— 10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ رۋحىن دايەكتىلەندىرۋ، تياناقتاندىرۋ تۋرالى
گازەتىمىزدىڭ شولۋشىسى
10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسى پارتيا مەن مەملەكەت قىزمەتى جالپى جاعدايىنىڭ ستراتەگيالىق بيىگىندە تۇرىپ تابىستاردى قورىتىندىلاپ، جاعدايعا تالداۋ جاساپ، كەلەسى قادامداعى ٴتۇيىندى قىزمەتتەردى جوسپارلادى، ورنالاستىردى، بۇل شينجياڭعا باعىتتامالى كومەكتەسۋ قىزمەتىن تىنباي كۇش سالىپ ويداعىداي ىستەۋ جونىنەن ماڭىزدى رەال جەتەكشىلىك مانگە يە. وسى رەتكى ٴماجىلىستىڭ رۋحىن دايەكتىلەندىرۋدە، تياناقتاندىرۋدا كەزەكتەگى جاعدايعا تەرەڭ تالداۋ جاساپ، شينجياڭعا باعىتتامالى كومەكتەسۋ قىزمەتىندەگى تۇيىندەردى دالمە ـ ٴدال يگەرىپ، شينجياڭعا كومەكتەسۋ مىندەتتەرىنىڭ ەگجەي ـ تەگجەيلى، ناقتى تياناقتانۋىنا، ەرتەرەك ونىمدىلىك كورسەتۋىنە شىنايى كەپىلدىك ەتۋ كەرەك.
جاعدايعا قاراي جوسپار جاساعاندا عانا جوسپار جاساعاننان كەيىن ارەكەت جاساۋعا؛ جاعدايعا قاراي ىستەگەندە عانا زور تابىستارعا قول جەتكىزۋگە بولادى. ”14 ـ بەسجىلدىق“ مەزگىلىندە شينجياڭعا باعىتتامالى كومەكتەسۋ قىزمەتى شينجياڭ قىزمەتى باس نىساناسىنا قىزمەت وتەۋدە ماڭىزدى رول اتقارىپ، شينجياڭنىڭ قوعام ورنىقتىلىعىن، ۇلتتار ىنتىماعىن جانە جوعارى ساپالى دامۋىن جەبەدى. الايدا ٴبىز مىنانى دا كورە ٴبىلۋىمىز كەرەك: جۇڭگو ۇلگىسىندەگى وسىزامانداندىرۋدىڭ تىڭعىلىقتى ىلگەرىلەۋىنە ساي، شينجياڭنىڭ ستراتەگيالىق ورنى اناعۇرلىم كورنەكتىلەنىپ، شينجياڭعا كومەكتەسۋ قىزمەتىنىڭ مىندەتى اناعۇرلىم جاپالى بولدى. شينجياڭ قىزمەتى ٴدوپ كەلگەن جاڭا جاعداي شينجياڭعا باعىتتامالى كومەكتەسۋ قىزمەتىن ويداعىداي ىستەۋگە تىڭ دا اناعۇرلىم جوعارى تالاپتار قويدى. ٴبىز شينجياڭنىڭ دامۋ ٴىس جۇزىندىگىن دالمە ـ ٴدال يگەرگەندە عانا شينجياڭعا باعىتتامالى كومەكتەسۋدىڭ كەلەلى تاريحي ورايىن مىقتى يگەرىپ، شينجياڭنىڭ قاجەتى مەن شينجياڭعا كومەكتەسۋ قابىلەتىن باستان ـ اياق تەرەڭ ٴتۇيىلىستىرىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن تولىق ساۋلەلەندىرۋدى جەبەي الامىز.
جاعداي مىندەتتى بەلگىلەيدى. شينجياڭ قىزمەتىنىڭ جاڭا جاعدايى، رەفورما، دامۋ، ورنىقتىلىقتىڭ جاڭا قاجەتى الدىندا، ٴبىز يدەيا مەن ارەكەتتى وسى رەتكى ٴماجىلىستىڭ شينجياڭ قىزمەتى جونىندەگى جاعداي تۇجىرىمىمەن شىن مانىندە بىرلىككە كەلتىرۋىمىز ٴارى شينجياڭعا كومەكتەسۋ قىزمەتىن شينجياڭنىڭ ەكونوميكالىق، قوعامدىق دامۋ جالپى جاعدايىنا ەنگىزىپ، ٴبىر تۇتاس جوسپارلاپ ىلگەرىلەتۋىمىز كەرەك. شينجياڭنىڭ نەگىزگى تۇلعالىق رولىن تولىق ساۋلەلەندىرىپ، بەلسەنە شارت ـ جاعداي ازىرلەپ، شينجياڭعا باعىتتامالى كومەكتەسۋدىڭ شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا ٴتيىمدى بولۋىنا، وڭتۇستىك شينجياڭ سىندى ”شاحمات كوزىن“ جانداندىرۋعا، كۇشەيتۋگە ٴتيىمدى بولۋىنا، جۇڭحۋا ۇلتى ورتاق تۇلعا تانىمىن بەكەمدەۋدى شىنايى يگەرۋگە ٴتيىمدى بولۋىنا، حالىق تۇرمىسىمەن تىعىز جاناسا وتىرىپ جوعارى ساپالى دامۋدى ىلگەرىلەتۋگە ٴتيىمدى بولۋىنا، جۇرت تىلەگىن ۇيىستىرۋ مەن شىنايى مويىنداۋدى كۇشەيتۋگە ٴتيىمدى بولۋىنا مۇمكىندىك جاساۋىمىز كەرەك. وسىلاي ىستەگەندە عانا سۇبەلى تابىستارعا قول جەتكىزگەن جاڭا داۋىردەگى شينجياڭعا باعىتتامالى كومەكتەسۋ قىزمەتى ەكپىندەي ىلگەرىلەۋ ريتىمى بويىنشا اياق الىستى بىرلىككە كەلتىرىپ، كەلەسى ناتيجەگە قاراي ۇمتىلۋىمىزعا بولادى.
بارلىق ٴىستىڭ ماڭىزدى ٴتۇيىنى بولادى، ماڭىزدى ٴتۇيىندى يگەرگەن ادام تابىسقا جەتە الادى. جاڭا جاعداي، جاڭا تالاپ الدىندا تاعى، ٴسوز جوق، ٴىس جۇزىندىكتى شىعار ٴتۇيىن ەتۋگە تاباندى بولىپ، نازاردى ٴتۇيىندى سالالارعا شوعىرلاندىرىپ تىنباي كۇش سالۋ كەرەك. وڭتۇستىك شينجياڭنىڭ كورنەكتى ماسەلەلەرىن شەشۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، وڭتۇستىك شينجياڭنىڭ كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، وڭتۇستىك شينجياڭنىڭ ەكونوميكالىق، قوعامدىق دامۋىن جانە باياندى تىنىشتىعىن ىلگەرىلەتۋ كەرەك. شينجياڭنىڭ جاڭاشا ونەركاسىپتەندىرۋىن، قالا ـ قالاشىقتاندىرۋىن ىلگەرىلەتۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، حالىق تۇرمىسىمەن تىعىز جاناسىپ شينجياڭنىڭ جوعارى ساپالى دامۋىن ىلگەرىلەتۋ كەرەك. ۇلتتاردىڭ ارالاسۋىن، ىشتەسۋىن، توعىسۋىن جەبەۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، ۇلتتاردىڭ اناردىڭ دانىندەي تىعىز ۇيىسۋىنا مۇمكىندىك جاساۋ كەرەك. شينجياڭدى مادەنيەتپەن نارلەندىرۋدى ناقتى، جاندى، ٴونىمدى ورىستەتۋگە نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋ كەرەك. وقۋ ـ اعارتۋ ارقىلى شينجياڭعا كومەكتەسۋدىڭ ونىمدىلىگىن جوعارىلاتۋعا نازاردى شوعىرلاندىرا كۇش سالۋعا اناعۇرلىم باسا ٴمان بەرىپ، شينجياڭنىڭ جوعارى ساپالى وقۋ ـ اعارتۋ جۇيەسىن جەدەل ورناتۋىن ىلگەرىلەتۋ كەرەك. بىرەۋى ارقىلى بارىنە اسەر ەتەتىن كەلەلى ماسەلەلەردى يگەرە وتىرىپ كۇشتى شوعىرلاندىرا قامال العاندا عانا شينجياڭعا باعىتتامالى كومەكتەسۋ قىزمەتىنىڭ جان ـ جاقتى ىلگەرىلەۋىنە جەتەكشىلىك ەتىپ، شينجياڭعا باعىتتامالى كومەكتەسۋ قىزمەتىنىڭ ناقتى ونىمدىلىگىن ۇزدىكسىز جوعارىلاتۋعا بولادى.
زەيىن ـ زەردەنى، كۇش ـ قۋاتتى شوعىرلاندىرىپ، بورىش ارقالاپ، قايراتتانا ەكپىندەي ىلگەرىلەپ، جاڭا تاراۋ جازۋ كەرەك. جاڭا باستامادا تۇرعان ٴبىز شينجياڭعا باعىتتامالى كومەكتەسۋ قىزمەتىنىڭ ماندىك ورنىن، ٴتۇبىرلى نىساناسىن جانە كۇش سالۋ بەتالىسىن جەتە تانىپ، شينجياڭ قىزمەتى باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىنى مىقتاپ ارقاۋ ەتىپ، نىسانانى كوزدەپ دالمە ـ ٴدال كۇش سالىپ، شىنايى يگەرىپ ناقتى ىستەپ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىنىڭ، ورنالاستىرۋلارىنىڭ ناقتى، ەگجەي ـ تەگجەيلى تياناقتانۋىن تىڭعىلىقتى ىلگەرىلەتىپ، شينجياڭعا باعىتتامالى كومەكتەسۋدىڭ تيانشان الابىندا اناعۇرلىم زور تابىستارعا قول جەتكىزۋىن ىلگەرىلەتۋىمىز كەرەك.
