7 ـ ايدىڭ 24 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا 25 ـ رەتكى جۇڭگو - ەۆروپا وداعى باسشىلارىنىڭ ديدارلاسۋىن وتكىزۋ ٴۇشىن جۇڭگوعا كەلگەن ەۆروپا القالار كەڭەسىنىڭ ٴتوراعاسى كوستامەن جانە ەۆروپا وداعى كوميتەتىنىڭ ٴتوراعاسى ۆوندەرلەيەنمەن كەزدەستى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 7 ـ ايدىڭ 24 ـ كۇنى بەيجيڭنەن بەرگەن حابارى (تىلشىلەر ما جويان، شۇي كى). 7 ـ ايدىڭ 24 ـ كۇنى تۇستەن بۇرىن مەملەكەت ٴتوراعاسى شي جينپيڭ بەيجيڭ حالىق سارايىندا 25 ـ رەتكى جۇڭگو - ەۆروپا وداعى باسشىلارىنىڭ ديدارلاسۋىن وتكىزۋ ٴۇشىن جۇڭگوعا كەلگەن ەۆروپا القالار كەڭەسىنىڭ ٴتوراعاسى كوستامەن جانە ەۆروپا وداعى كوميتەتىنىڭ ٴتوراعاسى ۆوندەرلەيەنمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن ەۆروپا وداعى ديپلوماتيالىق قارىم ـ قاتىناس ورناتقان 50 جىلدان بەرى، اۋىس ـ كۇيىس، سەلبەستىك جەتىستىكتەرى سۇبەلى بولدى، ٴارى ٴبىر ـ ٴبىرىن تابىسقا جەتكىزدى، ٴارى دۇنيە ٴجۇزىن يگىلىككە كەنەلدىردى، مۇنداعى ماڭىزدى تاجىريبەلەر مەن تولعانىس ٴدال ٴوزارا قۇرمەت ەتۋ، ورتاقتىققا ۇمتىلىپ پارىقتاردى ساقتاۋ، ەسىك اشىپ سەلبەستىك جاساۋ، ٴوزارا پايدا جەتكىزىپ تەڭ يگىلىككە كەنەلۋ بولماق. بۇل ٴارى جۇڭگو - ەۆروپا وداعى قارىم ـ قاتىناسىنىڭ بولاشاق دامۋدا تاباندى بولۋعا ٴتيىستى ماڭىزدى پرينسيبى جانە قۇلشىنۋ بەتالىسى. بيىل جۇڭگو - ەۆروپا وداعى ديپلوماتيالىق قارىم ـ قاتىناس ورناتقاندىعىنىڭ 50 جىلدىعى جانە بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى، جۇڭگو - ەۆروپا وداعى قارىم ـ قاتىناسى تاعى ٴبىر شەشۋشى تاريحي كەزەڭدە تۇر. جۇڭگو مەن ەۆروپا وداعى بىردەي كوپ جاقتىلىقتى جاقتايتىن، ەسىك اشىپ سەلبەستىك جاساۋدى دارىپتەيتىن سىندارلى كۇشتەر، حالىقارالىق جاعداي قاتاڭ، كۇردەلى بولعان سايىن، جۇڭگو مەن ەۆروپا وداعى بايلانىس جاساۋدى سولعۇرلىم كۇشەيتىپ، ٴوزارا سەنىمدىلىكتى نىعايتىپ، سەلبەستىكتى تەرەڭدەتۋى كەرەك. جەدەل قۇبىلعان دۇنيە ٴجۇزىنىڭ 100 جىلدىق وزگەرىسى جانە وزگەرىس پەن بىلىقپالىق قاباتتاسقان حالىقارالىق جاعداي الدىندا، جۇڭگو - ەۆروپا وداعى باسشىلارى كورەگەندىگىن جانە جاۋاپكەرشىلىك ارقالاۋىن تاعى ٴبىر رەت ايگىلەپ، حالىقتىڭ تىلەگىنە ۇيلەسەتىن، تاريحتىڭ سىنىنان سۇرىنبەي وتە الاتىن ستراتەگيالىق تالعام جاساپ، جۇڭگو - ەۆروپا وداعى قارىم ـ قاتىناسى دامۋىنىڭ دۇرىس بەتالىسىن مىقتاپ يگەرىپ، جۇڭگو - ەۆروپا وداعى قارىم ـ قاتىناسىنىڭ اناعۇرلىم شۇعىلالى كەلەسى 50 جىلىن قۇلشىنا اشىپ، دۇنيە جۇزىنە اناعۇرلىم كوپ ورنىقتىلىق جانە ايقىندىق ازىرلەۋى كەرەك.
شي جينپيڭ جۇڭگو - ەۆروپا وداعى قارىم ـ قاتىناسىنىڭ بولاشاق دامۋى جونىندە 3 دارىپتەمەنى العا قويدى: ٴبىرىنشى، ٴوزارا قۇرمەت ەتۋگە تاباندى بولىپ، سەرىكتەستىك قارىم ـ قاتىناس ورنىن بەكەمدەۋ كەرەك. جۇڭگو — بەيبىتشىلىكتى قىزۋ سۇيەتىن مەملەكەت، جاراسىمدىلىقتى، سيىسىمدىلىقتى، سەلبەستىكتى، تەڭ يگىلىككە كەنەلۋدى دارىپتەيدى. ەگەر باتىس ەلدەرىنىڭ باسىپ وتكەن جولىمەن جۇڭگونى تارازىلايتىن بولساق، جۇڭگو جونىندەگى تانىم سىڭار جاقتى بولادى. جۇڭگو مەن ەۆروپا وداعىنىڭ تاريحي مادەنيەتى، جولى، ٴتۇزىمى، دامۋ كەزەڭى، شىنىندا، ۇقسامايدى، الايدا مۇنداي پارىق بۇرىن جۇڭگو مەن ەۆروپا وداعىنىڭ ديپلوماتيالىق قارىم ـ قاتىناس ورناتۋىنا جانە قارىم ـ قاتىناستى دامىتۋىنا كەدەرگى بولعان جوق، بۇدان كەيىن دە ەكى جاقتىڭ قارىم ـ قاتىناستى دامىتۋىنا كەدەرگى بولماۋعا ٴتيىس. قازىر ەۆروپا ٴدوپ كەلگەن سىن ـ سايىس جۇڭگودان كەلىپ وتىرعان جوق. جۇڭگو - ەۆروپا اراسىندا ٴتۇبىرلى مۇددە قاقتىعىسى جانە وڭىرلىك ساياسي قايشىلىق جوق، سەلبەستىك باسەكەدەن باسىم، ورتاق تانىم الاۋىزدىقتان كوپ بولعان نەگىزگى جاعداي مەن نەگىزگى ارنا وزگەرگەن جوق. جۇڭگو جاق جۇڭگو - ەۆروپا وداعى قارىم ـ قاتىناسىن باستان ـ اياق ستراتەگيالىق دەڭگەيدەن جانە ۇزاق بولاشاقتىق تۇرعىدان باعامداپ جانە دامىتىپ، ەۆروپانى كوپ ۇيەكتى دۇنيەدەگى ماڭىزدى ٴبىر ۇيەك دەپ سانايدى، ەۆروپانىڭ ٴبىر تۇلعالانۋىن جانە ەۆروپا وداعىنىڭ ستراتەگيالىق دەربەستىگىن دايەكتى قولداپ كەلەدى. ەۆروپا وداعى جاقتىڭ دا جۇڭگو حالقى تاڭداعان جول مەن تۇزىمگە قۇرمەت ەتۋىن، جۇڭگونىڭ وزەكتى مۇددەسى مەن ٴجىتى قاداعالاپ وتىرعان كەلەلى ىستەرىنە قۇرمەت ەتۋىن، جۇڭگونىڭ دامۋىن، گۇلدەنۋىن قولداۋىن ٴۇمىت ەتەدى. جۇڭگو - ەۆروپا وداعى قارىم ـ قاتىناسى ٴۇشىنشى جاققا باعىتتالماعان، ٴۇشىنشى جاققا باعىنىشتى ەمەس، ٴۇشىنشى جاقتىڭ شەكتەمەسىنە دە ۇشىرامايدى. ەكى جاق ستراتەگيالىق بايلانىستى تەرەڭدەتىپ، تۇسىنىستىك پەن ٴوزارا سەنىمدى ارتتىرىپ، دۇرىس ٴوزارا تانىم ورناتۋى كەرەك.
ەكىنشى، ەسىك اشىپ سەلبەستىك جاساۋعا تاباندى بولىپ، الاۋىزدىقتى، قاقتىعىستى ۇيلەسىمدى ٴبىر جاقتى ەتۋ كەرەك. تاريح پەن رەالدىق مىنانى دالەلدەدى: ٴوزارا يەك سۇيەۋ حاۋىپ ـ قاتەر ەمەس، مۇددەلەردىڭ توعىسۋى حاۋىپ ٴتوندىرۋ ەمەس، باسەكەلىك قۋاتتى جوعارىلاتۋدا ”قورعان سوعىپ قامال تۇرعىزۋعا“ سۇيەنۋگە بولمايدى، ”الشاقتاپ بايلانىستى ٴۇزۋ“ تەك ٴوزىن وقشاۋ قالدىرادى. ”يەك سۇيەۋدى ازايتۋدا“ سەلبەستىكتى ازايتۋعا بولمايدى. جۇڭگو مەن ەۆروپانىڭ ەكونوميكا ـ ساۋدا قارىم ـ قاتىناسىنىڭ ٴمانى ابزالدىلىقتار ارقىلى ٴوزارا تولىقتاۋ، ٴوزارا پايدا جەتكىزىپ تەڭ يگىلىككە كەنەلۋ، دامۋ بارىسىندا يكەمدى تەپە ـ تەڭدىكتى جۇزەگە اسىرۋ كەرەك ٴارى بۇكىلدەي جۇزەگە اسىرۋعا بولادى. جۇڭگونىڭ جوعارى ساپالى دامۋى، جوعارى دەڭگەيدە سىرتقا ەسىك اشۋى جۇڭگو - ەۆروپا وداعى سەلبەستىگىنە جاڭا وراي ازىرلەيدى، جاڭا ٴورىس اشادى. جۇڭگو مەن ەۆروپا وداعى جاسىل جانە سيفرلى سەرىكتەستىك قارىم ـ قاتىناستى تەرەڭدەتىپ، ٴوزارا قارجى قوسۋ سەلبەستىگىن جەبەۋى كەرەك. ەۆروپا وداعى جاقتىڭ ساۋدا جانە قارجى قوسۋ بازارىن اشىق ۇستاپ، شەكتەۋ سيپاتىنداعى ەكونوميكا ـ ساۋدا قۇرالىنان پايدالانۋدى تەجەپ، جۇڭگو كاسىپورىندارىنىڭ ەۆروپاعا بارىپ قارجى قوسىپ شارۋاشىلىعىن گۇلدەندىرۋىنە تاماشا شارۋاشىلىق ـ ساۋدا ورتاسىن ازىرلەۋىن ٴۇمىت ەتەمىز.
ٴۇشىنشى، كوپ جاقتىلىقتى امالياتتا ايگىلەپ، حالىقارالىق ەرەجەنى، ٴتارتىپتى قورعاۋ كەرەك. سوعىس پەن بەيبىتشىلىك، باسەكە مەن سەلبەستىك، توماعا تۇيىقتىق پەن ەسىك اشۋ سىندى كەلەلى تالعام الدىندا كوپ جاقتىلىق، ىنتىماقتاسا سەلبەسۋ عانا دۇرىس جاۋاپ. جۇڭگو مەن ەۆروپا وداعى دۇنيە جۇزىلىك ەكىنشى سوعىس اياقتاعاننان كەيىن قۇرىلعان حالىقارالىق ەرەجە مەن حالىقارالىق ٴتارتىپتى بىرگە قورعاپ، داۋىرمەن بىرگە العا باسىپ، اناعۇرلىم ٴادىل، ۇيلەسىمدى الەمدىك باسقارۋ جۇيەسىن قۇرۋدى ىلگەرىلەتىپ، كليمات وزگەرىسى سياقتى الەمدىك سىن ـ سايىسقا قول ۇستاسا توتەپ بەرىپ، كوپ جاقتىلىق الاۋىنىڭ ادامزاتتىڭ العا باسۋ جولىن نۇرلاندىرۋىنا مۇمكىندىك جاساۋى كەرەك. جۇڭگو مەن ەۆروپا وداعى حالىقارالىق تالاس ـ تارتىستى ساياسي شارا ارقىلى بەيبىت جولمەن شەشۋگە قولداۋ كورسەتۋى كەرەك. جۇڭگو جاق ەجەلدەن ٴىستىڭ دۇرىس ـ بۇرىستىعىن، ورىندى ـ ورىنسىزدىعىن نەگىزگە الىپ، تاتۋلاسۋعا ٴناسيحاتتاپ، كەلىسسوز وتكىزۋگە جەبەۋدى دارىپتەپ، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرۋدى دارىپتەپ كەلەدى. جۇڭگو جاق ەۆروپا وداعى جاقپەن سايكەسۋدى كۇشەيتىپ، بيىلعى بىرلەسكەن مەملەكەتتەر ۇيىمى كليمات وزگەرىسى بەيلام جينالىسىنىڭ تابىسقا جەتۋىن ىلگەرىلەتىپ، كليمات وزگەرىسىنە توتەپ بەرۋگە جانە الەمدىك جاسىل تيپ جاڭالاۋعا اناعۇرلىم زور ۇلەس قوسۋدى قالايدى. جۇڭگو جاق تا ەۆروپا وداعى جاقپەن جاساندى زەردە سالاسىندا ساياساتتىق تىلدەسۋ جانە ناقتى ىستەر سەلبەستىگىن ورىستەتىپ، تەپە ـ تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن بىرگە ىلگەرىلەتۋدى قالايدى.
ەۆروپا وداعى جاق مىنالاردى ٴبىلدىردى: ٴتوراعا شي جينپيڭنىڭ ەۆروپا وداعى - جۇڭگو قارىم ـ قاتىناسى جونىندەگى 3 دارىپتەمەسى ايرىقشا ماڭىزدى. ديپلوماتيالىق قارىم ـ قاتىناس ورناتقان 50 جىلدان بەرى، ەۆروپا وداعى مەن جۇڭگو كەڭ سالالاردا سەلبەستىك ورىستەتىپ، كولەمى مەن تەرەڭدىگى ۇزدىكسىز كەڭەيىپ، ٴبىر ـ ٴبىرىنىڭ ماڭىزدى سەلبەستىك جانە ساۋدا سەرىگىنە اينالىپ، وزدەرىنىڭ ەكونوميكاسىنىڭ گۇلدەنىپ ـ كوركەيۋىنە جانە حالقىنىڭ قۇت ـ ىرىسىن ارتتىرۋىنا كۇش ۇستەدى. جۇڭگو جاساۋ كاسىبىندەگى جانە عىلىم ـ تەحنولوگياداعى ٴىرى ەلگە اينالىپ، نەشە ٴجۇز ميلليون حالىقتى كەدەيلىكتەن ارىلتتى، جۇڭگونىڭ دامۋى بۇكىل الەمدى تاڭ قالدىرىپ، دۇنيە جۇزىنە ماڭىزدى شابىت سيلادى، ەۆروپا وداعى جاق جۇڭگونىڭ اناعۇرلىم زور دامۋعا قول جەتكىزەتىندىگىنە سەنەدى ٴارى قولداۋ كورسەتەدى. ەۆروپا وداعى مەن جۇڭگو تۇگەلدەي دۇنيە جۇزىندەگى ماڭىزدى كۇشتەر، ەۆروپا وداعى - جۇڭگو قارىم ـ قاتىناسى ەكى جاق جانە دۇنيە جۇزى جونىنەن ايرىقشا ماڭىزدى. ەۆروپا وداعى جاق ەۆروپا وداعى - جۇڭگو قارىم ـ قاتىناسىن تەرەڭدەتۋگە كۇش سالىپ، الاۋىزدىقتى سىندارلى ٴبىر جاقتى ەتىپ، ەكى جاق سەلبەستىگىنىڭ تەپە ـ تەڭ، بارابار، ٴوزارا تيىمدىلىك جاساۋ نەگىزىندە اناعۇرلىم كوپ بەلسەندى جەتىستىككە ۇزدىكسىز قول جەتكىزۋىن جەبەيدى. ەۆروپا وداعى جاق جۇڭگومەن ”الشاقتاپ بايلانىستى ۇزۋگە“ تالپىنبايدى، جۇڭگو كاسىپورىندارىنىڭ ەۆروپاعا بارىپ قارجى قوسىپ شارۋاشىلىقتى گۇلدەندىرۋىن قارسى الادى، اۋمالى ـ توكپەلى، ايقىنسىزدىققا تولى دۇنيە ٴجۇزى الدىندا، ەۆروپا وداعى مەن جۇڭگو جاۋاپكەرشىلىك ارقالاپ، كوپ جاقتىلىققا بىرگە تاباندى بولىپ، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىن قورعاپ، كليمات وزگەرىسى سياقتى الەمدىك سىن ـ سايىستارعا قول ۇستاسا توتەپ بەرىپ، وڭىرلىك قولامتالى ماسەلەلەردى شەشۋدى جەبەپ، دۇنيە ٴجۇزىنىڭ بەيبىتشىلىگىن، ورنىقتىلىعىن قورعاۋى كەرەك. ەۆروپا وداعى جاق جۇڭگو جاقپەن بىرگە ەۆروپا وداعى - جۇڭگو قارىم ـ قاتىناسىنىڭ كەلەسى 50 جىلىنىڭ اناعۇرلىم شۇعىلالى تاراۋىن ۇزدىكسىز جازۋدى ٴۇمىت ەتەدى.
ۋاڭ ي كەزدەسۋگە قاتىناستى.
