شينجياڭ گازەتى باسماقالاسى
ٴبىر نيەتپەن جۇمىلا كوتەرۋ تيانشاندى نۇرلاندىردى، شينجياڭنىڭ بولاشاعىن بىرگە كەسكىندەۋ مەيىرگە تولى بولدى.
اۆتونوميالى رايون قۇرىلعاندىعىنىڭ 70 جىلدىعى قارساڭىندا، 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى اشىلىپ، ونىمدىلىكتەر قورىتىندىلانىپ، جاعدايعا تالداۋ جاسالىپ، كەلەسى قادامداعى شينجياڭعا باعىتتامالى كومەكتەسۋ قىزمەتىنىڭ مىندەتتەرى جوسپارلانىپ، ورنالاستىرىلدى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە، شينجياڭعا باعىتتامالى كومەكتەسۋ قىزمەتىنە ايرىقشا ٴمان بەرگەندىگىن، شينجياڭداعى ٴار ۇلت كادر ـ بۇقاراسىنا دەگەن قامقورلىعى مەن سۇيىسپەنشىلىگىن تولىق ايگىلەدى، شينجياڭداعى ٴار ۇلت حالقى ەرەكشە اسەرلەندى، ەرەكشە شابىتتاندى، ەرەكشە جەلپىندى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا ات سالىسۋ ىنتاسى اناعۇرلىم جوعارىلادى.
وسى رەتكى ٴماجىلىستىڭ اشىلۋى شينجياڭعا باعىتتامالى كومەكتەسۋ قىزمەتىندە تاعى دا جاڭا جورىق باستالعاندىعىن ايگىلەيدى، بۇل جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭعا باعىتتامالى كومەكتەسۋ قىزمەتىنىڭ تيانشان الابىندا تاعى دا سۇبەلى تابىستارعا قول جەتكىزۋىن ىلگەرىلەتۋدە كەلەلى ماڭىز الادى. ٴبىز جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتىپ، شينجياڭ قىزمەتى باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ ارقاۋ ەتىپ، شينجياڭعا باعىتتامالى كومەكتەسۋ جونىندەگى شەشىمدەردى، ورنالاستىرۋلاردى ناقتى، ەگجەي ـ تەگجەيلى تياناقتاندىرىپ، شينجياڭعا كومەكتەسۋدىڭ ۇلى سۇيىسپەنشىلىگىن كورىكتى شينجياڭ قۇرۋدىڭ قۋاتتى قوزعاۋشى كۇشىنە كۇش سالا، سۇيىسپەنشىلىكپەن اينالدىرۋىمىز كەرەك.
تەرەڭ سۇيىسپەنشىلىك، شىنايى دوستىق ايرىقشا ماڭىزدى، شەكارا ٴوڭىر نارلەندىرىلىپ، شىت جاڭا بەينەگە ەندى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىن ستراتەگيالىق جالپى جاعداي تۇرعىسىنان جوبالاپ، بۇكىل پارتيانىڭ اقىل ـ پاراساتىن شوعىرلاندىرىپ، بۇكىل ەلدىڭ كۇشىن جۇمىلدىرىپ، شينجياڭعا باعىتتامالى كومەكتەسۋ قىزمەتىن ىشكەرىلەي ىلگەرىلەتتى. ”14 ـ بەسجىلدىق“ مەزگىلىندە شينجياڭعا باعىتتامالى كومەكتەسۋ قىزمەتى شينجياڭ قىزمەتى باس نىساناسىنا قىزمەت وتەۋدە ماڭىزدى رول اتقاردى، ورتالىقتاعى قاتىستى تاراۋلار، شينجياڭعا كومەكتەسەتىن ولكە، قالالار جانە ورتالىق كاسىپورىندارى شينجياڭمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋ قىزمەتىنىڭ سەرپىنىن ارتتىرۋدى، ٴتۇيىنىن كورنەكتىلەندىرۋدى، بىرىككەن كۇشىن ارتتىرۋدى ىلگەرىلەتىپ، شينجياڭنىڭ قوعام ورنىقتىلىعىن، ۇلتتار ىنتىماعىن جانە جوعارى ساپالى دامۋىن جەبەدى، پارتيانىڭ باسشىلىعى مەن سوتسياليستىك ٴتۇزىمنىڭ وزگەشە ابزالدىلىعىن ايگىلەدى.
اعاش قانشا بيىك بولسا دا تامىردان ايرىلا المايدى، سۋ قانشا تەرەڭ بولسا دا قاينار كوزى بولادى. ناتيجەلەرگە قول جەتكىزۋ، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، سونداي ـ اق ورتالىقتاعى قاتىستى تاراۋلاردىڭ، شينجياڭعا كومەكتەسەتىن ولكە، قالالاردىڭ جانە ورتالىق كاسىپورىندارىنىڭ زور كۇشپەن قولداۋىنان ايرىلا المايدى، اسىرەسە، شينجياڭعا كومەككە كەلگەن قالىڭ كادر ـ دارىندىلار اۋىلىمەن قوشتاسىپ، الىس شينجياڭعا اتتانىپ، تيانشان الابىندا جان تەبىرەنتەرلىك ۇلەس قوسۋ جىرىن جازدى، مەملەكەت ٴۇشىن جاۋاپكەرشىلىگىن ادا ەتەتىن مەملەكەت سۇيىسپەنشىلىگىن، حالىق ٴۇشىن ۇلەس قوساتىن وسكەلەڭ دەڭگەيدى، شينجياڭدى كوركەيتەتىن وكىنىشسىز تالعامدى ايگىلەدى. قويۋ سۇيىسپەنشىلىككە تولى وسى تەرەڭ دوستىققا شينجياڭداعى ٴار ۇلت حالقى ماڭگى شىن جۇرەكتەن العىس ايتادى، كوكەيىندە ساقتايدى، سونداي ـ اق جاڭا جورىقتا ەكپىندەي ىلگەرىلەۋدىڭ نىق قادامىنا اينالدىرادى.
تەڭىزدەي تەرەڭ سۇيىسپەنشىلىك حالىق تىلەگىن، جۇرت قالاۋىن ۇيىستىردى؛ تاۋداي ٴۇمىت ەكپىندەي ىلگەرىلەۋدىڭ قوزعاۋشى كۇشىن قاۋلاتتى. وسى رەتكى ٴماجىلىس تىنباي كۇش سالىپ، شينجياڭعا باعىتتامالى كومەكتەسۋ قىزمەتىن ويداعىداي ىستەۋ جونىندە ايقىن تالاپ قويدى، ٴبىز شينجياڭ قىزمەتى ٴدوپ كەلگەن جاڭا جاعدايدى، جاڭا مىندەتتى ىشكەرىلەي يگەرىپ، شينجياڭعا باعىتتامالى كومەكتەسۋ قىزمەت مەحانيزمىن كەمەلدەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن، ٴار ۇلت حالقىنىڭ قاجەتىن، ارمان ـ تىلەگىن، ٴار جاقتىڭ قولداۋىن، كومەگىن شىن مانىندە ورگانيكالى بىرلىككە كەلتىرىپ، ٴتۇيىندى قامال الۋ ارقىلى شينجياڭعا باعىتتامالى كومەكتەسۋ قىزمەتىنىڭ جان ـ جاقتى ىلگەرىلەۋىنە جەتەكشىلىك ەتۋىمىز كەرەك. وڭتۇستىك شينجياڭنىڭ كورنەكتى ماسەلەلەرىن شەشۋگە نازاردى شوعىرلاندىرا كۇش سالۋعا اناعۇرلىم دەن قويىپ، وڭتۇستىك شينجياڭنىڭ كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، وڭتۇستىك شينجياڭنىڭ ەكونوميكالىق، قوعامدىق دامۋىن جانە باياندى تىنىشتىعىن ىلگەرىلەتۋىمىز كەرەك. شينجياڭنىڭ جاڭاشا ونەركاسىپتەنۋىن، قالا ـ قالاشىقتانۋىن ىلگەرىلەتۋگە نازاردى شوعىرلاندىرا كۇش سالۋعا اناعۇرلىم دەن قويىپ، حالىق تۇرمىسىمەن تىعىز جاناسىپ شينجياڭنىڭ جوعارى ساپالى دامۋىن ىلگەرىلەتۋىمىز كەرەك. ٴار ۇلتتىڭ ارالاسۋىن، ىشتەسۋىن، توعىسۋىن جەبەۋگە نازاردى شوعىرلاندىرا كۇش سالۋعا اناعۇرلىم دەن قويىپ، ٴار ۇلتتىڭ اناردىڭ دانىندەي تىعىز ۇيىسۋىنا مۇمكىندىك جاساۋىمىز كەرەك. شينجياڭدى مادەنيەتپەن نارلەندىرۋدى ناقتى، جاندى، ٴونىمدى ورىستەتۋگە نازاردى شوعىرلاندىرا كۇش سالۋعا اناعۇرلىم دەن قويىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋىمىز كەرەك. وقۋ ـ اعارتۋ بويىنشا شينجياڭعا كومەكتەسۋدىڭ ونىمدىلىگىن جوعارىلاتۋعا نازاردى شوعىرلاندىرا كۇش سالۋعا اناعۇرلىم دەن قويىپ، شينجياڭنىڭ جوعارى ساپالى وقۋ ـ اعارتۋ جۇيەسىن جەدەل قۇرۋىن ىلگەرىلەتۋىمىز كەرەك.
شينجياڭعا باعىتتامالى كومەكتەسۋ — شينجياڭداعى ٴار ۇلت حالقىنا باقىت جاراتاتىن ۇلى ٴىس. جاڭا باستامادا، ٴبىز شينجياڭعا باعىتتامالى كومەكتەسۋدىڭ كەلەلى تاريحي ورايىن مىقتاپ يگەرىپ، شينجياڭعا كومەكتەسۋ بايلىعى مەن كۇشىن ٴبىر تۇتاس جوسپارلاپ ويداعىداي پايدالانىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن شىنايى جوعارىلاتىپ، ٴار ۇلت حالقىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن شىنايى سەزىندىرىپ، زەيىن ـ زەردەنى، كۇش ـ قۋاتتى شوعىرلاندىرىپ تيانشان الابىندا اناعۇرلىم تارتىمدى جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن بىرگە جازۋىمىز كەرەك.
