اۆتونوميالى رايوندىق ٴوندىرىس حاۋىپسىزدىگى كوميتەتى جانە اپاتتان ساقتانۋ، اپات شىعىنىن ازايتۋ، اپاتتان قۇتقارۋ كوميتەتى جالپى ٴماجىلىس اشتى
حاۋىپسىزدىك بويىنشا ساقتانۋ قىزىل سىزىعىن، تومەنگى شەگىن ساقتاۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 7 ـ ايدىڭ 30 ـ كۇنى ۇرىمجىدەن حابارلايدى. 7 ـ ايدىڭ 30 ـ كۇنى تۇستەن كەيىن اۆتونوميالى رايوندىق ٴوندىرىس حاۋىپسىزدىگى كوميتەتى جانە اپاتتان ساقتانۋ، اپات شىعىنىن ازايتۋ، اپاتتان قۇتقارۋ كوميتەتى جالپى ٴماجىلىس اشىپ، باس شۋجي شي جينپيڭنىڭ تاسقىننان ساقتانۋ، اپاتتان قۇتقارۋ قىزمەتى جونىندە بەرگەن ماڭىزدى نۇسقاۋىنىڭ رۋحىن جانە زۇڭلي لي چياڭنىڭ بەكىتۋىنىڭ تالابىن جەتكىزىپ، ۇيرەنىپ، دايەكتىلەندىرىپ، اۆتونوميالى رايوندىق پارتكوم مەن ۇكىمەتتىڭ تالابى بويىنشا بۇكىل رايوننىڭ الدىڭعى جارتى جىلداعى ٴوندىرىس حاۋىپسىزدىگى، اپاتتان ساقتانۋ، اپات شىعىنىن ازايتۋ، اپاتتان قۇتقارۋ قىزمەتىن مۇقيات قورىتىندىلاپ، كەلەسى ساتىداعى حاۋىپ ـ قاتەردەن ساقتانۋداعى ٴتۇيىندى قىزمەتتەردى ورنالاستىردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: قازىر جازعى دەمالىس مەزگىلى، تاسقىن مەزگىلى، ساياحاتتىڭ قاۋىرت مەزگىلى، قۇرىلىس جۇرگىزۋدىڭ التىن مەزگىلى، حاۋىپسىزدىك قاتەرى كۇشەيدى. جەر ـ جەر، تاراۋلار ساياسي دەڭگەيدى شىنايى جوعارىلاتىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەپ، جاراتىلىستىق اپاتتاردىڭ زيانىن ازايتىپ، حاۋىپسىزدىك بويىنشا ساقتانۋ قىزىل سىزىعىن، تومەنگى شەگىن ساقتاۋى كەرەك.
ٴماجىلىس مىنالاردى اتاپ كورسەتتى: ”7 ـ ايدىڭ سوڭى مەن 8 ـ ايدىڭ باسىنداعى“ تاسقىننان ساقتانۋدىڭ شەشۋشى مەزگىلىن ٴجىتى قاداعالاپ، تاسقىن اپاتىنان ساقتاندىرۋدى، ساقتانۋدى كورنەكتى تۇردە ويداعىداي يگەرىپ، قالانىڭ تاسقىننان ساقتانۋ، تاسقىن سۋىن ىعىستىرۋ قابىلەتىن جوعارىلاتۋ كەرەك. قۋاڭشىلىق جاعدايىن باقىلاۋدى كۇشەيتىپ، قۋاڭشىلىق، سۋ اپاتىنىڭ شۇعىل كوشۋىنەن قاتاڭ ساقتانىپ، جاۋىن ـ شاشىننان تۋىلعان لاي ـ شاعىل كوشكىنى، تاۋ كوشكىنى سياقتى جاراتىلىستىق اپاتتاردان بەلسەنە ساقتانۋ جانە وعان توتەپ بەرۋ كەرەك. كەن حاۋىپسىزدىگىندەگى ”سەگىز تارماقتى قاتاڭ شارانى“ جاپپاي تياناقتاندىرىپ، كومەسكى اپات تۋدىراتىن فاكتورلاردى جاپپاي تەكسەرۋدى كۇشەيتىپ، كەندەردى زەردەلىلەندىرۋ قۇرىلىسىن ۇزدىكسىز ىلگەرىلەتۋ كەرەك. بۇكىل رايوننىڭ جول قاتىناس حاۋىپسىزدىگىن جان ـ جاقتى جونگە سالۋ ارەكەتىن ىشكەرىلەي ورىستەتىپ، ”جولاۋشىلار اۆتوبۋزى، ساياحات اۆتوبۋزى، قاتەرلى، حيميالىق زاتتاردى تاسيتىن اۆتوموبيل، جۇك اۆتوموبيلى، مينبۋس“، ساياحات جالدامالى اۆتوكولىگى سياقتى ٴتۇيىندى اۆتوكولىكتەردىڭ زاڭعا قايشى ارەكەتتەرىن قاتاڭ تەكسەرۋ كەرەك. ساياحات كورىنىس وڭىرلەرىنىڭ جۇمىس باسىندا باسقارۋىن كۇشەيتىپ، ساياحات قۇرىلعىلارىنىڭ كومەسكى قاتەرىن ٴبىر ـ بىردەن تەكسەرۋ، ازىق ـ تۇلىك حاۋىپسىزدىگىن باقىلاۋ ـ باسقارۋ، ساياحات بازارى ٴتارتىبىن جونگە سالۋ سياقتى قىزمەت سەرپىنىن ارتتىرۋ كەرەك. ٴزاۋلىم عيماراتتار، ٴىرى كەشەندەر، ”توعىز شاعىن ورىن“ سياقتىلارداعى ٴورت اپاتىنىڭ حاۋىپ ـ قاتەرىنەن قاتاڭ ساقتانىپ، قاتەرلى حيميالىق بۇيىمداردىڭ اۋىر حاۋىپ قاينارى حاۋىپ ـ قاتەرىنەن ساقتانۋ جانە ونى تىزگىندەۋ مەحانيزمىن كەمەلدەندىرۋ كەرەك. جانار گاز، قۇرىلىس جۇرگىزۋ، تەمىر جول، حالىقتىق اۆياتسيا سياقتى ٴتۇيىندى كاسىپ سالالارىنداعى حاۋىپ ـ قاتەردى، كومەسكى قاتەردى ٴبىر ـ بىردەن تەكسەرۋ سەرپىنىن ارتتىرىپ، جەر سىلكىنىسىنەن، ورمان، جايلىم ورتىنەن قاتاڭ ساقتانىپ، وقۋشىلاردىڭ حاۋىپسىزدىك تاربيەسىنە ايرىقشا ٴمان بەرىپ، جازعى دەمالىستا سۋعا تۇنشىعۋدان، شىرعالاڭنان ساقتانۋ قىزمەتىن جاپپاي ىلگەرىلەتۋ كەرەك.
ٴماجىلىس مىنالاردى باسا دارىپتەدى: شۇعىل جاعدايعا توتەپ بەرۋ بايلىعىن، جابدىق قۇرىلعىلارىن، قىزمەتكەرلەر كۇشىن نەگىزگى ساتىعا بەيىمدەۋدى جەبەپ، كاسىپتىك قۇتقارۋ ـ كومەكتەسۋ قابىلەتى قۇرىلىسىن كۇشەيتىپ، كوپ سالا، جالپى فاكتور بويىنشا جاتتىعۋدى عىلمي ورىستەتۋ كەرەك. جىلدىق ٴتۇيىندى مىندەتتەرگە قاداعالاي نازار اۋدارىپ، حاۋىپ ـ قاتەرگە تۇجىرىم جاساۋ، تالداۋ جاساۋ قالىپتى كۇي مەحانيزمىن اقاۋسىزداندىرىپ، تياناقتاندىرىپ، ٴوندىرىس حاۋىپسىزدىگىن تۇبىرىنەن وڭاۋدان قامال الۋدىڭ 3 جىلدىق ارەكەتىندە ماندىك ىلگەرىلەۋشىلىككە قول جەتكىزۋدى ىلگەرىلەتۋ كەرەك.
ٴماجىلىس مىنالاردى اتاپ كورسەتتى: جەر ـ جەردەگى پارتكومدار، ۇكىمەتتەر ”پارتكوم مەن ۇكىمەت بىردەي جاۋاپكەرشىلىك ارقالاۋدى، ٴبىر قىزمەت ورنىندا قوس جاۋاپكەرشىلىك ارقالاۋدى، بىردەي يگەرىپ، بىرگە باسقارۋدى، مىندەتىن وتەمەگەندەردىڭ جاۋاپكەرشىلىگىن قۋزاستىرۋدى“ قاتاڭ تياناقتاندىرىپ، جاۋاپكەرشىلىكتى ساتى ـ ساتى بويىنشا جەتكىزۋگە، ناقتاپ تياناقتاندىرۋعا شىنايى كەپىلدىك ەتۋى كەرەك. سالالار، تاراۋلار باقىلاۋ ـ باسقارۋدى، زاڭ اتقارۋدى زاڭ بويىنشا كۇشەيتىپ، ٴوندىرىس، شارۋاشىلىق جۇرگىزۋ ورىندارى تۇلعالىق جاۋاپكەرشىلىكتى زاڭ بويىنشا تياناقتاندىرىپ، بۇكىل رايوننىڭ حاۋىپسىزدىك جاعدايىنىڭ ۇزدىكسىز ورنىقتى بولۋىنا شىنايى كەپىلدىك ەتۋى كەرەك.
ٴماجىلىس بۇكىل رايوننىڭ ٴوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتى جاعدايىن حابارلاندىردى. قاتىستى تاراۋلارداعى، ورىندارداعى جانە ايماق، وبلىس، قالالارداعى جاۋاپتى جولداستار ٴسوز سويلەدى.
ٴماجىلىستى ٴيۇسۇپجان مامەت باسقاردى. ۋاڭ گاڭ، قايسار ابدۇكەرىم، جۋ ليفان، پان شي، نيە جۋاڭ ماجىلىسكە قاتىناستى.
