كورىنىس ٴوڭىرى، قوناق ٴۇي، اۆتوكولىك جالعا بەرۋ ونىمدەرىنە تاپسىرىس بەرۋ ورلەۋى كوتەرىلدى
شينجياڭ جاز مەزگىلىندەگى ساياحات بازارىنىڭ تۇيىنىنە اينالدى
انار بۇلت \ شينجياڭ گازەتىنىڭ ٴتىلشىسى رىن جياڭ 7 ـ ايدىڭ 7 ـ كۇنى ۇرىمجىدەن حابارلايدى. تۇڭچىڭ ساياحاتى تاياۋدا جاريالاعان ساندى مالىمەتتە كورسەتىلۋىنشە، بيىل جاز مەزگىلىندە شينجياڭدا ساياحات ورلەۋى ۇزدىكسىز جوعارىلاپ، ەل ىشىندەگى ساياحات بازارىنىڭ تۇيىنىنە اينالعان.
ساندى مالىمەتتە مىنالار كورسەتىلگەن: 6 ـ ايدىڭ 1 ـ كۇنىنەن 24 ـ كۇنىنە دەيىن، شينجياڭنىڭ اۆتوكولىك جالعا بەرۋ ونىمدەرىنە تاپسىرىس بەرۋ ورلەۋى سايكەس مەزگىلدەگىدەن %65 اسقان، بازارلى كورىنىس وڭىرلەرىنە تاپسىرىس بەرۋ ورلەۋى سايكەس مەزگىلدەگىدەن %30 اسقان، قوناق ۇيلەرگە تاپسىرىس بەرۋ ورلەۋى سايكەس مەزگىلدەگىدەن %41 اسقان. مۇنىڭ ىشىندە حوتان اۋدانىندا، نيە اۋدانىندا، شۋاڭحى قالاسىندا، موڭعۇلكۇرە اۋدانىندا قوناق ۇيلەرگە تاپسىرىس بەرۋ ورلەۋى سايكەس مەزگىلدەگىدەن ەسەلەپ ارتقان.
تۇڭچىڭ ساياحاتتى زەرتتەۋ ورنىنىڭ اعا زەرتتەۋشىسى شۇي مومو تىلشىلىكتى قابىلداعاندا مىنالاردى ٴبىلدىردى: جاز مەزگىلىنىڭ كەلۋىنە بايلانىستى، شينجياڭ وزگەشە جاراتىلىستىق قاسيەتى مەن گۋمانيتارلىق نەگىزىنە سۇيەنىپ، بۇكىل ەلدەگى ساياحاتشىلاردىڭ ”سايالاۋ + ٴسوزسىز بارۋ“ سىندى قوس نىسانالى جەرىنە اينالدى. ساندى مالىمەتتە كورسەتىلۋىنشە، 6 ـ ايدىڭ ورتا شەنىنەن بەرى، شينجياڭداعى كورىنىس وڭىرلەرىن ينتەرنەتتە ىزدەۋ مولشەرى ساناق مەزگىلىندەگىدەن %60 اسقان؛ مۇنىڭ ىشىندە قاناس، نارات جايلاۋى، سايرام كولى سياقتى كورىنىس وڭىرلەرىن ينتەرنەتتە ىزدەۋ مولشەرى ساناق مەزگىلىندەگىدەن تۇگەلدەي %40 اسقان، مايتاۋ _ كۇشار تاس جولىندا ٴوزى كولىك جۇرگىزىپ ساياحاتتاۋدىڭ ٴبىر كۇندىك ەڭ جوعارى شەگى دە قاۋىرت ورلەۋگە كوتەرىلگەن.
جوعارى مەكتەپ ەمتيحانى ناتيجەسىنىڭ جاريالانۋىنا جانە ورتا مەكتەپ ەمتيحانىنىڭ ىركەس ـ تىركەس اياقتاۋىنا بايلانىستى، مەكتەپ ٴبىتىرۋ ساياحات ورلەۋى جاپپاي جوعارىلادى. تۇڭچىڭ ساپار تۇعىرىندا 7 ـ ايدىڭ باس شەنىندە وقۋشىلار قاۋىمىنىڭ تاپسىرىس بەرۋى كورنەكتى كوبەيىپ، ەل ٴىشى مەن حالىقارالىق ۇشاق بەلەتىنە تاپسىرىس بەرۋ مولشەرى بىردەي جوعارىلاپ، ۇزىن جەلىلى ساياحات اۋقىمى كورنەكتى بولىپ، بەيجيڭ، شاڭحاي، گۋاڭدۇڭ سياقتى جەرلەردەگى ساياحاتشىلار ٴۇرىمجى سياقتى باتىس بولىكتەگى بازارلى نىسانالى جەرلەرگە جاپا ـ تارماعاي كەلگەن. تۇڭچىڭ ساياحاتتى زەرتتەۋ ورنىنىڭ مەجەلەۋىنشە، شينجياڭ، شيزاڭ، سىچۋان سياقتى ساياحات نىسانالى جەرلەرىنىڭ ورلەۋى ۇزدىكسىز جوعارىلايدى ەكەن.
مايتاۋ _ كۇشار تاس جولىندا قاتىناستىڭ قالپىنا كەلۋى شينجياڭ ساياحاتىنىڭ قىزۋ ورلەۋىن جەبەيتىن ماڭىزدى فاكتورعا اينالدى. تۇڭچىڭ ساياحاتىندا تاپسىرىس بەرۋ قاتارىندا الدىڭعى 10 ورىندى يەلەگەن نىسانالى جەردەگى ۇيىرمەگە قاتىناسۋ ونىمدەرىنىڭ باسىم كوبى مايتاۋ _ كۇشار تاس جولى سىندى ينتەرنەتتە تانىمال، ٴسوزسىز باراتىن جەردى قامتىدى، ونىڭ ۇستىنە باستان كەشىرۋ پەريودى ٴبىر اپتادان استى.
تاياۋدا تۇڭچىڭ ساياحاتى تاعى دا ”جاز كەزىندە باعانى تومەندەتۋ، جازدا مەيلىنشە سەيىل ـ سەرۋەن قۇرۋ“ نەگىزگى تاقىرىپتىق قيمىلىن جەلىگە شىعاردى، شينجياڭدى نىسانالى جەر ەتكەن بازارلى ساياحات جەلىسى ونىمدەرىندە 3000 _ 300 يۋانعا دەيىن تيىمدىلىك جاسالدى، ونىمدەرىنىڭ ٴتۇرى مول، مازمۇنى باي، 8 كۇن، 7 ٴتۇن قاناس، ىلە اينالما جەلىسى بويىنشا توپتىق ساياحات تا، قۇندى، ساۋلەتتى ساياحات ارناۋلى ونىمدەرى دە بار.
تۇڭچىڭ ساياحاتتى زەرتتەۋ ورنى تالداۋ جاساپ بىلاي دەپ قارادى: شينجياڭنىڭ جاز كەزىندەگى ساياحاتىنىڭ كۇسەت بولۋى مىناداي 3 ارتىقشىلىقتان كەلگەن: شينجياڭنىڭ ”تابيعي اۋا رەتتەگىش“ اسەرى كورنەكتى، سولتۇستىك شينجياڭ جايلاۋىنىڭ كۇندىك ورتاشا اۋا تەمپەراتۋراسى 22 _℃25، قارلى تاۋ، كولدەر قورشاعان قاناس، سايرام كولى ىستىقتان ساقتانۋ ورىندارىنىڭ ەڭ باسىندا تۇر؛ ساياحات بايلىعى ٴبىرشاما مول، ساياحاتشىلار جايلاۋدا اتپەن شاپقىلاۋ، قۇمدى شولدە جۇلدىز تاماشالاۋ، قىساڭدا جاياۋ ٴجۇرۋ، بايىرعى قالانىڭ سىرىنا ٴۇڭىلۋ سياقتى كوپ نەگىزدى كورىنىستەردەن ٴبىر جولدا ٴلاززات الا الادى؛ حالىقتىق سالت ـ سانانى باستان كەشىرۋ دۋمانى قىزا ٴتۇستى، قاشقار بايىرعى قالا كورىنىس ٴوڭىرىنىڭ تاريحي گۋمانيتارلىق جاعدايى، قوم قىستاعىنداعى تۇرعىنداردىڭ تۇرمىسى، پامير ۇستىرتىندەگى حالىقتىق سالت ـ سانا، عۇرىپ ـ ادەت سياقتىلار شينجياڭ ساياحاتىنا اناعۇرلىم كوپ گۋمانيتارلىق قۇن سيلادى.
بازارلى كورىنىس وڭىرلەرىندە قاناستىڭ كوگىلجىم كولىندەگى تاڭعى تۇمان، قومداعى جۇلدىزدى اسپان، اعاش ۇيلەر، نارات جايلاۋىنداعى دالا گۇلدەرى سالتاناتى، حالىقتىق سالت ـ سانا بويىنشا وتباسىلارىن ارالاۋ، سايرام كولىن اينالا ٴوز اۆتوكولىگىمەن ساياحاتتاۋ، مايتاۋ _ كۇشار تاس جولىندا ”ٴبىر كۇندە ٴتورت ماۋسىمدى“ باستان كەشىرۋ، بايىنبۇلاقتىڭ توعىز يىرىندەگى باتقان كۇن جانە قاشقار بايىرعى قالا كورىنىس ٴوڭىرىنىڭ اشىلۋ سالتى، ٴجۇز جىلدىق بايىرعى شايحانا، پامير ۇستىرتىندەگى بايشا كولى، پانلۇڭ بايىرعى جولى سياقتىلار بازارلى ساياحاتتاعى، ٴسوزسىز، باراتىن جەرگە اينالدى.
