرىلعىلار سايكەستىرىلىپ، بەرىلە كىتاپ وقۋ كەڭىستىگىن قالىپتاستىرىپ، شەكارا وڭىردەگى بالالارعا كەڭ دۇنيەگە جول الاتىن كوپىر ورناتتى.
”جياڭسۋ كومەككە يە بولعان جەردىڭ الەۋمەتتىك مادەنيەت قۇرىلعىلار قۇرىلىسىن ۇزدىكسىز ىلگەرىلەتىپ، 7 ميلليون 500 مىڭ يۋان قارجى قوسىپ قىزىلسۋ وبلىستىق مۇراجاي قۇرىلىسىن قولدادى، 21 ميلليون يۋان قارجى قوسىپ قىزىلسۋ وبلىستىق توعىسپالى مەديا ورتالىعىنىڭ 800 شارشى مەترلىك ستۋديا زالىن سالدى ٴارى بەيزاتتىق مادەنيەت مۇرا كورمە سارايىنىڭ، اۋىل ـ قىستاق ’شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ‘ شاعىن اۋلاسىنىڭ جانە كوپتەگەن مادەنيەت الاڭىنىڭ ىرگە تەبۋىن جەبەپ، ساپالى مادەنيەت بايلىعىنىڭ نەگىزگى ساتىعا تىكە جەتكىزىلۋىنە مۇمكىندىك جاسادى“، ـ دەدى جياڭسۋ ولكەسىنەن كومەككە كەلگەن كادر، قىزىلسۋ قىرعىز اۆتونوميالى وبلىستىق پارتكوم ۇگىت ٴبولىمىنىڭ ورىنباسار باستىعى جۋ لەي.
مادەنيەت شەبى — مادەنيەتتى جالعاستىرۋداعى، دامىتۋداعى ماڭىزدى دانەكەر. شينجياڭدى مادەنيەتپەن نارلەندىرۋدى ىشكەرىلەي اتقارۋ ٴۇشىن، شينجياڭعا كومەكتەسەتىن ٴارقايسى ولكە، قالالار مادەنيەت شەبى قۇرىلىسىن بەلسەنە ىلگەرىلەتىپ، مادەنيەت قىزمەت وتەۋ پۋنكتىن تۇلعالاۋ، سيفرلى كىتاپحانا سالۋ، بەيزاتتىق مادەنيەت مۇرا قويىلىم قيمىلدارىن ورىستەتۋ سياقتى تاسىلدەر ارقىلى جۇڭحۋانىڭ تاڭداۋلى ٴداستۇرلى مادەنيەتىن شينجياڭداعى ٴار ۇلت بۇقاراسىنىڭ كۇندەلىكتى تۇرمىسىمەن توعىستىردى.
شينجياڭدى مادەنيەتپەن نارلەندىرۋ قىزمەتى جەتىستىكتەرىنىڭ ٴبىرى رەتىندە، شاندۇڭنىڭ كومەكتەسۋ بويىنشا سالعان يىڭسار اۋداندىق مۇراجاي بيىل 5 ـ ايدىڭ 18 ـ كۇنى اشىلىپ، 213 دانا جىلجىمالى مادەني ەسكەرتكىشتەردى كورمەلەۋ، سيفرلانعان تەحنولوگيانى قولدانۋ جانە ەلىتە سەزىنۋ جوباسى ارقىلى جەرگىلىكتى ورىننىڭ تاريحي مادەنيەتىن ايگىلەيتىن جاڭا تەرەزەگە جانە مادەنيەت پەن ساياحاتتى توعىستىرۋدىڭ جاڭا جەر بەلگىسىنە اينالدى. شاندۇڭنىڭ جينيڭى شينجياڭعا كومەكتەسۋ بويىنشا جالپى 12 ميلليون يۋاننان استام قارجى قوسىپ، الاڭ ـ ساراي سالۋ، كورمە جوباسى، مادەنيەت مۇرالارىن قالپىنا كەلتىرۋ، سونداي ـ اق ىسكە قوسۋ جۇيەسىن ساپالىلاندىرۋعا پايدالاندى.
جياڭسۋدىڭ ىلەگە كومەكتەسكەن ٴارقايسى قىزمەت گرۋپپالارىنىڭ قولداۋىندا، انار گۇلى كورمە سارايى، قورعاس اۋداندىق مۇراجاي سياقتىلار جۇڭحۋانىڭ تاڭداۋلى ٴداستۇرلى مادەنيەتىن ايگىلەيتىن ماڭىزدى تەرەزەگە اينالدى، بارلىق قالا، اۋىلدارعا كەڭىنەن تارالعان ”انار ٴدانى كىتاپ ٴۇيى“، ”چيۋباي كىتاپحاناسى“ بۇقارانىڭ كىتاپ وقۋ بارىسىندا جۇڭحۋا مادەنيەتىنىڭ باي مازمۇنىن، تەرەڭ ٴمانىن سەزىنۋىنە مۇمكىندىك جاسادى. حىنان شينجياڭعا كومەكتەسۋ بويىنشا قۇمىلدا مادەنيەت جەر بەلگىسى شوعىرىن سالدى — 33 ميلليون يۋان قارجى قوسىپ زو زۇڭتاڭ مادەنيەت باقشاسىن سالدى، 50 ميلليون يۋان قارجى قوسىپ قۇمىل قالالىق مادەنيەت سارايىن سالدى، 120 ميلليون يۋان قارجى قوسىپ حىنان - شينجياڭ تاريح ـ مادەنيەت اۋىس ـ كۇيىس ورتالىعىن سالدى. فۋجياننىڭ شينجياڭعا كومەكتەسۋى بويىنشا بىلتىر مادەنيەت نىساندارى قارجى سالىستىرماسى %8.6تەن %10.5كە جوعارىلادى، سانجى حۇيزۋ اۆتونوميالى وبلىسىندا 12 ”بۇقارا كىتاپ ٴۇيى“، بەيزاتتىق مادەنيەت مۇرالارى كورمە زالى، سونداي ـ اق عىلىم ـ تەحنولوگيا سارايىن ٴوز ىشىنە العان جەلىلەس مادەنيەت بازالارى سالىندى.
شينجياڭعا كومەكتەسەتىن ولكە، قالالاردىڭ ۇزدىكسىز قۋات ۇستەۋىندە شينجياڭنىڭ الەۋمەتتىك مادەنيەت قىزمەت وتەۋ جۇيەسى كۇن سايىن كەمەلدەندى.
ادەبيەت ـ كوركەمونەر كوپىرلىك رول اتقاردى، توعىسۋ ىنتىماق گۇلىن قۇلپىرتتى
6 ـ ايدىڭ 29 ـ كۇنى كەشتە حوتان كينو ـ تەاترحاناسىندا شامدار سامالاداي جارقىراپ، «بەس جۇلدىز شىعىستان كوتەرىلدى» ٴبي تەاترى ۇدايى قويىلدى. بۇل تەاتردى بەيجيڭ كونسەرت توبى بەيجيڭ قالاسى شينجياڭعا كومەكتەسۋ حوتان قولباسشىلىق شتابىمەن، حوتان ايماقتىق پارتكوم ۇگىت بولىمىمەن بىرلەسىپ بىرگە جاساعان، حوتان شينيۇي ٴان ـ ٴبي ۇيىرمەسىنە وتكىزىپ بەرىلگەننەن كەيىن، بەيجيڭ جالپى 10 ميلليون يۋانعا جۋىق قارجى قوسىپ جابدىقتاردى جاڭالاۋعا پايدالاندى. ارتيست نۇربيا ٴمۇتالىپ بىلاي دەدى: ”بەيجيڭنىڭ شينجياڭعا كومەكتەسۋى ٴبىزدىڭ ويىن قويۋ ورەمىزدى جوعارىلاتىپ قانا قويماي، ونان دا ماڭىزدىسى، بۇل ٴبي تەاترىن بۇكىل ەلدەگى كورەرمەندەرگە كورسەتتىك“. بۇل تەاتر بيىل 30 رەتتەن استام قويىلىپ، حوتاننىڭ مادەنيەت پەن ساياحاتتى توعىستىرۋىنداعى التىن ٴارىپتى ماركاعا اينالدى.
مادەنيەتتى شىنايى مويىنداۋ ەڭ تەرەڭ قاتپارداعى شىنايى مويىنداۋ، ول ۇلتتار ىنتىماعىنىڭ نەگىزى، ۇلتتار تاتۋلىعىنىڭ جانى. مادەنيەتتى دانەكەر ەتىپ، شينجياڭعا كومەكتەسەتىن 19 ولكە، قالا مەن شينجياڭداعى ٴار ۇلت بۇقاراسىنىڭ ىشتەسۋ، ىقپالداسۋ بارىسىندا جۇرەكتەرى بارعان سايىن جاقىنداستى، سۇيىسپەنشىلىكتەرى بارعان سايىن قويۋلاستى، شينجياڭ سىندى وسىناۋ كەڭ كوسىلگەن بايتاق دالادا مادەنيەتپەن سۋارىلعان ۇلتتار ىنتىماعى گۇلى قۇلپىرا شەشەك اتۋدا.
كوركەم كۇسان قابىرعا سۋرەتتەرى، دابىرالى جۇرىلگەن تىڭ يگەرىپ، شەكارانى كۇزەتۋ، جۇڭگو - پاكيستان تاس جولىن سالۋ... جان تەبىرەنتەرلىك كورىنىستەر 70 نەشە جىلدى اتتاعان شاڭحايدىڭ شينجياڭعا كومەكتەسۋ تاريحىنىڭ ۇزىننان ـ ۇزاق كورىنىسىن تۇتاستىردى. شاڭحاي سەرىك ويىنى ۇيىرمەسى، شينجياڭ كوركەمونەر تەاترحاناسى سەرىك ويىنى ۇيىرمەسى سياقتى ۇيىرمەلەردىڭ ارتيستەرى بىرگە ورىنداعان «تيانشان قارى» اتتى سەرىك ويىنى تەاترى 17 ـ كەزەكتى رۋحاني وركەنيەت قۇرىلىسى ”بەس ٴبىر ينجەنەرياسى“ تاڭداۋلى سيلىعىن ەنشىلەدى.
”شاڭحاي، شينجياڭ ەكى جەر قول ۇستاسا دايىنداعان «تيانشان قارى» شاڭحايدىڭ شينجياڭعا كومەكتەسۋ تاريحىن تەرەڭ اشىپ، شينجياڭعا كومەكتەسۋ بويىنشا كەيىنگى ادەبيەت ـ كوركەمونەر سۇبەلى تابىستارىن شىنايى كورسەتتى“. «تيانشان قارىنىڭ» كوركەمونەر باس باقىلاۋشىسى يۇي يگاڭ بىلاي دەدى: بۇل تەاتر بۇكىل ەلدە ارالاپ قويىلىپ، كورەرمەندەردىڭ قىزۋ اڭىسىن قوزعادى.
شينجياڭعا باعىتتامالى كومەكتەسەتىن ٴارقايسى ولكە، قالالار وڭىرلىك ەرەكشەلىكتى تياناق ەتىپ، شينجياڭدى مادەنيەتپەن نارلەندىرۋ قىزمەتىن جاڭالىق اشا ورىستەتىپ، كوپ ساتىلى، كوپ سالالى ارالاسۋ، ىشتەسۋ، توعىسۋ جۇلگەسىن قالىپتاستىردى. گۋاڭدۇڭ ولكەسى ليڭنان مادەنيەتىن دانەكەر ەتىپ، قاشقار ايماعىنداعى مەكتەپتەردە يىڭگى ٴبيى، چاۋجۇي تەاترى سياقتى بەيزاتتىق مۇرا نىسانىن جالپىلاستىردى. لياۋنيڭ ولكەسى قىزىل گەندى جالعاستىرۋدى كورنەكتىلەندىرىپ، ”قوس باعىتتاعى ٴوزارا ىقپالداستىق“ مەحانيزمىن ورناتىپ، لياۋنيڭ - شىنياڭ شايقاسىن ەسكە ٴتۇسىرۋ سارايى ماماندانعان ۇيىرمەسىن تارباعاتايعا بارىپ ۇگىت جاساۋعا ۇيىمداستىردى ٴارى سالىقجان ٴيمىن سياقتى العاباسار ۇلگىلەردى لياۋنيڭگە بارىپ اۋىس ـ كۇيىس جاساۋعا ۇسىنىس ەتىپ، قىزىل بايلىقتان بىرگە يگىلىكتەنۋدى جۇزەگە اسىردى. جياڭسۋ ولكەسى جياڭسۋ - ىلە سۇيىسپەنشىلىگى · ۇلتتاردىڭ ارالاسۋ ينجەنەرياسى ارقىلى جياڭسۋ، ىلە ەكى جەردىڭ كەڭىنەن ارالاسۋىن، جاپپاي ىشتەسۋىن، تەرەڭدەي توعىسۋىن جەبەدى.
سارا ويىن نومىرلەرى مادەنيەتتى جالعاستىرۋ تاراۋلارىن ايگىلەۋدە، ٴار رەتكى مادەنيەت اۋىس ـ كۇيىسى جان دۇنيەنى توعىستىرۋ كوپىرىن ورناتىپ، مادەنيەت ينجەنەريالارى ۇلتتار ىنتىماعى قۇنارلى توپىراعىن سۋارۋدا... شينجياڭعا كومەكتەسەتىن ولكە، قالالار مادەنيەت ارقىلى شينجياڭعا كومەكتەسۋ جاندى امالياتى ارقىلى جۇڭحۋا مادەنيەتىنىڭ تيانشان الابىندا تامىر تارتىپ بۇرشىك جارۋىنا دەم بەردى.
مادەنيەت ـ ساياحات قۋات ۇستەدى، ارمان القابىنىڭ جاڭا تاراۋى كەسكىندەلدى
اعاش ەسىك مىڭ جىلدىق ۋاقىتتى ەپپەن كولەگەيلەپ، رومبى ٴپىشىندى تەرەزەدەن وتكەندەگى مەن قازىرگىنىڭ توعىسۋى كورىنەدى. كۇشار كۇسان تار كوشەسىنە بارا قالساڭىز، 33 ٴتۇرلى كاسىپ كۇيى جىجياڭ مادەنيەت ـ ساياحات ارقىلى شينجياڭعا كومەكتەسۋ ”قوس مەرۋەرت“ جوسپارىنىڭ دەمەۋىندە قارىشتاپ جەتىلدى — بەيزاتتىق مادەنيەت مۇرالار كورمەسىنەن ٴان ـ ٴبي ويىندارىنا دەيىن، ەرەكشەلىككە يە اس ـ سۋدان گۋمانيتارلىق كورىنىسكە دەيىن كۇسان مادەنيەتىن ارقالاعان تار كوشە ساياحاتشىلاردى ارت ـ ارتىنان كەلۋگە باۋرادى. كۇشار قالالىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسىنىڭ باستىعى گاۋ شيانجى بىلاي دەدى: جىجياڭ مادەنيەت ـ ساياحات ارقىلى شينجياڭعا كومەكتەسۋ ”قوس مەرۋەرت“ جوسپارىنىڭ دەمەۋىندە كۇسان تار كوشەسى جاڭا ومىرشەڭ كۇش قاۋلاتتى، ٴداستۇرلى اۋلالاردا جاڭا كەلبەت ايگىلەندى، 2024 ـ جىلى ٴبىر ميلليون ساياحاتشىنى (رەت) باۋرادى.
جىجياڭ ولكەسى شينجياڭعا كومەكتەسۋ قولباسشىلىق شتابى ۇگىت ـ مادەنيەت گرۋپپاسىنىڭ باستىعى، اقسۋ ايماقتىق پارتكوم ۇگىت ٴبولىمىنىڭ ورىنباسار باستىعى فىڭ رىنفاڭ بىلاي دەپ تانىستىردى: جىجياڭ ولكەسى شينجياڭعا كومەكتەسۋ قولباسشىلىق شتابى اقسۋ ايماقتىق پارتكوممەن بىرگە ورنالاستىرىپ ىلگەرىلەتكەن جىجياڭ مادەنيەت ـ ساياحات ارقىلى شينجياڭعا كومەكتەسۋ ”قوس مەرۋەرت“ جوسپارى كۇش ـ قۋاتتى شوعىرلاندىرا وتىرىپ ٴتومۇر دۇنيە جۇزىلىك جاراتىلىستىق مۇراسى جانە كۇسان دۇنيە جۇزىلىك مادەنيەت مۇراسى سىندى 2 مەرۋەرت بەلدەۋىن قالىپتاستىردى. قازىرگە دەيىن ’قوس مەرۋەرت‘ جوسپارى شينجياڭعا كومەكتەسۋ بويىنشا 127 نىسان جوسپارلانىپ اتقارىلىپ، كومەك قابىلداۋشى جەردىڭ 151 مادەنيەت ـ ساياحات نىسانىن اتقارۋىنا دەم بەردى، شينجياڭعا كومەكتەسۋ بويىنشا 523 ميلليون يۋان قارجى اجىراتىلىپ، قوعامدىق قارجىنىڭ 3 ميلليارد يۋاننان اسۋىنا تىكەلەي دەم بەرىلدى، كۇشار كۇسان تار كوشەسى، توقسۋ اۋدانى تيانلاي جيا ـ ي كورىنىس اۋماعى، ارال قالاسى قۇمدى ٴشول قاقپاسى كورىنىس اۋماعى سياقتىلار سالىندى، دارەجەسى جوعارىلاتىلدى، تيانشان ٴتومۇر كورىنىس اۋماعىندا اقسۋ ايماعىنداعى تۇڭعىش مەملەكەتتىك 5A دارەجەلى ساياحات كورىنىس ٴوڭىرىنىڭ ٴساتتى قۇرىلۋىنا دەم بەرىلدى.
قابا اۋدانى شىبار قالاشىعىنا ورنالاسقان جيلين جاڭا قىستاعى ٴاسىلى مالشىلاردى وتىرىقتاندىرۋ ٴتۇيىنى ايدار ۇيەڭكى قىستاعى بولاتىن. جيليننىڭ شينجياڭعا كومەكتەسۋ بويىنشا قولداۋىندا، اتالعان قىستاق 15 ميلليون يۋان سۇيەمەلدەۋ قارجىسىنا يە بولىپ، جالپى تۇلعالىق كوشىرۋدى جانە قايتا قۇرۋدى ورىندادى ٴارى اتىن ”جيلين جاڭا قىستاعى“ دەپ وزگەرتىپ العىس سەزىمدەرىن ٴبىلدىردى. قىستاق شينجياڭنىڭ وڭىرلىك ەرەكشەلىگىن ساقتاۋمەن بىرگە، نەگىزدىك قۇرىلعىلاردى جانە الەۋمەتتىك قىزمەت وتەۋ قۇرىلعىلارىن كەمەلدەندىرىپ، قونىستانۋعا قولايلى، مادەنيەت جالعاستىرىلعان، ساياحات قىزمەت وتەۋى ٴبىر تۇلعالانعان وسىزاماندانعان اۋىل ـ قىستاققا اينالدى.
«مەنىڭ التايىم» تەلە فيلمىنىڭ دابىرالى قويىلۋىنا ىلەسە، نەگىزگى كورىنىسى الىنعان جەرلەردىڭ ٴبىرى رەتىندە، جيلين جاڭا قىستاعى دەرەۋ تانىمال بولىپ، مادەنيەت پەن ساياحاتتى توعىستىرۋ ارقىلى اۋىل ـ قىستاقتى گۇلدەندىرۋدى جەبەۋدەگى ۇلگىگە اينالدى. قازىر اتالعان قىستاق ناقتى ”سايقىنبۇلاق“ كورىنىس اۋماعىن قۇرۋدا، جاراتىلىستىق كورىنىس، حالىقتىق سالت ـ سانا سەزىنۋى سياقتىلار ٴبىر تۇلعالانعان جالپىلىق سيپاتتى ساياحات نىسانالى جەر تۇلعالاۋ جوسپارلانىپ وتىر.
شينجياڭدى مادەنيەتپەن نارلەندىرۋ رۋحاني نارلەندىرۋ بولىپ قانا قويماي، ونان دا ماڭىزدىسى، جۇرت تىلەگىن ۇيىستىراتىن ”ۇيىستىرعىشقا“ اينالدى. ”ٴبىز ۋشيگە بارىپ حالىقتىق تۇسەلحانا تيجاراتى تاجىريبەلەرىن ۇيرەنىپ، قايتىپ كەلگەننەن كەيىن حالىقتىق تۇسەلحانا اشتىق، اۋىلداستار ەسىك الدىندا ـ اق جۇمىستانىپ، بايىدى“. قورعاس اۋدانى كۇرە قالاشىعى جانبۇلاق قىستاعىنىڭ تۇرعىنى ٴجاميلا عوپۇر بىلاي دەدى: جياڭسۋدىڭ ىلەگە كومەكتەسۋى · ۋشي (جياڭيىن) قىزمەت گرۋپپاسىنىڭ كومەگىندە، قىستاق تاريحي مادەنيەت جانە حالىقتىق سالت ـ سانا ٴبىر تۇلعالانعان ەرەكشە ساياحات ٴتۇيىنى بولىپ تۇلعالاندى.
مادەنيەت شەبى قۇرىلىسىنىڭ ”قاتتى تىرەگىنەن“ ارالاسۋ، ىشتەسۋ، توعىسۋداعى ”جۇرەكتەردى توعىستىرۋعا“ دەيىن، ونان مادەنيەت پەن ساياحاتتىڭ توعىسپالى دامۋىنىڭ ”جاڭا قوزعالىس قۋاتىنا“ دەيىن شينجياڭعا كومەكتەسەتىن 19 ولكە، قالا شينجياڭدى مادەنيەتپەن نارلەندىرۋدىڭ باي مازمۇنىن تۇسىندىرۋدە: تاريحتىڭ قۇنارلى توپىراعىن تەرەڭ جىرتىپ، مىڭ جىلدىق مادەنيەت تامىرىنىڭ جاڭا ومىرشەڭ كۇش قاۋلاتۋىنا مۇمكىندىك جاساۋ كەرەك، ونان دا ماڭىزدىسى، بولاشاقتى كوزدەپ، جاڭالىق اشۋ ارقىلى قۋات ۇستەپ مادەنيەتتى شىنايى مويىنداۋدىڭ تامىر تارتۋىنا مۇمكىندىك جاساۋ كەرەك.
