”جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى“ جەلىلەس نەگىزگى تاقىرىپتىق اقپار جاريالاۋ ٴماجىلىسىنىڭ 1 ـ ٴماجىلىسى وتكىزىلدى
ٴۇرىمجى: جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا الدا ٴجۇرىپ ۇلگى بولدى
انار بۇلت \ شينجياڭ گازەتىنىڭ ٴتىلشىسى گو چيان 7 ـ ايدىڭ 23 ـ كۇنى ۇرىمجىدەن حابارلايدى. 7 ـ ايدىڭ 23 ـ كۇنى ”جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى“ جەلىلەس نەگىزگى تاقىرىپتىق اقپار جاريالاۋ ٴماجىلىسىنىڭ 1 ـ ٴماجىلىسى ٴۇرىمجى قالاسىندا وتكىزىلدى. جاريالاۋ ٴماجىلىسى ”كۇشتى شوعىرلاندىرىپ ەكونوميكانى، قوعامدى جوعارى ساپالى دامىتىپ، ٴۇرىمجىنىڭ جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا الدا ٴجۇرىپ ۇلگى بولۋىن ىلگەرىلەتۋدى“ ارقاۋ ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، ٴۇرىمجىنىڭ ەكونوميكاسىنىڭ، قوعامىنىڭ جوعارى ساپالى دامۋىندا قول جەتكىزگەن ىلگەرىلەۋشىلىكتەرى مەن ناتيجەلەرىن تانىستىردى.
”قازىر ٴۇرىمجىنىڭ قوعامى جاراسىمدى، ورنىقتى، ەكونوميكاسى ٴۇرتىس دامۋدا، حالقى تىنىش ٴومىر، شات ـ شادىمان تىرشىلىك كەشىرۋدە، ٴتۇرلى ابزالدىلىق قاباتتاسىپ ايگىلەنۋدە، دامۋ بولاشاعى شەكسىز نۇرلى“، ـ دەدى ٴۇرىمجى قالالىق پارتكومنىڭ ورىنباسار شۋجيى، قالا باستىعى ياقۇپ ٴپاتتوللا. ول تاعى 4 شەشۋشى ٴسوزدى ارقاۋ ەتە وتىرىپ تانىستىرۋ جاسادى.
كۇش توپتالىپ، قۋات ارتتى. ٴۇرىمجى قالاسى ەرەكشەلىككە، باسىمدىققا يە كاسىپ سالالارىن جەدەل دامىتىپ، ”5+2“ وسى زامانعى ونەركاسىپ جۇيەسىن، ”6+8“ وسى زامانعى قىزمەت وتەۋ كاسىبى جۇيەسىن جانە وسى زامانعى قالا، اۋىل شارۋاشىلىعى جۇيەسىن العاشقى ادىمدا قۇردى. قازىر ”5+2“ كاسىپ سالاسىنىڭ كولەمى 150 ميلليارد يۋاننان استى، ”6+8“ وسى زامانعى قىزمەت وتەۋ كاسىبىنىڭ كولەمى 300 ميلليارد يۋاننان استى. وسى زامانعى زات اينالىمى، ساياحات سىندى 100 ميلليارد يۋاندىق 2 كاسىپ سالاسى، حيميا ونەركاسىبى، جاڭا ماتەريال، فينانستىق قىزمەت وتەۋ، تۇرعىن ٴۇي، ٴجۇرىس ـ تۇرىس سىندى 50 ميلليارد يۋان دارەجەلى 4 كاسىپ سالاسى، جابدىق جاساۋ، جاسىل ازىق ـ تۇلىك، وسى زامانعى ساۋدا ىستەرى سياقتى 10 ميلليارد يۋان دارەجەلى 8 كاسىپ سالاسى قالىپتاسىپ، جوعارى ساپالى دامۋعا پارمەندى تىرەك ازىرلەدى.
قارقىن تەزدەپ، كۇش قوسىلدى. بۇرىن بىتىراندى باسقارىلاتىن، جۇمىس جۇرگىزىلەتىن شينجياڭ ەركىن ساۋدا سىناق رايونىنىڭ ٴۇرىمجى اۋماعىن، حالىقارالىق قۇرلىقتىق پورت اۋماعىن، اۋەجاي ماڭى ەكونوميكالىق اۋماعىن، كەشەندى قورعامالى باجى اۋماعىن كۇش سالا ٴونىمدى بىرىكتىرىپ، قالا دارەجەلى ٴبىر تۇتاس جوسپارلاعان ”قوس پورت“ اۋماعىن باسقارۋ كوميتەتىن قۇرىپ، قالالىق ەركىن ساۋدا قىزمەت مەكەمەسىن قۇرۋعا دايىندالىپ، كۇشتەردىڭ شوعىرلانۋىن، قۋات دەڭگەيىنىڭ جوعارىلاۋىن ىلگەرىلەتتى. ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن مۇقيات تياناقتاندىرىپ، 263 ٴتۇرلى رەفورمانى تۇيىندە سىناق ەتۋ مىندەتىنىڭ 88.6ىن ورىنداپ، ىلگەرىندى ـ كەيىندى 72 ٴتۇرلى رەفورما جاساۋ، جاڭالىق اشۋ جەتىستىگىن جولعا قويىپ، بۇكىل ەلدىڭ، بۇكىل شينجياڭنىڭ 78 ٴتۇرلى تۇڭعىش زاكاز كاسىبىن تياناقتاندىرىپ، كەدەننەن ٴوتۋ ساۋداسىنىڭ، قارجى قوسۋ مەن قارجى قۇراۋدىڭ قولايلىلانۋ دەڭگەيىن ۇزدىكسىز جوعارىلاتتىق. ٴۇرىمجى اۋماعىندا جيىنى جاڭادان 11 مىڭ كاسىپورىن قۇرىلىپ، الدىڭعى جارتى جىلدا بۇكىل قالانىڭ سىرتقى ساۋدا يمپورت ـ ەكسپورت جالپى سوماسى %39.5 ارتتى.
جاراسىمدى، قونىستانۋعا جايلى بولدى. قالانىڭ جوعارى ساپالى دامۋىنىڭ ”158“ جالپى تۇلعالىق جۇلگەسى بويىنشا ”8 ٴىرى ٴتۇيىندى اۋماق“ قۇرۋدى جەدەلدەتىپ، ”قالا ورتالىعى بولىگىن“ كۇش سالا قالىپتاستىرىپ، ”5 ٴىرى قالانىڭ وزەكتى يقۋاتىن“ ورنىقتى جوعارىلاتتىق. نەگىزدىك قۇرىلعىلاردى كەمەلدەندىرۋدى جەدەلدەتىپ، بيىل ٴۇرىمجى تيانشان حالىقارالىق اۋەجايىنىڭ سولتۇستىك تەرمينال اۋماعى سالىنىپ ٴبىتىپ ىسكە قوسىلىپ، ”حالىقارالىق سيپاتتى كەشەندى قاتىناس تورابى قالاسىنىڭ“ قۋات دەڭگەيى بارىنشا جوعارىلادى؛ قالانى اينالىپ وتەتىن جوعارى قارقىندى جولدىڭ باتىس لەنياسى سالىنىپ ٴبىتىپ اۆتوكولىك قاتىناپ، ٴۇرىمجى ”ٴۇش اينالما جول داۋىرىنە“ قادام تاستادى؛ گانچۋانپۋ 2 ـ سۋ زاۆودىنا سۋ جەتكىزىلىپ اينالىمعا ٴتۇسىپ، سۋ بايلىعىن ۇلەستىرۋ ينجەنەرياسى جەدەل ىلگەرىلەپ، قالانىڭ سۋ حاۋىپسىزدىگى اناعۇرلىم قامتاماسىز ەتىلدى؛ كونە شاعىن اۋماقتار، ”قالا ورتاسىنداعى قىستاقتار“ جاڭالانىپ، ”جاقسى ۇيلەر“ سالىنىپ، ٴار ۇلت بۇقاراسى اناعۇرلىم جايلى قونىستاندى، ورنىقتى قونىستاندى. قالانىڭ ساپاسىن جەدەل جوعارىلاتىپ، ”ٴۇش ۇلكەن قورعاۋ شايقاسىن“ ىشكەرىلەي ويداعىداي جۇرگىزىپ، قالانى تازارتۋ، جاسىلداندىرۋ، كورىكتەندىرۋ، جارىقتاندىرۋ قىزمەتىن ۇزدىكسىز ويداعىداي ىستەپ، ٴۇرىمجىنىڭ اسپانى اناعۇرلىم اشىق، جەرى اناعۇرلىم جاسىل، سۋى اناعۇرلىم تۇنىق، ورتاسى اناعۇرلىم كوركەم بولدى.
سەزىنۋگە بولاتىن، قولجەتىمدى بولدى. قازىنالىق شىعىستىڭ %70تەن استامىن حالىق تۇرمىسىن قامتاماسىزداندىرۋعا جانە جاقسارتۋعا جۇمساۋعا تاباندى بولىپ، ٴار جىلى حالىق تۇرمىسىنا قاتىستى ٴبىر توپ ناقتى ٴىستى ويداعىداي ىستەپ، دامۋ جەتىستىكتەرىنىڭ حالىق تۇرمىسىنا تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتتىك. بۇقارانىڭ جۇمىستانۋ ورنى، ساپالى وقۋ ورنى جانە سالاماتتىق قىزمەت وتەۋ قاجەتىنە باستان ـ اياق نازار اۋدارىپ كەلدىك، 2024 ـ جىلدان بەرى، ٴۇرىمجى قالاسىندا جيىنى 170 مىڭ ادام تىڭنان جۇمىستانىپ، ٴتىپتى دە جاقسى دامۋ ورايىمەن ادامدى باۋراۋعا قۇلشىندىق؛ 23 مىڭ وقۋ ورنى، بالاباقشا ورنى تىڭنان قوسىلىپ، 60 مىڭ ساپالى وقۋ ورنى كەڭەيتىلىپ، بۇقارانىڭ ەسىك الدىنداعى جاقسى مەكتەپتەردىڭ بارعان سايىن كوبەيۋىنە مۇمكىندىك جاساۋعا قۇلشىندىق؛ 3 قالالىق ەمدەۋ توبى، 7 ەمدەۋ بىرىككەن تۇلعاسى، 20 ايگىلى شيپاگەرلەر (مامان) قىزمەت كەڭسەسى قۇرىلىپ، ٴبىر ٴنومىر 3 كۇن كۇشىنە يە بولۋ، تەكسەرۋ ناتيجەسىن ٴوزارا مويىنداۋ سياقتى شارالار بۇقارانىڭ ەمدەلۋىنە اناعۇرلىم كوپ تابىس سەزىمىن سيلادى.
ياقۇپ ٴپاتتوللا بىلاي دەدى: ٴۇرىمجى قالاسى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭدى زاڭمەن باسقارۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ قىزمەتتەرىن تاباندىلىقپەن ىشكەرىلەي، ەگجەي ـ تەگجەيلى، ناقتى ىستەپ، جوعارى ساپالى دامۋدىڭ جاڭا جاعدايىن ۇزدىكسىز اشىپ، اۆتونوميالى رايون قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الادى.
