تيانشان تورى - شينجياڭ گازەتىنىڭ ءتىلشىسى
10 ـ رەتكى مەملەكەتتىك شينجياڭعا باعىتتامالى كومەكتەسۋ قىزمەتى ٴماجىلىسىنىڭ اشىلۋى بۇكىل شينجياڭداعى ٴار ۇلت كادر ـ بۇقاراسىن توتەنشە اسەرلەندىردى، ايرىقشا شابىتتاندىردى، ەرەكشە جەلپىندىردى. كوپشىلىك شينجياڭعا كومەكتەسۋ قىزمەتى اكەلگەن ناقتى وزگەرىستەرمەن ۇشتاستىرا وتىرىپ، تۇس ـ تۇستان مىنالاردى ٴبىلدىردى: وسى رەتكى ٴماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە، شينجياڭعا باعىتتامالى كومەكتەسۋ قىزمەتىنە ايرىقشا ٴمان بەرەتىندىگىن تولىق ايگىلەدى، العىس ايتۋ سۇيىسپەنشىلىگىن ىنتىماقتاسا ەكپىندەي ىلگەرىلەۋدىڭ قۋاتتى قوزعاۋشى كۇشىنە اينالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا جازامىز.
”باعىما جاراي، شينجياڭعا كومەككە كەلگەن شيپاگەر ەمدەپ جازدى، شينجياڭعا كومەككە كەلگەن شيپاگەر ماعان ەكىنشى رەت ٴومىر سيلادى!“ شينجياڭعا كومەككە كەلگەن شيپاگەردى اۋىزعا العاندا، موڭعۇلكۇرە اۋدانى ۇزىنبۇلاق قالاشىعى دۇڭشىڭ قىستاعىنىڭ تۇرعىنى ايگۇل ازەز باس بارماعىن شىعاردى. بيىل 2 ـ ايدا ايگۇل ٴىشىنىڭ اۋىرعانى باسىلماعان سوڭ، موڭعۇلكۇرە اۋداندىق حالىق شيپاحاناسىنا كەلىپ كورىنەدى، شينجياڭعا كومەككە كەلگەن شيپاگەر ديڭ جۇن جاسىل ارنا اشىپ ونى تەكسەرەدى، دەر كەزىندە ەمدەلگەندىكتەن ايگۇل قاتەردەن امان قالادى.
7 - ايدىڭ 10 - كۇنى، شينجياڭعا كومەككە كەلگەن شيپاگەر ديڭ جۇن (سولدان 1 -) ناۋقاسقا B تيپتى ۋلترا دىبىس اپپاراتى تەكسەرۋىن جۇرگىزۋدە. سۋرەتتى ۋاڭ دان تۇسىرگەن
”سوڭعى جىلدارى حىبەي ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى بورقاي اۋىلىنان قىستاق دارەجەلى شەپ قۇرىپ، جول شامدارىن ورناتتى، حالىق ٴۇشىن ىستەلگەن وسى ناقتى ىستەر بىزگە شينجياڭعا كومەكتەسەتىن ولكە، قالالاردىڭ جانە شينجياڭعا كومەككە كەلگەن كادرلاردىڭ شينجياڭعا قويۋ سۇيىسپەنشىلىگىن تەرەڭ سەزىندىردى“. يانجي حۇيزۋ اۆتونوميالى اۋدانى بورقاي اۋىلدىق پارتكومنىڭ شۋجيى جاڭ دىيان وسى قويۋ سۇيىسپەنشىلىكتى ىنتىماقتاسا ەكپىندەي ىلگەرىلەۋدىڭ قۋاتتى قوزعاۋشى كۇشىنە اينالدىرىپ، ٴار ۇلت بۇقاراسىمەن بىرگە باقىتتى تۇرمىستىڭ جاڭا كارتيناسىن كەسكىندەيتىندىگىن ايتتى.
”جياڭسۋ ولكەسى كۇنشان قالاسىنىڭ كومەكتەسۋ ـ سۇيەمەلدەۋىنىڭ ارقاسىندا، ٴبىزدىڭ مالىگە قۇرىلعىلارى كەمەلدى مەكتەپ جانە شيپاحانا جاڭادان سالىندى، حالىق تۇرمىسى سايكەستى قۇرىلعىلارىنىڭ ٴبارى تولىق. قازىر بالالار ٴتىپتى دە جاقىن جەردە وقيتىن بولدى، قارتتاردىڭ ناۋقاس كورسەتۋىنە دە سەنىمدى قامتاماسىزدىق ازىرلەندى، مۇنداي حالىققا تيىمدىلىك جاساۋ ينجەنەرياسى باقىت سەزىمىمىزدى بارىنشا ارتتىردى“، ـ دەدى اتۇش قالاسىنىڭ تۇرعىنى قىزىلگۇل اۋان.
6 ـ ايدىڭ اياعىندا اقتاۋ اۋدانى بارىن اۋىلى قۇم قىستاعىندا 3000 مۋدان استام جەردەگى قويان ٴشوپ تەبىندەي ٴوسىپ، اۋىل ـ قىستاقتى گۇلدەندىرۋدىڭ اسەرلى كورىنىسىن سۇلبالادى. 2024 ـ جىلى جياڭشي ولكەسى اۋىل شارۋاشىلىعى عىلىم اكادەمياسىنىڭ جەتەكشىلىگىندە، جياڭشي ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى جياڭشي گوكاڭ اۋىل شارۋاشىلىعى توبى شەكتى سەرىكتەستىگىمەن بىرلەسىپ، قۇم قىستاعىن قويان ٴشوپ كاسىپ سالاسىنان ۇلگى كورسەتۋ بازاسى وزەكتى رايونى ەتىپ تۇلعالاپ، جياڭشي قويان ٴشوبىن كۇنلۇن تاۋىنىڭ ەتەگىندە ەكتى.
”ٴبىز دارىندى جانە تەحنولوگيا جاعىنداعى باسىمدىعىمىزدى ۇزدىكسىز ساۋلەلەندىرىپ، اقتاۋ اۋدانىنىڭ اۋىل شارۋاشىلىعىن جاڭا بەلەسكە كوتەرەمىز“، ـ دەدى جياڭشيدەن شينجياڭعا كومەككە كەلگەن كادر، اقتاۋ اۋداندىق اۋىل شارۋاشىلىعى، اۋىل ـ قىستاق مەكەمەسىنىڭ ورىنباسار باستىعى دۋ شياۋجىن.
جياڭشي ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى ”جياڭشي _ اقتاۋ ۇستاز بەن شاكىرت جۇپ قۇراۋ“ مەحانيزمى ارقىلى جياڭشيلىك 32 اۋىل شارۋاشىلىعى تەحنولوگياسى تىرەكتى كادرى جەرگىلىكتى ورىنداعى كادرلارمەن جۇپ قۇراپ، ”ولكە دارەجەلى مامان _ اۋدان دارەجەلى تىرەكتى _ اۋىل شەبەرى“ سىندى ٴۇش دارەجەلى تەحنولوگيا تورابىن تۇلعالادى. ”شينجياڭعا كومەككە كەلگەن كادرلار قارجى، تەحنولوگيا اكەلىپ قانا قويماي، ونان دا ماڭىزدىسى، اقىل ـ پاراسات قولداۋىن دا اكەلدى“. بارىن اۋىلدىق پارتكومنىڭ ورىنباسار شۋجيى، اۋىل باستىعى مامەتجان تۇراپ بىلاي دەدى: ”وسى مامانداردىڭ ارقاسىندا قويان ٴشوپ كاسىپ سالاسىن زورايتۋعا، كۇشەيتۋگە سەنىمىمىز بار“.
بيىل 2 - اي، ٴان ـ ٴبي تەاترى «تيانشان توعانى» جياڭسۋ ۇلكەن تەاترحاناسىندا ٴۇرتىس 3 كۇن قويىلدى. سۋرەتتى لي شياڭياڭ تۇسىرگەن
2024 ـ جىلى جياڭسۋ ولكەسى نانتۇڭ قالاسىنىڭ شينجياڭ قۇلجا اۋدانىنا باعىتتامالى كومەكتەسۋ قىزمەت گرۋپپاسى ”جياڭسۋ _ ىلە سۇيىسپەنشىلىگى“ بەس ٴىرى ينجەنەرياسىنا تۋرالانىپ، 150 ميلليون يۋاننان استام شينجياڭعا كومەكتەسۋ قارجىسىن ٴبىر تۇتاس جوسپارلادى، شينجياڭعا كومەكتەسۋ نىساندارى %100 قۇرىلىس باستادى.
”وسى رەتكى شينجياڭعا كومەكتەسۋ قىزمەتى ٴماجىلىسىنىڭ اشىلۋى ٴبىزدىڭ الداعى قىزمەتىمىزگە باعىت ـ باعدار كورسەتىپ بەردى. ٴبىز اناعۇرلىم تاسقىنداعان ىنتامەن شينجياڭعا كومەكتەسۋ قىزمەتىنە كىرىسەمىز“، ـ دەدى جياڭسۋ ولكەسى نانتۇڭ قالاسىنىڭ قۇلجا اۋدانىنا باعىتتامالى كومەكتەسۋ قىزمەت گرۋپپاسىنىڭ باستىعى شى جاڭفان.
بيىل 2 ـ ايدا جياڭسۋ ولكەسىنىڭ شينجياڭ ىلە قازاق اۆتونوميالى وبلىسىنا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى مەن ىلە وبلىسى بىرگە تۇلعالاعان ٴتول ٴان ـ ٴبي تەاترى «تيانشان توعانى» جياڭسۋ ۇلكەن تەاترحاناسىندا ٴۇرتىس 3 كۇن قويىلىپ، ەرەكشە جاقسى باعاعا يە بولدى.
سەرىك ويىنى تەاترى «تيانشانداعى قار»، ٴبي تەاترى «بەس جۇلدىز شىعىستان كوتەرىلدى»، كينو «اقدالا» سياقتى تۋىندىلار ىركەس ـ تىركەس قويىلىپ، شينجياڭداعى ٴار ۇلت پەرزەنتتەرى مەن شينجياڭعا كومەككە كەلگەن كادرلاردىڭ تىزە قوسا كۇرەس جۇرگىزگەن، كوڭىلدەرى توعىسقان اسەرلى حيكايالارىن توقتاۋسىز باياندادى.
”شينجياڭعا كومەك كورسەتكەن كۇشتەردىڭ دەمەۋىندە ٴتىپتى دە كوپ ادەبيەت ـ كوركەمونەر سارا تۋىندىلارى ىلەدەن شىعىپ، شينجياڭنان شىعىپ، ٴتىپتى دە كوپ ادامعا شينجياڭ ٴان ـ ٴبيىنىڭ كەرەمەتىن كورسەتتى، وسى ادەبيەت ـ كوركەمونەر سارا تۋىندىلارى جۇڭحۋا ۇلتى ورتاق تۇلعا تانىمىن بەكەمدەۋگە تەلەگەي كۇش قوستى“، ـ دەدى ىلە وبلىستىق پارتكوم ۇيىمداستىرۋ ٴبولىمى شينجياڭعا كومەكتەسۋ قىزمەتى باسقارماسىنىڭ جاۋاپتىسى موۋ دان.
جىجياڭ ولكەسى حۋجوۋ قالاسىنىڭ شينجياڭ اقسۋ ايماعى كەلپىن اۋدانى مەن بيڭتۋان 1 ـ شى 3 ـ تۋانعا باعىتتامالى كومەكتەسۋ قولباسشىلىق شتابىنىڭ كادرى ۋاڭ شيڭيۇي بىلاي دەدى: ”ماجىلىستە ۇلتتاردىڭ ارالاسۋىن، ىشتەسۋىن، توعىسۋىن جەبەۋگە نازاردى شوعىرلاندىرا كۇش سالۋ اتاپ كورسەتىلدى، بۇل ٴارى جاڭا داۋىردەگى شينجياڭعا كومەكتەسۋ قىزمەتىنىڭ اۋقىمىن دالمە ـ ٴدال يگەرگەندىك، ونان دا ماڭىزدىسى، بىزگە بەرىلگەن ىقىلاستى تاپسىرما. شينجياڭعا كومەككە كەلگەن كادر رەتىندە، ٴبىز ’انار ٴدانىنىڭ‘ تەرەڭ ٴمانىن ەستە بەرىك ساقتاپ، ۇلتتار ىنتىماعى گۇلىن شىن پەيىلىمىزبەن سۋارىپ، ٴىس جۇزىندىك ارەكەتىمىز ارقىلى ’جۇڭحۋا ۇلتى ٴبىر ٴۇيلى جان‘ سىندى اۋەلگى ماقساتتى، بورىشتى امالياتتا ايگىلەيمىز“.
(ءتىلشى سۇڭ ۋيگو، ەرىكتى تىلشىلەر لي تاۋ، گۇلزيبا احمەت، لي حى)
