— 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى
گازەتىمىزدىڭ شولۋشىسى
”14 ـ بەسجىلدىق“ جوبا اياقتالۋ الدىندا تۇرعان، ”15 ـ بەسجىلدىق“ جوبا جوسپارلانا باستاعان تاريحي تۇيىندە، 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى اشىلدى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە، اسىرەسە، شينجياڭعا باعىتتامالى كومەكتەسۋ قىزمەتىنە وسكەلەڭ ٴمان بەرگەندىگىن تولىق ايگىلەدى، وتان ۇلى شاڭىراعىنىڭ مەيىرىن تولىق ايگىلەدى، شينجياڭداعى ٴار ۇلت حالقى شىن جۇرەكتەن العىس ايتادى، كوكەيىندە بەرىك ساقتايدى.
شينجياڭعا باعىتتامالى كومەكتەسۋ — مەملەكەت ستراتەگياسى، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى ماڭىزدى شارا. قوعام ورنىقتىلىعىنىڭ نەگىزى ۇزدىكسىز بەكەمدەلدى، جوعارى ساپالى دامۋدا تاماشا جاعداي جارىققا شىقتى، ٴار ۇلت بۇقاراسىنىڭ حالىق تۇرمىسى قۇت ـ ىرىسى ۇزدىكسىز جوعارىلادى، جوعارى وقۋ ـ اعارتۋدا تىڭ تابىستارعا قول جەتتى... پارتيا ورتالىق كوميتەتىنىڭ پارمەندى باسشىلىعىندا، ورتالىقتاعى قاتىستى تاراۋلاردىڭ، شينجياڭعا كومەكتەسەتىن ولكە، قالالاردىڭ جانە ورتالىق كاسىپورىندارىنىڭ بار كۇشپەن قولداۋىندا، ”14 ـ بەسجىلدىقتاعى“ شينجياڭعا باعىتتامالى كومەكتەسۋ قىزمەتى شينجياڭ قىزمەتى باس نىساناسىنا قىزمەت وتەۋدە ماڭىزدى رول اتقاردى. جاڭا تاريحي باستامادا تۇرىپ شينجياڭنىڭ باسىپ وتكەن جولىنا، قول جەتكىزگەن العا باسۋى مەن تابىستارىنا قايىرىلا قاراساق، وعان شينجياڭعا باعىتتامالى كومەكتەسۋدىڭ تاريحي ەڭبەگى تەرەڭ ويىلعان، بۇكىل ەلدەگى ٴار ۇلت حالقىنىڭ تەرەڭ ۇلى سۇيىسپەنشىلىگى سىڭگەن.
باۋىرلاستىق گۇلى جايقالىپ، ٴبىر تامىر بوپ تۇتاستى. حۋنانداعى ”ماۋ شيپاگەر“ ەمدەۋ اترەتى كەمەلدى شيپاگەرلىك ونەرى مەن مەيىرىن، قامقورلىعىن وتتى القاپتىڭ بايتاق دالاسىنا جەتكىزىپ، ناۋقاسقا شالدىققان بۇقارانى ەسىك الدىندا ـ اق قۇتقارىپ، ەمدەدى؛ جياڭسۋداعى ”سۋ مۇعالىم“ قىزمەت پۋنكتى ”ماڭگى كەتپەيتىن“ جوعارى دەڭگەيدەگى وقىتۋشىلار قوسىنىن كۇش سالا قۇرىپ، ”ٴبىلىم تاعدىردى وزگەرتەدى“ دەگەن ٴسوزدى پامير ۇستىرتىندە رەالدىققا اينالدىردى؛ گۋاڭدۇڭ شينجياڭعا كومەكتەسۋدە جۇمىستاندىرۋ ارقىلى حالىقتى بايىتۋدى جەتەكشى ەتىپ، گۋاڭدۇڭ مەن شينجياڭ سىندى ەكى ولكە، اۆتونوميالى رايوننىڭ ەكونوميكاسىنىڭ دامۋىن تەرەڭدەتۋ ٴورىسىن كەڭەيتتى... شينجياڭعا كومەكتەسۋ قىزمەتىندە ماڭداي الدى ورىنعا قويىلعان حالىق تۇرمىسىنداعى وسى ناقتى ىستەر شينجياڭداعى ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
الىس ساپاردى بىرگە باسىپ، ونەر ۇيرەتىپ قابىلەتىن ارتتىردى. فۋجياننىڭ شينجياڭعا كومەككە كەلگەن ماماندار ۇجىمى سانجى حۇيزۋ اۆتونوميالى وبلىسىندا ميعا قان قۇيىلۋدى ەمدەۋ ورتالىعىن قۇرىپ، كوك تامىر قان ۇيىعىن سۇيىلتۋ ۋاقىتىن ٴونىمدى قىسقارتىپ، ەل ىشىندەگى وزىق دەڭگەيگە جەتتى؛ شاڭحاي شينجياڭعا كومەكتەسۋدە جوعارى مەكتەپتەرمەن بىرلەسىپ ”قاشقار ساپالى ماقتاسى“ توپتىق ولشەمىن جاساپ، جوعارى دەڭگەيدەگى كيىم ـ كەشەك جاساۋ نىسانى كەلىسىمىن جەبەپ، شينجياڭ ماقتاسىنىڭ حالىقاراداعى جوعارى دەڭگەيلى بازارلارعا بەت الۋىنا مۇمكىندىك جاسادى؛ جىجياڭ شينجياڭعا كومەكتەسۋدە توقسۋ اۋدانىندا كريستال اشەكەيلەرىنىڭ تۇتاس كاسىپ سالاسى تىزبەگىن قالىپتاستىردى... شينجياڭعا جاپپاي كومەكتەسۋگە، شينجياڭعا دالمە ـ ٴدال كومەكتەسۋگە، شينجياڭعا ۇزاق ۋاقىت كومەكتەسۋگە تاباندى بولىپ، ”قان قۇيۋ“ مەن ”قان جاساۋعا“ تەڭ ٴمان بەرگەن وسى ۇلگىلەر شينجياڭنىڭ دامۋىنا باياندى ىشكى قوزعاۋشى كۇش ۇستەدى.
تەرەڭ سۇيىسپەنشىلىك ورناتىپ، شىن جۇرەكتەن العىس ايتتى. شينجياڭداعى ٴار ۇلت حالقى ەڭ قاراپايىم تاسىلمەن ەڭ قىزۋ سۇيىسپەنشىلىگىن بەينەلەدى. شينجياڭداعى كوپتەگەن كورىنىس وڭىرلەرى شينجياڭعا كومەككە كەلگەن كادرلارعا جانە ولاردىڭ وتباسىنداعىلارعا ەسىك بەلەتىن ىرىقتىلىقپەن كەشىرىم ەتتى؛ شينجياڭعا كومەككە كەلگەن وقىتۋشىلار مىندەت وتەۋ مەرزىمىن اياقتاتىپ اتتاناردا بالالار ٴوز قولىمەن جاساعان تارتۋ ـ تارالعىلارىن ۇسىندى؛ شينجياڭعا كومەككە كەلگەن كوپتەگەن كادرلار مىندەتىنەن بوساعاندا جەرگىلىكتى ورىنداعى كادر ـ بۇقارا كوزىنە جاس الىپ، جىبەرگىسى كەلمەدى... جان تەبىرەنتەرلىك وسى ارەكەتتەردە تيانشان پەرزەنتتەرىنىڭ شىنايى سۇيىسپەنشىلىگى قامتىلعان، ”جۇڭحۋا ۇلتى ٴبىر ٴۇيلى جانداي ەتەنە بولىپ، جۇڭگو ارمانىن ٴبىر نيەتپەن بىرگە سومداۋدىڭ“ ٴمانى تۇسىندىرىلگەن.
ەڭ جاقسى قارىمجى وتانىمىزدىڭ شار تاراپتاعى تەرەڭ سۇيىسپەنشىلىگى مەن بەرىك دوستىعىن شينجياڭنىڭ شۇعىلالى تاۋ ـ وزەندەرىنە اينالدىرۋ بولىپ تابىلادى. جاڭا ٴداۋىردىڭ جاڭا جورىعىندا شينجياڭداعى ٴار ۇلت كادرلارى مەن بۇقاراسى شينجياڭعا باعىتتامالى كومەكتەسۋدىڭ سۇبەلى تابىستارىن قاستەرلەپ، العىس سەزىمىن ىنتىماقتاسا ەكپىندەي ىلگەرىلەۋدىڭ قۋاتتى قوزعاۋشى كۇشىنە اينالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازادى.
