شينحۋا اگەنتتىگىنىڭ 7 ـ ايدىڭ 10 ـ كۇنى بەيجيڭنەن بەرگەن حابارى (ٴتىلشى جياڭ لين). ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قازىنا مينيسترلىگى 7 ـ ايدىڭ 10 ـ كۇنى 2025 ـ جىلى زەينەتكە شىققانداردىڭ نەگىزدىك زەينەتاقىسىن رەتتەۋ جونىندەگى ۇقتىرۋىن جاريالاپ، 2025 ـ جىلى 1 ـ ايدىڭ 1 ـ كۇنىنەن باستاپ، 2024 ـ جىلدىڭ سوڭىنان بۇرىن بەلگىلەمە بويىنشا زەينەتكە شىعۋ راسمياتىن بىتىرگەن ٴارى اي سايىن نەگىزدىك زەينەتاقى الىپ جاتقان زەينەتكە شىققانداردىڭ نەگىزدىك زەينەتاقى دەڭگەيىن جوعارىلاتۋدى، جالپى تۇلعالىق رەتتەۋ دەڭگەيىنىڭ 2024 ـ جىلى زەينەتكە شىققانداردىڭ اي سايىن ادام باسىنا تۋرا كەلەتىن نەگىزدىك زەينەتاقىسىنىڭ %2 بويىنشا بولاتىندىعىن ايقىن بەلگىلەدى.
تانىستىرۋعا قاراعاندا، وسى رەتكى رەتتەۋدە ولشەم بەلگىلەپ رەتتەۋ، بايلانىستىرىپ رەتتەۋ مەن ۇيلەسىمدى باعىتتاۋ ٴوزارا ۇشتاستىرىلعان رەتتەۋ ٴادىسى قولدانىلىپ، زەينەتاقى دەڭگەيى ٴبىرشاما تومەن قاۋىمعا ٴتۇيىندى باعىتتالعان.
ولشەم بەلگىلەپ رەتتەۋ ٴادىل بولۋ پرينسيبىن بەينەلەپ، ۇقساس ٴبىر وڭىردەگى ٴتۇرلى زەينەتكە شىققانداردىڭ رەتتەۋ ولشەمى ۇقساس بولدى؛ بايلانىستىرىپ رەتتەۋ ”كوپ تولەسە كوپ الۋ“، ”ۇزاق ۋاقىت تولەسە كوپ الۋ“ سىندى ىنتالاندىرۋ مەحانيزمىن بەينەلەپ، قوعامدىق قامسىزداندىرۋعا قاتىناسقانداردى قىزمەت ىستەگەن كەزىندە كوپ تاپسىرۋعا، ۇزاق ۋاقىت تاپسىرۋعا جەبەدى؛ ۇيلەسىمدى باعىتتاۋدا ٴتۇيىندى قامقورلىق جاساۋ بەينەلەنىپ، باستىسى، جاسى ۇلكەن زەينەتكە شىققاندار جانە جاپالى، شەت ـ شالعاي وڭىرلەردەگى زەينەتكە شىققاندار قاتارلى قاۋىمعا قامقورلىق جاسالدى.
ۇقتىرۋدا مىنالار تالاپ ەتىلدى: ٴارقايسى ولكە، اۆتونوميالى رايون، توتە قاراستى قالا ٴوز وڭىرلەرىنىڭ جەرگىلىكتى جاعدايىنا ۇشتاستىرىپ، ناقتى اتقارۋ جوباسىن بەلگىلەپ، ۇيىمدىق اتقارۋدى مىقتى يگەرىپ، رەتتەپ جوعارىلاتىلعان نەگىزدىك زەينەتاقىنى زەينەتكە شىققاندارعا ەرتەرەك تاراتىپ بەرۋى كەرەك.
