”جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى“ جەلىلەس نەگىزگى تاقىرىپتىق اقپار جاريالاۋ ٴماجىلىسىنىڭ 2 ـ ٴماجىلىسى وتكىزىلدى
تۇرپان: جوعارى ساپالى دامۋدىڭ جاڭا كارتيناسىن سالدى
انار بۇلت \ شينجياڭ گازەتىنىڭ ٴتىلشىسى جاڭ رۇيلين 7 ـ ايدىڭ 29 ـ كۇنى ۇرىمجىدەن حابارلايدى. 7 ـ ايدىڭ 29 ـ كۇنى ”جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى“ جەلىلەس نەگىزگى تاقىرىپتىق اقپار جاريالاۋ ٴماجىلىسىنىڭ 2 ـ ٴماجىلىسى وتكىزىلدى. اقپار جاريالاۋ ٴماجىلىسى ”مادەنيەت تامىرىن تەرەڭگە بويلاتىپ، ىنتىماق كۇشىن ۇيىستىرىپ، تۇرپاننىڭ جوعارى ساپالى دامۋ جاڭا كارتيناسىن سالۋدى“ ارقاۋ ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، تۇرپان قالاسىنىڭ ەكونوميكاسىنىڭ، قوعامىنىڭ جوعارى ساپالى دامۋدا قول جەتكىزگەن كورنەكتى ىلگەرىلەۋشىلىكتەرى مەن ناتيجەلەرىن تانىستىردى.
نازاردى ”1535“ قىزمەت وي جەلىسىنە شوعىرلاندىرىپ، تۇرپان قالاسى بۇكىل شينجياڭ بويىنشا ەكونوميكانى جوعارى ساپالى دامىتۋدان ۇلگى كورسەتۋ رايونىن، شينجياڭدى مادەنيەتپەن نارلەندىرۋدەگى باستاماشى رايوندى جانە جۇڭحۋا ۇلتى ورتاق تۇلعا تانىمىن بەكەمدەۋدەن ۇلگى كورسەتۋ رايونىن كۇش سالا قۇردى. ەكونوميكانى دامىتۋ جاعىندا، بايلىق ارتىقشىلىعىن تياناق ەتىپ، ”بەس ۇلكەن ستراتەگيانى“ ىشكەرىلەي اتقارىپ، ەرەكشەلىككە، باسىمدىققا يە كاسىپ سالاسى شوعىرىن جەتىلدىردى. تۇراقتى مۇلىككە قوسىلعان قارجى ٴۇرتىس 3 جىل ەكى ورىندى سان بويىنشا ارتۋدى ساقتاپ، ”5 ۇلكەن ەرەكشەلىككە يە كاسىپ سالاسىن“ كورنەكتى دامىتتى، 2024 ـ جىلى ەگىن، ورمان، مال، بالىق شارۋاشىلىعىنىڭ جالپى ٴونىم قۇنى 12 ميلليارد 462 ميلليون يۋانعا جەتتى، بيىل الدىڭعى جارتى جىلدا ارتۋ جاعدايىن ۇزدىكسىز ساقتادى. جاڭا ەنەرگيا كاسىپ سالاسىنىڭ باسىمدىعى كورنەكتى بولىپ، جەل، جارىق تەحنولوگياسى ەكونوميكاسىنىڭ اشۋعا بولاتىن كولەمى 159 ميلليون كيلوۆاتقا جەتتى، مەجەمەن 9 ـ ايدىڭ سوڭىندا بۇكىل شينجياڭداعى 10 ميلليون كيلوۆات دارەجەلى 6 ـ جاڭا ەنەرگيا بازاسى قۇرىلادى.
حالىق تۇرمىسىن جاقسارتۋ — تۇرپان قالاسىنىڭ دامۋىنداعى ماڭىزدى ٴتۇيىن. تۇرپان قالاسى قازىنالىق شىعىستىڭ %70تەن استامىن، شينجياڭعا كومەكتەسۋ قارجىسىنىڭ %80تەن استامىن حالىق تۇرمىسىنا جۇمسادى، 2024 ـ جىلى بۇكىل قالاداعى تۇرعىنداردىڭ جان باسىندىق قولداعى تابىسى 30 مىڭ 773 يۋانعا جەتىپ، جۇمىستانۋ، شارۋاشىلىق قۇرۋ تولىق قامتاماسىز ەتىلىپ، ەمدەۋ دەڭگەيىنىڭ ساپاسى جوعارىلاپ، دارەجەسى ٴوسىپ، وقۋ ـ اعارتۋ ىستەرىندە سۇبەلى تابىستارعا قول جەتىپ، قالا مەن اۋىلدىڭ ساپاسى ۇزدىكسىز جوعارىلادى. شينجياڭدى مادەنيەتپەن نارلەندىرۋ جاعىندا، تۇرپان تاريحي ”مادەنيەت كەنىشىن“ تەرەڭ قازىپ، مادەني ەسكەرتكىشتەردى قورعاۋ نىسانىن اتقارىپ، ٴتورت دارەجەلى الەۋمەتتىك مادەنيەتكە قىزمەت وتەۋ جۇيەسىن قۇردى. ٴبىر قىدىرۋ شارالار ارقىلى مادەني ەسكەرتكىشتەردى ”جانداندىرىپ“، ٴار ۇلت بۇقاراسىنىڭ مادەنيەتتى شىنايى مويىنداۋىن كۇشەيتىپ، ىنتىماقتاسا ەكپىندەي ىلگەرىلەۋدىڭ رۋحاني كۇشىن ۇيىستىردى.
تۇرپان قالاسىنىڭ جۇڭحۋا ۇلتى ورتاق تۇلعا تانىمىن بەكەمدەۋ جاعىنداعى ناتيجەسى كورنەكتى بولىپ، مەملەكەتتىك ۇلتتار ىنتىماعى، العاباسارلىعىنداعى ۇلگى كورسەتۋ قالاسى، مەملەكەتتىك قوس قولداۋداعى وزات قالا اتاعىن ٴۇرتىس 2 رەت ەنشىلەدى. ٴار ۇلت جاستارى مەن ورەندەرىنىڭ اۋىس ـ كۇيىسى، ۇلتتاردىڭ كىرىكپەلى دامۋى، ساياحات ارقىلى ۇلتتاردىڭ ارالاسۋىن، ىشتەسۋىن، توعىسۋىن جەبەۋ سىندى ”ٴۇش جوسپاردى“ اتقارۋ ارقىلى جۇڭحۋا ۇلتى ورتاق تۇلعا تانىمىن ۇزدىكسىز بەكەمدەدى.
”ٴۇش سۋدى ٴبىر تۇتاس تەڭگەرۋ“، ”ەكى سۋدى ٴبىر تۇتاس باسقارۋ“ سىندى سۋ باسقارۋ ۇلگىسىن تەرەڭدەتىپ، سۋ بايلىعىنان ۇنەمدى، شوعىرلى پايدالانۋ ورەسىن جوعارىلاتتى.
مادەنيەت ـ ساياحات كاسىپ سالاسىن دامىتۋ جاعىندا، كورىنىس وڭىرلەرىنىڭ ساپاسىن جوعارىلاتىپ، دارەجەسىن ٴوسىرۋ، بازاردى كەڭەيتۋ، قىزمەت وتەۋ ساپاسىن جوعارىلاتۋ سياقتى شارالار ارقىلى ”جىبەك جولىنداعى مەرۋەرت، ايگىلى ٴجۇزىم قالاسى“ التىن ماڭدايشالىعىن ۇزدىكسىز جارقىراتتى.
تۇرپان قالالىق پارتكومنىڭ ورىنباسار شۋجيى، ۋاقىتشا قالا باستىعى ٴشىرالي ٴۋالي مىنانى ٴبىلدىردى: تۇرپان قالاسى شي جينپيڭ جاڭا ٴداۋىر جۇڭگوشا سوتسياليزم يدەياسىن ۇزدىكسىز جەتەكشى ەتىپ، باس شۋجيدىڭ تاپسىرماسىن وسىزاماندانعان تۇرپان قۇرۋدىڭ ٴىس جۇزىندىك ارەكەتىنە اينالدىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا ۇلەس قوسادى.
