بيڭتۋان مەن جەرگىلىكتى ورىن ٴبىر وتباسى
انار بۇلت \ شينجياڭ گازەتىنىڭ ٴتىلشىسى لي جيا ـ ني
ٴبىر تۇتاس جۇيە بولىپ، وتباسىن بىرگە قورعادى.
بيڭتۋان مەن جەرگىلىكتى ورىننىڭ توعىسۋى — شينجياڭ قىزمەتىندەگى ٴىرى ٴىس.
2022 ـ جىلى 7 ـ ايدا باس شۋجي شي جينپيڭ شينجياڭدى كوزدەن كەشىرگەندە بىلاي دەپ باسا دارىپتەدى: ”شينجياڭ قىزمەتىن ويداعىداي ىستەۋ كەلەلى جاعدايعا سايادى، بۇكىل پارتيانىڭ، بۇكىل مەملەكەتتىڭ ٴىرى ٴىسى“، ”بيڭتۋاننىڭ ستراتەگيالىق رولىن ەشتەڭە باسا المايدى“، ”بيڭتۋان رەفورماسىن جەدەل ىلگەرىلەتىپ، بيڭتۋان مەن جەرگىلىكتى ورىننىڭ توعىسۋىن تەرەڭدەتۋ كەرەك“، ”بيڭتۋان جاڭا جاعدايعا، جاڭا تالاپقا سايكەسىپ، شينجياڭ قىزمەتىنىڭ باس نىساناسىن جۇزەگە اسىرۋدا اناعۇرلىم زور رول اتقارۋى كەرەك“...
بيڭتۋان مەن جەرگىلىكتى ورىننىڭ توعىسا دامۋى — پارتيا ورتالىق كوميتەتىنىڭ ستراتەگيالىق جالپى جاعدايدان جاساعان كەلەلى ورنالاستىرۋى، بۇل ستراتەگيالىق جالپى جاعدايدى تياناق ەتىپ، دامۋ اۋقىمىنا ۇيلەسۋدەگى تابيعي تالعام، تەرەڭ رەال ٴمان جانە تاريحي ٴمان الادى.
باس شۋجي شي جينپيڭ نۇسقاعان بەتالىستى بويلاپ، شينجياڭداعى ٴار ۇلت ۇلاندارى اسقاق جىگەرمەن قول ۇستاسا بىرگە ىلگەرىلەدى، بيڭتۋان مەن جەرگىلىكتى ورىن توعىسۋعا قاتىستى ٴتۇرلى ىستەرى قاتار ىلگەرىلەپ، تيانشان الابىنىڭ بارلىق جەرىنەن تىرشىلىك تىنىسى تاسقىنداپ، دامۋ تولقىنى جوڭكىلە العا ىلگەرىلەدى.
رەفورما ارقىلى قيىندىقتى جەڭدى
تۇزىمدە جاڭالىق اشۋ، توعىسۋ نەگىزىن بەكەمدەدى
”بيڭتۋان مەن جەرگىلىكتى ورىن ٴبىر تۇتاس جۇيە دەگەنگە تاباندى بولىپ، كەلەلى نەگىزدىك قۇرىلعىلاردى سايكەستىرە قۇرىپ، بيڭتۋان مەن جەرگىلىكتى ورىننىڭ ەكونوميكا، قوعام، مادەنيەت، ەكولوگيالىق وركەنيەت قۇرىلىسى جانە ۇلتتار ىنتىماعى، العاباسارلىعى، كادر، دارىندىلار سياقتى جاقتاردان توعىسا دامۋىن جاپپاي ىلگەرىلەتىپ، قۇرىلعىلاردى بىرگە قۇرۋدى، بايلىقتان بىرگە يگىلىكتەنۋدى، تەرەڭدەي كىرىگۋدى، ارتىقشىلىقتارمەن ٴوزارا تولىقتاۋدى جۇزەگە اسىرۋ كەرەك“.
ىقىلاستى تاپسىرمانىڭ استارىندا باس شۋجي مەن پارتيا ورتالىق كوميتەتىنىڭ شينجياڭ قىزمەتىنە ىقىلاستى ٴۇمىتى، اۆتونوميالى رايون مەن بيڭتۋاننىڭ ىنتىماقتاسا سەلبەسىپ، دامۋدى بىرگە جوسپارلاپ، شينجياڭدى اناعۇرلىم كورىكتى ەتىپ قۇرىپ شىعۋ سىندى ٴداۋىر ۇندەۋى مەن ارەكەت باعدارناماسى جاتىر.
سوڭعى جىلدارى شينجياڭ باس شۋجي شي جينپيڭنىڭ ”بيڭتۋان مەن جەرگىلىكتى ورىن ٴبىر تۇتاس جۇيە“ سىندى ماڭىزدى نۇسقاۋىن ىشكەرىلەي دايەكتىلەندىردى، تياناقتاندىردى، اۆتونوميالى رايوندىق پارتكوم بيڭتۋان مەن جەرگىلىكتى ورىننىڭ توعىسۋىن كورنەكتى دە ماڭىزدى ورىنعا قويىپ، ونى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋ ونىمدىلىگىن سىننان وتكىزەتىن كەلەلى قىزمەت، شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت ەتىپ، بۇرىن بولىپ كورىلمەگەن سەرپىنمەن جەدەل ىلگەرىلەتتى.
توعىسا دامۋدا ”توعىسۋ“ ماڭىزدى مازمۇن. اۆتونوميالى رايون مەن بيڭتۋان ”ٴوز مۇددەسىن كۇيتتەيتىن“ وي جەلىسىن ۇزدىكسىز تالقانداپ، بيڭتۋان مەن جەرگىلىكتى ورىننىڭ تىعىز ٴبىر تۇتاس جوسپارلاپ سايكەستىرۋ مەحانيزمىن ورناتىپ، ەكى جاقتىڭ باسشىلىق گرۋپپاسىن قۇرۋ، بيڭتۋان مەن جەرگىلىكتى ورىننىڭ بىرىككەن ٴماجىلىسىن كەمەلدەندىرۋ سياقتى شارالار ارقىلى بيڭتۋان مەن جەرگىلىكتى ورىننىڭ توعىسا دامۋ ٴتۇزىلىسىن، مەحانيزمىن بىرتىندەپ قۇرىپ، كەمەلدەندىرىپ، توعىسا دامۋدىڭ تۇزىمدەنۋى، ۇدايىلانۋى، ۇزاق ۋاقىت ٴونىمدى بولۋى جاعىندا كۇش سالىپ، بيڭتۋان مەن جەرگىلىكتى ورىننىڭ توعىسا دامۋى سىندى وسى ٴىستى ىستەيتىن ادام بولۋعا، يگەرەتىن ادام بولۋعا، باسقاراتىن ادام بولۋعا شىنايى كەپىلدىك ەتتى.
2023 ـ جىلى 8 ـ ايدا باس شۋجي شي جينپيڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا بىلاي دەپ اتاپ كورسەتتى: بيڭتۋان مەن جەرگىلىكتى ورىن ٴبىر تۇتاس جۇيە دەگەنگە تاباندى بولىپ، لاڭكەستىككە قارسى تۇرىپ ورنىقتىلىقتى قورعاۋ، ەكونوميكانى دامىتۋ، ەكولوگيانى قورعاۋ، ۇلتتار ىنتىماعى، كادرلار، دارىندىلار قاتارلى جاقتاردا توعىسۋ سەرپىنىن ارتتىرىپ، بيڭتۋان مەن جەرگىلىكتى ورىننىڭ توعىسا دامۋىن جەدەل ىلگەرىلەتۋ كەرەك.
وسى بىرنەشە جىلدا شينجياڭنىڭ عىلىم ـ تەحنولوگيا، ساياسي ـ زاڭ، وقۋ ـ اعارتۋ سياقتى كوپتەگەن سالاسىنداعى ماڭىزدى قىزمەت ماجىلىستەرىندە دەرلىكتەي بيڭتۋان مەن جەرگىلىكتى ورىن بىرلەسىپ اشۋ ٴتاسىلى قولدانىلىپ، مىندەتتەر ٴبىر تۇتاس ورنالاستىرىلدى، قىزمەتتەر ٴبىر تۇتاس ىلگەرىلەتىلدى. مۇنداي ٴبىر تۇتاستىق — بيڭتۋان مەن جەرگىلىكتى ورىننىڭ تەرەڭدەي ٴوڭىر اتتاپ سايكەسۋىنىڭ ناقتى امالياتى.
ساياساتتىق مەحانيزم توعىسا دامۋدىڭ تۇزىمدەنۋ دەڭگەيىن جوعارىلاتقاندا، اۆتونوميالى رايون مەن بيڭتۋان كاسىپ سالاسى ورنالاسىمى، بايلىقتى اشۋ، پايدالانۋ سياقتى شەشۋشى بۋىنداردا اكىمشىلىك قامالداردى ونان ارى تالقانداپ، فاكتورلاردىڭ ەركىن جىلجۋىن جەبەدى. بيڭتۋان مەن جەرگىلىكتى ورىن ەمدەۋدى قامسىزداندىرۋدا ٴبىر ـ ٴبىرىن مويىنداۋدى، وقۋ ـ اعارتۋ بايلىعىن ۇلاستىرۋدى، قاتىناس تورابىن تۇتاستىرۋدى ىلگەرىلەتتى... ٴبىر قىدىرۋ ساياساتتىق سايكەستىرۋ مەن مەحانيزمدە جاڭالىق اشۋ بيڭتۋان مەن جەرگىلىكتى ورىننىڭ توعىسا دامۋىنىڭ تەرەڭدىگىن جانە ٴورىسىن ۇزدىكسىز كەڭەيتىپ، بيڭتۋان مەن جەرگىلىكتى ورىننىڭ توعىسۋى ٴۇشىن ٴتۇزىم نەگىزىن بەكەمدەدى.
كاسىپ سالاسىن بىرگە گۇلدەندىردى
سايكەسە دامىپ، توعىسۋ قوزعالىس قۋاتىن قاۋلاتتى
2022 ـ جىلى 7 ـ ايدا باس شۋجي شي جينپيڭ بيڭتۋان 8 ـ شى شىحىزى قالاسى 143 ـ تۋانىن كوزدەن كەشىرگەندە ماقتا اتىزىنا، جالپاق شاپتول ەگىمشىلىك باعىنا باردى. باس شۋجي بىلاي دەپ اتاپ كورسەتتى: بيڭتۋاندا اۋىل شارۋاشىلىعىنىڭ ماشينالاسۋ دەڭگەيى جوعارى، اۋىل شارۋاشىلىعىنىڭ كولەمدەنگەن ٴوندىرىس، كاسىپ سالالانعان شارۋاشىلىق جۇرگىزۋ شارت ـ جاعدايى جاقسى، استىق، ماقتا، ازىقتىق ماي، جەمىس ـ جيدەك، كوكونىس ٴوندىرىسى سياقتى جاقتارداعى باسىمدىعى كورنەكتى، ەلىمىزدىڭ استىق حاۋىپسىزدىگىن جانە ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋ جاعىندا اناعۇرلىم زور رول اتقارۋى كەرەك. پارتيا ورتالىق كوميتەتىنىڭ بيڭتۋاننىڭ دامۋىن قولداۋ ساياساتتارىن ويداعىداي تياناقتاندىرىپ، بيڭتۋاننىڭ باسىمدىعىن ساۋلەلەندىرىپ، اۋىل شارۋاشىلىعىنىڭ عىلىم ـ تەحنولوگيالىق جانە جابدىقتىق تىرەگىن كۇشەيتىپ، جەرگىلىكتى جاعدايعا قاراي ىستەپ، باسىمدىققا يە اۋىل شارۋاشىلىعى ونىمدەرىن دامىتىپ، باسىمدىققا يە كاسىپ سالالارىن زورايتىپ، ەگىن، مال شارۋاشىلىعىنىڭ جاسىل، جوعارى ٴونىمدى دامۋىن جەبەۋ كەرەك.
اماليات مىنانى دالەلدەدى: اۋىل شارۋاشىلىعىن وسىزامانداندىرۋ، ونەركاسىپتى كولەمدەندىرۋ جاعىندا بيڭتۋاننىڭ جەتىستىگى كورنەكتى؛ بازار بايلىعى، كاسىپ سالاسى سايكەستى جۇيەسى سياقتى جاقتاردا جەرگىلىكتى ورىننىڭ وزگەشە ەرەكشەلىگى بار. باس شۋجيدىڭ تاپسىرماسى بيڭتۋان مەن جەرگىلىكتى ورىننىڭ توعىسا دامۋىنا ايقىن بەتالىس نۇسقادى، اۆتونوميالى رايون مەن بيڭتۋان قول ۇستاسىپ بىرگە ىلگەرىلەپ، ٴوز باسىمدىقتارىن ساۋلەلەندىرىپ، اۋىل شارۋاشىلىعى عىلىم ـ تەحنولوگياسى مەن جابدىق تىرەگىن كۇشەيتىپ، جەرگىلىكتى جاعدايعا قاراي باسىمدىققا يە كاسىپ سالاسىن دامىتتى، ”باتىس بولىك استىق قامباسى“، ”قۇرلىقتا وسىرىلگەن تەڭىز ونىمدەرى“ سياقتى كىندىك سوزدەر شينجياڭنىڭ اۋىل شارۋاشىلىعى دامۋىندا قول جەتكەن ماقتانارلىق ناتيجەلەردى تولىق قورىتىندىلاپ وتىر.
شينجياڭنىڭ بايتاق دالاسىندا بيڭتۋان مەن جەرگىلىكتى ورىننىڭ اۋىل شارۋاشىلىعىن توعىسا دامىتۋى جاي عانا جەردىڭ تۇتاسۋى ەمەس، قايتا تەحنولوگيا، بازار سياقتى فاكتورلار اراسىنداعى ”قوسۋ، الۋ، كوبەيتۋ، ٴبولۋ“. تەحنولوگيا جاعىنداعى اۋىس ـ كۇيىس پەن جاڭالاۋ، باۋلۋ قىزمەت وتەۋى، ساپالى تۇقىمدى جالپىلاستىرۋ سياقتىلار ارقىلى اۆتونوميالى رايون مەن بيڭتۋان ەرەكشە اۋىل شارۋاشىلىعىن بىرگە دامىتىپ، ەرەكشە ماركا تۇلعالاپ، ساتۋ ارناسىن كەڭەيتىپ، ٴونىم قوسىمشا قۇنىن ارتتىرىپ، مەملەكەتتىڭ استىق حاۋىپسىزدىگى مەن ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتۋدى قوزعاۋشى كۇش ەتىپ، اۋىل شارۋاشىلىعى سالاسىندا تەرەڭ توعىسۋدىڭ جاڭا جاعدايىن قول ۇستاسا بىرگە جاراتۋدا.
بىلتىر جىل سوڭىندا ماناس اۋدانىنا ورنالاسقان شىحىزى - ماناس بيڭتۋان مەن جەرگىلىكتى ورىندى توعىستىرۋ 5GW فوتوۆولت ارقىلى قۇمايتتانۋدان ساقتانۋ، قۇمدى تىزگىندەۋ نىسانىنىڭ 1 ـ مەرزىمدىك ينجەنەرياسى سالىنىپ بولدى ٴارى ٴساتتى جەلىگە تۇتاستىرىلىپ، ەلەكتر تاراتتى. بۇل بۇكىل شينجياڭدا بيڭتۋان مەن جەرگىلىكتى ورىننىڭ توعىسۋى بويىنشا تۇڭعىش فوتوۆولت ارقىلى قۇمايتتانۋدان ساقتانۋ، قۇمدى تىزگىندەۋ نىسانى بولىپ، ماناس اۋدانى مەن 8 ـ شى شىحىزى قالاسىنىڭ تازا ەنەرگيا كاسىپ سالاسىن بىرگە دامىتۋ، جاسىل، تومەن كومىر قىشقىل گازدى دامۋدى ىلگەرىلەتۋ جاعىندا بەلسەندى قادام تاستاعاندىعىن اڭعارتادى.
شينجياڭنىڭ مول ەنەرگيا بايلىعى بىرتىندەپ اۆتونوميالى رايون مەن بيڭتۋاننىڭ وسىزاماندانعان كاسىپ سالاسى جۇيەسىن قۇرۋداعى، جوعارى ساپالى دامۋدى ىلگەرىلەتۋدەگى ماڭىزدى تىرەگىنە جانە سۇيەنىشىنە اينالۋدا.
بيڭتۋان مەن جەرگىلىكتى ورىن ەكى جاق ”ەگە بەرسەڭ اعاش تا ورمان بولار، ۇيە بەرسەڭ قۇمنان دا جوتا جاسالار“ ۇستانىمىنا تاباندى بولىپ، قول ۇستاسا بىرگە ىلگەرىلەپ، تەرەڭ توعىسىپ، ەنەرگيا اشۋ، پايدالانۋ سالاسىندا توتەنشە تابىستى ٴبىر قىدىرۋ اماليات ورىستەتتى. بىرگە قارجى قوسىپ مۇناي ـ تابيعي گاز بارلاۋ، اشۋ سەرىكتەستىگىن قۇردى، وڭتۇستىك شينجياڭدا تارىم اينالما تور ينجەنەرياسى سياقتى 10 ميلليون كيلوۆات دارەجەلى 3 جاڭا ەنەرگيا بازاسى قۇرىلىسىن بىرگە ىلگەرىلەتتى، تۇڭعىش رەت وڭتۇستىك شينجياڭدا ورنالاستىرىلعان ”شينجياڭ ەلەكترىن سىرتقا جەتكىزۋ“ ارناسىن بىرگە ىلگەرىلەتتى... بيڭتۋان مەن جەرگىلىكتى ورىننىڭ كاسىپ سالاسىن توعىستىرعان نىساندارى بەينە ٴۇمىت ۇشقىنىنداي تاسقىنداعان تىرشىلىك تىنىسى مەن شەكسىز كومەسكى كۇش ارقىلى شينجياڭنىڭ بايتاق دالاسىندا تامىر تارتىپ وركەن جايۋدا.
بيڭتۋان مەن جەرگىلىكتى ورىننىڭ نەگىزدىك قۇرىلعىلار جاعىندا ۇلاستىرۋ ـ تۇتاستىرۋ دەڭگەيىنىڭ بارىنشا جوعارىلاۋىنا ىلەسە، وڭىرلىك سەلبەسە دامۋ جۇلگەسىندە جاڭا بەينە جارىققا شىعىپ، كاسىپ سالاسىنىڭ شوعىرلانۋى بيڭتۋان مەن جەرگىلىكتى ورىن ەكى جاققا ەكونوميكانى ارتتىرۋدىڭ جاڭا قوزعالىس قۋاتىن ۇستەدى.
ٴبىر تاۋ — ٴبىر كورىنىس. بيڭتۋان 6 ـ شى شونجى ەگىس الاڭى ي ـ ۋانچۋان كورىنىس ٴوڭىرى مەن شونجى اۋدانى جانبۇلاق كورىنىس ٴوڭىرى بىردەي شىعىس تيانشان تاۋ سىلەمىنە تاۋەلدى، كورىنىستەر ۇلاسىپ، تاۋ ـ وزەنى تۇتاسىپ جاتادى. 2022 ـ جىلى 7 ـ ايدا ي ـ ۋانچۋان كورىنىس ٴوڭىرى مەن جانبۇلاق كورىنىس ٴوڭىرى ٴساتتى تۇردە مەملەكەتتىك 5A دارەجەلى ساياحات كورىنىس ٴوڭىرى بولىپ باعالاندى. بىلتىر 7 ـ ايدا ەكى كورىنىس ٴوڭىرى ”ٴبىر بەلەتپەن ساياحاتتاۋ“ تۇزىمىن رەسمي اتقارىپ، بيڭتۋان مەن جەرگىلىكتى ورىننىڭ توعىسىپ جاڭالىق اشۋ ۇلگىسىندەگى ساياحاتتىق ۇلگى كورسەتۋ كورىنىس ٴوڭىرىن بىرگە قۇرىپ، ساياحاتشىلارعا اناعۇرلىم قولايلى، ارزان ساياحات سەزىنۋىن سيلاپ، بيڭتۋان مەن جەرگىلىكتى ورىن توعىسا دامۋىنىڭ جاڭا تيپتىك ۇلگىسىن ورناتتى.
بايلىقتان تەڭ يگىلىكتەنۋ، ماركانى بىرگە تۇلعالاۋ — بيڭتۋان مەن جەرگىلىكتى ورىننىڭ مادەنيەت ـ ساياحات كاسىپ سالاسىنىڭ توعىسا دامۋىنداعى جاندى دا ىقشام كورىنىس. بايلىقتان تەڭ يگىلىكتەنۋ، ارتىقشىلىقتاردا ٴبىر ـ ٴبىرىن تولىقتاۋ ارقىلى اۆتونوميالى رايون مەن بيڭتۋان اكىمشىلىك رايون شەكاراسىن تالقانداپ، بىتىراعان ساپالى ساياحات بايلىقتارىن بىرىكتىرىپ، اناعۇرلىم پارمەندى ونىمدىلىك جارىققا شىعارىپ، ”شينجياڭ جاقسى جەر“ سىندى التىن ٴارىپتى ماركانى ۇزدىكسىز جارقىراتتى.
بۇگىندەرى كاسىپورىندار قارىشتاپ دامىپ، كاسىپ سالالارى شالقىپ، بيڭتۋان مەن جەرگىلىكتى ورىننىڭ كاسىپ سالاسىنىڭ توعىسا دامۋى شينجياڭنىڭ جالپى تۇلعالىق دامۋ دەڭگەيىنىڭ ۇزدىكسىز جوعارىلاۋىن ىلگەرىلەتتى.
حالىق تۇرمىسىندا تەڭ يگىلىكتەندى
ىنتىماقتاسا ەكپىندەي ىلگەرىلەپ، توعىسۋ ورتاق تانىمىن ۇيىستىردى
شينجياڭنىڭ گۇلدەنۋى، دامۋى، ٴسوز جوق، اۆتونوميالى رايون مەن بيڭتۋاننىڭ بىرگە گۇلدەنۋى، دامۋى، سونداي ـ اق، ٴسوز جوق، بيڭتۋان مەن جەرگىلىكتى ورىنداعى ٴار ۇلت بۇقاراسىنىڭ تابىس سەزىمىنىڭ، باقىت سەزىمىنىڭ، حاۋىپسىزدىك سەزىمىنىڭ بىرگە جوعارىلاۋى بولىپ تابىلادى.
باس شۋجي شي جينپيڭ شينجياڭدى كوزدەن كەشىرگەندە بىلاي دەپ اتاپ كورسەتتى: دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن جەتە تانىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋ كەرەك.
الەۋمەتتىك قىزمەت وتەۋدەن تەڭ يگىلىكتەنۋ — اۆتونوميالى رايون مەن بيڭتۋاننىڭ حالىق تۇرمىسى سالاسىندا توعىسا دامۋىنىڭ جاندى امالياتى. بيڭتۋان مەن جەرگىلىكتى ورىن ساپالى بايلىقتاردى ۇلاستىرۋدى جانە ودان بىرگە يگىلىكتەنۋدى ىلگەرىلەتىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.
ٴادىل دە ساپالى وقۋ ـ اعارتۋدان اناعۇرلىم كوپ وقۋشى مەن وتباسىن يگىلىكتەندىرۋ ٴۇشىن، بيڭتۋان مەن جەرگىلىكتى ورىننىڭ وقۋ ـ اعارتۋ سالاسىندا وقۋ ـ اعارتۋدىڭ، وقىتۋدىڭ، وقىتۋدى زەرتتەۋدىڭ ٴوزارا ىقپالداستىعى سياقتى ٴبىر قىدىرۋ شارالار ارقىلى وڭىرلىك وقۋ ـ اعارتۋ بايلىعىن بىركەلكى ورنالاستىرۋ، ساپالىلاندىرىپ دارەجەسىن جوعارىلاتۋ ىلگەرىلەتىلدى. قازىر مەيلى تۋان ـ الاڭداردا، ليان ـ دۇيلەردە، الدە اۋىل ـ قالاشىق، الەۋمەتتىك اۋماقتاردا بولسىن، ٴار ۇلت وقۋشىلارىنىڭ ٴبىر كلاستا بىرگە وقۋى قالىپتى جاعدايعا اينالدى، بيڭتۋان مەن جەرگىلىكتى ورىن وقىتۋشىلارىنىڭ مەكتەپ اتتاپ اۋىس ـ كۇيىس جاساۋى ۇنەمىلىككە اينالدى.
بيىل 5 ـ ايدا بۇكىل شينجياڭداعى بيڭتۋان مەن جەرگىلىكتى ورىننىڭ توعىسا دامۋى بويىنشا شينجياڭعا كومەكتەسۋدەگى تۇڭعىش ۇلگى مەكتەپ — 3 ـ شى تۇمسىق قالاسى قاشقار قالاسىمەن سەلبەسىپ بىرگە قۇرعان 3 ـ شى تۇمسىق قالالىق 1 ـ ورتا مەكتەپ رەسمي ماڭدايشالىق اشتى، بۇل بيڭتۋان مەن جەرگىلىكتى ورىن وقۋ ـ اعارتۋىنىڭ توعىسا دامۋىنىڭ جاڭا كەزەڭگە وتكەندىگىن ايگىلەدى.
وقۋ ـ اعارتۋدا قۋاتتى ەل قۇرۋ اياق الىسى وڭتۇستىك شينجياڭنىڭ بايتاق دالاسىندا اناعۇرلىم ورنىقتى قادام تاستاپ، اناعۇرلىم ناقتى ىلگەرىلەدى، بۇل جان ـ جاقتى، كوپ ساتىلى، كەڭ سالالى بيڭتۋان مەن جەرگىلىكتى ورىننىڭ وقۋ ـ اعارتۋىن سايكەستى دامىتۋ جاعدايىن قالىپتاستىرۋعا، وڭىرلىك دامۋعا بىرگە قىزمەت وتەۋگە تىڭ قوزعالىس قۋاتىن ۇستەدى.
جاقىن ماڭدا ناۋقاس كورسەتكەندە سۇيەنەتىن ”شيپاگەر“ بار بولىپ، سالاماتتىقتى قامتاماسىز ەتۋ جۇرت جۇرەگىن جىلىتتى، بيڭتۋان مەن جەرگىلىكتى ورىنداعى جۇمىسشى ـ قىزمەتكەرلەردىڭ، بۇقارانىڭ ەمدەلۋىندەگى بوگەتتى تۇيىندەردى ىركىلىسسىزدەندىرۋ — بيڭتۋان مەن جەرگىلىكتى ورىننىڭ ەمدەۋدە توعىسا دامۋىنداعى شەشۋشى شارا.
بيڭتۋانداعى 14 شى ـ قالا وزدەرى تۇرعان جەردەگى وبلىس، ايماق، قالالارمەن بىرلەسىپ ورنالاستىرۋ، بايلانىس جاساۋ، سايكەستىرۋ مەحانيزمىن ورناتىپ، جۇپ قۇراپ، بىرگە قۇرۋ قيمىلىن ىشكەرىلەي ورىستەتىپ، بيڭتۋان مەن جەرگىلىكتى ورىننىڭ ەمدەۋ ـ دەنساۋلىق ساقتاۋ قۇرىلىمدارىنىڭ باعىتتامالى كومەكتەسۋ ـ سۇيەمەلدەۋىن ىلگەرىلەتىپ، دەنساۋلىق ساقتاۋ، سالاماتتىق سالاسىندا كادرلاردى اۋىس ـ كۇيىس جاساپ مىندەتكە تاعايىنداۋدى كۇشەيتىپ، اۋرۋدى تىزگىندەۋ سالاسىنداعى ينفورماتسيا مەن تەحنولوگيادان بىرگە يگىلىكتەنۋدى جۇزەگە اسىردى. ەمدەۋدە توعىسا دامۋ ەمدەۋ بايلىعىن ورنالاستىرۋدى ساپالىلاندىردى، تۇتاس تۇلعالىق ەمدەۋ قىزمەت وتەۋ ونىمدىلىگىن جوعارىلاتتى، ەڭ ماڭىزدىسى، بيڭتۋان مەن جەرگىلىكتى ورىنداعى بۇقارانىڭ جاقىن ماڭدا ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسادى.
مادەنيەتتى شىنايى مويىنداۋ — ەڭ تەرەڭ قاتپارداعى شىنايى مويىنداۋ، ۇلتتار ىنتىماعىنىڭ تامىرى، جۇڭحۋا ۇلتى ورتاق تۇلعا تانىمىن بەكەمدەۋدى ۇزدىكسىز نىعايتۋدىڭ يدەيالىق نەگىزى. مادەنيەت قيمىلى بيڭتۋان مەن جەرگىلىكتى ورىنداعى جۇمىسشى ـ قىزمەتكەرلەردىڭ ”جۇرەكتەرىن توعىستىراتىن“ جاندى دانەكەرگە اينالدى.
”جەلەگىڭدى اش، اي قاباعىڭدى كورەيىن...“ ورتالىق راديو ـ تەلەۆيزيا باس ستانسياسىنىڭ 2024 ـ جىلعى كوكتەم مەرەكەسىنە ارنالعان بىرلەسكەن ساۋىق كەشى شينجياڭ قاشقار بولىمشە الاڭىندا شينجياڭداعى ٴار ۇلت جاستارى شاتتانا بيگە باسىپ، بۇكىل ەل حالقىمەن بىرگە كوكتەم مەرەكەسىن تويلادى.
بىرگە بارابان سوعىپ، ٴبىر ٴاندى بىرگە ايتىپ، ٴبىر ٴبيدى بىرگە بيلەدى، بارشا جۇرت كوز تىككەن وسى ساحنادا اۆتونوميالى رايون مەن بيڭتۋانداعى ٴار ۇلت اعا ـ باۋىر، اپەكە ـ سىڭلىلەردىڭ جۇزىنەن ەسكەن باقىت كۇلكىسى مەن شاتتانعان الاقايى شينجياڭنىڭ ەسىك اشۋىن، وزىنە سەنىمىن، ىنتىماعىن جاراسىمدىلىعىن، كوركەمدىگىن، گۇلدەنىپ ـ كوركەيۋىن ايگىلەدى.
اۆتونوميالى رايون مەن بيڭتۋان ٴتۇرلى مادەنيەت قيمىلدارىن بىرلەسىپ وتكىزۋ ارقىلى جۇڭحۋانىڭ تاڭداۋلى ٴداستۇرلى مادەنيەتىن اسقاقتاتىپ، بيڭتۋان مەن جەرگىلىكتى ورىنداعى ٴار ۇلت جۇمىسشى ـ قىزمەتكەرلەرى مەن بۇقاراسىنىڭ مادەنيەت جاعىندا كوركەمدىكتەن بىرگە سۋسىنداۋىنا، تۇرمىستا ىنتىماقتى بولۋىنا، توعىسۋىنا مۇمكىندىك جاسادى.
”جۇڭحۋا ۇلتى ورتاق تۇلعا تانىمىن بەكەمدەپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك“، ”جۇڭحۋا ۇلتى ورتاق تۇلعا تانىمىن بەكەمدەۋ — جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى، سونداي ـ اق ۇلتتار وڭىرىندەگى ٴتۇرلى قىزمەتتەردىڭ نەگىزگى جەلىسى“، ٴاربىر اۋىز سوزگە باس شۋجي شي جينپيڭنىڭ شينجياڭنىڭ ۇلت قىزمەتى جونىندەگى تەرەڭ تولعانىسى، ستراتەگيالىق جوباسى سىڭىرىلگەن.
”قاتتى ۇلاستىرۋداعى“ ”نيەتتەستەر جولى“، ”جۇرەكتەردى جالعاۋ كوپىرى“ تيانشان الابىن تۇتاستىرعاندا، ”جۇمساق ٴتۇيىلىستىرۋ“ بايلىعى وڭىرلەر ارا اينالىمعا ٴتۇستى، جۇرت ودان تەڭ يگىلىكتەندى، بيڭتۋان مەن جەرگىلىكتى ورىننىڭ توعىسا دامۋى اناعۇرلىم جوعارى ولشەمدەگى ”جۇرەكتەردى توعىستىرۋعا“ بەت الدى.
بيڭتۋان مەن جەرگىلىكتى ورىن ”ٴبىر تۇتاس جۇيە“ يدەياسىنا تاباندى بولىپ، جوبانى بىرگە جاساۋ، كاسىپ سالالارىن بىرگە گۇلدەندىرۋ، حالىق تۇرمىسىندا بىرگە يگىلىكتەنۋ سياقتى سالالاردى ىشكەرىلەي توعىستىرىپ، سايكەستى دامىتتى، ٴبىز بولاشاقتا بيڭتۋان مەن جەرگىلىكتى ورىننىڭ توعىسا دامۋ تاراۋىنىڭ، ٴسوز جوق، اناعۇرلىم شۇعىلالى، نۇرلى بولاتىندىعىنا، سونداي ـ اق اناعۇرلىم قۋاتتى دامۋ ومىرشەڭدىگىن جارىققا شىعارىپ، شينجياڭنىڭ جوعارى ساپالى دامۋىنا سارقىلماس قوزعاۋشى كۇش ۇستەيتىندىگىنە تولىق سەنەتىن نەگىزىمىز بار.
