— جاڭا داۋىردە شينجياڭعا باعىتتامالى كومەكتەسۋ قىزمەتىنىڭ جوعارى ساپالى ورىستەتىلۋى جونىندە جالپى شولۋ
انار بۇلت \ شينجياڭ گازەتىنىڭ ٴتىلشىسى ۋي يۇڭگۇي
تاۋ ـ وزەنىمىز جالعاسقان، تاعدىرىمىز ٴبىر، ايلى اسپاندى جامىلعان، اۋىلىمىز ٴبىر.
2022 ـ جىلى 7 ـ ايدا باس شۋجي شي جينپيڭ شينجياڭدى كوزدەن كەشىرگەندە بىلاي دەپ اتاپ كورسەتتى: شينجياڭ قىزمەتىن ويداعىداي ىستەۋ كەلەلى جاعدايعا سايادى، بۇكىل پارتيانىڭ، بۇكىل مەملەكەتتىڭ ٴىرى ٴىسى. بۇكىل پارتيا ستراتەگيالىق جانە جالپى جاعداي بيىگىندە تۇرىپ شينجياڭ قىزمەتىنىڭ ماڭىزدىلىعىن تانىپ، شينجياڭعا باعىتتامالى كومەكتەسۋ قىزمەتى سەرپىنىن ارتتىرىپ، شينجياڭعا باعىتتامالى كومەكتەسۋ قىزمەتى مەحانيزمىن كەمەلدەندىرىپ، شينجياڭ قىزمەتىن تىزە قوسا جاقسى ىستەۋى كەرەك.
تەڭىزدەي تەرەڭ سۇيىسپەنشىلىك حالىق تىلەگىن، جۇرت قالاۋىن ۇيىستىردى؛ تاۋداي ٴۇمىت ەكپىندەي ىلگەرىلەۋدىڭ قوزعاۋشى كۇشىن قاۋلاتتى.
9 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى اشىلعاننان بەرى، ورتالىقتاعى ورىندار، شينجياڭعا كومەكتەسەتىن ولكە، قالالار جانە ورتالىق كاسىپورىندارى پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، تياناقتاندىرىپ، شينجياڭعا جاپپاي كومەكتەسۋگە، شينجياڭعا دالمە ـ ٴدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولدى، شينجياڭعا باعىتتامالى كومەكتەسۋ بويىنشا قوسىلعان قارجىنىڭ مولدىعى، ات سالىسقان ادامنىڭ كوپتىگى، قامتىعان سالاسىنىڭ كەڭدىگى، قول جەتكىزگەن ونىمدىلىگىنىڭ مولدىعى بۇرىن بولىپ كورمەگەن دەڭگەيگە جەتتى. تيانشان الابىنىڭ دامۋى اناعۇرلىم قارقىندى بولدى، حالىق تۇرمىسى اناعۇرلىم مەيىرگە بولەندى، باقىت اناعۇرلىم باياندى بولدى.
شينجياڭعا باعىتتامالى كومەكتەسۋ وراسان زور وزگەرىستەرگە دەم بەردى
تاۋ بىتكەندى كوپ كوردىم ومىرىمدە، كۇسانداعى بۇلتتاي بولماس كوڭىلىمدە. 6 ـ ايدىڭ 27 ـ كۇنى جىجياڭ ولكەسىنىڭ نيڭبو قالاسىنان كەلگەن ٴبىر توپ ساياحاتشى اقسۋ ايماعى كۇشار قالاسىنىڭ كۇسان تار كوشەسىن قىزىعا تاماشالادى.
بۇل تار كوشە بۇرىن ويلى ـ شۇڭقىر، ورتا تازالىعى ناشار بولاتىن. جىجياڭ مادەنيەت ـ ساياحات ارقىلى شينجياڭعا كومەكتەسۋ ”قوس مەرۋەرت“ جوسپارىنىڭ قولداۋىندا، كۇشار قالاسىنا باعىتتامالى كومەكتەسەتىن نيڭبو قالاسىنىڭ شينجياڭعا كومەكتەسۋ قولباسشىلىق شتابى تار كوشەلەردى كۇسان مادەنيەتى، ەرەكشەلىككە يە اس ـ سۋ، ۇلتتىق كيىم ـ كەشەك، ٴان ـ ٴبي ويىنى، بەيزاتتىق مۇرالار كورمەسى، گۋمانيتارلىق كورىنىس سياقتىلار ٴبىر تۇلعالانعان مادەنيەت ـ ساياحاتتى دامىتۋ كەشەندى تۇلعاسىنا اينالدىرىپ، 2024 ـ جىلى ٴبىر ميلليون ساياحاتشى (رەت) باۋرادى.
كۇسان تار كوشەسىنىڭ جاڭالانۋى شينجياڭعا كومەكتەسۋ قىزمەتىنىڭ شينجياڭنىڭ قالا، اۋىلدارىنداعى وراسان زور وزگەرىستەرگە دەم بەرۋىندەگى جاندى مىسالداردىڭ ٴبىرى.
تيانشان الابىنان، تارىم وزەنىنىڭ ەكى جاعالاۋىنان، كۇنلۇن تاۋى باۋرايىنان، قۇمدى ٴشول جيەگىنەن، بارلىق جەردەن شينجياڭعا كومەكتەسۋ نىساندارىنىڭ ٴىزىن كورۋگە بولادى. اۋىل ـ قىستاقتاردا، مال شارۋاشىلىق رايوندارىندا، قالا مالىلەرىندە، ٴار ۇلت بۇقاراسى بەيقۇت ۇيگە كوشىپ كىردى، بالالار جاقىن ماڭدا وقۋعا ٴتۇستى، قارتتار شينجياڭعا كومەككە كەلگەن مامانداردىڭ الىس ارالىقتى ەمدەۋ قىزمەت وتەۋىنەن يگىلىكتەنەتىن بولدى؛ مادەنيەت ورتالىعى، دەنە تاربيە الاڭ ـ سارايى، كىتاپحانا، شاعىن باقشا سياقتى قۇرىلعىلار ۇزدىكسىز كەمەلدەندى... شينجياڭعا كومەكتەسۋ وسى ”پايدانىڭ“ ٴار ۇلت تۇرعىندارىنىڭ ”ولشەمدى بولىسىنە“ اينالۋىن قولدادى.
2 جىلدان بەرى، ورتالىقتاعى ورىندار، شينجياڭعا كومەكتەسەتىن ولكە، قالالار جانە ورتالىق كاسىپورىندارى ”حالىقتىڭ قامىن ٴارقاشان كوكەيىنەن شىعارماي“، ”حالىقتىڭ قالاۋىن، ٴسوز جوق، ورىنداۋعا ۇمتىلىپ“، باستان ـ اياق جالعاستىرىپ، ۇزدىكسىز كۇش سالىپ، نازاردى شينجياڭداعى ٴار ۇلت بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىنە ىشكەرىلەي شوعىرلاندىرىپ، دالمە ـ ٴدال كۇش سالدى.
حالىققا ٴتيىمدى شارالار، حالىق تۇرمىسى نىساندارى شينجياڭداعى ٴار ۇلت بۇقاراسىنىڭ ٴوندىرىس، تۇرمىس شارت ـ جاعدايىن بارىنشا جاقسارتتى، شينجياڭعا كومەكتەسۋدىڭ جالپىلىق ونىمدىلىگى ۇزدىكسىز جوعارىلاپ، ٴار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى.
”حىبەيلىق شيپاگەر ’جاقسى!‘ “. شينجياڭعا كومەككە كەلگەن شيپاگەرلەردى اۋىزعا العاندا، چەرشەن اۋدانى توعراقلىق اۋىلى لاڭگار قىستاعىنىڭ تۇرعىنى 72 جاستاعى قۇربان مۇسا باس بارماعىن شىعاردى. 2024 ـ جىلى 10 ـ ايدا قۇرباندا ميعا قان قۇيىلۋ بەلگىسى بايقالىپ، سويلەگەندە ٴسوزى انىق بولماي، وڭ جاق قول ـ اياعى دارمەنسىزدەنىپ، ۇيىندەگىلەر ونى چەرشەن اۋداندىق حالىق شيپاحاناسىنا اپارىپ ەمدەتەدى. بۇرىن مۇنداي اۋرۋدى نەشە ٴجۇز كيلومەتر شالعايداعى شيپاحاناعا اپارۋعا تۋرا كەلەتىن، ال قازىر ەسىك الدىنداعى شيپاحانادا ٴونىمدى ەمدەۋگە بولاتىن بولدى. شينجياڭعا كومەككە كەلگەن كادرلار مەن جەر ـ جەردەگى كادر ـ بۇقارانىڭ قۇلشىنۋىندا ”كىشى ـ گىرىم اۋرۋدى اۋىلدا ەمدەۋ، سالماقتى اۋرۋدى اۋداندا ەمدەۋ، قيىن، قاتەرلى، سالماقتى اۋرۋلاردى ايماق، وبلىس، قالالاردا ەمدەۋ“ نىساناسى شينجياڭدا بىرتىندەپ جۇزەگە اسۋدا.
2 جىلدان بەرى، ورتالىقتاعى ورىندار، شينجياڭعا كومەكتەسەتىن ولكە، قالالار جانە ورتالىق كاسىپورىندارى حالىق تۇرمىسىن قامتاماسىز ەتۋ جانە جاقسارتۋ جاعىندا ۇسىنىلىم سەرپىنىن ارتتىرىپ، حالىققا ٴتيىمدى ٴبىر توپ ينجەنەريانى ىركەس ـ تىركەس سالدى، وڭتۇستىك، سولتۇستىك شينجياڭنىڭ اۋىل ـ قىستاقتارىنىڭ ەمدەۋ، وقۋ ـ اعارتۋ، قوعامدىق قامتاماسىزداندىرۋ دەڭگەيى قارىشتاپ جوعارىلادى، ٴار ۇلت بۇقاراسىنىڭ تۇرعىن ٴۇي شارت ـ جاعدايى جاقساردى، قالا، اۋىلدارداعى ارتىق ەڭبەككۇشتەر ورنىقتى جۇمىستاندى، نەگىزگى ساتىدا قىرۋار ورتا، باستاۋىش مەكتەپ، بالاباقشا جاڭادان سالىندى جانە جاڭالانىپ، كەڭەيتىلىپ سالىندى، قالا مەن اۋىلدىڭ الەۋمەتتىك نەگىزدىك قۇرىلعىلار قۇرىلىسى كۇن سايىن اقاۋسىزدانىپ، كەمەلدەنىپ، نەگىزگى ساتىنىڭ الەۋمەتتىك قىزمەت وتەۋ ورەسى بارىنشا جوعارىلادى.
شينجياڭعا باعىتتامالى كومەكتەسۋ زاتتىق جاقتاعى وسىزاماندانۋدى ىسكە اسىرۋمەن بىرگە، ادامنىڭ وسىزاماندانۋىن دا ىسكە اسىردى.
”بۇرىن وت باسى، وشاق قاسىنان شىقپايتىنبىز، قازىر كومپيۋتەرمەن جۇمىس ىستەيتىن بولدىق.“ 6 ـ ايدىڭ 30 ـ كۇنى ەرتەمەن گۇما اۋدانى مۇكۇيلا اۋىلى حىجيا جاڭا قىستاعىنىڭ تۇرعىنى رۇحيا احمەت ٴدال ۋاعىندا انحۇي (سانشيا) گۇما اۋدانى ونەركاسىپ باقشا رايونىنا جۇمىسقا كەلدى. باقشا رايونى انحۇيدىڭ شينجياڭعا كومەكتەسۋ نىسانى، قىزمەتكەر قابىلداۋ ەمتيحانى ارقىلى رۇحيا باقشا رايونىنىڭ ساندى مالىمەتكە بەلگى قويۋ قىزمەتكەرىنە اينالدى.
بۇرىن ٴداستۇرلى كوزقاراستىڭ ىقپالىنا ۇشىراعاندىقتان، وڭتۇستىك شينجياڭداعى ٴبىر ٴبولىم ايەلدەردىڭ جۇمىستانۋى شەكتەمەگە ۇشىرادى، مەملەكەتتىڭ وڭتۇستىك شينجياڭ وڭىرىنە ۇسىنىلىم تەبىنىنىڭ ۇزدىكسىز ارتۋىنا، سونداي ـ اق شينجياڭعا كومەكتەسۋ نىساندارىنىڭ ۇزدىكسىز تياناقتانىپ اتقارىلۋىنا ىلەسە، وڭتۇستىك شينجياڭداعى ٴتىپتى دە كوپ ايەلدەر ۇيدەن شىعىپ شەبەرلىك ۇيرەنىپ، جۇمىستانىپ، شارۋاشىلىق قۇردى. ولار تۇراقتى كىرىسكە يە بولىپ، كوزايالارى كەڭەيىپ، تۇرمىستا ٴتىپتى دە سەنىمدى بولدى. وسى زامانعى وركەنيەت سامالى شينجياڭنىڭ بايتاق دالاسىن جەلپىدى، شينجياڭعا باعىتتامالى كومەكتەسۋ قىزمەتىنىڭ ەڭبەگىنە كوز جۇمۋعا بولمايدى.
قول ۇستاسا ەكپىندەي ىلگەرىلەپ، بىرگە دامىدى
شينجياڭعا باعىتتامالى كومەكتەسۋدىڭ زور كۇشپەن قولداۋىندا، شينجياڭنىڭ كاسىپ سالاسى قۇرىلىمى ۇزدىكسىز ساپالىلانىپ، ىشكە، سىرتقا ەسىك اشۋ قابىلەتى ۇزدىكسىز جوعارىلاپ، مەملەكەتتىك ٴبىر تۇتاس ٴىرى بازارمەن ىشكەرىلەي توعىسۋعا جانە وعان قىزمەت وتەۋگە نەگىز قالادى. 9 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى اشىلعاننان بەرى، شينجياڭ ەكونوميكاسىنىڭ جوعارى ساپالى دامۋى جەدەل ارناعا ٴتۇستى، 2024 ـ جىلى وڭىرلىك ٴوندىرىس جالپى قۇنى 2 تريلليون يۋاننان اسىپ، اۋىل شارۋاشىلىعىن نەگىز، مۇناي حيميا، ەلەكتر قۋاتى، كومىر، توقىماشىلىق سياقتى ونەركاسىپتى جەتەكشى ەتكەن، وسى زامانعى مادەنيەت ـ ساياحات سياقتى قىزمەت وتەۋ كاسىبى ماڭىزدى ورىندى يەلەگەن وسى زامانعى كاسىپ سالاسى جۇيەسى قالىپتاستى. شينجياڭعا باعىتتامالى كومەكتەسۋدىڭ قولداۋى مەن ٴار ۇلت كادر ـ بۇقاراسىنىڭ قۇلشىنۋىندا، شينجياڭنىڭ ەكونوميكاسى مەن قوعامىنىڭ ”ورنىقتىلىق“ نەگىزى اناعۇرلىم بەكەمدەلىپ، ”ىلگەرىلەۋ“ قوزعالىس قۋاتى ۇزدىكسىز كۇشەيىپ، ”جاڭالانۋ“ ساپاسى، ونىمدىلىگى بارىنشا جوعارىلادى.
كەڭ كوسىلگەن شينجياڭنىڭ بايتاق دالاسىندا بايلىق مول، كورىنىس كوركەم. شينجياڭعا كومەككە كەلگەن كادرلار جەرگىلىكتى جاعدايعا قاراي ىستەپ، ”قان قۇيۋ“ مەن ”قان جاساۋدى“، ”قاتتى بولشەك“ پەن ”جۇمساق بولشەكتى“، ”كومەكتەسۋ“ مەن ”ٴوزارا پايدا جەتكىزۋدى“ ۇشتاستىرىپ، شينجياڭعا كومەكتەسۋ قىزمەتىن جاپپاي ىلگەرىلەتۋدىڭ تاماشا جاعدايىن قالىپتاستىردى.
2 جىلدان بەرى، شينجياڭعا كومەكتەسەتىن ولكە، قالالار ىركەس ـ تىركەس قارجى قوسىپ، تۇعىر دانەكەرىن قالىپتاستىرىپ، شارۋاشىلىق ـ ساۋدا ورتاسىن ساپالىلاندىرىپ، ساۋداگەر شاقىرىپ قارجى ەنگىزۋ ورىستەتتى، كاسىپ سالاسى بويىنشا شينجياڭعا كومەكتەسۋ نىسانى رايون سىرتىنداعى كاسىپورىنداردىڭ قارجى قوسۋداعى باستى قۇرامىنا اينالدى.
داچىڭ بولات قۇرىلىمدى جوعارى دەڭگەيلى زەردەلى جاساۋ، حۋاياۋ فوتوۆولت، ەلەكتر ەنەرگياسى، جىلۋ ەنەرگياسى، ەنەرگيا ساقتاۋ ٴبىر تۇلعالانعان، حۇڭدا ەلەكتر قۋاتى 5G زەردەلى ەلەكتر جابدىعى، يۇنجيڭ گرافەن تازا ەنەرگياسى... 2024 ـ جىلى 4 ـ ايدا قۇمىل قالاسى حىنان - قۇمىل كومىر قىشقىل گازىن شىعارمايتىن عىلىم ـ تەحنولوگيا كاسىپ سالاسى بويىنشا شينجياڭعا كومەكتەسۋ تۇعىرىنداعى كەلەلى نىسانداردىڭ شوعىرلى جۇمىس باستاۋ سالتى قۇمىل جوعارى، جاڭا تەحنولوگيا كاسىپ سالالارىن اشۋ رايونىنىڭ سولتۇستىگىندەگى جاڭادان گۇلدەنگەن كاسىپ سالاسى باقشاسىندا وتكىزىلدى، 4 نىسانعا قوسىلعان جالپى قارجى 3 ميلليارد 970 ميلليون يۋانعا جەتتى.
حىنان - قۇمىل كومىر قىشقىل گازىن شىعارمايتىن عىلىم ـ تەحنولوگيا كاسىپ سالاسى بويىنشا شينجياڭعا كومەكتەسۋ تۇعىرىن قۇمىل قالاسى، حىنان ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى جانە حىنان ولكەلىك جاڭا ەنەرگيا ساۋدا قوعامى بىرگە قۇرىپ، 2023 ـ جىلى 7 ـ ايدا ىسكە قوستى، بۇل شينجياڭعا كومەكتەسۋ قىزمەتىنىڭ ۇكىمەت جەتەكشىلىك ەتۋدەن تۇتاس قوعام ات سالىسۋعا، اكىمشىلىك ىلگەرىلەتۋدەن بازار ارقىلى دەم بەرۋگە، جالاڭ باعىتتى كومەكتەن سەلبەسىپ تەڭ يگىلىككە كەنەلۋگە بۇرىلىس جاساۋدى جۇزەگە اسىرۋىن ىلگەرىلەتۋدەگى جاڭالىق اشۋ شاراسى. بيىل 1 ـ ايعا دەيىن 10 كاسىپ سالاسى نىسانى مەن كوپتەگەن زەرتتەۋ قۇرىلىمى ەنگىزىلىپ، جالپى قوسىلعان قارجى 9 ميلليارد 980 ميلليون يۋانعا جەتتى.
2 جىلدان بەرى، ورتالىقتاعى ورىندار، شينجياڭعا كومەكتەسەتىن ولكە، قالالار جانە ورتالىق كاسىپورىندارى شينجياڭداعى جەر ـ جەرمەن، تاراۋلارمەن تىزە قوسا سەلبەسىپ، شينجياڭعا باعىتتامالى كومەكتەسۋدىڭ كەڭدىگى مەن تەرەڭدىگىن ۇلعايتىپ، شينجياڭعا كومەكتەسۋ ۇلگىسىنىڭ جالاڭ باعىتتا كومەكتەسۋدەن قوس باعىتتا سەلبەسۋگە بۇرىلىس جاساۋىن جۇزەگە اسىردى:
— شينجياڭعا كومەكتەسۋ قارجىسى دالمە ـ ٴدال كۇش سالىپ، شينجياڭنىڭ ەرەكشە، باسىمدىققا يە كاسىپ سالالارى مەن ەڭبەك شوعىرلانعان كاسىپ سالالارىن دامىتۋىن ٴتۇيىندى تۇردە قولداپ، ٴبىر توپ ٴىرى كاسىپورىنداردى، ٴىرى توپتاردى شينجياڭعا ىرگە تەبۋگە ەنگىزىپ، شينجياڭداعى ٴبىر توپ ايگىلى كاسىپورىندار شينجياڭعا كومەكتەسەتىن ولكە، قالالاردىڭ قولداۋىندا دامىپ، زورايىپ، باسىمدىقتار ارقىلى ٴبىرىن ـ ٴبىرى تولىقتاۋدى، سەلبەسىپ تەڭ يگىلىككە كەنەلۋدى جۇزەگە اسىردى؛
— ەنەرگيا سالاسىنداعى سەلبەستىكتى ۇزدىكسىز ىلگەرىلەتىپ، ”شينجياڭ ەلەكترىن شىعىسقا جەتكىزۋ“ كوپ ارنا قالىپتاستىرىپ، شينجياڭنان كەلگەن ەلەكتر قۋاتى ورتا، شىعىس بولىكتەگى 20 نەشە ولكە، اۆتونوميالى رايون، قالانى قامتىدى؛ شينجياڭعا كومەكتەسەتىن ولكە، قالالاردىڭ كۇشتى سۇرانىسىنىڭ ارقاسىندا ”شينجياڭ كومىرىن سىرتقا تاسىمالداۋ“ جالپى مولشەرى زور مولشەردە ارتىپ، شينجياڭ مەملەكەتتىڭ ستراتەگيالىق ەنەرگيا بازاسى سىندى ماڭىزدى ورنىن ۇزدىكسىز بەكەمدەدى؛
— ”شينجياڭ ونىمدەرىن وڭتۇستىككە جەتكىزۋ، گۋاڭدۇڭ ونىمدەرىن سولتۇستىككە جەتكىزۋ“ ارناۋلى قيمىلى، ”حىناننىڭ شينجياڭمەن جۇزدەسۋى“ اۋىل شارۋاشىلىق ەرەكشە ونىمدەرى جارمەڭكەسى سياقتى ٴبىر توپ بازار ارقىلى شينجياڭعا كومەكتەسۋ ۇلگىسى شينجياڭنىڭ اۋىل شارۋاشىلىق ەرەكشە ونىمدەرىنىڭ ساتىلۋىن ٴونىمدى ىلگەرىلەتىپ، ەگىنشى ـ مالشىلاردىڭ كىرىسىن ارتتىرۋمەن بىرگە، شينجياڭعا كومەكتەسەتىن ولكە، قالالاردىڭ ”كوجە ـ قاتىعىن“، ”جەمىس ـ جيدەگىن“ مولايتتى.
قول ۇستاسا ەكپىندەي ىلگەرىلەپ، بىرگە دامىدى. شينجياڭعا باعىتتامالى كومەكتەسۋ شينجياڭنىڭ وسىزاماندانعان كاسىپ سالاسى جۇيەسىنىڭ قۇرىلىس قارقىنى مەن تەبىنىن جەدەلدەتىپ، شينجياڭنىڭ وقۋ ـ اعارتۋ، ەمدەۋ سياقتى سالالارداعى بۇقاراعا قىزمەت وتەۋ قابىلەتى مەن دەڭگەيىن جوعارىلاتتى، سونىمەن بىرگە شينجياڭ مەن شينجياڭعا باعىتتامالى كومەكتەسەتىن ولكە، قالالار اراسىنداعى بارىس ـ كەلىستى، اۋىس ـ كۇيىستى جەبەدى. بۇكىل شينجياڭنىڭ جەر ـ جەرىندە شينجياڭعا كومەكتەسەتىن ولكە، قالالاردان كەلگەن كادر ـ دارىندىلار، كاسىپورىن تەحنولوگيا قىزمەتكەرلەرى بارشىلىق، شينجياڭعا كومەكتەسەتىن ولكە، قالالاردا شينجياڭنان كەلگەن جۇمىسكەرلەر، كاسىپورىن تيجاراتشىلارى دا كۇن سايىن مولايدى. بىرگە دامۋ شينجياڭعا كومەكتەسۋ قىزمەتىنىڭ ەڭ ايقىن بەلگىسىنە اينالدى.
ٴبىر نيەتپەن ارمانعا قۇلاش سەرمەپ، تيانشاندى تەرەڭ مەيىرگە بولەدى
6 ـ ايدىڭ 5 ـ كۇنى تۇرپان قالاسىنداعى 3 جاستاعى ٴبىر بالا 4 - 3 مەتر بيىكتىكتەن قۇلاپ، ەسىنەن تانىپ، تۇرپان قالاسى گاۋچاڭ رايوندىق حالىق شيپاحاناسىنىڭ شۇعىل ەمدەۋ بولىمىنە شۇعىل جەتكىزىلىپ ەمدەلدى. حۋناننان شينجياڭعا كومەككە كەلگەن شيپاگەر، تۇرپان قالاسى گاۋچاڭ رايوندىق حالىق شيپاحاناسىنىڭ سالماقتى ناۋقاس مەديتسينا ٴبولىمىنىڭ شيپاگەرى جياڭ سى دەرەۋ باسقا ەمدەۋ قىزمەتكەرلەرىمەن سايكەسىپ، بۇكىل شيپاحانانىڭ MDT بىرلەسىپ قۇتقارۋ ـ ەمدەۋ مەحانيزمىن ىسكە قوسىپ، شۇعىل قۇتقارۋ ارقىلى بالانى قاتەردەن امان الىپ قالدى.
مۇنداي ٴومىردى قۇتقارۋ حيكاياسى تۇرپاندا ۇنەمى كەزدەسەدى. حۋناننان شينجياڭعا كومەككە كەلگەن شيپاگەرلەر ىسىلعان شيپاگەرلىك ونەرىمەن جانە كوكىرەك كەرنەگەن قىزۋ ىنتامەن تۇرپانعا كەلىپ، وتتى القاپتا شينجياڭعا كومەكتەسۋدىڭ اسەرلى اڭگىمەلەرىن جازىپ، حۋنان مەن تۇرپان ەكى جەردىڭ تەرەڭ دوستىق سۇيىسپەنشىلىگىن جالعاستىردى. ولار ٴتوراعا ماۋ زىدۇڭنىڭ اۋىلىنان كەلگەن، سوندىقتان جەرگىلىكتى بۇقارا ولاردى شىن ىقىلاسپەن ”ماۋ شيپاگەر“ دەپ اتايدى. قازىر ”ماۋ شيپاگەر“ حۋناننان شينجياڭعا كومەككە كەلگەن ەمدەۋ اترەتىنىڭ ورتاق اتىنا اينالدى.
تاۋ ـ تەڭىز تەرەڭ سۇيىسپەنشىلىگى مىڭ شاقىرىم ارالىقتى اتتاپ ٴوتتى. شينجياڭعا كومەككە كەلگەن كادر ـ دارىندىلار ٴداۋىر جاۋاپكەرشىلىگىن ارقالاپ، العىس ايتۋ سەزىمىنە بولەنىپ، وتان ٴۇمىتىن اقتاۋ ەرىك ـ جىگەرىن امالياتتا ايگىلەپ، ”وتباسىن قيىپ وتانعا قىزمەت ەتۋ، ادالدىقپەن جاۋاپكەرشىلىك ارقالاۋ، ىنتىماقتاسا ۇلەس قوسۋ، جاڭالىق اشا ەكپىندەي ىلگەرىلەۋ“ سىندى شينجياڭعا كومەكتەسۋ رۋحىن اسقاقتاتىپ، كومەك قابىلداۋشى جەردەگى بۇقارانىڭ مۇڭ ـ مۇقتاجىن قاي ـ قاشان دا كوكەيلەرىندە ساقتاپ، ”شينجياڭعا نە ٴۇشىن كومەكتەسەمىز؟ شينجياڭعا كومەكتەسۋدە نەلەردى ىستەيمىز؟ شينجياڭعا كومەكتەسۋدە نەلەردى قالدىرامىز“؟ دەگەن ٴداۋىر سۇراۋىنا ٴىس جۇزىندىك ارەكەتتەرىمەن جاۋاپ بەردى.
نانحاي تەڭىزىنىڭ جاعاسىنداعى شىنجىننان پامير ۇستىرتىندەگى تاشقورعان تاجىك اۆتونوميالى اۋدانىنا كەلۋ، 4000 كيلومەتردەن استام جول تارتۋ شينجياڭعا كومەككە كەلگەن كادر، تاشقورعان تاجىك اۆتونوميالى اۋداندىق پارتكومنىڭ ورىنباسار شۋجيى جاڭ حۇڭلەيدىڭ ەستەن كەتپەس كەشىرمەسى ەدى.
تاشقورعاندا جاڭ حۇڭلەي كوپشىلىكتى باستاپ ”گۇل نەگە وسىنشاما قىزىل“ كورىنىس ٴوڭىرىن جاڭالاۋ جۇمىس ورنىندا شايقاس جاساپ، مۇزتاع مۇزدىق باقشاسى، حونچيراپ مەملەكەت قاقپاسى كورىنىس ٴوڭىرى سياقتى نەگىزدىك قۇرىلعىلاردى جاڭالاۋدى، دەڭگەيىن جوعارىلاتۋدى ىلگەرىلەتىپ، باستاماشىلدىقپەن كورىنىس وڭىرىندە قىزمەت وتەۋ جايماسىن قۇرىپ، جەرگىلىكتى بۇقارانىڭ ٴۇيىنىڭ ماڭىندا جۇمىستانۋىن جۇزەگە اسىردى. سونىمەن بىرگە ول شىنجىننىڭ اۋىل شارۋاشىلىق عىلىم ـ تەحنولوگيا باسىمدىعىنان پايدالانىپ، جەرگىلىكتى ورىننىڭ قوداس ەتىنىڭ ساپاسىن جوعارىلاتۋىنا كومەكتەسىپ، جەرگىلىكتى ورىننىڭ كەپتىرىلگەن قوداس ەتىنىڭ ۇلكەن شىعاناق رايونى بازارىنا كىرۋىن ىلگەرىلەتتى. تىڭعىلىقتى قىزمەتتەر جەرگىلىكتى ورىنداعى ٴار ۇلت بۇقاراسىنىڭ جاڭا داۋىردەگى وسى ”مۇز تاۋعا كەلگەن قوناقتى“ ەستەرىندە بەرىك ساقتاۋىنا مۇمكىندىك جاسادى.
اقىل ـ پاراسات ارقىلى شينجياڭعا كومەكتەسۋ — شينجياڭعا باعىتتامالى كومەكتەسۋ قىزمەتىنىڭ ماڭىزدى تۇيىندەرىنىڭ ٴبىرى. 2 جىلدان بەرى، شينجياڭعا كومەكتەسەتىن ولكە، قالالار اقىل ـ پاراسات ارقىلى شينجياڭعا كومەكتەسۋدى ەڭ ماڭىزدى ورىنعا قويىپ، دارىندىلاردىڭ شينجياڭعا يكەمدى كومەكتەسۋ سەرپىنىن ۇزدىكسىز ارتتىرىپ، كادر ـ دارىندىلاردى تاربيەلەۋ، باۋلۋ نىساندارىن دالمە ـ ٴدال اتقارىپ، كومەكتەسۋ، جەتەكتەۋ، جوعارىلاتۋ ينجەنەرياسىن ۇدايىلاندىرا ورىستەتىپ، كومەك قابىلداۋشى جەرلەردە تۇراقتاپ تۇرا الاتىن، شايقاس جۇرگىزە الاتىن، تاپجىلمايتىن دارىندىلار قوسىنىن قۇردى.
”بەيجيڭدە ٴبىر ٴۇيىم بار“ — بەيجيڭ قالاسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى مەن كوممۋنيستىك جاستار وداعى حوتان ايماقتىق كوميتەتى بىرگە ۇيىمداستىرعان سۇيىسپەنشىلىك قيمىلى، بۇل قيمىل جۇپ قۇراپ، تۋىس بولۋ، سۇيىسپەنشىلىكتى توعىستىرۋ، اۋىس ـ كۇيىس جاساۋ لاگەرىن اشۋ، مەرزىم سايىن ەرەكشە تارتۋ ـ تارالعى ۇسىنۋ سياقتىلاردى قامتيدى، حوتان ايماعىنداعى كومەككە يە بولعان وقۋشىلارعا استانا حالقىنىڭ مەيىرى مەن قامقورلىعىن سەزىندىرىپ، ٴار ۇلت بۇقاراسىنىڭ جاپپاي القاۋىنا بولەندى.
”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتۋ ارقىلى شينجياڭعا كومەككە كەلگەن كادر ـ دارىندىلار كومەك قابىلداۋشى جەردەگى ٴار ۇلت بۇقاراسىمەن ناعىز تۋىس بولدى. شينجياڭعا كومەكتەسەتىن ولكە، قالالار كومەك بەرۋشى، قابىلداۋشى ەكى جاقتىڭ اۋىس ـ كۇيىسىن، سەلبەستىگىن، جۇپ قۇراپ ىقپالداسۋىن كۇشەيتىپ، كومەك بەرۋشى، قابىلداۋشى ەكى جەردەگى ٴار ۇلت بۇقاراسىنىڭ كەڭ كولەمدە ارالاسۋىن، جان ـ جاقتى ىشتەسۋىن، ىشكەرىلەي توعىسۋىن ۇزدىكسىز ىلگەرىلەتىپ، كوكەيىنە جۇڭحۋا ۇلتى ورتاق تۇلعا تانىمىن بەكەمدەۋدىڭ تەرەڭ تاڭباسىن قالدىرىپ، ۇلتتار ىنتىماعىنىڭ، توعىسا ەكپىندەي ىلگەرىلەۋدىڭ، ٴبىر نيەتپەن ارمانعا قۇلاش سەرمەۋدىڭ اسەرلى داستانىن جازۋدا. شينجياڭ مەن شينجياڭعا كومەكتەسەتىن ولكە، قالالارداعى ٴار ۇلت كادر ـ بۇقاراسىنىڭ بارىس ـ كەلىسى، اۋىس ـ كۇيىسى بارعان سايىن جيىلەپ، سۇيىسپەنشىلىگى بارعان سايىن تەرەڭدەپ، اناردىڭ دانىندەي تىعىز ۇيىسىپ، جۇڭگو ارمانىن ٴبىر نيەتپەن بىرگە جۇزەگە اسىرۋدىڭ قۋاتتى بىرىككەن كۇشىن قالىپتاستىردى.
