شاندۇڭ شينجياڭعا كومەكتەسۋدە سالاماتتى قاشقار جاڭا كارتيناسىن كەسكىندەدى
انار بۇلت \ شينجياڭ گازەتىنىڭ ٴتىلشىسى ٴجازيرا نەسىپبەك، ەرىكتى ٴتىلشى ۋاڭ جىحاۋ
6 ـ ايدىڭ 30 ـ كۇنى شاندۇڭ ولكەلىك رۋحاني دەنساۋلىق ساقتاۋ ورتالىعىنىڭ پسيحولوگيالىق مەديتسينا مامانى شۇي دىفىڭنىڭ ٴجاڭاشار اۋداندىق حالىق شيپاحاناسىندا قىزمەت ىستەگەنىنىڭ 10 ـ كۇنى ەدى.
6 ـ ايدىڭ 20 ـ كۇنى شۇي دىفىڭدى قامتىعان شاندۇڭ ولكەسىنىڭ تۇرلىشە ەمدەۋ قۇرىلىمدارىنىڭ جۇڭي شيپاگەرلىگى ٴبولىمى، ساۋىقتىرۋ ٴبولىمى، ايەلدەر اۋرۋى ٴبولىمى قاتارلى 17 ماماندىق تۇرىندەگى 25 مامان قاشقارعا جەتىپ، گرۋپپالارعا ٴبولىنىپ، قاشقار ايماقتىق جۇڭي شيپاحاناسى، ٴجاڭاشار اۋداندىق حالىق شيپاحاناسى قاتارلى 7 ەمدەۋ قۇرىلىمىنا جايعاسىپ، ٴبىر جىلدىق مەرزىممەن تەحنولوگيالىق جەتەكتەۋ، ۇيرەتۋ قىزمەتىن ورىستەتتى.
”ٴبىز كومەك قابىلداۋشى جەردەگى ەمدەۋ ـ دەنساۋلىق ساقتاۋ قۇرىلىمدارىنىڭ قاجەتىنە ساي، ارنايى ماماندار ۇجىمىن ۇيىمداستىردىق“، ـ دەدى شاندۇڭ ولكەسى شينجياڭعا باعىتتامالى كومەكتەسۋ قولباسشىلىق شتابى پارتكومىنىڭ ورىنباسار شۋجيى، كادر، دارىندىلار گرۋپپاسىنىڭ باستىعى ۋاڭ فۋگاڭ.
2024 ـ جىلدان باستاپ، شاندۇڭ شينجياڭعا كومەكتەسۋدە كومەك قابىلداۋشى جەردىڭ ەمدەۋ ـ دەنساۋلىق ساقتاۋ بايلىعى جاعدايى، ٴتۇيىندى پاندەردىڭ دامۋ قاجەتى سىندى ناقتى جاعدايعا ساي، كومەك قابىلداۋشى شيپاحانالارعا ”اس بۇيىرتۋ ۇلگىسىندەگى“ ۇجىمدىق كومەكتەسۋ ـ سۇيەمەلدەۋ نىسانىن ارنايى جاسادى، ياعني كوپ ماماندىق تۇرىندەگى قىسقا مەرزىمدى ۇجىمدىق ۇلگى بويىنشا ٴار جىلى كومەك قابىلداۋشى جەرگە 30دان استام اسا تاپشى دەنساۋلىق ساقتاۋ، سالاماتتىق كاسىپتىك دارىندىلارىن تاڭداپ جىبەرىپ، 6 ايدان استام قىسقا مەرزىمدىك كومەكتەسۋ ـ سۇيەمەلدەۋ ارقىلى كومەك قابىلداۋشى جەردىڭ ەمدەۋ ـ دەنساۋلىق ساقتاۋ بويىنشا قىزمەت وتەۋ دەڭگەيىن جوعارىلاتتى.
”بۇرىن كۇردەلى وپەراتسيادا شيپاحانا اۋىستىرۋعا تۋرا كەلەتىن، قازىر نەسەپ سىرتقى اۋرۋلارى ٴبولىمىنىڭ %80 اۋرۋىنا جەرگىلىكتى ورىندا وپەراتسيا جاساي الاتىن بولدىق“، ـ دەدى يەڭەسار اۋداندىق حالىق شيپاحاناسى سىرتقى اۋرۋلار ٴبولىمىنىڭ مەڭگەرۋشىسى ۇرايىم توقسۇن دالمە ـ ٴدال ٴتۇيىلىستىرۋدىڭ، نىسانالى كومەكتەسۋ ـ سۇيەمەلدەۋدىڭ شيپاحاناعا اكەلگەن وزگەرىسىن تىلگە تيەك ەتكەندە.
11 ـ توپتا شينجياڭعا كومەككە كەلگەن كادر، دارىندىلار شينجياڭعا كەلگەننەن بەرى، شاندۇڭ شينجياڭعا كومەكتەسۋدە تاعى ”چيڭلان ينجەنەرياسى“، ”فانشيڭ ينجەنەرياسى“، ”يوۋچيڭ ينجەنەرياسى“ سياقتىلاردى اتقارىپ، 220دان استام ەمدەۋ تەحنولوگياسى جاعىنداعى تىرەكتىنى شينجياڭعا كومەكتەسۋگە تاڭداپ جىبەردى.
كوكباۋىر، اسقازان اۋرۋلارى وڭتۇستىك شينجياڭدا ۇنەمى كەزدەسەدى. 2023 ـ جىلى شاندۇڭ جۇڭي شيپاگەرلىگى داشۋەسىنە قاراستى شيپاحانادان كەلگەن لياڭ جۇنۋي قاشقار ايماقتىق جۇڭي شيپاحاناسىندا شينجياڭعا كومەكتەسۋ قىزمەتىن ورىستەتكەن سوڭ، كوكباۋىر، اسقازان اۋرۋلارى ارناۋلى امبولاتورياسىن كۇش سالا تۇلعالاپ، كۇنىنە 100گە جۋىق ناۋقاس قابىلدايدى، ونىڭ ىسىلعان شيپاگەرلىك ونەرى وسى ٴبولىمدى جەرگىلىكتى ورىنداعى جۇلدىز بولىمگە اينالدىرادى. ”شينجياڭعا كومەكتەسۋ ۋاقىتىم قىسقا، جەرگىلىكتى ورىننىڭ دەنساۋلىق ساقتاۋ جاعىنداعى دارىندىلارىن قۇلشىنا باۋلىپ، ٴبولىم قىزمەتكەرلەرىنە جاڭا تەحنولوگيانى ۇيرەتۋ، شيپاحانانىڭ جالپى تۇلعالىق ناقتى كۇشىن تولىقتاۋ — مەنىڭ شينجياڭعا كومەكتەسۋىمنىڭ ناعىز ٴمانى“، ـ دەدى لياڭ جۇنۋي.
شاندۇڭ ەمدەۋ بويىنشا شينجياڭعا كومەكتەسۋدە ”ۇستاز بەن شاكىرتتىڭ جۇپ قۇراۋى +قىزمەت ورنىندا باۋلۋ + قىسقا مەرزىمدىك جەتەكتەۋ، ۇيرەتۋ“ سىندى ٴۇش ولشەمدى مەحانيزم ارقىلى شينجياڭعا كومەككە كەلگەن شيپاگەرلەردى جەرگىلىكتى ورىنداعى شيپاگەرلەرمەن جۇپ قۇراۋعا ۇيىمداستىردى، قاشقاردا 500 جۇپتان استام ۇستاز بەن شاكىرت بايلانىس ورناتتى، ”ۇيرەتۋ، كومەكتەسۋ، جەتەكتەۋ“ ارقىلى جەرگىلىكتى ورىنداعى 1500دەن استام دەنساۋلىق ساقتاۋ قىزمەتكەرىنىڭ كاسىپتىك قابىلەتىن ٴوسىردى. ٴار جىلى 100گە جۋىق نەگىزگى ساتى دەنساۋلىق ساقتاۋ قىزمەتكەرلەرىن شاندۇڭعا بارىپ ٴبىلىم تولىقتاۋعا تاڭداپ جىبەرىپ، جيىنى 420دان استام (رەت) ولكە دارەجەلى مامانداردى ارالاپ ناۋقاس كورىپ، تەگىن ەمدەۋگە ۇسىنىس ەتىپ، 8000نان استام (رەت) دەنساۋلىق ساقتاۋ قىزمەتكەرىن باۋلىدى.
”ٴبىز تۇراقتى ەمدەۋ قوسىنىن تۇلعالايمىز“. شاندۇڭ ەمدەۋ بويىنشا شينجياڭعا كومەكتەسۋ ۇجىمىنىڭ جەتەكشىسى ۋاڭ تيڭ بىلاي دەدى: قاشقارداعى نەگىزگى ساتى ەمدەۋ قۇرىلىمدارىندا شاندۇڭدىق مامانداردىڭ جەتەكتەپ ۇيرەتۋى ارقىلى ورىستەتىلگەن جاڭا تەحنولوگيا 577 تۇرگە جەتتى، ”كومەك قابىلداۋشى جەردەگى نەگىزگى ساتى ەمدەۋ ـ دەنساۋلىق ساقتاۋ قۇرىلىمدارىنىڭ ٴپان قۇرىلىسى ٴالسىز بولۋ ماسەلەسىنە مەڭزەس، ٴبىز ’شيپاحانا ارقىلى ٴبولىمدى كوتەرمەگە الۋدى‘ تىڭعىلىقتى ىلگەرىلەتىپ، باسىمدىقتى، بايلىقتى شوعىرلاندىرا نەگىزگى ساتىداعى شيپاحانالارعا كومەكتەسىپ، ولاردى سۇيەمەلدەپ، ٴتۇيىندى بولىمدەردى تۇلعالاپ، كلينيكالىق قىزمەت وتەۋ قابىلەتىن جوعارىلاتامىز“.
ٴجاڭاشار اۋدانى تازعۇن اۋىلدىق ورتالىق ەمحاناسىندا قىستاق تۇرعىنى ايگۇل مۇساجان ”زەردەلى ەمدەۋ قولعاناتى“ جۇيەسى ارقىلى قان قىسىمىن ولشەگەننەن كەيىن، ەكراننان كورىنگەن ەمدەۋ ۇسىنىسى ونى قاتتى تاڭ قالدىردى. بۇل شاندۇڭنىڭ شينجياڭعا كومەكتەسىپ، 40 ميلليون يۋاننان استام قارجى قوسىپ اتقارعان دەنساۋلىق ساقتاۋ بويىنشا نەگىزدى كۇشەيتۋ ينجەنەرياسى جەتىستىكەرىنىڭ ٴبىرى ەدى: 47 اۋىل ـ قالاشىق ەمحاناسى مەن 704 قىستاق ەمدەۋ بولمەسىنە ورنالاستىرىلعان زەردەلى، كومەكشى دياگنوز قويۋ جۇيەسى نەگىزگى ساتى شيپاگەرىنىڭ دياگنوز قويۋ، ەمدەۋ دالدىگىن %30 جوعارىلاتتى.
بۇل عانا ەمەس، شاندۇڭ شينجياڭعا كومەكتەسۋدە كومەك قابىلداعان 4 اۋداندا اۋىل ـ قىستاقتى گۇلدەندىرۋ بويىنشا 8 ۇلگى كورسەتۋ ەمحاناسىن، 18 ولشەمدى ەمدەۋ بولمەسىن قۇرىپ، گو ـ يتاڭ، شۇعىل قۇتقارۋ ورتالىعى سياقتى ارناۋلى امبولاتوريالاردى تۇلعالادى، سونداي ـ اق اۋىل ـ قالاشىق ەمحانالارىندا الدىن الا ساقتانۋ، ۆاكسينا ەگۋ بويىنشا زەردەلىلەندىرىلگەن امبولاتوريا قۇرىپ، ۆاكسينا باسقارۋدىڭ تۇتاس بارىسىن تەكتەۋدى جۇزەگە اسىردى.
اناعۇرلىم كوپ بۇقارانىڭ قولايلى دا ساپالى ەمدەۋ قىزمەت وتەۋىنەن يگىلىكتەنۋى ٴۇشىن، شاندۇڭنىڭ شينجياڭعا كومەكتەسۋ ەمدەۋ اترەتى ەمدەۋ بايلىعىن نەگىزگى ساتىعا جىبەرۋدى بەلسەنە ىلگەرىلەتىپ، اۋدان دارەجەلى شيپاحانانىڭ ناۋقاستارعا قىزمەت كورسەتۋ، ورنالاستىرۋ ورتالىعىن، اۋدان دارەجەلى شۇعىل ەمدەۋ، قۇتقارۋ ـ كومەكتەسۋ ورتالىعىن قۇرىپ، اۋدان وڭىرىندە قاشىقتان دياگنوز قويۋ ورتالىعىن، اۋدان وڭىرىندە نەگىزگى ساتى ەمدەۋ قىزمەتكەرلەرىن شەبەرلىككە باۋلۋ ورتالىعىن سالىپ، شينجياڭعا كومەكتەسۋ ەرىكتىلەر قوسىنىن قۇرىپ، مامانداردى مەرزىم بويىنشا نەگىزگى ساتىعا بارىپ، ۇدايىلانعان تەگىن ەمدەۋ قىزمەت وتەۋى قاتارلىلارعا ۇيىمداسترىپ، ”نولدىك ارالىقتا“ حالىققا تيىمدىلىك جەتكىزۋدى، ”مەيىرگە تولى“ قىزمەت وتەۋدى شىنايى جۇزەگە اسىردى.
