جۇڭگو كوممۋنيستىك پارتياسى ورتالىق كوميتەتى ساياسي بيۋروسى ٴماجىلىس اشتى
20 ـ كەزەكتى ورتالىق كوميتەت ٴتورتىنشى جالپى ٴماجىلىسىن اشۋدى ۇيعاردى
كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى جانە ونى اقىلداستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 7 ـ ايدىڭ 30 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 7 ـ ايدىڭ 30 ـ كۇنى ٴماجىلىس اشىپ، جۇڭگو كوممۋنيستىك پارتياسى 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىن بيىل 10 ـ ايدا بەيجيڭدە اشۋدى ۇيعاردى، باستى كەڭەستىك تارتىپتەرى: جۇڭگو كوممۋنيستىك پارتياسى ورتالىق كوميتەتى ساياسي بيۋروسى ورتالىق كوميتەتكە قىزمەتتەن بايانداما جاسايدى، حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ جونىندەگى ۇسىنىستى اقىلداسادى. ٴماجىلىس كەزەكتەگى ەكونوميكالىق جاعدايعا تالداۋ جاسادى جانە ونى اقىلداستى، سوڭعى جارتى جىلدىق ەكونوميكالىق قىزمەتتى ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس مىنالاردى اتاپ كورسەتتى: ”15 ـ بەسجىلدىق“ مەزگىلى — سوتسياليستىك وسىزامانداندىرۋدى نەگىزىنەن جۇزەگە اسىرۋعا نەگىز قالايتىن، جاپپاي كۇش سالاتىن شەشۋشى مەزگىل، ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ٴدوپ كەلىپ وتىر، ستراتەگيالىق وراي مەن حاۋىپ ـ قاتەر، سىن ـ سايىستار قاتار ورىن تەپتى، ايقىنسىز، مەجەلەۋ قيىن فاكتورلار كوبەيدى، سونىمەن بىرگە ەلىمىزدىڭ ەكونوميكالىق نەگىزى ورنىقتى، باسىمدىعى كوپ، سەرپىمدىلىگى كۇشتى، كومەسكى قۋاتى زور بولىپ، ۇزاق ۋاقىت جاقسارۋ تىرەكتىك شارت ـ جاعدايى مەن نەگىزگى بەتالىسى وزگەرمەدى، جۇڭگوشا سوتسياليستىك ٴتۇزىم ابزالدىلىعى، ەرەكشە ۇلكەن كولەمدى بازار ابزالدىلىعى، كەمەلدى كاسىپ سالاسى جۇيەسى ابزالدىلىعى، مول دارىندىلار بايلىعى ابزالدىلىعى اناعۇرلىم ايگىلەندى، ستراتەگيالىق تاباندىلىقتى ساقتاپ، ٴسوز جوق، جەڭىسكە جەتۋ سەنىمىن كۇشەيتىپ، بەلسەنە وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، كۇشتى شوعىرلاندىرىپ ٴوز ٴىسىمىزدى جاقسى ىستەپ، قيان ـ كەسكى حالىقارالىق باسەكەدە ستراتەگيالىق ىرىقتىلىققا قول جەتكىزىپ، جۇڭگو ۇلگىسىندەگى وسىزامانداندىرۋ جالپى جاعدايىنا ساياتىن ستراتەگيالىق مىندەتتەردە كەلەلى سەرپىلىستەرگە قول جەتكىزۋدى ىلگەرىلەتۋ كەرەك.
ٴماجىلىس مىنالاردى باسا دارىپتەدى: ”15 ـ بەسجىلدىق“ مەزگىلدەگى ەكونوميكالىق، قوعامدىق دامۋدا ماركسيزم ـ لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدى، ەكىنشى 100 جىلدىق كۇرەس نىساناسىن جۇزەگە اسىرۋدى ارقاۋ ەتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋى سىندى وزەكتى مىندەتتى جاپپاي ىلگەرىلەتىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ارناسىن جەدەل قالىپتاستىرىپ، ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ، دامۋ مەن حاۋىپسىزدىكتى ٴبىر تۇتاس جوسپارلاپ، ەكونوميكانىڭ ساپا جاعىندا ٴونىمدى جوعارىلاۋىن جانە سان جاعىندا ۇيلەسىمدى ارتۋىن جۇزەگە اسىرۋدى ىلگەرىلەتىپ، ادامنىڭ جان ـ جاقتى دامۋىندا، جالپى حالىقتىڭ بىرگە بايۋىندا نىق قادام تاستاۋدى ىلگەرىلەتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى سيپاتتى ىلگەرىلەۋشىلىككە قول جەتكىزۋگە شىنايى كەپىلدىك ەتۋ كەرەك.
ٴماجىلىس بىلاي دەپ قارادى: بيىل جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، وڭىرلەر، تاراۋلار بەلسەنە ىسكەرلىك كورسەتىپ، قامال الىپ قيىندىقتى جەڭىپ، اناعۇرلىم بەلسەندى، ۇتىمدى ماكرولىق ساياساتتى مىقتى يگەرىپ اتقاردى، ەلىمىزدىڭ ەكونوميكالىق اينالىمى ورنىقتىلىق بارىسىندا ىلگەرىلەپ، جوعارى ساپالى دامۋدا تىڭ ناتيجەلەرگە قول جەتكىزىلدى. نەگىزگى ەكونوميكالىق كورسەتكىشتەردىڭ بەينەسى تاماشا بولىپ، جاڭاشا وندىرگىش كۇشتەر بەلسەنە دامىپ، رەفورما جاساپ، ەسىك اشۋ ۇزدىكسىز تەرەڭدەپ، ٴتۇيىندى سالالارداعى حاۋىپ ـ قاتەرلەردەن پارمەندى، ٴونىمدى ساقتانىپ جانە ونى جويىپ، حالىق تۇرمىسىن ەڭ تومەنگى شەكتەن تۇسىرمەي قامتاماسىز ەتۋدى اناعۇرلىم كۇشەيتتى، ەلىمىز ەكونوميكاسى كۇشتى ومىرشەڭ كۇشى مەن سەرپىمدىلىگىن ايگىلەدى.
ٴماجىلىس مىنالاردى اتاپ كورسەتتى: كەزەكتە ەلىمىزدىڭ ەكونوميكالىق اينالىمى ٴالى دە كوپتەگەن سىن ـ سايىستار مەن حاۋىپ ـ قاتەرگە ٴدوپ كەلىپ وتىر، جاعدايدى دۇرىس يگەرىپ، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، دامۋ ورايىنان، كومەسكى كۇشتەن جانە باسىمدىقتان ويداعىداي پايدالانىپ، ەكونوميكانىڭ قايتا ورلەۋ، جاقسارۋ بەتالىسىن بەكەمدەۋ، كەڭەيتۋ كەرەك.
ٴماجىلىس مىنالاردى باسا دارىپتەدى: سوڭعى جارتى جىلداعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ساياساتتىڭ ۇلاسپالىلىعىن، ورنىقتىلىعىن ساقتاپ، يكەمدىلىگىن، بولجامدىلىعىن كۇشەيتىپ، جۇمىستانۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، ەل ٴىشى، حالىقارا سىندى قوس اينالىمدى پارمەندى جەبەپ، تۇتاس جىلدىق ەكونوميكالىق، قوعامدىق دامۋ نىسانا ـ مىندەتتەرىن قۇلشىنا ورىنداپ، ”14 ـ بەسجىلدىقتىڭ“ تابىسپەن اياقتالۋىن جۇزەگە اسىرۋ كەرەك.
ٴماجىلىس مىنالاردى اتاپ كورسەتتى: ماكرولىق ساياسات ۇزدىكسىز كۇش سالۋى، ۇيلەسىمدى ۋاقىتتا كۇش ۇستەۋى كەرەك. اناعۇرلىم بەلسەندى قازىنا ساياساتىن جانە ۇيلەسىمدى كەڭ اقشا ساياساتىن تياناقتاندىرىپ، ەگجەي ـ تەگجەيلىلەندىرىپ، ساياسات اسەرىن تولىق جارىققا شىعارۋ كەرەك. ۇكىمەت زايومىن تاراتۋدى، پايدالانۋدى جەدەلدەتىپ، قارجىنى پايدالانۋ ونىمدىلىگىن جوعارىلاتۋ كەرەك. نەگىزگى ساتىنىڭ ”ٴۇشتى قامتاماسىزداندىرۋ“ تومەنگى شەگىن مىقتى ساقتاۋ كەرەك. اقشا ساياساتىندا جىلجىمالىلىقتىڭ جەتكىلىكتى بولۋىن ساقتاپ، قوعامدىق جالپىلىق قارجى قۇراۋدىڭ وزىندىك قۇنىن تومەندەتۋدى جەبەۋ كەرەك. ٴتۇرلى قۇرىلىمدىق اقشا ساياساتى قۇرال ـ جابدىعىنان ويداعىداي پايدالانىپ، عىلىم ـ تەحنولوگيادا جاڭالىق اشۋ، تۇتىنۋدى جانداندىرۋ، ۇساق، شاعىن كاسىپورىندار، سىرتقى ساۋدانى ورنىقتىرۋ سياقتىلارعا كۇش سالا قولداۋ كورسەتۋ كەرەك. ەكونوميكالىق ٴىرى ولكەلەردىڭ اۋىر جۇك ارقالاۋ رولىن ساۋلەلەندىرۋىنە قولداۋ كورسەتۋ كەرەك. ماكرولىق ساياسات بەتالىسىنىڭ بىردەيلىگىن كۇشەيتۋ كەرەك.
ٴماجىلىس مىنالاردى باسا دارىپتەدى: ىشكى سۇرانىس كومەسكى كۇشىن ٴونىمدى جارىققا شىعارۋ كەرەك. تۇتىنۋدى جانداندىرۋ ارناۋلى ارەكەتىن ىشكەرىلەي اتقارىپ، تاۋار تۇتىنۋىن ۇلعايتۋمەن بىرگە، قىزمەت وتەۋ تۇتىنۋىنىڭ جاڭا ارتۋ ٴتۇيىنىن جەتىلدىرۋ كەرەك. حالىق تۇرمىسىن قامتاماسىز ەتۋ، جاقسارتۋ بارىسىندا تۇتىنۋ سۇرانىسىن ۇلعايتۋ كەرەك. ”ەكى كەلەلى قۇرىلىستى“ جوعارى ساپامەن ىلگەرىلەتىپ، حالىقتىق قارجى قوسۋدىڭ ومىرشەڭ كۇشىن قاۋلاتىپ، ٴونىمدى قارجى قوسۋدى كەڭەيتۋ كەرەك.
ٴماجىلىس مىنالاردى اتاپ كورسەتتى: رەفورمانى بۇلجىماي تەرەڭدەتۋ كەرەك. عىلىم ـ تەحنولوگيادا جاڭالىق اشۋ ارقىلى جاڭاشا وندىرگىش كۇشتەردىڭ دامۋىنا جەتەكشىلىك ەتۋگە تاباندى بولىپ، حالىقارالىق باسەكەلىك قۋاتقا يە جاڭادان گۇلدەنگەن تىرەكتىك كاسىپ سالاسىن جەدەل جەتىلدىرىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسا دامۋىن ىلگەرىلەتۋ كەرەك. مەملەكەتتىك ٴبىر تۇتاس ۇلكەن بازار قۇرىلىسىن جان ـ جاقتى ىلگەرىلەتىپ، بازار باسەكەسى ٴتارتىبىنىڭ ۇزدىكسىز ساپالىلانۋىن ىلگەرىلەتۋ كەرەك. كاسىپورىنداردىڭ ٴتارتىپسىز باسەكەسىن زاڭ، بەلگىلەمە بويىنشا باسقارۋ كەرەك. ٴتۇيىندى كاسىپ سالالارىنىڭ ٴوندىرىس قۋاتىن باسقارۋدى ىلگەرىلەتۋ كەرەك. جەرگىلىكتى ورىننىڭ ساۋداگەر شاقىرىپ قارجى ەنگىزۋ ارەكەتىن جۇيەگە ٴتۇسىرۋ كەرەك. ”ەكىدەن تيتتەي دە اۋىتقىماۋعا“ تاباندى بولىپ، ٴتۇرلى شارۋاشىلىق نەگىزگى تۇلعالارىنىڭ ومىرشەڭ كۇشىن قاۋلاتۋ كەرەك.
ٴماجىلىس مىنالاردى باسا دارىپتەدى: جوعارى دەڭگەيدە سىرتقا ەسىك اشۋدى كەڭەيتىپ، سىرتقى ساۋدانىڭ، شەتەل قارجىسىنىڭ نەگىزگى جاعدايىن ورنىقتىرۋ كەرەك. سوققىعا ۇشىراۋى ٴبىرشاما زور سىرتقى ساۋدا كاسىپورىندارىنا كومەكتەسىپ، قارجى قۇراۋ قولداۋىن كۇشەيتىپ، ىشكى ساۋدا مەن سىرتقى ساۋدانىڭ ٴبىر تۇلعالانا دامۋىن جەبەۋ كەرەك. ەكسپورتتان باجى قايتارۋ ساياساتىن ساپالىلاندىرىپ، ەركىن ساۋدا سىناق رايونى سىندى اشىق تۇعىرلاردى جوعارى دەڭگەيدە قۇرۋ كەرەك.
ٴماجىلىس مىنالاردى اتاپ كورسەتتى: ٴتۇيىندى سالالارداعى حاۋىپ ـ قاتەرلەردەن ۇزدىكسىز ساقتانۋ جانە ونى جويۋ كەرەك. ورتالىقتىڭ قالا قىزمەتى ٴماجىلىسىنىڭ رۋحىن ويداعىداي تياناقتاندىرىپ، قالانى جاڭالاۋدى جوعارى ساپامەن ورىستەتۋ كەرەك. جەرگىلىكتى ۇكىمەتتەردىڭ قارىز حاۋىپ ـ قاتەرىن بەلسەندى، ۇيلەسىمدى جويىپ، كومەسكى قارىزدىڭ تىڭنان ارتۋىن قاتاڭ تيىپ، جەرگىلىكتى ورىنداعى قارجى قۇراۋ تۇعىرلارىن اداقتاۋدى پارمەندى، ٴتارتىپتى، ٴونىمدى ىلگەرىلەتۋ كەرەك. ەل ٴىشى كاپيتال بازارىنىڭ باۋرامدىلىعى مەن سيىسىمدىلىعىن كۇشەيتىپ، كاپيتال بازارىنىڭ قايتا ورنىعىپ جاقسارۋ جاعدايىن بەكەمدەۋ كەرەك.
ٴماجىلىس مىنالاردى باسا دارىپتەدى: حالىق تۇرمىسىن قامتاماسىز ەتۋ قىزمەتىن تىڭعىلىقتى، ويداعىداي ىستەۋ كەرەك. جۇمىستاندىرۋدى الدىڭعى ورىنعا قويۋ ساياسات باعدارىن كورنەكتىلەندىرىپ، جوعارى مەكتەپتەن وقۋ بىتىرگەن وقۋشىلار، قوسىننان بوساعان اسكەريلەر، شارۋا جۇمىسكەرلەر سياقتى ٴتۇيىندى قاۋىمدى جۇمىستاندىرۋدى جەبەۋ كەرەك. حالىققا تيىمدىلىك جەتكىزۋ ساياساتتارىن ويداعىداي تياناقتاندىرىپ، ساتىعا، تۇرگە بولىنگەن قوعامدىق قۇتقارۋ ـ كومەكتەسۋ جۇيەسىن اقاۋسىزداندىرۋ كەرەك. اۋىل شارۋاشىلىعى، اۋىل ـ قىستاق، شارۋالار قىزمەتى نەگىزىن بەكەمدەپ، استىق پەن ماڭىزدى اۋىل شارۋاشىلىق ونىمدەرى باعاسىنىڭ ۇيلەسىمدى دەڭگەيدى ساقتاۋىن ىلگەرىلەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، كولەمدى قايتا كەدەيلەسۋ، كەدەيلەسۋ تۋىلماۋىنا شىنايى كەپىلدىك ەتۋ كەرەك. باستان ـ اياق حالىق بۇقاراسىنىڭ ٴومىرىنىڭ حاۋىپسىزدىگىن ٴبىرىنشى ورىنعا قويىپ، ٴوندىرىس حاۋىپسىزدىگى مەن استىق حاۋىپسىزدىگىن باقىلاۋ ـ باسقارۋدى كۇشەيتىپ، تاسقىننان ساقتانۋدى، شۇعىل جاعدايعا توتەپ بەرۋدى، قاتەردەن اراشالاۋدى، اپاتتان قۇتقارۋدى بار كۇشپەن ويداعىداي ىستەپ، جازدا ەلەكترمەن قامداۋدىڭ قاۋىرت مەزگىلىندە ەنەرگيامەن، ەلەكترمەن قامداۋدى قامتاماسىز ەتۋ كەرەك. ”15 ـ بەسجىلدىق“ جوبانى جاساۋ قىزمەتىن ويداعىداي ىستەۋ كەرەك.
ٴماجىلىس مىنالاردى اتاپ كورسەتتى: ٴار جاقتىڭ بەلسەندىلىگىن تولىق جۇمىلدىرۋ كەرەك. باسشى كادرلار دۇرىس ناتيجە كوزقاراسىن ورناتىپ جانە امالياتتا ايگىلەپ، جاڭا دامۋ ۇستانىمى بويىنشا ەكونوميكالىق قىزمەتتى ويداعىداي ىستەۋى كەرەك. كاسىپورىنشىلار باتىلدىقپەن ٴداۋىردىڭ الدىڭعى لەگىندە تۇرىپ، ساپالى ٴونىم جانە قىزمەت وتەۋ ارقىلى بازار باسەكەسىندە ىرىقتىلىققا قول جەتكىزۋى كەرەك. وڭىرلەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى جەتىستىگىنەن ويداعىداي پايدالانىپ، جوعارى ساپالى دامۋعا كۇشتى قوزعالىس قۋاتىن ازىرلەۋى كەرەك.
ٴماجىلىس باسقا دا ىستەردى اقىلداستى.
