ۋاڭ حۋنيڭ قاتىناستى ٴارى ٴسوز سويلەدى
7 ـ ايدىڭ 7 ـ كۇنىنەن 9 ـ كۇنىنە دەيىن 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى شينجياڭ حوتاندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ قاتىناستى ٴارى ٴسوز سويلەدى. شينجياڭداعى كەزىندە ۋاڭ حۋنيڭ تاعى اقسۋ، حوتان جانە بيڭتۋان 1 ـ شىسى ارال قالاسى، 14 ـ شىسى كۇنيۇي قالاسى قاتارلى جەرلەرگە بارىپ تەكسەرۋ ـ زەرتتەۋ جۇرگىزىپ، شينجياڭعا كومەككە كەلگەن كادرلارعا، دارىندىلارعا جانە نەگىزگى ساتى بۇقاراسىنا امانداستى. سۋرەتتە: 7 ـ ايدىڭ 8 ـ كۇنى ۋاڭ حۋنيڭ 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىندە ٴسوز سويلەۋدە.
□ سۋرەتتى شينحۋا اگەنتتىگىنىڭ ٴتىلشىسى پاڭ شيڭلەي تۇسىرگەن
شينحۋا اگەنتتىگىنىڭ 7 ـ ايدىڭ 9 ـ كۇنى شينجياڭ حوتاننان بەرگەن حابارى. 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى 7 ـ ايدىڭ 7 ـ كۇنىنەن 9 ـ كۇنىنە دەيىن شينجياڭنىڭ حوتانىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ قاتىناستى ٴارى ٴسوز سويلەدى. ول مىنالاردى ٴبىلدىردى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىنى تىعىز ارقاۋ ەتىپ، تىنباي كۇش سالىپ شينجياڭعا باعىتتامالى كومەكتەسۋ قىزمەتىن ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا جاڭا ۇلەس قوسۋ كەرەك.
ۋاڭ حۋنيڭ مىنالاردى ٴبىلدىردى: ”14 ـ بەسجىلدىقتاعى“ شينجياڭعا باعىتتامالى كومەكتەسۋ قىزمەتى شينجياڭ قىزمەتى باس نىساناسىنا قىزمەت وتەۋدە ماڭىزدى رول اتقاردى. ورتالىقتاعى قاتىستى تاراۋلار، شينجياڭعا كومەكتەسەتىن ولكە، قالالار جانە ورتالىق كاسىپورىندارى شينجياڭمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋ قىزمەتىنىڭ سەرپىنىن ارتتىرۋدى، ماڭىزدى ٴتۇيىنىن كورنەكتىلەندىرۋدى، بىرىككەن كۇشىن كۇشەيتۋدى ىلگەرىلەتىپ، شينجياڭنىڭ قوعام ورنىقتىلىعىن، ۇلتتار ىنتىماعىن جانە جوعارى ساپالى دامۋىن جەبەپ، پارتيا باسشىلىعىنىڭ جانە سوتسياليستىك ٴتۇزىمنىڭ وزگەشە ابزالدىلىعىن ايگىلەدى.
ۋاڭ حۋنيڭ مىنالاردى ٴبىلدىردى: شينجياڭعا باعىتتامالى كومەكتەسۋ — مەملەكەت ستراتەگياسى، ٴسوز جوق، ۇزاق ۋاقىت تاباندى بولۋ كەرەك. وڭتۇستىك شينجياڭنىڭ كورنەكتى ماسەلەلەرىن شەشۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، وڭتۇستىك شينجياڭنىڭ كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، وڭتۇستىك شينجياڭنىڭ ەكونوميكالىق، قوعامدىق دامۋىن جانە باياندى تىنىشتىعىن ىلگەرىلەتۋ كەرەك. شينجياڭنىڭ جاڭاشا ونەركاسىپتەندىرۋىن، قالا ـ قالاشىقتاندىرۋىن ىلگەرىلەتۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، حالىق تۇرمىسىمەن تىعىز جاناسىپ، شينجياڭنىڭ جوعارى ساپالى دامۋىن ىلگەرىلەتۋ كەرەك. ٴار ۇلتتىڭ ارالاسۋىن، ىشتەسۋىن، توعىسۋىن جەبەۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، ۇلتتاردىڭ اناردىڭ دانىندەي تىعىز ۇيىسۋىنا مۇمكىندىك جاساۋ كەرەك. شينجياڭدى مادەنيەتپەن نارلەندىرۋدى ناقتى، جاندى، ٴونىمدى ورىستەتۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋ كەرەك. وقۋ ـ اعارتۋ ارقىلى شينجياڭعا كومەكتەسۋدىڭ ونىمدىلىگىن جوعارىلاتۋعا نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، شينجياڭنىڭ جوعارى ساپالى وقۋ ـ اعارتۋ جۇيەسىن جەدەل ورناتۋىن ىلگەرىلەتۋ كەرەك. شينجياڭعا باعىتتامالى كومەكتەسۋ مىندەتىن تياناقتاندىرۋدى ويداعىداي يگەرىپ، شينجياڭعا باعىتتامالى كومەكتەسۋ قىزمەت مەحانيزمىن كەمەلدەندىرىپ، كومەك بەرگەن، كومەك قابىلداعان ەكى جاقتىڭ بەلسەندىلىگىن ساۋلەلەندىرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ كەرەك.
لي گانجيە ٴماجىلىستى باسقاردى ٴارى قورىتىندى ٴسوز سويلەدى. ول جەر ـ جەردەن، تاراۋلاردان مىنالاردى تالاپ ەتتى: ساياسي دەڭگەيدى اناعۇرلىم جوعارىلاتىپ، شينجياڭعا باعىتتامالى كومەكتەسۋ قىزمەتىنىڭ ٴمانىن، ورنىن، ٴتۇبىرلى نىساناسىن جانە كۇش سالۋ باعىتىن جەتە تانىپ، شينجياڭعا باعىتتامالى كومەكتەسۋ قىزمەتىن ويداعىداي يگەرۋدەگى جاۋاپكەرشىلىك سەزىمدى، بورىشتىلىق سەزىمدى شىن مانىندە كۇشەيتۋ كەرەك. مىندەتتى ايقىنداپ، ماڭىزدى ٴتۇيىندى كورنەكتىلەندىرىپ، شينجياڭعا باعىتتامالى كومەكتەسۋ قىزمەتىنىڭ ناقتى ونىمدىلىگىن ۇزدىكسىز جوعارىلاتۋ كەرەك. قامتاماسىزدىقتى كۇشەيتىپ، شەبەرلىكپەن ىستەپ، شەبەرلىكپەن ناتيجە جاراتىپ، ”15 ـ بەسجىلدىقتاعى“ شينجياڭعا كومەكتەسۋ جوباسىن جوعارى ساپامەن جاساپ، قىزمەتتى باقىلاۋدى، تەكسەرۋدى، باعالاۋدى كۇشەيتىپ، تىڭعىلىقتى، ىسىلعان ستيلدى شىڭداپ، شينجياڭعا باعىتتامالى كومەكتەسۋ شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك.
شينجياڭعا كومەكتەسەتىن 19 ولكە، قالاداعى، ورتالىقتىڭ قاتىستى تاراۋلارى مەن ورىندارىنداعى، شينجياڭ ۇيعۇر اۆتونوميالى رايونىنداعى، شينجياڭ ٴوندىرىس ـ قۇرىلىس بيڭتۋانىنداعى، سونداي ـ اق ايماقتارداعى، وبلىستارداعى، قالالارداعى، شىلارداعى جانە قاتىستى تاراۋلارداعى جاۋاپتى جولداستار ماجىلىسكە قاتىناستى. مەملەكەتتىك دامۋ جانە رەفورما كوميتەتىندەگى، وقۋ ـ اعارتۋ مينيسترلىگىندەگى، مادەنيەت جانە ساياحات مينيسترلىگىندەگى، مەملەكەتتىك كەڭەس مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتىندەگى جانە بەيجيڭ قالاسىنداعى، تيانجين قالاسىنداعى، لياۋنيڭ ولكەسىندەگى، شاڭحاي قالاسىنداعى، جىجياڭ ولكەسىندەگى، شاندۇڭ ولكەسىندەگى، حىنان ولكەسىندەگى، گۋاڭدۇڭ ولكەسىندەگى، شينجياڭ ۇيعۇر اۆتونوميالى رايونىنداعى، شينجياڭ ٴوندىرىس ـ قۇرىلىس بيڭتۋانىنداعى جاۋاپتى جولداستار ماجىلىستە ٴسوز سويلەدى.
شينجياڭداعى كەزىندە ۋاڭ حۋنيڭ تاعى اقسۋ، حوتان جانە بيڭتۋان 1 ـ شىسى ارال قالاسى، 14 ـ شىسى كۇنيۇي قالاسى قاتارلى جەرلەرگە بارىپ تەكسەرۋ ـ زەرتتەۋ جۇرگىزىپ، كاسىپورىن، اۋىل ـ قىستاق، مەكتەپ، شيپاحانا، مۇراجاي، ەسكەرتكىش سارايى سياقتىلاردى ارالاپ، شينجياڭعا باعىتتامالى كومەكتەسۋ قىزمەت جاعدايىن ۇعىسىپ، شينجياڭعا كومەككە كەلگەن كادرلارعا، دارىندىلارعا جانە نەگىزگى ساتى بۇقاراسىنا امانداستى، اۆتونوميالى رايوندىق ساياسي كەڭەس اقسۋ ايماقتىق قىزمەت كوميتەتىنە بارىپ ساياسي كەڭەس مۇشەلەرىنە جانە ورگان كادرلارىنا امانداستى.
