— جەر ـ جەر، تاراۋلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، حالىقتىڭ ٴومىرىنىڭ، مال ـ مۇلكىنىڭ حاۋىپسىزدىگىن بار كۇشپەن قامتاماسىز ەتتى
شينحۋا اگەنتتىگىنىڭ تىلشىلەرى
تاياۋدا حۋادۇڭ، حۋابەي، دۇڭبەي سياقتى جەرلەردە ٴۇرتىس نوسەر جاۋىپ، تاسقىن جانە گەولوگيالىق اپات تۋىلىپ، بەيجيڭ، حىبەي، جيلين، شاندۇڭ قاتارلى جەرلەردە اۋىر ٴولىم ـ ٴجىتىم جانە مال ـ مۇلىك شىعىنى بولدى.
باس شۋجي شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەرىپ، ”دەرەكسىز كەتكەندەردى، قامالىپ قالعانداردى بار كۇشپەن ىزدەپ، قۇتقارىپ، حاۋىپكە ۇشىراعان بۇقارانى باتىل كوشىرىپ ورنالاستىرىپ، ٴولىم ـ ٴجىتىمدى مۇمكىندىكتىڭ بارىنشا ازايتۋدى“، ”تاسقىننان ساقتانۋ شارالارىن ناقتى، ەگجەي ـ تەگجەيلى تياناقتاندىرىپ، ٴالسىز بۋىندار مەن ٴتۇيىندى ورىنداردى ٴجىتى قاداعالاۋدى، مىقتاپ ساقتاۋدى“، ”قۇتقارۋ كۇشتەرى مەن اپاتتان قۇتقارۋ زاتتىق ماتەريالدارىن عىلمي ۇلەستىرىپ، توسىن شۇعىل جاعداي تۋىلعاننان كەيىن دەر كەزىندە اتتانىسقا كەلۋگە، دەر كەزىندە ٴبىر جاقتى ەتۋگە شىنايى كەپىلدىك ەتۋدى“ تالاپ ەتتى.
باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قاتىستى تاراۋلار مەن جەرگىلىكتى ورىندار كۇشتەردى ۇيىمداستىرىپ، حاۋىپتەن اراشالاۋدى، اپاتتان قۇتقارۋدى بار كۇشپەن ورىستەتىپ، ەڭ زور قۇلشىنىسپەن ٴولىم ـ ٴجىتىمدى ازايتتى.
7 ـ ايدىڭ 28 ـ كۇنى ساعات 21دە مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى بەيجيڭگە، تيانجينگە، حىبەيگە باعىتتاي وتىرىپ، دەڭگەيىن كوتەرىپ تاسقىننان ساقتانۋ بويىنشا 3 ـ دارەجەلى شۇعىل جاعدايعا توتەپ بەرۋ جۇمىلدىرۋىن ىسكە قوستى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى كەڭسەسى 3 قىزمەت گرۋپپاسىن 3 ولكە، قالانىڭ الدىڭعى شەبىنە بارىپ، تاسقىننان ساقتانۋ، اپاتتان قۇتقارۋ قىزمەتىنە كومەكتەسىپ، جەتەكشىلىك ەتۋگە جىبەردى.
چاۋبايحى، جۇيحى، لۋانحى وزەن ارناسى سۋ دەڭگەيىنىڭ ۇزدىكسىز كوتەرىلۋىنە، ٴىشىنارا وزەندەردە تاسقىن كەلىپ، سۋ ورنىنىڭ حاۋىپسىزدىك جوعارى شەگىنەن اسىپ كەتۋ احۋالىنا مەڭزەس، سۋ يگىلىگى مينيسترلىگى ٴبىر ۋاقىتتا بەيجيڭنىڭ، حىبەيدىڭ تاسقىننان ساقتانۋ بويىنشا 4 ـ دارەجەلى شۇعىل جاعدايعا توتەپ بەرۋ جۇمىلدىرۋىن 3 ـ دارەجەگە كوتەردى.
نوسەر حالىق بۇقاراسىنىڭ ٴومىرىنىڭ، مال ـ مۇلكىنىڭ حاۋىپسىزدىگىنە ۇزدىكسىز حاۋىپ توندىرۋدە.
قوسالقى ىستىق بەلدەۋ جوعارى قىسىمدى ٴوڭىرىنىڭ جيەگىندەگى جىلى ىلعالدى اۋا اعىسىنىڭ ىقپالىنا ۇشىراعاندىقتان، بەيجيڭ قالاسىنىڭ مييۇن رايونىندا ەرەكشە قاتتى نوسەر جاۋىپ، كوپتەگەن اۋىل ـ قالاشىقتار اپاتقا تاپ بولدى.
مييۇن رايونى شىچىڭ قالاشىعىنىڭ سەنترلى باستاۋىش مەكتەبىندەگى ۋاقىتشا ورنالاستىرۋ تۇيىنىندە قىستاق تۇرعىنى جاڭ شۋلان قارتايعان اناسىن ەرتىپ، اۋىر اپاتقا ۇشىراعان شي ـ ۋانزى قىستاعىنان وسىندا كوشىرىپ اكەلىندى ٴارى ٴاديال سياقتى اپاتتان قۇتقارۋ زاتتىق ماتەريالدارىن الدى. ”باس شۋجي شي جينپيڭنىڭ ماڭىزدى نۇسقاۋى ٴبىزدىڭ جۇرەگىمىزدى ەرەكشە مەيىرگە بولەدى، باس شۋجيدىڭ كوڭىلىندە قاشاندا ٴبىز بۇقارا بار ەكەنبىز. تاسقىن قايتقاننان كەيىن، ٴبىز ٴسوزسىز، ٴبىر نيەتپەن سەلبەسىپ، مەكەنىمىزدى قايتا قۇراتىن بولامىز“، ـ دەدى جاڭ شۋلان.
”باس شۋجي شي جينپيڭنىڭ ماڭىزدى نۇسقاۋى بويىنشا ٴبىز پارتيا مۇشەلەرىن، كادرلاردى جۇمىلدىرىپ، ناشار اپاتتى اۋا رايىنا تاپ بولعاندا حاۋىپكە ۇشىراعان بۇقارانى باتىل كوشىرىپ ورنالاستىرىپ، كوپشىلىكتى ۋاقىتشا ورنالاستىرۋ تۇيىنىنە بارۋعا ورنالاستىردىق، سونداي ـ اق توسەنىش، بولكا، جۇمىرتقا سياقتى تۇرمىستىق زاتتىق ماتەريالداردى دايىندادىق. الدا ٴبىز نەگىزدىك قۇرىلعىلاردى جوندەپ قالپىنا كەلتىرۋدى ورىستەتىپ، تەزىرەك جولدى اشىپ، ەلەكتر جەتكىزىپ، حابارلاسۋدى قالپىنا كەلتىرىپ، گەولوگيالىق اپات كومەسكى كىناراتتارىن ٴبىر ـ بىردەن تەكسەرۋدى كۇشەيتەمىز“، ـ دەدى شىچىڭ قالاشىعى پىڭحىيان قىستاعى پارتيا ياچەيكاسىنىڭ شۋجيى گو يجۇن.
7 ـ ايدىڭ 28 ـ كۇنى قاتتى نوسەردىڭ ىقپالىنا ۇشىراعاندىقتان، حىبەي چىڭدى قالاسى لۋانپيڭ اۋدانى مايىڭزى مانزۋ اۋىلىنىڭ نانتايزى شيگوۋ قىستاعىندا سەل ٴجۇردى.
اپات دەگەنىمىز بۇيرىق! تىرشىلىك بارلاۋ اسپابى، قازۋ ماشيناسى، كۇرەۋ ماشيناسى... نانتايزى شيگوۋ قىستاعىنا باراتىن جولدا قۇتقارۋ ـ كومەكتەسۋ قىزمەتكەرلەرى كوپتەگەن جابدىقتارمەن حاۋىپتەن اراشالاۋ، شۇعىل جوندەۋ جۇمىستارىن جۇرگىزدى. اۆتوكولىك قىستاققا كىرە الماعاندىقتان 1 ـ توپتاعى قۇتقارۋ ـ كومەكتەسۋ قىزمەتكەرلەرى ناق مايدانعا جاياۋ باردى.
”باس شۋجي شي جينپيڭ دەرەكسىز كەتكەندەردى، قامالىپ قالعانداردى بار كۇشپەن ىزدەۋدى، قۇتقارۋدى تالاپ ەتتى. اپاتقا ۇشىراعان ٴوڭىردىڭ جاڭبىرى قۇتقارۋ ـ كومەكتەسۋ قىزمەتىن ورىستەتۋگە بەلگىلى قيىندىقتار اكەلگەنىمەن، تەك ٴبىراز ٴۇمىت ساۋلەسى بولسا بولعانى، ٴبىز ىزدەۋدەن، قۇتقارۋدان استە باز كەشپەيمىز“، ـ دەدى چىڭدى قالالىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ تارماق اترەتى جالپىلىق جەتەكشىلىك ٴبولىمىنىڭ باستىعى چىن جيان.
جەرگىلىكتى ورىننىڭ اپاتتان قۇتقارۋ قىزمەتىنىڭ قاجەتى بويىنشا مەملەكەتتىك اپاتتان ساقتانۋ، اپات زيانىن ازايتۋ، اپاتتان قۇتقارۋ كوميتەتى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىك استىق جانە زاتتىق ماتەريالدار قورى مەكەمەسىمەن بىرگە بەيجيڭ، حىبەي سياقتى اپات تۋىلعان وڭىرلەرگە بۇكتەمەلى توسەك، جۇقا ٴاديال، ٴجۇن ٴاديال، شۇعىل جاعدايدا جارىقتاندىرۋ شامى سياقتى 43 مىڭ ورتالىقتىڭ اپاتتان قۇتقارۋ زاتتىق ماتەريالىن كوبەيتىپ دايىنداپ، جۇڭگو قىزىل كرەست قوعامى باس قوعامىمەن بىرگە 2000 وتباسىلىق شۇعىل جاعدايعا توتەپ بەرۋ ساندىعىن كومەككە بەرىپ، اپاتقا ۇشىراعان بۇقارانى شۇعىل كوشىرىپ ورنالاستىرۋ جانە اپاتتان قۇتقارۋ، قۇتقارۋ ـ كومەكتەسۋ قىزمەتتەرىن ويداعىداي ىستەۋگە قولداۋ كورسەتتى.
قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى 350 ميلليون يۋان ورتالىق جاراتىلىستىق اپاتتان قۇتقارۋ قارجىسىن الدىن الا شۇعىل بوساتىپ، بەيجيڭ، تيانجين، حىبەي، جيلين سياقتى 9 ولكەنىڭ اپات بويىنشا شۇعىل جاعدايعا توتەپ بەرۋ، حاۋىپتەن اراشالاۋ، اپاتتان قۇتقارۋ جانە اپاتقا ۇشىراعان بۇقارانى قۇتقارۋ ـ كومەكتەسۋ قىزمەتىن ورىستەتۋىنە ٴتۇيىندى تۇردە قولداۋ كورسەتتى؛ مەملەكەتتىك دامۋ جانە رەفورما كوميتەتى ورتالىقتىڭ مەجە ەسەبى ىشىندەگى 200 ميلليون يۋان قارجىنى شۇعىل ورنالاستىرىپ، بەيجيڭنىڭ اۋىر تاسقىن اپاتىنان كەيىنگى شۇعىل جاعدايعا توتەپ بەرىپ قالپىنا كەلتىرۋىنە قولداۋ كورسەتتى.
جولدى شۇعىل جوندەۋ، ەلەكترمەن ورنىقتى قامداۋ — تاسقىننان ساقتانۋ قىزمەتىندەگى ماڭىزدى بۋىن، سونداي ـ اق اپاتتان كەيىنگى قايتا قۇرۋداعى نەگىزدىك قىزمەت.
قاتتى نوسەردىڭ ىقپالىنا ۇشىراعاندىقتان، شاندۇڭ جينان قالاسىنىڭ لاي ـ ۋ رايونىنداعى ٴىشىنارا جولدار اۋىر دارەجەدە ٴبۇلىندى. شاندۇڭ قاتىناس ـ تاسىمال تاراۋلارى شۇعىل جاعدايعا توتەپ بەرۋ، شۇعىل اشۋ ينجەنەريا قىزمەتكەرلەرىن 1280 ادام ـ رەت جيناپ، جۇمىلدىرىپ، قازۋ ماشيناسى، جۇك تيەۋ ماشيناسى، تاسىمال اۆتوكولىگى سياقتى 376 ٴىرى تۇرپاتتى ماشينانى ىسكە قوستى. قازىر 54 كيلومەتر كەلەتىن 16 اۋىل ـ قىستاق جولى تۇگەل شۇعىل اشىلدى.
” ’تاسقىننان ساقتانۋ، حاۋىپتەن اراشالاۋ، اپاتتان قۇتقارۋ قىزمەتتەرىن تىڭعىلىقتى تۇردە ويداعىداي ىستەۋ كەرەك‘، بۇل باس شۋجي شي جينپيڭ العا قويعان ايقىن تالاپ“. جينان قالالىق قاتىناس ـ تاسىمال ىستەرىن دامىتۋ ورتالىعىنىڭ مەڭگەرۋشىسى شيا تاۋ مىنانى ٴبىلدىردى: شايقاسقا دايىن تۇرۋ كۇيىن ۇزدىكسىز ساقتاپ، تاس جولدى شارلاۋدى، قورعاۋدى كۇشەيتىپ، اپاتقا ۇشىراعان ٴوڭىردىڭ تاس جولدارىن شۇعىل اشۋ قىزمەتىن بار كۇشپەن ويداعىداي ىستەپ، بۇلىنگەن تاس جولداردى قالپىنا كەلتىرىپ، قايتا جاساۋدى تەزىرەك ورىستەتىپ، اپاتقا ۇشىراعان ٴوڭىردىڭ قالىپتى ٴوندىرىستى، تۇرمىستى ەرتەرەك قالپىنا كەلتىرۋىنە مۇمكىندىك جاسايمىز.
تاسقىننان ساقتانۋدىڭ شەشۋشى مەزگىلىندە جيلين ولكەسى يۇيشۋ قالاسىندا ٴۇرتىس قاتتى نوسەرلى اۋا رايى بولىپ، ەلەكترمەن قامداۋ قۇرىلعىلارىنىڭ ورنىقتى جۇمىس جۇرگىزۋىنە سايىس جاريالادى. مەملەكەت ەلەكتر تورى چاڭچۇن ەلەكترمەن قامداۋ سەرىكتەستىگى تۋچياۋ ەلەكترمەن قامداۋ بولىمشەسىنىڭ باستىعى لۋ تيەشان مەن قىزمەتتەستەرى جەدەل ىسكە كىرىسىپ، 66 كيلوۆولتتىق تۋچياۋ كەرنەۋ وزگەرتۋ پۋنكتىنىڭ جوعارى كەرنەۋلى اۋماعىنداعى سۋدى بوگەيتىن قۇم دوربالاردى بەكەمدەدى.
”ٴبىز باس شۋجي شي جينپيڭنىڭ ماڭىزدى نۇسقاۋىنىڭ تالابى بويىنشا ٴالسىز بۋىندار مەن ٴتۇيىندى ورىنداردى ٴجىتى قاداعالاپ، مىقتاپ ساقتاپ، تاسقىن مەزگىلىندەگى قۇتقارۋ كۇشتەرى مەن اپاتتان قۇتقارۋ زاتتىق ماتەريالدارىن عىلمي ۇلەستىرىپ، حالىق بۇقاراسىنىڭ كۇندەلىكتى وندىرىستەگى، تۇرمىستاعى ەلەكتردەن پايدالانۋ قاجەتىن بار كۇشپەن قامتاماسىز ەتەمىز“، ـ دەدى لۋ تيەشان.
قازىر ٴدال ”7 ـ ايدىڭ سوڭى مەن 8 ـ ايدىڭ باسىنداعى“ تاسقىننان ساقتانۋدىڭ شەشۋشى مەزگىلىندە تۇرمىز، وڭىرلەر جانە قاتىستى تاراۋلار تومەنگى شەك ويىن، سوڭعى شەك ويىن بەرىك ورناتىپ، ساياسي جاۋاپكەرشىلىكتى جاپپاي ناقتىلاندىرۋى كەرەك.
” باس شۋجي شي جينپيڭ ’تومەنگى شەك ويىن، سوڭعى شەك ويىن بەرىك ورناتۋدى‘ باسا دارىپتەدى، بۇل تاسقىننان ساقتانۋ، سەل اپاتىنا قارسى اتتانۋ سىندى قاتاڭ شايقاستى ويداعىداي جۇرگىزۋدىڭ، جەڭىسكە جەتۋدىڭ نەگىزگى قامتاماسىزدىعى“. سۋ يگىلىگى مينيسترلىگى سۋ، قۋاڭشىلىق اپاتىنان ساقتانۋ ـ قورعانۋ مەكەمەسىنىڭ باستىعى ياۋ ۋىنگۋاڭ مىنانى ٴبىلدىردى: تاسقىندى الدىن الا مولشەرلەپ، حاۋىپتى دالمە ـ ٴدال پارىقتاپ، باعىتتامالى ساقتانۋ، توتەپ بەرۋ شارالارىن الدىن الا قولدانىپ، وزەن الابىنداعى تاسقىننان ساقتانۋ ينجەنەرياسى جۇيەسىن جۇيەلى، عىلمي، حاۋىپسىز، دالمە ـ ٴدال ورنالاستىرامىز.
كەزكەلگەن ۋاقىتتا حاۋىپتەن اراشالاۋعا اتتانۋ دايىندىعىن ويداعىداي ىستەۋ ٴۇشىن، جۇڭگو اننىڭ قۇرىلىس توبى شەكتى سەرىكتەستىگى 3 ـ مەكەمەسى چىڭدۋ قۇتقارۋ ـ كومەكتەسۋ بازاسىنىڭ تاياۋداعى جاتتىعۋى اۋىر تيپتى جابدىقتاردى ناقتى مەڭگەرۋ، سۋ الابىندا قۇتقارۋ ـ كومەكتەسۋ سياقتى جاقتاردى تىعىز ارقاۋ ەتىپ، بيىك كەڭىستىكتە بارلاۋ جۇرگىزەتىن ۇشقىشسىز اپپارات، جۇرگىزۋشىسىز ولشەۋ ـ سىزۋ كەمەسى سياقتى جوعارى دالدىكتەگى شۇعىل جاعدايعا توتەپ بەرۋ بويىنشا قۇتقارۋ ـ كومەكتەسۋ جابدىقتارىن كەڭىنەن قولداندى.
” ’قۇتقارۋ كۇشتەرى مەن اپاتتان قۇتقارۋ زاتتىق ماتەريالدارىن عىلمي ۇلەستىرىپ، توسىن شۇعىل جاعداي تۋىلعاننان كەيىن دەر كەزىندە اتتانىسقا كەلۋگە، دەر كەزىندە ٴبىر جاقتى ەتۋگە شىنايى كەپىلدىك ەتىپ، حالىقتىڭ ٴومىرى مەن مال ـ مۇلكىنىڭ حاۋىپسىزدىگىن بار كۇشپەن قامتاماسىز ەتۋ كەرەك‘. ٴبىز باس شۋجي شي جينپيڭنىڭ تالابى بويىنشا ىسىلعان قۇتقارۋ ـ كومەكتەسۋ قابىلەتىن شىڭداپ، ساقاداي ساي تۇراتىن شايقاسقا دايىندالۋ كۇيىن قاي ـ قاشان دا ساقتايمىز“، ـ دەدى بازانىڭ شايقاسقا جاتتىقتىرۋدى قامتاماسىز ەتۋ بولىمشە اترەتىنىڭ باستىعى جاۋ شيانبو.
”7 ـ ايدىڭ سوڭى مەن 8 ـ ايدىڭ باسىنداعى“ مەزگىلدە گۋاڭشيدىڭ ٴىشىنارا وڭىرلەرى ٴدوپ كەلەتىن تاسقىن حاۋىپ ـ قاتەرى ارتا تۇسەدى. تاياۋدا گۋاڭشي اۋا رايى تاراۋلارى تاراۋلاردىڭ بىرلەسىپ كەڭەسۋىن، بىرلەسىپ ساقتاندىرۋىن، ينفورماتسيادان بىرگە يگىلىكتەنۋىن جانە سايكەسىپ بىرلەسە قيمىلداۋىن كۇشەيتىپ، ەڭ جاڭا اۋا رايى مالىمەتتەرىن دەر كەزىندە جولدادى.
”باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، ساياسي جاۋاپكەرشىلىكتى جاپپاي ناقتىلاندىرىپ، تاسقىننان ساقتانۋ شارالارىن ناقتى، ەگجەي ـ تەگجەيلى تياناقتاندىرامىز. ٴبىز اپاتتى اۋا رايىنىڭ ٴتۇيىندى وڭىرلەرگە، سالالارعا ىقپالىن ٴجىتى قاداعالاپ، قاداعالاۋ، الدىن الا مالىمەت بەرۋ، ساقتاندىرۋ قابىلەتىن ۇزدىكسىز جوعارىلاتىپ، اپاتتان ساقتانۋ، توتەپ بەرۋدىڭ اناعۇرلىم ۇزاق ۋاقىتتىق تەرەزەلىك مەزگىلىنە قول جەتكىزۋگە ۇمتىلامىز. راديو ـ تەلەۆيزيا ۇلكەن كەرنايى سياقتى ارنالاردان تولىق پايدالانىپ، ساقتاندىرۋ ينفورماتسيالارىن تەز، ٴدال تاراتۋ قابىلەتىن جوعارىلاتامىز“، ـ دەدى گۋاڭشي جۋاڭزۋ اۆتونوميالى رايوندىق اۋا رايى ستانسياسىنىڭ باس مالىمەت بەرۋشىسى نۇڭ مىڭسۇڭ.
”باس شۋجي شي جينپيڭنىڭ ماڭىزدى نۇسقاۋى باستان ـ اياق حالىقتى كوڭىل تورىنە قوياتىن قويۋ حالىقشىلدىق سۇيىسپەنشىلىكتى تولىق ايگىلەپ، ٴارقايسى جاقتىڭ كۇشىن ۇيىستىرىپ، تاسقىننان ساقتانۋ، اپاتتان قۇتقارۋ قىزمەتىن ويداعىداي ىستەۋدىڭ جۇمىلدىرۋ بۇيرىعى بولدى“. شۇعىل جاعدايعا توتەپ بەرۋدى باسقارۋ مينيسترلىگى تاسقىننان ساقتانۋ، قۋاڭشىلىققا قارسى اتتانۋ مەكەمەسىنىڭ باستىعى شۇي شيانبياۋ مىنانى ٴبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، ٴارقايسى جاقتاعى كۇشتەردى تاسقىننان ساقتانۋ، اپاتتان قۇتقارۋ قىزمەتىنە جالپى بەتتىك ات سالىسۋعا ورنالاستىرىپ، قاداعالاۋدى، ساقتاندىرۋدى جانە شارلاۋدى، قورعانۋدى كۇشەيتىپ، اپاتتان قۇتقارۋ قارجىسىن جانە حاۋىپتەن اراشالاۋ زاتتىق ماتەريالدارىن جىلدام ورنالاستىرىپ، حالىقتىڭ ٴومىرىنىڭ، مال ـ مۇلكىنىڭ حاۋىپسىزدىگىن بار كۇشپەن قامتاماسىز ەتەمىز.
(شينحۋا اگەنتتىگىنىڭ 7 ـ ايدىڭ 29 ـ كۇنى بەيجيڭنەن بەرگەن حابارى)
