اۆتونوميالى رايوندىق حالىق قۇرىلتايـى تۇراقتى كوميتەتى اۆتونوميالى رايوندىق حالىق قۇرىلتايـى ۋاكىلدەرىنە 2025 ـ جىلدىڭ الدىڭعى جارتىسىنداعى اۆتونوميالى رايوننىڭ ەكونوميكالىق، قوعامدىق دامۋ جاعدايىن حابارلاۋ ٴماجىلىسىن اشتى
زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، كەلەلى جاعدايعا قىزمەت وتەۋ جاعىندا اناعۇرلىم زور رول ساۋلەلەندىرۋ كەرەك
انار بۇلت \ شينجياڭ گازەتىنىڭ ٴتىلشىسى ليۋ شياڭ 7 ـ ايدىڭ 30 ـ كۇنى ۇرىمجىدەن حابارلايدى. 7 ـ ايدىڭ 30 ـ كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق حالىق قۇرىلتايى ۋاكىلدەرىن 2025 ـ جىلدىڭ الدىڭعى جارتىسىنداعى اۆتونوميالى رايوننىڭ ەكونوميكالىق، قوعامدىق دامۋ جاعدايىنان حابارلاندىرۋ ٴماجىلىسىن اشىپ، زاڭ بويىنشا اۆتونوميالى رايوندىق حالىق قۇرىلتايى ۋاكىلدەرىنە قاتىستى جاعدايدى حابارلادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى ٴارى ٴسوز سويلەدى.
ماجىلىستە اۆتونوميالى رايوننىڭ ورىنباسار ٴتوراعاسى مۇقيات جارمۇقامەت الدىڭعى جارتى جىلداعى اۆتونوميالى رايوننىڭ ەكونوميكالىق، قوعامدىق دامۋ جاعدايىن حابارلادى.
ٴماجىلىس مىنالاردى اتاپ كورسەتتى: حالىق قۇرىلتايى ۋاكىلدەرىن الدىڭعى جارتى جىلداعى اۆتونوميالى رايوننىڭ ەكونوميكالىق، قوعامدىق دامۋ جاعدايىنان حابارلاندىرۋ — ۋاكىلدەرگە قاتىستى زاڭ بەلگىلەمەلەرىن تياناقتاندىرۋدىڭ پارمەندى شاراسى ٴارى اۆتونوميالى رايوندىق حالىق ۇكىمەتىنىڭ ۋاكىلدەردىڭ زاڭ بويىنشا مىندەت وتەۋىنە قولداۋ كورسەتۋىنىڭ، ۋاكىلدەردىڭ باقىلاۋىن سانالىلىقپەن قابىلداۋىنىڭ، ۋاكىلدەردىڭ جاعدايدى ٴبىلۋ ۇقىعىنا كەپىلدىك ەتۋىنىڭ ناقتى بەينەسى، ۋاكىلدەردىڭ اۆتونوميالى رايوننىڭ ەكونوميكالىق، قوعامدىق دامۋ جاعدايىن دەر كەزىندە ٴبىلىپ جانە ونى جاپپاي يگەرىپ، مىندەت وتەۋدىڭ باعىتتامالىلىعى مەن ناقتى ونىمدىلىگىن كۇشەيتىپ، زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، كورىكتى شينجياڭ قۇرۋىندا ايرىقشا ماڭىزدى ىلگەرىلەتۋ رولى بار.
ٴماجىلىس مىنالاردى اتاپ كورسەتتى: بيىل جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل شينجياڭداعى ٴار ۇلت كادرلارى مەن بۇقاراسىن ىنتىماقتاستىرىپ جانە باستاپ، رەفورما، دامۋ، ورنىقتىلىق قىزمەتتەرىن تىڭعىلىقتى ىلگەرىلەتىپ، تۇتاس رايوننىڭ ەكونوميكالىق اينالىمى ورنىقتىلىق بارىسىندا جاقسى دامۋ جاعدايىن ۇزدىكسىز ساقتاپ، كۇشتى سەرپىمدىلىگى مەن ومىرشەڭ كۇشىن ايگىلەپ، تۇتاس جىلدىق ەكونوميكالىق، قوعامدىق دامۋ نىسانا ـ مىندەتتەرىن ورىنداۋعا بەرىك نەگىز قالادى.
ٴماجىلىس مىنالاردى باسا دارىپتەدى: كەزەكتەگى جانە مۇنان كەيىنگى ٴبىر مەزگىلدەگى ەكونوميكالىق، قوعامدىق دامۋ قىزمەتىن بار كۇشپەن ويداعىداي ىستەۋدىڭ ماڭىزى زور. شي جينپيڭ ەكونوميكا يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەكەمدەۋدى ٴتۇرلى قىزمەتتەردىڭ نەگىزگى جەلىسى ەتۋگە تاباندى بولىپ، مەملەكەت جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، ”15 ـ بەسجىلدىق“ جوبانى جاساۋ قىزمەتىن جوعارى ساپامەن ويداعىداي ىستەپ، حالىق تۇرمىسىنا تىعىز جاناسا وتىرىپ، جوعارى ساپالى دامۋدى ىلگەرىلەتۋ كەرەك. اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ، حالىق قۇرىلتايىنىڭ زاڭ ەرەجە شىعارۋ قىزمەتىندەگى جەتەكشىلىك رولىن تولىق ساۋلەلەندىرىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدىڭ حالىق رايى نەگىزىن بەكەمدەۋ كەرەك. حالىق ٴۇشىن مىندەت وتەۋگە، جاۋاپكەرشىلىك ارقالاپ ىسكەرلىك كورسەتۋگە تاباندى بولىپ، حالىق قۇرىلتايى ۋاكىلدەرىنىڭ كوپىرلىك، دانەكەرلىك جانە ۇلگىلىك، باستاماشىلدىق رولىن بەلسەنە ساۋلەلەندىرىپ، ەكونوميكانى دامىتۋ جاعىندا كوپ پاراساتىن ساۋلەلەندىرىپ، سىندارلى كەڭەس بەرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە بەلسەندى ۇلەس قوسۋ كەرەك.
