انار بۇلت \ شينجياڭ گازەتىنىڭ ٴتىلشىسى ٴجازيرا نەسىپبەك
شىلىڭگىر جاز 7 ـ ايدا ماقتا اتىزىنا اياق باسساڭىز، كوز جەتكىسىز اتىزدا الۋان ٴتۇستى گۇلدەردىڭ جاسىل جاپىراق اراسىندا ىرعالىپ تۇرعانىن كورەسىز. ياركەن اۋدانى ازاتباق قالاشىعى ياپما قىستاعىنداعى ەگىمشىلىك وتباسى ليۋ شيننيڭ بيىلعى جيىن ـ تەرىن مەزگىلىنەن زور ٴۇمىت كۇتتى: ”ٴونىمدى تەكسەرۋگە نەگىزدەلگەندە، بيىل ٴونىم مولشەرى %20 جوعارىلايدى ەكەن! بۇل ٴۇشىن شاڭحايدىڭ شينجياڭعا كومەكتەسەتىن كاسىپورىندارىنىڭ كومەگىنە العىس ايتامىن“.
”بۇرىن تۇقىم تاڭداعاندا اۋىل شارۋاشىلىق ماتەريالدارىن ساتۋشىلاردىڭ تانىستىرۋىنا سۇيەنىپ كەلدىك، ٴبىر ٴتۇرلى سورتتى عانا ەگۋگە باتىلدىق ەتە المايتىنبىز، كەيبىر ەگىمشىلىك وتباسىلارى ارنايى ارزان تۇقىم تاڭداپ ەگەتىن، بۇرىن وتباسىمىزداعى 900 مۋ جەرگە 4 ٴتۇرلى سورتتاعى تۇقىم ەگەتىنبىز“، ـ دەدى ليۋ شيننيڭ.
ارالاس تۇقىم ماقتانىڭ ٴونىم مولشەرىنە جانە ساپاسىنا تۇگەلدەي اسەر ەتەتىندىكتەن قاشقار ماقتاسى تالشىعى ساپاسىنىڭ جاقسى بولماۋىنا سەبەپ بولدى. وسى جاعدايعا مەڭزەس، 2024 ـ جىلى شاڭحاي قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى ”قاشقار ساپالى ماقتاسى“ ماركا ستراتەگياسىن اتقارىپ، ماركا جانە ولشەم قۇرىلىسىن تۇتقا، سوڭعى بۋىنداعى بازار سۇرانىسىن جەتەكشى ەتىپ، قاشقار ماقتا توقىماشىلىعى كاسىپ سالاسىن ىشكەرىلەي گۇلدەندىردى.
ليۋ شيننيڭ ”قاشقار ساپالى ماقتاسى“ ماركا ستراتەگياسىنان 1 ـ توپتا يگىلىكتەنۋشى سانالادى. 2024 ـ جىلى ”قاشقار ساپالى ماقتاسى“ ماركا ستراتەگياسى بويىنشا ولشەمدەنگەن، زەردەلىلەنگەن تۇقىم جەتىلدىرۋدى مىندەتىنە العان شينجياڭ چۋانيۋە اۋىل شارۋاشىلىعى عىلىم ـ تەحنولوگيا شەكتى سەرىكتەستىگى ياركەن اۋدانى باعاۋات اۋىلى باعجيدە قىستاعىندا 1000 مۋ جەرگە ماقتا ەگۋدەن ۇلگى كورسەتىپ، سوڭىندا 30دان استام سورتتى تۇقىمنان يۋانميان 8 ـ ٴنومىرلىنى قامتىعان تاڭداۋلى 4 سورتتى تۇقىمدى تاڭدادى. يۋانميان 8 ـ ٴنومىرلى شينجياڭ اۋىل شارۋاشىلىعى عىلىم اكادەمياسى ەكونوميكالىق داقىلداردى زەرتتەۋ ورنىنىڭ عىلمي زەرتتەۋ ۇجىمى 10 جىلدان استام ۋاقىت تاڭداپ جەتىلدىرگەن ماقتا سورتى، ەرتە پىساتىن، جوعارى ٴتۇسىمدى، تۇراقتى ٴونىمدى، دەرت ـ دەربەزگە قارسىلىق قۋاتى كۇشتى، تالشىعى ساپالى، ۇيلەسكىشتىگى كۇشتى سياقتى ەرەكشەلىكتەرى بار.
سول جىلى جيىن ـ تەرىن مەزگىلىندە ليۋ شيننيڭ جانە ماڭايىنداعى اۋىل ـ قالاشىقتارداعى ەگىمشىلىك ۇلكەن وتباسىلارى ۇلگى كورسەتۋ اتىزىن ەكسكۋرسيالادى. ”ماقتا قاۋاشاعى ۇلكەن، قاراساڭ قىزىعاسىڭ“، ـ دەدى ليۋ شيننيڭ.
ياركەن اۋدانى ماقتا ەگىلگەن جەر اۋدانى اناعۇرلىم ۇلكەن، اناعۇرلىم شوعىرلى تۇتاسقان ازاتباق قالاشىعىندا ”قاشقار ساپالى ماقتاسىن“ جالپىلاستىرۋدى ۇيعاردى، ازاتباق قالاشىق پارتكومىنىڭ شۋجيى جاڭ تۇڭجىن دا وسى ورايدان پايدالانىپ تۇتاس قالاشىقتى ماقتا كاسىپ سالاسىن دامىتۋعا جەتەكتەۋگە دايىندالدى.
بيىل كوكتەمدە ليۋ شيننيڭ اتىزعا يۋانميان 8 ـ ٴنومىرلىنى ەكتى: ”باستابىندا الاڭداپ ەدىم، الايدا تەحنيكتەر ۇنەمى اتىز باسىنا كەلىپ جەتەكشىلىك ەتىپ، كوڭىلىمىزدى ورنىقتىردى“.
تۇقىم سەبۋدەن تىڭايتقىش بەرۋگە، ونان وسىمدىكتى قورعاۋعا دەيىن، شينجياڭ چۋانيۋە اۋىل شارۋاشىلىعى عىلىم ـ تەحنولوگيا شەكتى سەرىكتەستىگى اپتا سايىن تەحنيكتەردى اتىزعا بارىپ شارۋا وتباسىلارىنا جەتەكشىلىك ەتۋگە جىبەردى. ماقتا اتىزىنىڭ كوكتەۋ سالىستىرماسىن جانە حيميالىق تىڭايتقىش بەرۋ مولشەرىن زەردەلىلەنگەن ولشەۋ، ەسەپتەۋ، دەرت ـ دەربەز، زياندى جاندىكتەردەن عىلمي ساقتانۋ، ۇشقىش اپپاراتپەن ماقتا اتىزىن شارلاۋ... بىرنەشە اي ۋاقىتتا ەگىمشىلىك وتباسىلارى تۇقىمدى عىلمي تاڭداۋدىڭ، ەگۋدىڭ وزىندىك قۇندى ازايتىپ، ونىمدىلىكتى ارتتىرۋ جاعىنداعى كورنەكتى ونىمدىلىگىن كوردى.
كاسىپ سالاسى ارقىلى شينجياڭعا كومەكتەسۋ — شينجياڭعا كومەكتەسۋ قىزمەتىندەگى ماڭىزدى تۇتقا رەتىندە شينجياڭعا كۇشتى قوزعاۋشى كۇش ۇستەدى. شاڭحاي شينجياڭعا كومەكتەسۋدە نازاردى كاسىپ سالاسى تىزبەگى ۇلگىسىندەگى دامۋعا شوعىرلاندىرىپ، كاسىپ سالاسى ارقىلى شينجياڭعا كومەكتەسۋ ”باس قىزمەت وتەۋشى ٴمانساپتى“ ٴتۇزىمىن تۇڭعىش رەت ورناتتى ٴارى شاڭحايدىڭ شينجياڭعا كومەكتەسۋ شاڭحاي ـ قاشقار كاسىپ سالاسى ىستەستىك بىرلەستىگىن قۇرىپ، ”ۇيىرمە قۇراۋ ۇلگىسىندە“ كاسىپ سالاسى بويىنشا شينجياڭعا كومەكتەسۋ ارقىلى جەرگىلىكتى ورىننىڭ كاسىپ سالاسىن دامىتۋىن جانداندىردى.
2024 ـ جىلى 10 ـ ايدا شاڭحاي قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى شاڭحاي قالاسىندا ”قاشقار ساپالى ماقتاسى“ اقپار جاريالاۋ ٴماجىلىسىن جانە ٴونىم جاريالاۋ سالتاناتىن وتكىزىپ، ماقتانى وڭدەۋ، ساتۋ بۋىنىنا كۇش سالۋعا باسا ٴمان بەردى. 2025 ـ جىلعى كوكتەم، جاز شاڭحاي زاماناۋي كيىم ـ كەشەك اپتالىعىندا ”قاشقار ساپالى ماقتاسى“ جوعارى دارەجەلى زاماناۋي كيىم ـ كەشەك ماركاسى ”JUDYHUA“ مەن قول ۇستاسىپ بوي كورسەتتى، ”قاشقار ساپالى ماقتاسى“ جۇرتتىڭ نازارىنا رەسمي ٴىلىندى. بيىل 4 ـ ايدا شاڭحاي سانچياڭ (توبى) شەكتى سەرىكتەستىگى قاشقار ايماعىمەن ماقتا تۇتاس كاسىپ سالاسى تىزبەگى سەلبەستىك كەلىسىمىنە قول قويىستى، ”قاشقار ساپالى ماقتاسىד سانچياڭ ٴىش كيىم جەلىلەس ونىمدەرى تۇتىنۋشىلارمەن جۇزدەستى.
بيىل 6 ـ ايدا قاشقار ايماعى ”قاشقار ساپالى ماقتاسىن“ تانىستىرۋ ٴماجىلىسىن وتكىزىپ، ماقتا اتىزى قۇلتەمىرى، جوعارى ساپالى كيىم ـ كەشەك ٴوندىرىسى، ماقتا سابانىنىڭ جوعارى ۇستەمە قۇنىن اشۋ سياقتى نىساندارعا قول قويۋدى جەبەدى، نيەتتىك قارجى قوسۋ سوماسى 600 ميلليون يۋانعا جەتتى.
شينجياڭ دۇڭچۇنشيڭ توقىماشىلىق شەكتى سەرىكتەستىگىنىڭ قاشقاردا دامىعاندىعىنا 10 جىلدان استام ۋاقىت بولىپ، بۇرىن ماقتا ساتىپ العاندا ەرەكشە زور دەڭگەيدە سىرت جەرلەردەن ساتىپ الۋعا سۇيەنەتىن. تانىستىرۋ ماجىلىسىندە اتالعان سەرىكتەستىك بۇكىل ەلدەن كەلگەن ماقتا توقىماشىلىعى كاسىپورىندارىمەن ٴتۇيىلىسىپ، كەڭەس وتكىزىپ، مامانداردىڭ قاشقار ماقتاسى جونىندە جاساعان تالداۋىن تىڭداعاننان كەيىن، قاشقاردا جوعارى ساپالى ماقتا وندىرۋگە تولىق سەنىم ارتتى.
”قاشقار ساپالى ماقتاسى“ ماركا ستراتەگياسى قاشقار ايماعىنىڭ ماقتا كاسىپ سالاسىنىڭ دامۋىن جەبەپ، جەرگىلىكتى ورىنداعى شارۋالاردىڭ كىرىسىن ارتتىردى، سونداي ـ اق شاڭحاي ـ قاشقار ەكى جەردىڭ ەكونوميكا ـ ساۋدا بارىس ـ كەلىسىن كۇشەيتىپ، ەكى جەر كاسىپورىندارىنا اناعۇرلىم كوپ سەلبەستىك ورايىن ازىرلەدى.
قاشقار ماقتا توقىماشىلىعى كاسىپ سالاسىنان جاقسى حابار تولاستامادى: قاشقار ايماعى بولاشاق اۋىل شارۋاشىلىعى زەردەلى زەرتتەۋ ورنى قاشقار ەكونوميكالىق اشۋ رايونىندا ماڭدايشالىق اشىپ، ماقتا كاسىپ سالاسى تىزبەگىندەگى ”بوگەتتى“ تەحنولوگيالاردان ٴتۇيىندى تۇردە قامال الادى؛ 8 ـ ايدا قاشقار ايماعى ”قاشقار ساپالى ماقتاسى“ كاسىپ سالاسىن ٴتۇيىلىستىرۋ ٴماجىلىسىن وتكىزىپ، اناعۇرلىم كوپ ماقتا توقىماشىلىعى كاسىپورىندارىن قاشقاردا باس قوسۋعا باۋرايدى.
”قاشقار ماقتا توقىماشىلىعى كاسىپ سالاسىنىڭ ولشەمدى جەتەكشىلىك ەتۋ، عىلىم ـ تەحنولوگيا ارقىلى قۋات ۇستەۋ، ماركا قۇنىن ارتتىرۋ سياقتى جاقتارداعى جوعارى ساپالى دامۋىن ۇزدىكسىز جەبەپ،’ قاشقار ساپالى ماقتاسى‘ ماركا ستراتەگياسى ارقىلى شاڭحاي ـ قاشقار ەكى جەردىڭ ماقتا توقىماشىلىعى كاسىپ سالاسى تىزبەگىنىڭ ىشكەرىلەي سەلبەسۋىن جۇزەگە اسىرامىز“، ـ دەدى قاشقار ايماقتىق پارتكومنىڭ ورىنباسار شۋجيى، شاڭحاي قالاسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى مىڭ چيڭيۋان.
”كوز الدا ماقتانىڭ ٴوسۋى جاقسى بولعانىمەن، ۇستەمە تىڭايتقىش بەرۋدىڭ شەشۋشى مەزگىلى بولعاندىقتان سالعىرتسۋىمىزعا استە بولمايدى“. ليۋ شيننيڭ بىلاي دەدى: ”بىلتىر اۆتونوميالى رايون ماقتا ساپاسى قوسىمشا قاراجات ساياساتىن شىعاردى، ساياساتتىڭ قولداۋىندا، بيىل ٴبىز جوعارى ولشەم بويىنشا ەكتىك، ٴسوز جوق، مول ٴونىم الۋدى، كىرىستى ارتتىرۋدى جۇزەگە اسىرامىز“.
