جيىن ـ تەرىن قارقىنى %70تەن استى، جالپى ٴونىمنىڭ 6 ميلليون 840 مىڭ توننا بولاتىندىعى مەجەلەندى
شينجياڭدا جازعى استىقتان مول ٴونىم الاتىندىعى تۇراقتاندى
انار بۇلت \ شينجياڭ گازەتىنىڭ ٴتىلشىسى ليۋ ي 7 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىنەن ۇعىسۋىمىزشا، شينجياڭنىڭ جەر ـ جەرى ەگىس ۋاقىتىن وتكىزىپ الماي، جازعى استىقتى جيناۋ قىزمەتتەرىن ىلگەرىلەتكەن، 7 ـ ايدىڭ 10 ـ كۇنىنە دەيىن بۇكىل رايوندا جازعى استىقتى جيناۋ كولەمى 10 ميلليون مۋدان، قارقىنى %70تەن اسقان، جازعى استىقتان مول ٴونىم الىناتىندىعى تۇراقتانعان.
بيىل جىل باسىنان بەرى، شينجياڭ ”جەر اۋدانىن ورنىقتىرۋ، قۇرىلىمدى ساپالىلاندىرۋ، بىرلىك ونىمنەن قامال الۋ، ٴوندىرىس قۋاتىن جوعارىلاتۋ“ قىزمەت وي جەلىسى بويىنشا استىق ەگۋ قۇرىلىمىن اناعۇرلىم ساپالىلاندىرىپ، جازعى استىق كولەمىن رەتتەۋ نەگىزىندە، بىرلىك ٴونىمدى كەڭ كولەمدە جوعارىلاتۋ ارەكەتىن ۇزدىكسىز ورىستەتتى. جەر ـ جەر ٴوندىرىس جاۋاپكەرشىلىگىن قاتايتىپ، استىق حاۋىپسىزدىگىندە پارتكوم مەن ۇكىمەت بىردەي جاۋاپكەرشىلىك ارقالاۋدى باتىل تياناقتاندىرىپ، ەگىستىك جەردى قورعاۋدى جانە پايدالانىلۋدى باسقارۋ ـ مەڭگەرۋدى قاتايتىپ، جوعارى ولشەمدى ەگىنجاي قۇرىلىسىن جوعارى ساپالى ىلگەرىلەتىپ، ەگىمشىلىك كومەسكى كۇشىن اشتى.
جازعى استىق جيىن ـ تەرىن مەزگىلىنە وتكەننەن كەيىن، جەر ـ جەردەگى اۋىل شارۋاشىلىعى، اۋىل ـ قىستاق تاراۋلارى ٴبيدايدىڭ پىسۋ ۋاقىتى، توپىراقتىڭ دىمقىلدىق دارەجەسى سياقتى جاعدايلاردى جاپپاي تەكسەرىپ، ۇيلەسىمدى جيىن ـ تەرىن ۋاقىتىن بەلگىلەپ، جەرگىلىكتى ورىنداعى اۋىل شارۋاشىلىق ماشينالارى قىزمەت وتەۋ ۇيىمدارىنىڭ جۇمىس جۇرگىزۋ قابىلەتىن دالمە ـ ٴدال يگەرىپ، شارۋا وتباسىلارىنا، جەر بولىكتەرىنە قاراي ماشينا جابدىقتارىمەن قامداۋ ـ قاجەتسىنۋ جاعدايىن ۇشتاستىرۋ قىزمەتىن ويداعىداي ىستەپ، قوعام حاۋىپسىزدىگى، قاتىناس باسقارۋ، قاتىناس ـ تاسىمال سياقتى تاراۋلارمەن بىرلەسىپ، ٴوڭىر اتتاپ جۇمىس ىستەيتىن اۋىل شارۋاشىلىق ماشينالارىن تاسىمالدايتىن اۆتوكولىكتەردى جوعارى قارقىندى تاس جولدا تەگىن قاتىناتۋ ساياساتىن تياناقتاندىرىپ، كومباينعا، مايسا وتىرعىزۋ ماشيناسىنا ٴوڭىر اتتاپ جۇمىس جۇرگىزۋ كۋالىگىن دەر كەزىندە تاراتىپ، اۋىل شارۋاشىلىق ماشينالارىن ورنالاستىرۋدىڭ ىركىلىسسىز بولۋىنا، جازعى استىقتى ٴتۇيىر ٴدان قالدىرماي قامبالاۋعا شىنايى كەپىلدىك ەتتى.
مەملەكەتتىك ساناق مەكەمەسىنىڭ مەجەلەۋ ساندى مالىمەتىندە كورسەتىلۋىنشە، بيىل شينجياڭنىڭ جازعى استىق جالپى ٴونىمى 6 ميلليون 840 مىڭ توننا بولىپ، قاتارعا تۇرعىزىلعاندا مەملەكەت بويىنشا 6 ـ ورىندى ۇزدىكسىز ساقتاپ، تاريحتاعى 4 ـ جوعارى دەڭگەيدە تۇرعان. جازعى استىقتىڭ مۋ باسىندىق بىرلىك ٴونىمى 411.5 كيلوگرام بولىپ، مەملەكەت بويىنشا جازعى استىقتىڭ مۋ باسىندىق ورتاشا بىرلىك ونىمىنەن 35.9 كيلوگرام جوعارى بولىپ، قاتارعا تۇرعىزىلعاندا مەملەكەت بويىنشا 7 ـ ورىننان 6 ـ ورىنعا كوتەرىلگەن. مۋ باسىندىق بىرلىك ٴونىمى بىلتىرعىدان 11.1 كيلوگرام ارتىپ، ٴۇرتىس 3 جىل ارتۋ مولشەرى 10 كيلوگرامنان اسىپ، بىرلىك ٴونىمنىڭ ارتۋ مولشەرى بۇكىل مەملەكەتتە قاتارعا تۇرعىزىلعاندا ٴبىرىنشى ورىندى يەلەگەن.
