— باس شۋجي شي جينپيڭنىڭ سانشيدە قىزمەت تەكسەرگەندىگى جونىندە ەستەلىك
شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي، حالىق گازەتىنىڭ تىلشىلەرى دۋ شاڭزى، حۋ زىشي
اسقار الىپ تايحاڭ تاۋى، شەكسىز كوركەم كورىنىس.
پارتيا 18 ـ قۇرىلتايىنان بەرى، باس شۋجي شي جينپيڭ سانشيدىڭ بايتاق دالاسىندا تالاي رەت قىزمەت تەكسەرىپ، سانشيدىڭ ەكونوميكالىق، قوعامدىق دامۋىنا ايقىن بەتالىس كورسەتتى. 7 ـ ايدىڭ 7 ـ كۇنىنەن 8 ـ كۇنىنە دەيىن باس شۋجي شي جينپيڭ وسى اراعا تاعى كەلىپ، سانشيدىڭ دامۋى ٴۇشىن ونان ارى جاعدايدى باعامداپ، بەتالىس نۇسقادى.
بيىل — ”14 ـ بەسجىلدىق“ جوبا اياقتالاتىن، ”15 ـ بەسجىلدىق“ جوبا جوسپارلاناتىن جىل. بۇكىل ەلدەگى تۇڭعىش تۇتاس ولكە كولەمىندە جان ـ جاقتى، جۇيەلى جۇرگىزىلگەن مەملەكەتتىك بايلىق ۇلگىسىندەگى ەكونوميكانىڭ تيپ جاڭالاۋىنداعى كەشەندى، سايكەستى رەفورما سىناق رايونى جونىنەن ايتقاندا، ”رەفورما“ دەگەن ٴسوزدىڭ ۇلەس ـ سالماعى ەرەكشە اۋىر بولماق. باس شۋجي شي جينپيڭ سانشيدى بىلاي دەپ جىگەرلەندىردى: العان بەتتەن قايتپاي، تيپ جاڭالاپ دامۋدى تاباندىلىقپەن، تارتىپپەن ىلگەرىلەتۋ كەرەك.
بيىل تاعى جۇڭگو حالقىنىڭ جاپون شاپقىنشىلارىنا قارسى سوعىسى جانە دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعى. جۇڭگو كوممۋنيستىك پارتياسى ارمياعا، حالىققا باسشىلىق ەتىپ، قان توگىپ، ەرلىكپەن شايقاس جاساعان وسىناۋ توپىراقتا باس شۋجي شي جينپيڭ شۇعىلالى تاريحتى قايتا ەسكە ٴتۇسىرىپ، قاھارمان قۇربانداردى تەرەڭ سۇيىسپەنشىلىكپەن ەسكە الىپ، جاپون شاپقىنشىلارىنا قارسى سوعىس ۇلى رۋحىن اسقاقتاتىپ، مەملەكەتىمىزدى اناعۇرلىم قۇدىرەتتى ەتىپ قۇرۋعا ۇندەدى.
ٴداۋىر اعىمىن يگەرىپ، ايانباي شايقاسۋ رۋحىن اسقاقتاتسا، سانشي بايلىق ۇلگىسىندەگى ەكونوميكانىڭ تيپ جاڭالاپ دامۋىن ىلگەرىلەتۋدە تىڭ قادام تاستاپ، سانشيدىڭ بايتاق دالاسىنىڭ جۇڭگو ۇلگىسىندەگى وسىزامانداندىرۋدى ىلگەرىلەتۋىنىڭ تىڭ تاراۋىن جازاتىندىعى داۋسىز.
ناقتى شارۋاشىلىقپەن مەملەكەتتى گۇلدەندىرۋگە، ىسكەرلىك ارقىلى ەلدى كوركەيتۋگە تاباندى بولدى: ”عىلىم ـ تەحنولوگيادا جاڭالىق اشۋ ارقىلى تيبىن جاڭالاپ دارەجەسىن جوعارىلاتۋدى جۇزەگە اسىرۋ كەرەك“
ياڭچۋان ”سانشي مەن حىبەيدىڭ ماڭىزدى جول تورابىنا ورنالاسقان.“ 20 ـ عاسىردىڭ باسىندا جىڭديڭ - تاييۋان تەمىر جولى تۇتاستىرىلىپ، ”پيڭديڭ كومىرىمەن تايحاڭ تەمىرى قورىتىلىپ“، تايحاڭ تاۋىنىڭ قويناۋىنداعى وسى شاعىن قالاشىق ٴداۋىردىڭ الدىڭعى لەگىنە ٴوتتى. جاڭا جۇڭگو قۇرىلعان العاشقى كەزدەرى ياڭچۋان بۇكىل ەل بويىنشا ”1 ـ بەسجىلدىق“ كەزىندەگى 15 كومىر كەننىڭ ٴتۇيىندى قۇرىلاتىن كەن اۋماعىنا تاڭدالىپ، بۇكىل ەل بويىنشا ەڭ ۇلكەن ٴتۇتىنسىز كومىر ٴوندىرۋ بازاسىنىڭ ٴبىرى بولدى.
100 جىلدىڭ الدىندا ياڭچۋان قاقپاقشا جارنا شەكتى سەرىكتەستىگىنىڭ توركىنى كومىر بايلىعىنىڭ اشىلۋىنا ىلەسە دۇنيەگە كەلدى. 100 جىل ىشىندە كاسىپورىننىڭ دامۋى ٴداۋىر اۋقىمىنا ىلەسە نەشە رەتكى وزگەرىستى باستان وتكەردى: اسقاق سەزىم الاۋلاعان قۇرىلىس جىلدارىندا ”ٴبىزدىڭ قاقپاقشامىز ياڭچۋاننىڭ كومىرى سياقتى جۇڭگو ونەركاسىبىنىڭ جالىنىن لاۋلاتۋى كەرەك“ دەگەن قايتپاس قاجىر بولدى؛ رەفورما جاساپ، ەسىك اشۋدىڭ شىعىس جەلىمەن ونىمدەر مەملەكەت قاقپاسىنان شىعىپ، الىس شەتەلگە ساتىلعان مەرەيلى ساتتەر بولدى؛ عاسىر توعىسىنداعى بازار تولقىنىنىڭ سوققىسىندا جاپالى تۇردە جىلجي باسقان كەزدەر بولدى...
جاڭا داۋىرگە قادام تاستاعاندا، ياڭچۋان قاقپاقشا سەرىكتەستىگى نازاردى تەحنولوگيادا جاڭالىق اشۋ ارقىلى كاسىپ سالاسىنىڭ دارەجەسىن جوعارىلاتۋعا دەم بەرۋگە شوعىرلاندىرىپ، جاڭا مانەرلەۋ شەبەرلىگىن، جاڭا ٴونىمدى زەرتتەپ اشىپ، كونە كاسىپورىننىڭ جاڭا ومىرشەڭدىگىن قاۋلاتىپ، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ”شاعىن قۋاتتى“ كاسىپورىن بولىپ باعالاندى.
ٴوندىرىس سەحىنىڭ ىشىندە كومىر گازى تيەك قاقپاقشاسى، ەلەكتر اينالمالى تاقتايشالى قاقپاقشا، مىقتى ساڭلاۋسىز بەكىتىلگەن كوبەلەكشە قاقپاقشا... الۋان ٴتۇرلى ونىمدەر ٴتىزۋلى تۇر.
باس شۋجي شي جينپيڭ ٴالسىن ـ ٴالى ايالداپ كورىپ، ونىمدەردىڭ ٴوندىرىلۋ جانە ساتىلۋ احۋالىن ەگجەي ـ تەگجەيلى ۇعىستى. ول بىلاي دەپ اتاپ كورسەتتى: ”ناقتى شارۋاشىلىقتان ايرىلۋعا بولمايدى، ناقتى شارۋاشىلىقتىڭ ىشىندەگى ٴداستۇرلى كاسىپ سالاسىنان ايرىلۋعا بولمايدى، عىلىم ـ تەحنولوگيادا جاڭالىق اشۋ ارقىلى تيبىن جاڭالاپ دارەجەسىن جوعارىلاتۋدى جۇزەگە اسىرۋ كەرەك“.
كونە مەن جاڭا، بۇزۋ مەن قۇرۋ، سوزدەرىندە باستان ـ اياق ساباقتاستىرىلعان تالاپ ايتىلدى: ”ٴداستۇرلى كاسىپ سالاسىن جاڭالاپ دارەجەسىن جوعارىلاتۋ جاڭاشا وندىرگىش كۇشتەردى دە دامىتادى“، ”كونە كاسىپورىننىڭ دا جوعارى دەڭگەيلىلەنۋىنە، زەردەلىلەنۋىنە، جاسىلدانۋىنا بولادى“.
كەتەرىندە باس شۋجي شي جينپيڭ كاسىپورىن قىزمەتكەرلەرىنە بىلاي دەدى: ”كوپشىلىكتىڭ رۋحى كوتەرىڭكى، قايراتى تاسقىنداعان بەينەسىن كورىپ قاتتى قۋاندىم. ەلىمىزدىڭ ونەركاسىبىنىڭ دامۋى وتكەندە قوس قولمەن ىستەۋگە سۇيەنگەن، قازىر وزىق تەحنولوگيا جانە جابدىققا سۇيەنىپ دەڭگەيىن جوعارىلاتۋعا تۋرا كەلەدى. ناقتى شارۋاشىلىق مەملەكەتتى گۇلدەندىرەدى، ىسكەرلىك ەلدى كوركەيتەدى. سىزدەردىڭ كۇش ۇستىنە كۇش قوسىپ، تاعى دا تىڭ بەلەسكە كوتەرىلىپ، جاساۋ كاسىبىندە قۋاتتى ەل قۇرۋعا كوبىرەك ۇلەس قوسۋلارىڭىزدى ٴۇمىت ەتەمىن“.
شاپالاق ٴۇنى، الاقايلاعان ٴۇن زاۆود سەحىن جاڭعىرتتى.
ەرتە باستان دامۋدىڭ تىڭ جولىن تاپتى:”تيپ جاڭالاپ دامۋ بارىسىندا جوعارى ساپالى دامۋدى، باياندى دامۋدى جۇزەگە اسىرۋ كەرەك“
كومىر — ۇلى تابيعاتتىڭ سانشيگە بەرگەن ەرەكشە بايلىعى. جەردىڭ ٴتوسىن اشىپ قارا التىن الدى، كومىردىڭ لاۋلاعان وتى سانشيدىڭ تاياۋ زامانعى ونەركاسىبىنە جارىعىن شاشتى.
الايدا، ۇزاق ۋاقىتتان بەرى، سانشي كومىر كاسىبىمەن گۇلدەندى ٴارى كومىر كاسىبىندە تىعىرىققا تىرەلدى، كومىر كاسىبىنە عانا سۇيەنۋ كاسىپ سالاسىنىڭ ٴبىر سىدىرعى بولۋىنا اپارىپ سوقتى.
بايلىق ۇلگىسىندەگى رايون ەكونوميكاسىنىڭ تيپ جاڭالاپ دامۋىن جۇزەگە اسىرىپ، كاسىپ سالاسىنىڭ كوپ نەگىزدى تىرەك بولاتىن قۇرىلىمدىق جاعدايىن قالىپتاستىرۋ — سانشي ەكونوميكاسىنىڭ دامۋىندا ىشكەرىلەي وي جۇگىرتۋگە جانە قامال الۋعا ٴتيىستى كەلەلى تاقىرىپ. جالپى تۇلعالىق رەفورما ماسەلەنى شەشۋدىڭ شاراسى، شەشۋشى امالى.
2017 ـ جىلى 6 ـ ايدا باس شۋجي شي جينپيڭ سانشيگە كەلىپ قىزمەت تەكسەرگەندە، سانشيدى ”وسى ورايدان ويداعىداي پايدالانىپ، كاسىپ سالاسى تاڭداۋلى، ساپاسى جوعارى، ونىمدىلىگى جاقسى، باياندى داميتىن جاڭا جولمەن جۇرۋگە“ شابىتتاندىردى.
2019 ـ جىلى 5 ـ ايدا باس شۋجي ورتالىقتىڭ رەفورمانى جاپپاي تەرەڭدەتۋ كوميتەتىنىڭ 8 ـ رەتكى ٴماجىلىسىن باسقارىپ اشىپ، «سانشيدە ەنەرگيا توڭكەرىسىنىڭ كەشەندى رەفورماسىن تۇيىندەردە سىناق ەتۋ جونىندەگى پىكىردى» قاراپ ماقۇلداپ، سانشيدىڭ كەشەندى رەفورما سىناق ٴتۇيىنى ارقىلى بۇكىل ەلدەگى ەنەرگيا توڭكەرىسىنىڭ اتويشىسى بولۋىنا قولداۋ كورسەتتى.
2020 ـ جىلى 5 ـ ايدا سانشيگە قايتا كەلگەندە، باس شۋجي تاعى دا: ”سانشيدە كوكەي تەستىلىك سەزىم بولۋى، ونان دا ماڭىزدىسى، ۇزاق بولاشاقتىق ستراتەگيالىق جوبا بولۋى كەرەك، دۇرىس ىستەردى تاباندىلىقپەن جالعاستىرىپ، تىنباي كۇش سالۋ، قايتالاماۋ، سارپالداڭعا تۇسپەۋ، تيبىن جاڭالاپ دامۋدىڭ تىڭ جولىن ەرتەرەك تابۋعا ۇمتىلۋ كەرەك“ دەپ قاداعالاي تاپسىردى.
رەفورما اياق الىسى، ونىمدىلىگى قانداي؟ وسى رەت قىزمەت تەكسەرگەندە باس شۋجي سانشيدىڭ كاسىپ سالاسىنىڭ تيبىن جاڭالاپ دارەجەسىن جوعارىلاتۋ جاعدايىن ەگجەي ـ تەگجەيلى ۇعىستى.
”سىزدەردىڭ بۇل ارادا جەل ەلەكتر، فوتوۆولت ارقىلى ەلەكتر تاراتۋ، سۋتەگى ەنەرگياسى، كومىر قاباتى گازى سياقتى ەنەرگيالاردى دامىتۋ باسىمدىقتارى بار“. ”بولات ـ تەمىر، كوكستەندىرۋ، ٴتۇستى مەتال، حيميا ونەركاسىبى، قۇرىلىس ماتەريالدارى سياقتى كاسىپ سالالارى دا نەگىزگى تۇلعا“. ”حۋاڭحى، ۇلى قورعان، تايحاڭ سىندى 3 ساياحات تاس جولى سالىنىپ، قاتتى بولشەكتەر دە سايكەستى“...
باس شۋجي سانشيدىڭ جاعدايىن ابدەن بىلەدى، ٴاربىر مالىمەتتى تىڭداعاندا بارلىعىنا جاۋاپ قايتارىپ، ەگجەي ـ تەگجەيلى سۇرايدى، جەتەكشىلىك ەتەدى. وسى سوزدەردىڭ بارلىعى ”تەك كومىر كاسىبىنە عانا سۇيەنۋ“ قيىن ماسەلەسىن شەشىپ، تيپ جاڭالاپ دامۋدى جۇزەگە اسىرۋدىڭ كوپ نەگىزدى جولىنا نازار اۋدارۋ ەدى.
7 ـ ايدىڭ 8 ـ كۇنى تۇستەن بۇرىن سانشي ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعان كەزدە، باس شۋجي شي جينپيڭ بىلاي دەپ اتاپ كورسەتتى:”مەملەكەتتىك بايلىق ۇلگىسىندەگى ەكونوميكانىڭ تيپ جاڭالاۋىنداعى كەشەندى، سايكەستى رەفورما سىناق رايونىن قۇرۋ — پارتيا ورتالىق كوميتەتىنىڭ سانشيگە تاپسىرعان ستراتەگيالىق مىندەتى، مۇنداعى ماقسات — سانشيدىڭ تيپ جاڭالاپ دامۋ بارىسىندا جوعارى ساپالى دامۋدى، باياندى دامۋدى جۇزەگە اسىرۋىن ٴۇمىت ەتۋ“.
”كوپ جىلدىق قۇلشىنىس ارقىلى سانشيدىڭ تيپ جاڭالاپ دامۋى ٴبىرشاما ايقىن وي جەلىسىنە يە بولىپ، ٴبىراز ونىمدىلىكتەرگە قول جەتكىزدى، الايدا مىندەت ٴالى دە جاپالى، يدەيالىق تانىمدى اناعۇرلىم بىرلىككە كەلتىرىپ، العان بەتتەن قايتپاي، تاباندىلىقپەن، تارتىپپەن العا ىلگەرىلەتۋ كەرەك“.
قالاي العا ىلگەرىلەتۋ كەرەك؟ باس شۋجي ”تاباندىلىق“ جانە ”ٴتارتىپ“ دەگەن 2 ٴتۇيىندى ٴسوزدى باسا دارىپتەپ، بەتالىستى ايقىنداۋمەن بىرگە، ٴادىس ـ امال دا كورسەتتى —
”تاباندىلىق دەگەنىمىز العا باسۋ بەتالىسىن ٴدال تانىپ، بۇلجىماي ٴجۇرۋ. تاباندىلىقتى ساقتاپ، قيىندىققا توتەپ بەرىپ، ەكى ۇداي بولۋ، ٴالىپتىڭ ارتىن باعۋ جانە مۇددەگە عانا بوي ۇرۋ پيعىلىن جەڭىپ، كومىر بازارى جاقسى كەزدە تيپ جاڭالاعىسى كەلمەيتىن، كومىر بازارى ناشار كەزدە تيپ جاڭالاي المايتىن كەلەڭسىزدىكتەن اتتاپ شىعۋ كەرەك“.
”ٴتارتىپ دەگەنىمىز ورنىقتى، تىڭعىلىقتى ىستەپ، قادام سايىن قامال الۋ. تيپ جاڭالاپ دامۋدىڭ شارپيتىن كولەمى كەڭ، رەفورما مىندەتى اۋىر، مۇددەگە ساياتىندارى ٴبىرشاما كوپ، ەجەلگى باسىمدىقتى ساۋلەلەندىرۋ مەن تيپ جاڭالاپ دامۋدىڭ تەپە ـ تەڭدىگىن ويداعىداي يگەرىپ، جاڭا، كونە قوزعالىس قۋاتتارىنىڭ الماسۋىنىڭ وتكەلى مەن تۇيىلىسۋىنە دەن قويىپ، كونەسىن جاڭالاۋ، تارتىپپەن بىرتىندەپ ىلگەرىلەۋ كەرەك، دۇرمەككە ىلەسۋگە، جاڭاسى بولماي تۇرىپ كونەسىن كەرەكتەن شىعارۋعا بولمايدى“.
باس شۋجي شي جينپيڭ بىلاي دەپ ەرەكشە تاپسىردى: ”دۇرىس ناتيجە كوزقاراسىن بەرىك ورناتىپ، شەگە قاعۋ رۋحىن اسقاقتاتۋ كەرەك، تاباندا ـ اق تابىسقا جەتەمىن دەۋگە بولمايدى، ’وبراز ينجەنەرياسىمەن‘، ’ناتيجە ينجەنەرياسىمەن‘ اينالىسۋعا ٴتىپتى دە بولمايدى“.
ۇستانىم وزگەرسە، دۇنيە كەڭەيەدى. رەفورمانىڭ تەتىگى ويلاۋدا بۇرىلىس جاساۋدا. كومىر سىندى وسى كاسىپتى جانداندىرىپ، ەنەرگيا سىندى وسى ٴبىر ٴتۇيىندى مىقتى يگەرسەك، تۇتاس تيپ جاڭالاپ دامۋ سىندى شاحمات جاندانا تۇسەدى.
”ەنەرگيادا تيپ جاڭالاۋ كومىر ٴونىمىن، تۇتىنۋ مولشەرىن جاي عانا ازايتۋ ەمەس، قايتا مەملەكەتتى ەلەكترمەن، كومىرمەن قامداۋ جاۋاپكەرشىلىگىن مىقتاپ يگەرۋ العى شارتىندا، كومىردى تازا، تومەن كومىر قىشقىل گازدى دامىتۋدى، كوپ نەگىزدى پايدالانۋدى، جان ـ جاقتى ساقتاۋدى، تاسىمالداۋدى ىلگەرىلەتىپ، جاسىل، تومەن كومىر قىشقىل گازدى تەحنولوگيادان قامال الۋدى جەدەلدەتىپ، كومىر كاسىبىنىڭ تومەن دەڭگەيدەن جوعارى دەڭگەيگە، كومىر ونىمدەرىنىڭ باستاپقى جانار زاتتان جوعارى قۇندى ونىمگە كوتەرىلۋىن ىلگەرىلەتۋ كەرەك“.
كوپ نەگىزدى دامۋدا دا جەرگىلىكتى جاعدايعا قاراي ىستەۋ، ”لايىقتى“ ىستەۋ كەرەك.
باس شۋجي بىلاي دەپ باسا دارىپتەدى: ٴبىر جاعىنان، ”سانشيدە كومىرگە جاتپايتىن كەن ونىمدەرى، اۋىل شارۋاشىلىعى، مادەنيەت، ساياحات، سالاماتتىق ـ كۇتىنۋ، ەكولوگيا سياقتى بايلىقتار ٴبىرشاما مول، ونىڭ ۇستىنە جاسىل ەلەكتر سياقتى فاكتورلاردىڭ وزىندىك قۇنى تومەن بولۋ باسىمدىعى كورنەكتى بولىپ، ەداۋىر كوپ نەگىزدى دامۋ شارت ـ جاعدايىن ازىرلەدى“. سونىمەن بىرگە ”كوپ نەگىزدى دامۋدا ىستەۋگە تيىستىلەرىن ىستەۋگە، ىستەمەۋگە تيىستىلەرىن ىستەمەۋگە تاباندى بولىپ، ساپالى ٴونىم شىعارۋعا كۇش سالۋ كەرەك، وراي الدىندا تالعام جاساماي بارلىعىن قابىلداۋدان اۋلاق بولۋ كەرەك، سانعا ٴمان بەرىپ، ساپاعا نەمقۇرايدى قارايتىن كونە سۇردەكپەن جۇرۋگە استە بولمايدى“.
جاپون شاپقىنشىلارىنا قارسى سوعىس ۇلى رۋحىن اسقاقتاتتى:”سالاۋاتتى، داڭقتى، ماقتان تۇتارلىق جۇڭگولىق بولۋ كەرەك“
سانشي — داڭقتى توڭكەرىستىك داستۇرگە يە جەر. 80 نەشە جىلدىڭ الدىندا جۇڭگو كوممۋنيستىك پارتياسى باسشىلىق ەتكەن 8 ـ ارميا حۋاڭحىدان شىعىسقا ٴوتىپ، جاۋ ارتقى شەبىندەگى جاپون شاپقىنشىلارىنا قارسى سوعىس بازاسىن قۇرىپ، بۇل ارادا پيڭشيڭگۋان زور جەڭىسى، 100 تۋان شايقاسى قاتارلى ايگىلى شايقاستارعا باسشىلىق ەتىپ جۇرگىزىپ، ۇلى تايحاڭ رۋحىن، لۇيلياڭ رۋحىن سومدادى.
تايحاڭشان تاۋىنا ورنالاسقان ياڭچۋان — 100 تۋان شايقاسىنىڭ 1 ـ كەزەڭىندەگى نەگىزگى شايقاس مايدانى. قالا وڭىرىندەگى ەڭ بيىك شىڭ شىناۋشان تاۋى ايبىندى ارىستانداي، بۇگىنگى كوركەم تاۋ ـ وزەندەردىڭ توبەسىنەن قاراپ تۇر.
7 ـ ايدىڭ 7 ـ كۇنى بۇكىل ۇلتتىڭ جاپون شاپقىنشىلارىنا قارسى سوعىسى باستالعاندىعىنىڭ 88 جىلدىعى. سول كۇنى تۇستەن كەيىن وسى وڭىرگە نوسەر جاۋدى.
جاڭبىر تولاستاپ كۇن كوتەرىلە باستاعانىمەن، تۇمان سەيىلە قويعان جوق. باس شۋجي شي جينپيڭ مەن ساپارلاستارى اۆتوكولىكپەن تاۋ جولدارىن بويلاپ شىناۋشان تاۋىنىڭ توبەسىندەگى 100 تۋان شايقاسى ەسكەرتكىشى الاڭىنا كەلدى.
”تايحاڭ تاۋىنداعى اسقاق رۋح ماڭگى جالعاسادى، توڭكەرىستىك قۇربانداردىڭ ىستىق قانى مەن رۋحى ماڭگى ساقتالادى“. تاريحتىڭ ىس ـ تۇتەگى تاراعانىمەن، قاھارمانداردىڭ جىگەرى وشپەيدى. 100 تۋان شايقاسى ەسكەرتكىشى بۇلتقا شانشىلعان وتكىر نايزاداي، ەكى جاعىندا ”ورتەڭ“ بوي سوزىپ تۇر، تاس كەرپىشپەن قالانعان ”ۇلى قورعان“ ٴيىر ـ قيىر كوسىلىپ جاتىر، ول جان ـ تانمەن سومدالعان قۇرىش قورعاندى ايگىلەپ تۇر.
2 قۇرمەت قاراۋىلى گۇل شارباقتى ەسكەرتكىشتىڭ الدىنا قۇرمەتپەن قويدى.
باس شۋجي شي جينپيڭ باسپالداقپەن باياۋ شىعىپ، گۇل شارباقتاعى لەنتانى مۇقيات تۇزەپ، 8 ـ ارميا قۇرباندارىنا 3 رەت تاعزىم ەتتى.
وسىدان كەيىن باس شۋجي شي جينپيڭ 100 تۋان شايقاسى ەسكەرتكىش سارايى كورمەسىن ەكسكۋرسيالادى.
”كەرناي تارتىلدى“، ”ستراتەگيالىق شەپ قۇرىلدى“، ”100 تۋان اتتاندى“، ”جەڭگەن سايىن وكشەلەي قۋدى“، ”جاۋدىڭ ’الاستاۋىنا‘ قارسى تۇردى“... ٴاربىر پارشا تاريحي سۋرەت، ٴاربىر قۇندى ناقتى زات، تۇتاس كورىنىس جاپون شاپقىنشىلارىنا قارسى سوعىستا ”بۇرىن بولماعان قيىنشىلىققا تاپ بولعان“ ساتتە، جۇڭگو كوممۋنيستىك پارتياسىنىڭ جاپون شاپقىنشىلارىنا قارسى سوعىستى سوڭىنا دەيىن جالعاستىرۋ تۋىن باتىل بيىك كوتەرىپ، حالىق بۇقاراسىن ىنتىماقتاستىرىپ، جاپون قاراقشىلارىنا ”جارقىلداعان ناجاعايداي“ كەڭ كولەمدە قايتارما سوققى بەرگەندىگىن قايتالاي كورسەتتى.
8 ـ ارميا باس شتابى 3 ٴىرى نەگىزگى قوسىنعا جولداعان «شايقاس ارەكەت بۇيرىعى» تەلەگرامماسى، 100 تۋان شايقاسىنىڭ سوعىس جۇرگىزۋ سحەماسى، نياڭزىگۋان شايقاسى، گۋانجياناۋ شايقاسىنداعى تاريحي سۋرەتتەر، جىڭديڭ - تاييۋان تەمىر جولىن تالقانداۋ شايقاسىن قايتا ەلەستەتكەن كورىنىستەر... باس شۋجي شي جينپيڭ ٴالسىن ـ ٴالى ايالداپ قادالا قارادى جانە تەرەڭ ويعا باتتى.
ەسكەرتكىش سارايى زالىندا باس شۋجي شي جينپيڭ ەكسكۋرسيالاۋعا كەلگەن جاس ٴوسپىرىم وقۋشىلارمەن، ەسكەرتكىش سارايى قىزمەتكەرلەرىمەن ىقىلاسپەن اڭگىمەلەستى. ول بىلاي دەدى: ”بۇگىن بۇل اراعا كەلۋىمىز ەرەكشە ٴمان الادى. 88 جىلدىڭ الدىنداعى بۇگىنگى كۇنى تۋىلعان ’7 ـ شىلدە وقيعاسى‘ — جۇڭحۋا ۇلتىنىڭ جاپون شاپقىنشىلارىنا جاپپاي قارسى اتتانۋىنىڭ باستاماسى“.
باس شۋجي رياسىز جۇزدەرگە قاراپ تۇرىپ، تەرەڭ ماعىنالى تۇردە بىلاي دەدى: ”بۇرىنعىنى ۇمىتپاي، كەيىنگىگە عيبىرات ەتۋىمىز كەرەك. بالالار، ۇلتتىڭ تىرەگى بولۋعا ۇمتىلىپ، ٴسوزسىز، مەملەكەتىمىزدى ٴتىپتى دە قۇدىرەتتى ەتىپ قۇرىڭىزدار. ٴۇمىت سىزدەردە، بولاشاق سىزدەرگە ٴتان. جاقسى قۇلشىنىپ، قايراتتانا العا ۇمتىلىپ، سالاۋاتتى، داڭقتى، ماقتان تۇتارلىق جۇڭگولىق بولۋلارىڭىزدى ٴۇمىت ەتەمىن“.
ەسكەرتكىش سارايىنان قايتقان جولدا التىن كۇن ساۋلەسى اسقار تايحاڭ تاۋىنا توگىلىپ تۇردى.
حۋاڭحى وزەنىنىڭ جاعاسىنداعى وسى سارى توپىراقتى جەر مايەكتى وركەنيەتتى قوردالاندىرۋدا، وشپەس رۋحتى جالعاستىرۋدا، وزگەرىس جانە جاڭالىق اشۋ كۇشىن دە ازىرلەۋدە.
(شينحۋا اگەنتتىگىنىڭ 7 ـ ايدىڭ 9 ـ كۇنى تاييۋاننان بەرگەن حابارى)
