10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىنە قاتىناسقان ۋاكىلدەر مىنالاردى ٴبىلدىردى —
قول ۇستاسا ەكپىندەي ىلگەرىلەپ، شينجياڭنىڭ كوركەم بولاشاعىن بىرگە قۇرامىز
انار بۇلت \ شينجياڭ گازەتىنىڭ تىلشىلەرى ليۋ شياڭ، ٴپاريزات ابدۇل
شىلىڭگىر جازدا تيانشان الابى ٴساندى كورىنىسكە ەندى. 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى 7 ـ ايدىڭ 7 ـ كۇنىنەن 9 ـ كۇنىنە دەيىن حوتاندا اشىلدى. شينجياڭعا كومەكتەسەتىن 19 ولكە، قالادان، ورتالىقتىڭ قاتىستى تاراۋلارى مەن ورىندارىنان، اۆتونوميالى رايوننىڭ جانە بيڭتۋاننىڭ قاتىستى تاراۋلارىنان، سونداي ـ اق كومەك قابىلداعان جەرلەردەن ماجىلىسكە قاتىناسقان ۋاكىلدەر كۇنلۇن تاۋى باۋرايىندا باس قوسىپ، باعىتتامالى كومەكتەسۋ ۇلى جوسپارىن بىرگە اقىلداستى.
بىرنەشە كۇننەن بەرى ماجىلىسكە قاتىناسقان ۋاكىلدەر ناقتى ورىنداردى كوزدەن كەشىرىپ، تەكسەرۋ ـ زەرتتەۋ جۇرگىزىپ، شينجياڭعا باعىتتامالى كومەكتەسۋ قىزمەتىنىڭ شينجياڭنىڭ رەفورما، دامۋ، ورنىقتىلىق ىستەرىنە قوسقان ماڭىزدى ۇلەسىن تىكە سەزىندى. كوپشىلىك مىنالاردى ٴبىلدىردى: جاڭا باستامانى تياناق ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىنى تىعىز ارقاۋ ەتىپ، كۇشتى جاۋاپكەرشىلىك سەزىمىمەن جانە بورىشتىلىق سەزىمىمەن شينجياڭعا باعىتتامالى كومەكتەسۋ قىزمەتىنىڭ اناعۇرلىم جوعارى ساپالى تۇردە العا ىلگەرىلەۋىن جەبەپ، جۇڭگو ۇلگىسىندەگى وسىزامانداندىرۋ ۇردىسىندە شينجياڭنىڭ گۇلدەنىپ ـ كوركەيۋىنىڭ، دامۋىنىڭ جاڭا تاراۋىن بىرگە جازامىز.
شينجياڭعا باعىتتامالى كومەكتەسۋ بورىشىمىزدى اناعۇرلىم ويداعىداي ارقالايمىز
شينجياڭعا باعىتتامالى كومەكتەسۋ — مەملەكەت ستراتەگياسى، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ماڭىزدى شاراسى. 2 جىلدا ٴبىر رەت اشىلاتىن شينجياڭعا باعىتتامالى كومەكتەسۋ قىزمەتى ماجىلىسىندە ٴتۇيىندى قىزمەتتەر جاپپاي ورنالاستىرىلادى، ونان دا ماڭىزدىسى، سەنىم مەن كۇش ـ قۋات ۇيىستىرىلادى.
7 ـ ايدىڭ 8 ـ كۇنى تۇستەن كەيىن ٴماجىلىستىڭ گرۋپپالار تالقىسى مايدانى دۋماندى بولدى.
”’ەكىنى تۇراقتاندىرۋدى‘ تاباندىلىقپەن قولداۋ، ’ەكىنى قورعاۋدى‘ باتىل ورىنداۋ ساياسي بيىگىنەن، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالپى جاعداي بيىگىنەن شينجياڭعا باعىتتامالى كومەكتەسۋ قىزمەتىن ويداعىداي ىستەۋ سانالىلىعىن شىنايى كۇشەيتەمىز“، ـ دەدى بەيجيڭ قالالىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى ياڭ شيۋليڭ.
”بۇگىنگى شينجياڭ تىنىش تا جاراسىمدى، گۇلدەنىپ، دامىعان، اشىق، وزىنە سەنىمدى“. اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ۋىن حۋا بىلاي دەدى: ”شينجياڭعا باعىتتامالى كومەكتەسۋ جاراتقان وراي، اكەلگەن وزگەرىس، تاسقىنداتقان سەنىم شينجياڭنىڭ دامۋىنا قۋاتتى قوزعاۋشى كۇش ۇستەپ، جۇڭگوشا سوتسياليستىك ٴتۇزىمنىڭ وراسان زور ابزالدىلىعىن بارىنشا ايگىلەدى“.
”جاڭا جاعداي، جاڭا مىندەت، جاڭا تالاپ الدىندا شينجياڭعا باعىتتامالى كومەكتەسۋ قىزمەتىن اناعۇرلىم جوعارى ساپالى ورىستەتۋ كەرەك“. شىنجىن قالاسى شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ باس قولباسشىسى شيە حايشىڭ بىلاي دەدى: اسىرەسە، شينجياڭنىڭ باياندى تىنىشتىعىنا ساياتىن قىزمەتتەردى ويداعىداي ىستەپ، نازاردى وڭتۇستىك شينجياڭداعى كورنەكتى ماسەلەلەرگە شوعىرلاندىرا كۇش سالىپ، ٴتۇرلى كومەك شارالارىن نەگىزگى ساتىعا بەيىمدەۋدى، ٴتۇيىندى وڭىرگە بەيىمدەۋدى ٴبىر تۇتاس جوسپارلاپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، ٴار ۇلت بۇقاراسىنىڭ تابىس سەزىمىنىڭ ٴتىپتى دە ناقتى بولۋىنا مۇمكىندىك جاساۋ كەرەك.
جۇڭحۋا ۇلتى ورتاق تۇلعا تانىمىن ناقتى، جاندى، ٴونىمدى بەكەمدەيمىز
جۇڭحۋا ۇلتىنىڭ كوپ نەگىزدى، ٴبىر تۇلعالى بولۋى — ەلىمىز دامۋىنىڭ وراسان زور باسىمدىعى. ۇلتتاردىڭ بىرگە ىنتىماقتاسا العا باسۋى، بىرگە گۇلدەنۋى، دامۋى — جۇڭحۋا ۇلتىنىڭ جانى، كۇشى، ٴۇمىتى.
شاندۇڭ مەملەكەت بويىنشا ەڭ ەرتە شينجياڭعا كومەكتەسكەن ولكە، قالالاردىڭ ٴبىرى رەتىندە، كوپ جىلدان بەرى شينجياڭمەن سەلبەستىك جاساۋدى تەرەڭدەتىپ، قول ۇستاسا العا ىلگەرىلەپ، ەكى جەردىڭ ارالاسۋىن، ىشتەسۋىن، توعىسۋىن ۇزدىكسىز تەرەڭدەتتى.
”كەلەسى قادامدا نازاردى جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىگە شوعىرلاندىرىپ، جۇڭي شيپاگەرلىگىن، جۇڭي ٴدارى ـ دارمەكتى ون مىڭداعان وتباسىنا ەنگىزۋ، جاستار مەن ورەندەر فۋتبولى، مەملەكەتتە ٴبىر تۇتاس قولدانىلاتىن ٴتىل ـ جازۋ وقۋ ـ اعارتۋى، وقىتۋى، مەملەكەت سالت ـ ساناسىن مەكتەپ اۋلاسىنا ٴسىڭىرۋ سياقتى نىساندار قۇرىلىسىن ۇزدىكسىز تەرەڭدەتىپ، شينجياڭعا كومەكتەسۋ قىزمەتىنىڭ ىنتىماقتى نىعايتۋ، جۇرت تىلەگىن ۇيىستىرۋ ونىمدىلىگىن جوعارىلاتامىز“، ـ دەدى شاندۇڭ ولكەسى شينجياڭعا كومەكتەسۋ قىزمەتى قولباسشىلىق شتابىنىڭ باس قولباسشىسى يۋان لياڭ.
سوڭعى جىلداردا اقسۋ ايماعى جىجياڭنىڭ قولداۋىندا، كومەكتەسۋىندە، ”چيڭلان ينجەنەرياسىن“ زور كۇشپەن اتقارىپ، جىجياڭ - اقسۋ كاسىپتىك وقۋ ـ اعارتۋى، ەرەكشە وقۋ ـ اعارتۋ، نەگىزدىك وقۋ ـ اعارتۋ بويىنشا كەڭ كولەمدە وقىتۋ ـ زەرتتەۋ، تولىق كۋرس جوعارى مەكتەپتەرى ”ٴتورت ۇلكەن وداعىن“ قۇرىپ، ايماقتىڭ وقۋ ـ اعارتۋ دەڭگەيىن كورنەكتى جوعارىلاتتى.
اقسۋ ايماقتىق پارتكومنىڭ شۋجيى ۋ حۇڭجان مىنالاردى ٴبىلدىردى: جىجياڭنىڭ وزىق باسقارۋ ۇستانىمىن، وقىتۋ تاجىريبەلەرىن ۇزدىكسىز ۇيرەنىپ، ودان ۇلگى الىپ، وقۋ ـ اعارتۋ بايلىعى باسىمدىقتارىمەن ٴبىرىن ـ ٴبىرى تولىقتاۋدى ىلگەرىلەتەمىز. سونىمەن بىرگە مەكتەپتىڭ نەگىزگى شەپ رولىن تولىق ساۋلەلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى تەرەڭدەتۋدى، ناقتىلاندىرۋدى ىلگەرىلەتەمىز.
جۇڭحۋا مادەنيەتىمەن جۇرت جۇرەگىن ۇزدىكسىز نارلەندىرۋ — جۇڭحۋا ۇلتى ورتاق تۇلعا تانىمىن بەكەمدەۋدىڭ، ٴسوزسىز، باسىپ وتەتىن جولى.
”وي جەلىسىن اناعۇرلىم كەڭەيتىپ، دانەكەردە جاڭالىق اشىپ، شينجياڭدى مادەنيەتپەن نارلەندىرۋدىڭ مازمۇنى مەن فورماسىن ۇزدىكسىز بايىتامىز“. ورتالىق كوميتەت ۇگىت ٴبولىمى ادامدىق ۇقىق ىستەرى مەكەمەسىنىڭ باستىعى تاڭ شۋانۋىن بىلاي دەدى: مادەنيەت ارقىلى شينجياڭعا كومەكتەسۋدى ۇزدىكسىز تەرەڭدەتىپ، مادەنيەت شەبىن تۇلعالاۋ، جۇڭحۋانىڭ تاڭداۋلى ٴداستۇرلى مادەنيەتىن جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتۋ سياقتى جاقتاردا كۇش سالىپ، مادەنيەت ارقىلى جۇرەكتەردى نارلەندىرىپ، مادەنيەت ارقىلى ادام تاربيەلەپ، مادەنيەت ارقىلى شينجياڭدى نارلەندىرۋ قىزمەتىن ىشكەرىلەي ورىستەتۋگە كۇش قوسامىز.
حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتەمىز
حالىق تۇرمىسى حالىق تىلەگىن بايلانىستىرادى، حالىق تىلەگى حالىق كۇشىن ۇيىستىرادى. شينجياڭعا باعىتتامالى كومەكتەسۋ قىزمەتىن ىلگەرىلەتۋدە حالىق تۇرمىسىن جاقسارتۋدى، جۇرت تىلەگىن ۇيىستىرۋدى باستان ـ اياق شىعار ٴتۇيىن جانە تابان تىرەر تياناق ەتىپ، دامۋ جەتىستىگىنەن ٴار ۇلت بۇقاراسىن اناعۇرلىم ويداعىداي يگىلىكتەندىرۋدى جەبەۋ كەرەك.
”قۇمىلدا كاسىپ سالاسى ارقىلى شينجياڭعا كومەكتەسۋدى ىلگەرىلەتۋ مەن حالىق تۇرمىسىنىڭ قۇت ـ ىرىسىن ارتتىرۋ ٴبىر ـ بىرىنە ساي كەلدى“. قۇمىل قالالىق پارتكومنىڭ شۋجيى سۇن تاۋ بىلاي دەدى: ەكى جەردىڭ باسىمدىعىن تياناق ەتىپ، قۇمىلدىڭ كومىر، جەل، كۇن نۇرى سياقتى ەنەرگيا بايلىعى ارتىقشىلىعىن جانە وڭىرلىك ورىن باسىمدىعىن حىناننىڭ ۇلكەن بازارىمەن، تۇتاس كاسىپ سالاسى تىزبەگىمەن ىشكەرىلەي ٴتۇيىلىستىرىپ، ٴتىپتى دە كوپ بۇقارانى جۇمىستانىپ، كىرىسىن ارتتىرۋعا باستاپ، كاسىپ سالاسى ارقىلى شينجياڭعا كومەكتەسۋ ناتيجەلەرىن بۇقارانىڭ قامپايعان اقشا قاپشىعىنا، گۇلدەنگەن باقىتتى تۇرمىسىنا اينالدىرامىز.
ادامدى وزەك ەتكەن جاڭاشا قالا ـ قالاشىقتاندىرۋ قۇرىلىسىن ىلگەرىلەتۋ — جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ ماڭىزدى جولى.
بەيتۇن قالالىق پارتكومنىڭ شۋجيى يان ۋيحۋا بىلاي دەدى: شينجياڭعا باعىتتامالى كومەكتەسەتىن ولكە، قالالارمەن قالانى جوبالاۋ، قۇرۋ سياقتى جاقتاردا بىرلەسىپ ارەكەتتەنۋدى كۇشەيتىپ، حالىقتىڭ كۇن سايىن ارتقان تاماشا تۇرمىس قاجەتىن قاناعاتتاندىرۋدى ٴتۇبىرلى نىسانا ەتىپ، جاڭاشا قالا ـ قالاشىقتاندىرۋدى جانە ٴوڭىردىڭ سايكەسە دامۋىن جەدەل ىلگەرىلەتىپ، قالا، اۋىل الەۋمەتتىك قىزمەت وتەۋ دەڭگەيىن ورنىقتى جوعارىلاتۋدى ىلگەرىلەتىپ، حالىق تۇرمىسىنىڭ قۇت ـ ىرىسىن ۇزدىكسىز ارتتىرامىز.
ەمدەۋ سان مىڭداعان وتباسىنا سايادى، ەجەلدەن شينجياڭعا كومەكتەسۋدىڭ ماڭىزدى سالاسى بولىپ كەلدى.
جياڭسۋ ولكەسى شينجياڭعا باعىتتامالى كومەكتەسۋ بويىنشا قىزىلسۋ وبلىسىنا كومەكتەسۋ الدىڭعى شەپ قولباسشىلىق شتابىنىڭ باس قولباسشىسى جياڭ تۇڭجين مىنالاردى ٴبىلدىردى: قىزىلسۋ قىرعىز اۆتونوميالى وبلىسىنىڭ ەمدەۋ ىستەرىن دامىتۋ ٴىس جۇزىندىگىمەن تىعىز بايلانىستىرىپ، ەمدەۋ بويىنشا شينجياڭعا كومەكتەسۋ سەرپىنىن كۇشەيتىپ، ەمدەۋگە قىزمەت وتەۋدى بيىك ٴۇستىرتتى وڭىرلەرگە، تاۋلى وڭىرلەرگە جانە شەكارا وڭىرگە قاراي ۇزارتۋدى ىلگەرىلەتىپ، شەكارانى كۇزەتكەن بۇقارانىڭ سالاماتتىعىن قامتاماسىز ەتەمىز.
حوتان وزەنىنىڭ سىلدىراي اققان سۋىنان التاي تاۋىنىڭ ۇلان ـ بايتاق ورمانىنا دەيىن، قاشقار بايىرعى قالاسىنداعى تىرشىلىك تىنىسىنان قورعاستىڭ اشىق ۇستالۋىنا دەيىن، شينجياڭعا باعىتتامالى كومەكتەسۋ سۇيىسپەنشىلىگى شينجياڭنىڭ تاۋ ـ وزەندەرىنە تولىق ٴسىڭدى. بۇكىل ەلدىڭ شينجياڭعا كومەكتەسۋ كۇشتەرى شينجياڭداعى ٴار ۇلت كادر، بۇقاراسىمەن ٴبىر نيەتپەن قول ۇستاسىپ، وسى مەكەندە كۇن سايىن جاقسارعان شينجياڭنىڭ كوركەم بولاشاق كارتيناسىن كەسكىندەدى.
