انار بۇلت \ شينجياڭ گازەتىنىڭ ٴتىلشىسى شى شين
ەكونوميكالىق دامۋدىڭ ”بارومەترىندە“ تۇراقتى مۇلىككە قارجى قوسۋدىڭ بەتالىسى قاشاندا وڭىرلىك دامۋدىڭ ارىنى مەن كومەسكى كۇشىن ايگىلەيدى.
تاياۋدا شينجياڭ ەكونوميكاسىنىڭ ”جارتى جىلدىق مالىمەتى“ جاريالاندى. الدىڭعى جارتى جىلدا بۇكىل شينجياڭدا تۇراقتى مۇلىككە قوسىلعان قارجى سايكەس مەزگىلدەگىدەن %13 ارتىپ، ارتۋ قارقىنى بىلتىرعى سول تۇستاعىدان 5.3 پايىز جوعارىلاپ، بۇكىل ەلدىكىنەن 10.2 پايىز جوعارى بولىپ، ارتۋ قارقىنى بۇكىل ەل بويىنشا الدىڭعى قاتارعا ٴوتتى.
تۇراقتى مۇلىككە قارجى قوسۋدىڭ ”جارتى جىلدىق مالىمەتىنە“ زەر سالا قاراساق، وسى ساندى مالىمەتتەر شينجياڭ ونەركاسىبىنە قارجى قوسۋدىڭ ”ورنىقتىرعىشتىق“ رولىنىڭ كورنەكتىلەنۋى، حالىقتىق كاپيتالدىڭ ومىرشەڭ كۇشىنىڭ قاۋلاۋى، كەلەلى نىسانداردىڭ كۇش ـ قۋات توپتاۋى سىندى جوعارى ساپالى دامۋ لوگيكاسىن ايگىلەدى. ساندى مالىمەتتەن قاراعاندا، شينجياڭنىڭ قارجى قوسۋ قۇرىلىمى مەن ساپاسى ماڭىزدى رەتتەۋلەردى باستان كەشىرىپ، ەكونوميكالىق دامۋدىڭ تىرەگىن بەكەمدەۋدە.
قارجى قوسۋ قۇرىلىمى اناعۇرلىم ساپالىلاندى
قارجى قوسۋدىڭ %13تىك ارتۋ قارقىنىنىڭ استارىنا ۇڭىلسەك، قارجى قوسۋ قۇرىلىمىنىڭ ”ناقتى قۇنى“ ٴتىپتى دە نازار اۋدارۋعا تاتيدى. بيىل جىل باسىنان بەرى، شينجياڭ ٴونىمدى قارجى قوسۋدى جەبەۋ ارەكەتىن اتقارىپ، ونەركاسىپ، جاڭا قوزعالىس قۋاتى، حالىق تۇرمىسى سياقتى سالالاردا سايكەسە كۇش سالىپ، جوعارى ساپالى دامۋدىڭ ايقىن جولىن نوبايلادى.
جازدىڭ شىلىڭگىر ىستىعىندا شينجياڭ جۇندۇڭ ەكونوميكالىق ـ تەحنولوگيالىق اشۋ رايونىندا شاندۇڭ ەنەرگيا يانكۋاڭ شينجياڭ ەنەرگيا ـ حيميا جۇندۇڭ كومىر حيمياسىن ٴبىر تۇلعالاندىرۋ نىسانىنىڭ جۇمىس باسىندا قازۋ ماشينالارى گۇرىلدەي توپىراق قازىپ، قۇرىلىس الاڭى ەڭبەك دۋمانىنا بولەندى.
بۇل نىسان جۇندۇڭ اشۋ رايونىنىڭ ”1 ـ ٴنومىرلى ينجەنەرياسى“ عانا ەمەس، ونان دا ماڭىزدىسى، سانجى حۇيزۋ اۆتونوميالى وبلىسىنداعى ٴتۇيىندى نىسانداردىڭ ٴبىرى، جالپى 33 ميلليارد 800 ميلليون يۋان قارجى قوسىلعان. وسى نىساننىڭ اتقارىلۋى ارقىلى جۇندۇڭ كومىرىن پولي پروپيلەن، پوليەتيلەن سياقتى ۇستەمە قۇنى جوعارى ماتەريالدارعا جوعارى ونىمدىلىكپەن اينالدىرىپ، تومەنگى بۋىنداعى كوپ سارىپ بولاتىن مەديتسينالىق ماتەريالدار، قورشاعان ورتانى قورعاۋ قۇرىلىس ماتەريالدارى سياقتى كوپتەگەن كاسىپ سالالارىنىڭ دامۋىن ىلگەرىلەتىپ، جىلدىق ٴونىم قۇنىن مەجەمەن 10 ميلليارد يۋاننان اسىرۋعا بولادى.
بيىل جىل باسىنان بەرى، شينجياڭنىڭ جەر ـ جەرى ۋاقىتتى ۇتىپ، كەلەلى ونەركاسىپ نىساندارى قۇرىلىسىن جەدەلدەتتى. ساناق ساندى مالىمەتىندە كورسەتىلۋىنشە، الدىڭعى جارتى جىلدا شينجياڭنىڭ ونەركاسىپكە قوسقان قارجىسى سايكەس مەزگىلدەگىدەن %17.8 ارتىپ، ارتۋ قارقىنى تۇراقتى مۇلىككە قوسىلعان قارجىدان 4.8 پايىز جوعارى بولىپ، قوسىلعان قارجى سوماسى تۇراقتى مۇلىككە قوسىلعان قارجىنىڭ %54.7ىن ۇستاعان.
اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى حاۋ جۇنچيڭ بىلاي دەپ تانىستىردى: الدىڭعى جارتى جىلدا شينجياڭنىڭ ينفورماتسيا جەتكىزۋ جۇمساق بولشەگى مەن ينفورماتسيا تەحنولوگياسى بويىنشا قىزمەت وتەۋ كاسىبىنە قوسىلعان قارجى سايكەس مەزگىلدەگىدەن %115 ارتتى، عىلمي زەرتتەۋ مەن تەحنولوگيالىق قىزمەت وتەۋ كاسىبىنە قوسىلعان قارجى سايكەس مەزگىلدەگىدەن %65.7 ارتتى. وسى سالالاردىڭ جوعارى قارقىنمەن دامۋى شينجياڭ ەكونوميكاسىنىڭ تيبىن جاڭالاپ دارەجەسىن جوعارىلاتۋعا سارقىلماس عىلىم ـ تەحنولوگيالىق قوزعاۋشى كۇش قوستى.
قارجى قوسۋدىڭ قۇنى ”قازىرگىگە پايدا جەتكىزۋدىڭ“ ناقتى ونىمدىلىگىندە عانا ەمەس، اسىرەسە، ”ۇزاق بولاشاققا پايدا جەتكىزۋدىڭ“ جىلۋلىعىندا. الدىڭعى جارتى جىلدا شينجياڭنىڭ وقۋ ـ اعارتۋعا قوسقان قارجىسى سايكەس مەزگىلدەگىدەن %28.8 ارتتى، دەنساۋلىق ساقتاۋ جانە قوعامدىق قىزمەتكە قوسىلعان قارجى سايكەس مەزگىلدەگىدەن %30.9 ارتتى. وقۋ ـ اعارتۋ بايلىعىن ساپالىلاندىرۋدان، ەمدەۋ شارت ـ جاعدايىن جاقسارتۋدان ەكولوگيالىق ورتانى جاقسارتۋعا دەيىن ”جۇرت جۇرەگىن جىلىتۋ“ نىسانى دامۋ جەتىستىكتەرىن اناعۇرلىم سەزىنۋگە بولاتىن، قولجەتىمدى ەتتى.
حالىقتىق قارجى قوسۋدىڭ ومىرشەڭ كۇشى اناعۇرلىم نىعايدى
”ٴبىز شينجياڭنىڭ ەنەرگيا بايلىعى مەن وڭىرلىك ورىن باسىمدىعىنا قىزىعىپ، وسى اراعا كەلىپ قارجى قوستىق“، ـ دەدى ٴىرى حالىقتىق كاسىپورىن چييا توبى شەكتى سەرىكتەستىگىنىڭ باسالقاسى تۇڭ ۋىنچي. قازىر وسى سەرىكتەستىكتىڭ شينجياڭدا قوسقان قارجىسى كرەمني نەگىزدى، اليۋمين نەگىزدى، كومىر حيميا ونەركاسىبى، جاڭا ەنەرگيا جانە كەن كاسىبى سىندى 5 ۇلكەن بولىككە سايادى، سوماسى 60 ميلليارد يۋانعا جەتەدى، الداعى 10 جىلدا شينجياڭدا قارجى قوسۋ سەرپىنىن ۇزدىكسىز ارتتىرادى.
حالىقتىق كاپيتال شينجياڭداعى تۇراقتى مۇلىككە قوسىلعان قارجىنىڭ ماڭىزدى ارتۋ ۇيەگىنە اينالۋدا.
2024 ـ جىلى شينجياڭ حالىقتىق كاپيتالعا 120 نىساندى تانىستىرىپ، جالپى 75 ميلليارد 327 ميلليون يۋان قارجى قوسىلدى. شينجياڭ حالىقتىق كاپيتالعا نىسانداردى اناعۇرلىم زور سەرپىنمەن تانىستىرىپ، حالىقتىق كاسىپورىنداردىڭ تەمىر جول، ەنەرگيا، سۋ يگىلىگى، قالانى جاڭالاۋ سياقتى كەلەلى نەگىزدىك قۇرىلعى نىساندارى قۇرىلىسىنا ات سالىسۋىنا قولداۋ كورسەتەدى. سونىمەن بىرگە ۇكىمەت پەن قوعامدىق كاپيتال سەلبەستىگىنىڭ جاڭا مەحانيزمىن ارناعا ٴتۇسىرىپ جانە اتقارىپ، حالىقتىق كاسىپورىنداردى ات سالىسۋعا بارىنشا شابىتتاندىرىپ، حالىقتىق قارجى قوسۋ كەڭىستىگىن كەڭەيتىپ، نەگىزدىك قۇرىلعىلار مەن الەۋمەتتىك ىستەر نىسانى قۇرىلىسىنىڭ اينالىم دەڭگەيىن جوعارىلاتادى. بۇدان سىرت، شينجياڭ نەگىزدىك قۇرىلعى سالاسىنداعى جىلجىمايتىن مۇلىككە قارجى قوسۋ سەنىمدى قورى (REITs) نىسانىن جەتىلدىرۋ جانە زاپاس ساقتاۋ قىزمەتىن ۇزدىكسىز ىلگەرىلەتەدى.
حالىقتىق كاسىپورىندارعا ”قاقپانى ايقارا اشتى“، بيىل الدىڭعى جارتى جىلدا بۇكىل شينجياڭداعى حالىقتىق قارجىنىڭ تۇراقتى مۇلىككە قوسىلعان قارجىدا ۇستاعان سالىستىرماسى %39.2كە جەتىپ، قوسىلعان قارجى سايكەس مەزگىلدەگىدەن %23.2 ارتىپ، تۇراقتى مۇلىككە قوسىلعان قارجىنىڭ 8.3 پايىز ارتۋىن جەبەدى.
”حالىقتىق قارجى قوسۋدىڭ ومىرشەڭ كۇشى كورنەكتى ارتىپ، قۇرىلىمى ساپالىلانىپ، قوزعالىس قۋاتى كۇشەيگەن دامۋ جاعدايى ۇزدىكسىز جاقساردى“. حاۋ جۇنچيڭ بىلاي دەپ تانىستىردى: 19 ٴتۇيىندى كاسىپتىڭ ىشىندە 12 كاسىپكە قوسىلعان حالىقتىق قارجى ارتىپ، ارتۋ كولەمى %63.2 بولدى. مۇنىڭ ىشىندە ينفورماتسيا جەتكىزۋ جۇمساق بولشەگى مەن ينفورماتسيا تەحنولوگياسى بويىنشا قىزمەت وتەۋ كاسىبىنە، قاتىناس ـ تاسىمال، قامبادا ساقتاۋ جانە پوچتا كاسىبىنە، ەلەكتر، جىلۋ، جانار گاز، سونداي ـ اق سۋ ٴوندىرىسى جانە قامداۋ كاسىبىنە، كەن اشۋ كاسىبىنە حالىقتىق قارجى قوسۋدىڭ ارتۋ قارقىنى كورنەكتى بولىپ، جەكە ـ جەكە 6 ەسە، 1.1 ەسە، %86.1، %40.2 ارتتى.
كەلەلى نىسانداردىڭ ارتۋ تەبىنى نىعايدى
5 ـ ايدىڭ 16 ـ كۇنى شاڭحاي سيفرلى، زەردەلى الەم ونەركاسىپ عىلىم ـ تەحنولوگيا توبى شەكتى سەرىكتەستىگى ٴۇرىمجى ”ماياك زاۆودى“ نىسانى ٴۇرىمجى ەكونوميكالىق ـ تەحنولوگيالىق اشۋ رايونىندا (توۋتۇنحى رايونى) ىرگە قالاۋ جۇمىسىن باستادى، بۇل نىسان شينجياڭنىڭ توقىماشىلىق كاسىپ سالاسىنداعى تۇڭعىش ”ماياك زاۆودى“ نىسانى.
وسى توپتىڭ باسالقاسى ليۋ يميڭ بىلاي دەپ تانىستىردى: مەجەمەن سوڭعى جارتى جىلدا 1 ـ مەرزىمدىك ينجەنەريانى ورىندايمىز ٴارى جابدىقتى الاڭعا ەنگىزىپ ورناتىپ بولامىز، كەلەر جىلى 5 ـ ايدا وندىرىسكە قوسىلادى. نىسان سيفرلى، زەردەلى الەمنىڭ سيفرلاندىرا، زەردەلىلەندىرە دامىتۋ جەتىستىكتەرىن شوعىرلاندىرىپ، كاسىپ سالاسى ٴىشى ـ سىرتىنداعى بايلىقتاردى جانە وزىق تەحنولوگيالاردى ٴبىر تۇتاس جوسپارلاپ، شينجياڭنىڭ ماقتا توقىماشىلىق كاسىپ سالاسىنىڭ شوعىرلانۋ، سونداي ـ اق جاڭاشا وندىرگىش كۇشتى دامىتۋ ناتيجەلەرىن ايگىلەپ، شينجياڭنىڭ ماقتا توقىماشىلىق كاسىپ سالاسىنىڭ الەمدىك بيىگىن تۇلعالاۋىنا دەم بەرەدى.
جىل باسىنداعى تۇتاس شينجياڭنىڭ ٴبىرىنشى ماۋسىمداعى كەلەلى نىساندارىنىڭ شوعىرلى قۇرىلىس باستاۋىنان ”نىسان باسقارۋشى“ ٴتۇزىمىن جانە ”تۇيىننەن تۇيىنگە دەيىنگى“ ٴجىتى قاداعالاي قىزمەت وتەۋدى اتقارۋعا دەيىن جەدەل ارتقان كەلەلى نىساندار شينجياڭنىڭ دامۋىنا تاسقىنداعان ومىرشەڭدىك ۇستەدى.
ساندى مالىمەتتە كورسەتىلۋىنشە، الدىڭعى جارتى جىلدا بۇكىل شينجياڭدا جاڭادان قۇرىلىس باستاپ، قارجى قوسىلعان نىسان 4036 بولىپ، سايكەس مەزگىلدەگىدەن %4.4 ارتقان؛ قوسىلعان قارجى سوماسى سايكەس مەزگىلدەگىدەن %14.4 ارتىپ، تۇراقتى مۇلىككە قوسىلعان قارجىنىڭ 4.1 پايىز ارتۋىن جەبەگەن. ٴبىر ميلليارد يۋان جانە ودان دا كوپ قارجى قوسىلادى دەپ جوسپارلانعان سالىنىپ جاتقان نىسان 723 بولىپ، سايكەس مەزگىلدەگىدەن %37.7 ارتقان؛ قوسىلعان قارجى سوماسى سايكەس مەزگىلدەگىدەن %17.7 ارتىپ، تۇراقتى مۇلىككە قوسىلعان قارجىنىڭ 8.1 پايىز ارتۋىن جەبەگەن.
كەلەلى نىسانداردىڭ تىعىز جۇمىس باستاۋى جانە سالىنۋى شينجياڭنىڭ تۇراقتى مۇلىككە قارجى قوسۋىنا قۋاتتى تەبىن ازىرلەدى.
جىل ورتاسىنداعى تۇيىننەن قايىرىلا قاراعاندا، قارجى قوسۋدىڭ %13تىك ارتۋ قارقىنى — شينجياڭنىڭ ەكونوميكالىق اينالىمىنىڭ جالپى جاقتان ورنىقتى بولۋىنىڭ، ورنىقتىلىق بارىسىندا جاقسارۋىنىڭ شەشۋشى تىرەگى. سوڭعى جارتى جىلدا ٴتىپتى دە كوپ نىسانداردىڭ تياناقتانىپ ونىمدىلىك كورسەتۋىنە، ٴتىپتى دە مول قارجىنىڭ دالمە ـ ٴدال قوسىلۋىنا ىلەسە، قارجى قوسۋدىڭ ەكونوميكانى جەبەۋ رولى ۇزدىكسىز جارىققا شىعادى.
