— شينجياڭنىڭ ينتەرنەت وركەنيەتى قۇرىلىسى قىزمەتى جونىندە جالپى شولۋ
انار بۇلت \ شينجياڭ گازەتىنىڭ ٴتىلشىسى گو چيان
ينتەرنەت وركەنيەتى — جاڭا جاعدايداعى قوعامدىق وركەنيەتتىڭ ماڭىزدى مازمۇنى، ينتەرنەتتە قۋاتتى ەل قۇرۋداعى ماڭىزدى سالا. شينجياڭ شي جينپيڭ مادەنيەت يدەياسىن، باس شۋجي شي جينپيڭنىڭ ينتەرنەتتە قۋاتتى ەل قۇرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن مىقتاپ ارقاۋ ەتىپ، ينتەرنەت وركەنيەتى قۇرىلىسىن جۇرت تىلەگىن ۇيىستىرۋدىڭ، وركەنيەتتى سالت سومداۋدىڭ، دامۋعا كۇش ۇستەۋدىڭ پارمەندى تۇتقاسى ەتىپ، تيانشان الابىنداعى كەڭ ـ بايتاق سيفرلى وڭىردە يدەيامەن جول باستاۋ، مورالمەن نارلەندىرۋ، مادەنيەتپەن جەتىلدىرۋ، زاڭمەن باسقارۋمەن قامتاماسىز ەتۋ سىندى وركەنيەت جاڭا تاراۋىن دەن قويا جازۋدا.
يدەيامەن رۋحتى سومداۋ: نازاريا شۇعىلاسى سيفرلى كەڭىستىكتى نۇرلاندىرىپ، تەلەگەي سەنترگە تارتۋ كۇشىن ۇيىستىردى
شينجياڭ شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، پارتيانىڭ جاسامپازدىق نازارياسىن ينتەرنەتتە ۇگىتتەۋدى بار كۇشپەن ويداعىداي ىستەپ، قامتىمى كەڭ، فورماسى جاندى نازاريا تاراتۋ ارناسىن قالىپتاستىرىپ، يدەيالىق نەگىزدى بەكەمدەدى.
”دىبىس ـ سۋرەت ۇندەسكەن“ تاراتۋ شەبىن سومدادى. ”گازەت، راديو ـ تەلەۆيزيا، جۋرنال، تور، تەرمينال، ۋيشيندى“ ىشكەرىلەي توعىستىرىپ، ”باس شۋجي شي جينپيڭ مەن شينجياڭداعى ٴار ۇلت حالقى جۇرەكتەس“، ”ىقىلاستى تاپسىرمانى ەستە بەرىك ساقتاپ، كورىكتى شينجياڭ قۇرايىق“ سياقتى ارناۋلى تاقىرىپتىق ارناۋلى ايدارلاردى اشىپ، جالپىلىق مەديا ٴتاسىلى ارقىلى شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جاۋھارى مەن ماڭىزدى مازمۇنىن ىشكەرىلەي ٴتۇسىندىردى، كوسەم كەلبەتى مەن يدەيا ۇلى كۇشى جۇرت جۇرەگىنە ۇزدىكسىز تەرەڭ ۇيالادى. «بۇگىنگى ۇيرەنۋ»، «ۇيرەنۋ ارقىلى شينجياڭدى گۇلدەندىرۋ» سياقتى ايگىلى ماركالاردى كۇش سالا تۇلعالاپ، پارتيانىڭ جاسامپازدىق نازارياسىنىڭ ”قاراپايىم بۇقارا وتباسىنا كىرۋىنە“ مۇمكىندىك جاسادى.
”ىشكەرىلەي جەتەكشىلىك ەتەتىن“ سوزدەردى جاڭارتۋ جونىندە ىزدەنىس جاسالدى. ينتەرنەتتەگى كەلەلى نەگىزگى تاقىرىپتىق ۇگىتتى ىشكەرىلەي ورىستەتىپ، ينتەرنەتتەگى كەڭەستىك تاقىرىپتاردى ورنالاستىرۋ قابىلەتىن كۇشەيتىپ، جۇڭحۋا ۇلتى ورتاق تۇلعا قۇرىلىسى، جوعارى ساپالى دامۋ سياقتى نەگىزگى تاقىرىپتاردى ارقاۋ ەتىپ، ”AI ساعىم سۋرەتتەر . شينجياڭنىڭ 70 جىلى“، ”شينجياڭعا قاراسام كوزىم تويمايدى“ سياقتى ينتەرنەتتىك قيمىلدار ورىستەتىپ، ”شينجياڭنىڭ 10جوعارى ساپالى دامۋى“، ”مىڭ ادام شينجياڭدى اڭگىمەلەۋ“ سياقتى وڭ ەنەرگيا تاقىرىپتارى قىزۋ تالقى تاقتاسىندا ينتەرنەتتە ىزدەلۋ مولشەرى بويىنشا ارت ـ ارتىنان الدىڭعى قاتارعا ٴوتىپ، تيانشان الابىندا ەكپىندەي ىلگەرىلەۋ كۇشى ينتەرنەتتە توپتالدى. ”ينتەرنەت +“، ”جاڭا مەديا +“، ”توعىسپالى مەديا +“ ماڭىزدى تۇتقا ەتىلىپ، ”نازاريا شارىقتاعان شينجياڭ . بۇلتتاعى قوعامدىق عىلىم“ سياقتى ارناۋلى تاقىرىپتاردى العا قويىپ، نازاريانى ۇگىتتەۋدىڭ ”جوعارىنىڭ ساياساتىنا ۇيلەسۋىنە، حالىققا جاناسىمدى بولۋىنا“ مۇمكىندىك جاسالدى.
”نيەتتەس، باعىتتاس بولۋ“ ارەكەت سانالىلىعىن ۇيىستىردى. «ينتەرنەت وركەنيەتى شينجياڭ ارەكەتى باستاماسى» قوعامنىڭ بىرىككەن كۇشىن توپتادى، مەملەكەتتىك ساياسي كەڭەستىڭ مۇشەسى عانيزات توحتى، ”پارتيا زناگىن كورسەتكەن اعاي“ ابدۇجاپپار مەڭدى قاتارلىلار باستاماشىلدىقپەن ۇلگى كورسەتىپ، قالىڭ توراپتاستى پارتيامەن نيەتتەس، باعىتتاس، ساپارلاس بولۋعا جەتەكتەدى. جۇڭگوداعى جاقسى ينتەرنەت قولدانۋشى بولۋعا ۇمتىلۋ ينجەنەرياسى اتقارىلىپ، وقۋ ـ اعارتۋ، قاتىناس، مادەنيەت ـ ساياحات، قوسىننان شەگىنگەن اسكەريلەر، مەملەكەت مەنشىگىندەگى كاسىپورىندار، جۇمىسشى ۇيىمى، كوممۋنيستىك جاستار وداعى كوميتەتى، ايەلدەر بىرلەستىگى، فينانس، ەلەكتر قۋاتى، تەمىر جول سياقتى 11 سالا ٴبىر تۇتاس جوسپارلانىپ، ”شينجياڭداعى جاقسى ينتەرنەت قولدانۋشى، وركەنيەتتى بولۋعا ينتەرنەتتە اتتانۋ“ سياقتى جاقسى ينتەرنەت قولدانۋشى بولۋ جەلىلەس قيمىلدارى ورىستەتىلىپ، توراپتاستاردى وڭ ەنەرگيا تاراتۋشى، تاماشا ينتەرنەت ٴتارتىبىن قورعاۋشى بولۋعا جەتەكتەدى.
كوپ نەگىزدى يدەيا اعىمى تولقىعان ينتەرنەت كەڭىستىگىندە شينجياڭ ”مەملەكەت حيكايالارى“ مەن ”جەكەنىڭ حيكايالارىن“ تەڭ قاداممەن ىلگەرىلەتۋگە تاباندى بولىپ، مادەنيەتتىڭ باۋىرمالدىعى ارقىلى نازاريالىق ارالىق سەزىمدى جويىپ، قاتىناسۋ ۇلگىسىندەگى تاراتۋ ارقىلى اسەرلەندىرۋ قۋاتىن كۇشەيتىپ، نەگىزگى اعىمدىق قۇننىڭ ورەلى ونەگە ىسپەتتى ٴار ۇلت بۇقاراسىنىڭ ۇدەرە العا تارتۋىنا جەتەكشىلىك ەتۋىنە مۇمكىندىك جاساپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ تيانشان الابىندا تياناقتانىپ تامىر تارتۋىن ىلگەرىلەتىپ، كورىكتى شينجياڭ قۇرۋدىڭ تەلەگەي كۇشىن ۇيىستىردى.
مورالمەن جان جۇيەنى تاربيەلەۋ: ۇلگىنىڭ كۇشى رۋحاني قۇنارلى توپىراققا ٴنار بەرىپ، ىزگىلىككە تالپىنۋدىڭ وڭ ەنەرگياسىن جەتىلدىردى
ينتەرنەت كەڭىستىگىندەگى ٴمورال مەيىرىمى — وركەنيەت ساپاسىن ولشەيتىن ماڭىزدى ولشەم. ”ٴمورال ورناعاننان كەيىن، ىزگىلىك تابيعي تۇردە ىلەسەدى“. شينجياڭ باستان ـ اياق سوتسياليستىك وزەكتى قۇن كوزقاراسىن ٴبىر تۇتاس باسشىلىققا الىپ، ”ۇلگىنىڭ ىقپالى“ جانە ”ٴتۇزىم ارقىلى ارناعا ٴتۇسىرۋ“ سىندى قوس تەگەرشىكتى قوزعالتقىشقا تاباندى بولىپ، ينتەرنەت كەڭىستىگىندە ايقىن رۋحاني كوورديناتا ورناتتى.
قاھارمانداردىڭ حيكايالارى جۇرەكتەردە ۇندەستىك تۋدىردى. لاچين بايەكە وتباسىنىڭ ٴۇش ۇرپاق بويى شەكارانى كۇزەتكەن ادالدىقتارىنا ارنالعان ماداق جىرى «پامير قىرانى» سياقتى قىسقا بەينەجازبالار ارقىلى تۇتاس ينتەرنەتتە تارالىپ، ”تيانشاندى مورالمەن نۇرلاندىرۋدىڭ“ رۋحاني ەسكەرتكىشىنە اينالدى؛ ۋاڭ چىڭباڭ قارتتىڭ 60 جىل بويى قۇمدى ٴشولدى جاسىلداندىرۋداعى تاباندىلىعى جاس توراپتاستار اراسىندا ”قۇمدى تىزگىندەۋ رۋحى“ جونىندە قىزۋ تالقى قوزعادى. ”ٴمورال ۇلگىلەرى“، ”شينجياڭدىق ىزگى جاندار“، ”باتىس بولىك جوسپارى ەرىكتىلەرى“ سياقتى حيكايالار شوعىرى ينتەرنەت كەڭىستىگىندە ٴمورالدى ارداقتاپ ىزگىلىككە تالپىناتىن، جاقسىدان ونەگە الۋعا ۇمتىلاتىن، تيانشاندى مورالمەن نۇرلاندىراتىن كۇشتى جىلى اعىسقا اينالدى.
سەنىمدىلىك مەحانيزمى سەنىمدىلىك نەگىزىن بەكەمدەدى. ينتەرنەتتە اشكەرەلەۋ ارناسى ىركىلىسسىزدەنىپ، قالىڭ توراپتاستىڭ ينتەرنەتتىك باقىلاۋعا ات سالىسۋىنا شابىت بەرىلدى، ٴار ۇلت بۇقاراسىنىڭ ينتەرنەت كەڭىستىگىندەگى زاڭدى ۇقىق ـ مۇددەسى شىن مانىندە ويداعىداي قورعالدى، ويداعىداي قامتاماسىز ەتىلدى. شينجياڭ ينتەرنەت سالاسى بىرلەستىگى ”ينتەرنەت سەنىمدىلىگىن قورعاپ، جاڭا داۋىردە جۇڭگوداعى جاقسى ينتەرنەت قولدانۋشى بولۋ“ باستاماسىن العا قويدى، جەر ـ جەردەگى جاڭا مەديا قوعامى كاسىپ سالاسىنىڭ ٴوزىن تەجەۋ شارتىن جاريالاپ، ينتەرنەت قوعامدىق ۇيىمدارىن، ينتەرنەت كاسىپورىندارىن قوعامدىق جاۋاپكەرشىلىگىن اتقارۋعا جەتەكتەدى.
ساۋساق ۇشىنداعى حالىققا تيىمدىلىك جاساۋ ىزگىلىككە تالپىنۋ كۇشىن توپتادى. 23 ”سيفرلى اۋىل ـ قىستاق“ سىناق ٴتۇيىنى اۋىل ـ قىستاقتى گۇلدەندىرۋگە عىلىم ـ تەحنولوگيا جاڭا قوزعالىس قۋاتىن ۇستەدى. سيفرلى جاقتاعى جەتىلىم مەن شەبەرلىكتى جوعارىلاتۋ بويىنشا 10 مىڭ رەتكى قيمىلى ارقىلى سيفر اڭعارىن قۇلشىنا تولتىرىپ، جاڭالىق اشۋ ومىرشەڭ كۇشىن قاۋلاتىپ، ەكونوميكانىڭ، قوعامنىڭ جوعارى ساپالى دامۋىنا كۇش قوستى. ”حى جياۋلۇڭ“ تىكە تاراتۋ بولمەسىندەگى قىزعىندى ساتۋعا كومەكتەسۋ، «قۇندىز ۇجىمىنىڭ ورگانيزمدەردىڭ الۋان تۇرلىلىگىن قورعاۋعا قوعامداسىپ قاتىناسۋدى سىناق ەتۋ نىسانى» 2024 ـ جىلعى ينتەرنەت الەۋمەتتىك يگىلىك ارەكەتىندەگى تاڭداۋلى ينتەرنەت الەۋمەتتىك يگىلىك نىسانى بولىپ باعالاندى، ”جانۇياداعى ماحاببات . ينتەرنەتتە تاراتايىق“، ”سۇيىسپەنشىلىككە تولى قورعاس“ سياقتى الەۋمەتتىك يگىلىك ايگىلى ماركالارى ”ساۋساق ۇشىنداعى الەۋمەتتىك يگىلىكتىڭ“ قوعامعا قالاي مەيىرىمدىلىك كۇش ـ قۋاتىن قوسقاندىعىن جاندى ٴتۇسىندىردى.
ينتەرنەت ٴمورالى قۇرىلىسىندا شينجياڭ ۇلگىنىڭ كۇشىنەن، ىزگىلىكتى الەۋمەتتىك يگىلىكتىڭ مەيىر ـ شاپاعاتىمەن جۇرەكتەردەگى يدەيالىق تەبىرەنىستى وياتتى ٴارى مالىمدەۋ، جازالاپ عيبىرات ەتۋدەي ٴتۇزىمنىڭ بەرىكتىگى ارقىلى ارەكەتتىڭ شەكتىك قىزىل سىزىعىن انىق سىزىپ، ”جۇمساقتىق“ پەن ”قاتاڭدىقتى“ تەڭەستىرۋ بارىسىندا ينتەرنەت وركەنيەتى جەتىلىم دەڭگەيىن جوعارىلاتتى.
مادەنيەت ارقىلى نارلەندىرۋ: جۇڭحۋا جاۋھارى بۇلت تەرمينالى ساحناسىن شىت جاڭا تۇسكە بولەپ، ەڭ ادەمى سەنترلەس شەڭبەردى بىرگە قالىپتاستىردى
مادەنيەت — ٴبىر ۇلتتىڭ جانى، مادەنيەتتى شىنايى مويىنداۋ — ۇلتتار ىنتىماعىنىڭ كۇرە تامىرى. شينجياڭ جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، ينتەرنەتتى ”شينجياڭدى مادەنيەتپەن نارلەندىرۋدىڭ“ جاندى دانەكەرىنە اينالدىرىپ، ينتەرنەت كەڭىستىگىندە جۇڭحۋا مادەنيەتىنىڭ ٴداۋىر سيمفونياسىن اسقاقتاتتى.
ٴداستۇرلى مادەنيەت جۇلگەسى ٴداۋىردىڭ اسەم بوياۋىن اشتى. ”شينجياڭ مادەني ەسكەرتكىشتەرىنىڭ ەندەي ٴوتۋ ەستەلىگى“ مىڭ جىلدىق اعاش قۋىرشاقتىڭ قازىرگى زامان جاستارىمەن ”تىلدەسۋىن“ جۇزەگە اسىرىپ، شىرت ۇيقىدا جاتقان تاريحتى سيفرلى ساعىم ـ سۋرەتتەر ىشىندە وياتتى؛ ”AI ارقىلى 24 امالدى سىزۋ“ عىلىم ـ تەحنولوگيالىق شەبەر قالاممەن بايىرعى ەگىنشىلىك پاراساتىن جانداندىردى؛ ”شينجياڭنىڭ وتباسىلىق ينتەرنەت كوكتەم مەرەكەسى ساۋىق كەشى“ ”وتباسى“ سىندى مادەنيەتتى جالعاستىرۋدىڭ وسى ٴبىر ەڭ كىشكەنە بىرلىگىن كورنەكتىلەندىردى، 15 مىڭ ٴار ۇلت وتباسى كەڭ كولەمدە قاتىناسىپ، ”شاعىن كىرىسۋ تۇيىنىندە“ قامتىلىپ جاتقان ”ۇلكەن شىنايى مويىنداۋدى“ دالەلدەدى؛ ”قالايشا جۇڭگو . بەس جۇلدىز شىعىستان كوتەرىلدى“ بويىنشا 27 ينتەرنەتتىك تاقىرىپ قىزعىندى تاقىرىپتار قاتارىنان ورىن الىپ، قىزۋ ىزدەلدى، شينجياڭنىڭ تاريحي شىندىعى، ارحەولوگيالىق ناقتى زات، مادەنيەت مۇرالارى ارقىلى جۇڭحۋا وركەنيەتىنىڭ شينجياڭداعى ٴار ۇلت مادەنيەتىنىڭ كۇرە تامىرى ەكەندىگى ٴتۇسىندىرىلدى.
ٴتۇرلى قيمىلدار رۋحاني مەكەنگە شوعىرلاندى. ”سۇلۋلىقتان بىرگە سۋسىنداۋ، ينتەرنەتتەگى شينجياڭ بولاشاعى“ 220دان استام اقپارات سايتىندا 2100دەن استام حابار جاريالاپ، ساپالى جاڭا مەديا ونىمدەرىن جاراتتى؛ ”شينجياڭ كارتون فيلم فەستيۆالى“ ٴۇرتىس 3 جىل وتكىزىلىپ، ”Z داۋىرىندەگى“ جاستاردىڭ ويداعىداي جەتەكشىسى بولدى؛ ينتەرنەتتە تانىمال ادامداردىڭ قول ۇستاسۋ قيمىلى جاڭا داۋىردەگى ينتەرنەت جاستارىنىڭ ارالاسۋىنىڭ، ىشتەسۋىنىڭ، توعىسۋىنىڭ جاڭا تۇعىرىن بيىكتەتتى؛ ينتەرنەت كينو ـ تەلە فيلمى ”مەنىڭ التايىم“ قۇبىلىس دارەجەلى تاراتۋ تۋىندىسىنا اينالدى؛ «مەملەكەت اسىلىنداعى شينجياڭ»، «اسقاق تيانشان» سياقتى قىرۋار ينتەرنەت تۋىندىسى ٴار ۇلت بۇقاراسىن اناعۇرلىم مول، اناعۇرلىم قولايلى مادەنيەت سەزىنۋىنەن جانە مادەنيەت قىزمەت وتەۋىنەن يگىلىكتەندىرىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ بارىسىندا ينتەرنەتتەگى تاماشا رۋحاني مەكەندى قۇردى.
شىنايى بايانداۋ دۇنيە ٴجۇزى تامىرىن تۇتاستىردى. ”شينجياڭدىق ۇل بالانىڭ دەرەۋ مەن جۇڭحۋا ۇلتىمىن دەپ ايتقان“ بەينەجازباسىنىڭ كەڭ تارالۋى ٴدال ”جۇڭحۋا ۇلتىنىڭ بەرەكەلى شاڭىراعى“ ۇستانىمىنىڭ ەڭ تابيعي، ەڭ جاندى تاراتىلۋى بولدى. ”10 مىڭ ادام شينجياڭدى اڭگىمەلەۋ“ ايگىلى ماركاسى بارعان سايىن جارقىراپ، توراپتاستاردىڭ تۇرعىسىنان جاي ادامداردىڭ ٴۇنى ارقىلى ۇلكەن بايانداۋ ٴتۇسىندىرىلدى، ەل ٴىشى ـ سىرتىنداعى توراپتاستار جۇمىلىپ، جيىنى 5 ميلليون 100 مىڭنان استام تۋىندىنى بۇكىل دۇنيە جۇزىنە تاراتتى، تۋىندىلار 2023 ـ جىلعى جۇڭگوداعى وڭ ەنەرگيالى ينتەرنەت سارا شىعارماسىنا، 2024 ـ جىلعى ينتەرنەت وركەنيەتى قۇرىلىسى تاڭداۋلى مىسالىنا، ”جۇڭگو جاقسى حيكاياسى“ وڭىرلىك ەرەكشە مادەنيەت بويىنشا ينتەرنەتتە حالىقاراعا تاراتۋ مىسالىنا ەنگىزىلدى.
ينتەرنەت — مادەنيەتتى جالعاستىرۋدىڭ، دامىتۋدىڭ جاڭا القابى. ينتەرنەت مادەنيەتىنىڭ ومىرشەڭ كۇشى ”اركىم ٴوز سۇلۋلىعىن ايگىلەيتىن“ وزگەشەلىكتى قورعاۋدا جاتىر ٴارى ”سۇلۋلىقتان بىرگە سۋسىنداۋدىڭ“ سيىسىمدىلىعىن ايگىلەۋدە جاتىر. شينجياڭ بۇقارا تۇرعىسىنداعى مادەنيەت سانالىلىعىنا، عىلىم ـ تەحنولوگيا قۋات ۇستەگەن مادەنيەتتە جاڭالىق اشۋعا، سالا اتتاپ تاراتىلاتىن مادەنيەت سەنىمىنە سۇيەنىپ، قىم ـ قۋىت، كۇردەلى بۇكىل جەر شارىندىق قوعامدىق پىكىر اياسىندا ”شىنايى شينجياڭعا“ انىقتاما بەرۋدەگى ٴسوز ۇقىعىن مىقتاپ يگەردى.
زاڭمەن باسقارۋ ارقىلى قورعاۋ: ٴتۇزىمنىڭ وتكىر قىلىشى ينتەرنەتتەگى شاڭ ـ توزاڭداردى تازارتىپ، تازا، جاڭا ەكولوگيانى قورعادى
زاڭمەن باسقارۋ — ينتەرنەت وركەنيەتىنىڭ ورنىقتى قاداممەن الىسقا جەتۋىنىڭ ٴتۇبىرلى قامتاماسىزدىعى. ينتەرنەت كەڭىستىگىنىڭ كۇردەلى ەكولوگياسىنا ٴدوپ كەلگەندە، شينجياڭ زاڭ شىعارۋدى الدىڭعى ورىنعا قويۋعا، دالمە ـ ٴدال باسقارۋعا، جالپى حالىق بىرگە باسقارۋعا تاباندى بولىپ، ينتەرنەت كەڭىستىگىن تازارتۋعا بەرىك تۇزىمدىك قالتقى ورناتتى.
زاڭ ەرەجە جۇيەسىنىڭ نەگىزگى جۇلگەسى قالىپتاستى. جەرگىلىكتى سيپاتتى 5 زاڭ ەرەجە ىركەس ـ تىركەس شىعارىلىپ، ينتەرنەت حاۋىپسىزدىگى ٴتۇيىندى سالالارىن قامتىدى، «شينجياڭ ۇيعۇر اۆتونوميالى رايونىنىڭ ينتەرنەتتە جالعان ينفورماتسيالاردى تاراتۋدان ساقتانۋ جانە ونى جازالاۋ ەرەجەسى» ينتەرنەت كەڭىستىگىن ”سەنىمدىلىككە يە“ ەتتى؛ «شينجياڭ ۇيعۇر اۆتونوميالى رايونىنىڭ ينفورماتسيالاندىرۋدى جەبەۋ ەرەجەسى» جوعارى ساپالى دامۋدىڭ ينفورماتسيا ”كۇرە تامىرىن“ ىركىلىسسىزدەندىردى. سونىمەن بىرگە 2023 ـ جىلى «شينجياڭ ۇيعۇر اۆتونوميالى رايونىنىڭ ينتەرنەت وركەنيەتى قۇرىلىسى ەرەجەسى» بويىنشا زاڭ شىعارۋ قىزمەتى باستالىپ، ”جۇڭحۋا ۇلتى ورتاق تۇلعا تانىمىن بەكەمدەۋدى“، ”سوتسياليستىك وزەكتى قۇن كوزقاراسىن اسقاقتاتۋدى“ ينتەرنەت جاعىندا زاڭ شىعارۋمەن توعىستىرۋدى ىلگەرىلەتىپ، نەگىزگى ساتىنىڭ اقىل ـ پاراساتىن كەڭىنەن قابىلداپ، وركەنيەت نەگىزىن تەرەڭگە تامىر تارتتىردى.
تازارتۋ قيمىلى ارقىلى نىسانالى وڭادى. ينتەرنەت كەڭىستىگىنىڭ اسپانى اشىق، اۋاسى تۇنىق، ەكولوگياسى تاماشا بولۋ — قالىڭ توراپتاستىڭ ورتاق ارمانى. ينتەرنەتتەگى يدەولوگيا قىزمەتى جاۋاپكەرشىلىك ٴتۇزىمىن مۇقيات تياناقتاندىرىپ، ينتەرنەتتى جالپى بەتتىك وڭاۋ جۇيەسىن اقاۋسىزداندىرىپ، كەمەلدەندىرىپ، جالعان، وتىرىك وسەككە، جات نيەتپەن جوسپارلاپ ـ ساتۋعا، ينتەرنەتتەگى جالدانبالى توپتار، ينتەرنەتتە زورلىقتى كۇش كورسەتۋ سياقتى ينتەرنەتتەگى ٴتۇرلى بىلىققان جايتكە قاراتا، ”تازارتۋ“ سياقتى جەلىلەس، ارناۋلى ارەكەتتەردى ٴۇرتىس ورىستەتىپ، ەرەجەگە قايشى ينتەرنەت تۇعىرى مەن ٴنومىرىن قاتاڭ ٴبىر جاقتى ەتىپ، ينتەرنەت كەڭىستىگىنىڭ تاماشا ٴتارتىبىن ساقتادى.
جالپى حالىقتىق قورعانىس شەبىن تىعىز، بەرىك قۇردى. ينتەرنەتتەگى بۇقارالىق لۋشيانمەن بەلسەنە ٴجۇرىپ، حالىق تىلەگىن توپتاپ، حالىقتىڭ ٴۇنىن تىڭداپ، حالىق جاعدايىن ۇعىسىپ، حالىق الاڭداعان ماسەلەنى شەشىپ، حالىق تۇرمىسىنداعى تالاپ ـ تىلەكتەردى جالپى حابارلاپ بىتىرۋگە وتكىزىپ بەرۋدى ٴتۇيىندى تۇردە كۇشەيتىپ، توراپتاستار ٴجىتى قاداعالاپ وتىرعان ماسەلەلەرگە دەر كەزىندە اڭىس قايتارىپ، شەشىپ، بۇقارانىڭ رازىلىعى مەن قۇپتاۋ مولشەرىن جوعارىلاتتى. 60 ورىندى قامتىعان وسەك ـ اياڭعا تويتارىس بەرۋ مەحانيزمى قادامى ٴبىر، ٴۇنى ورتاق بولىپ، ”جىبەك جولىندا وسەك ـ اياڭداردى ۇستاپ قالۋ ەستەلىگى“ قيمىلى جانە ينتەرنەتتە زاڭ جالپىلاستىرۋ تۋىندىلارى ارقىلى قويۋ راي جاراتىپ، جوعارى مەكتەپ وقۋشىلارى ەرىكتىلەرى زاڭ جالپىلاستىرۋدىڭ جالىندى كۇشىنە اينالىپ، ساقتانۋ ـ قورعانۋ تورىن بىرگە توقىدى.
ينتەرنەتتى زاڭمەن باسقارۋ ومىرشەڭ كۇشى ديناميكالىق تەپە ـ تەڭدىكتەگى ”بۇزۋ“ مەن ”ورناتۋدا“ جاتىر. شينجياڭ زاڭ بويىنشا ينتەرنەت باسقارۋعا، ينتەرنەتتى وڭاۋعا تاباندى بولىپ، تەرەڭ قاتپارلى ماسەلەلەردى جۇيەلى وڭاپ، شەشىپ، تۇزىمدە جاڭالىق اشۋ ارقىلى ۇزاق ٴونىمدى مەحانيزمدى اقاۋسىزداندىرىپ، تاراۋلاردىڭ باقىلاۋ ـ باسقارۋىنىڭ، تۇعىرلاردىڭ جاۋاپكەرشىلىك اتقارۋىنىڭ، توراپتاستاردىڭ ٴوزىن تەجەۋىنىڭ سايكەسۋى جۇلگەسىندە ينتەرنەت كەڭىستىگىن باياندى جاقسارتۋدى، وڭاۋدى جۇزەگە اسىرۋعا كۇش سالدى.
بۇگىنگى شينجياڭدا ينتەرنەت كەڭىستىگىنىڭ نەگىزگى اۋەنى اسقاقتاپ، وڭ ەنەرگياسى تولىپ تاسىپ، زاڭمەن باسقارۋ قامتاماسىزدىعى كۇشەيىپ، وركەنيەتتى سالت ـ سانا كۇن سايىن ايگىلەنۋدە. ٴار ۇلت بۇقاراسى تازا ينتەرنەت كەڭىستىگىندەگى ىقپالداستىق بارىسىندا ٴتۇسىنىسۋدى ارتتىرىپ، ساپالى مازمۇنداردىڭ نارلەندىرۋىندە كۇش ـ قۋات قابىلداۋدا. بولاشاققا بەت العاندا، شينجياڭ ينتەرنەت وركەنيەتى قۇرىلىسىن ۇزدىكسىز تەرەڭدەتىپ، اناعۇرلىم باي جاسامپازدىق قۋات فورماسى ارقىلى تاڭداۋلى مادەنيەتتى جالعاستىرىپ، اناعۇرلىم پارمەندى شارا ارقىلى ينتەرنەت ەكولوگياسىن تازارتىپ، تازا، ٴتارتىپتى ينتەرنەت كەڭىستىگىن جۇڭحۋا ۇلتى ورتاق تۇلعا تانىمىن بەكەمدەۋدىڭ بەرىك شەبىنە اينالدىرىپ، تيانشان ۇلاندارىنىڭ تۇگەلدەي ينتەرنەت كەڭىستىگىندە دامۋ جەتىستىكتەرىنەن بىرگە يگىلىكتەنىپ، تاماشا كەلەشەككە بىرگە اتتانۋىنا مۇمكىندىك جاسايدى.
