شينجياڭ ساياحاتىنىڭ ”قۇبىلىستىق دارەجەدە“ ارتۋىنىڭ استارى
انار بۇلت \ شينجياڭ گازەتىنىڭ ٴتىلشىسى رىن جياڭ
8 ـ اي بولعاندا تيانشان الابىنىڭ تۇس ـ تۇسىنان ساياحات ورلەۋى كوتەرىلدى: قاشقار بايىرعى قالا كورىنىس ٴوڭىرىنىڭ بايىرعى ۇزىن كوشەلەرىندە ۇستالار كىشكەنتاي بالعالارىن ۇرعانداعى شىڭىلداعان ۇندەر ٴالسىن ـ ٴالى قۇلاققا جەتەدى؛ مايتاۋ - كۇشار، التاي - قوم تاس جولىندا اۆتوكولىكتەر اعىنى جوڭكىلىپ، ٴوزى اۆتوكولىك ايداپ ساياحاتتاۋشىلار اترەتى قارلى تاۋ قويناۋىنا، قاراعاي اراسىنا، جايلاۋلارعا جول تارتىپ بارادى؛ سايرام كولىنىڭ، باعراش كولىنىڭ جاعالاۋىندا ساياحاتشىلار ٴيىن تىرەسىپ، شاتتىق كۇلكىلەر شىلىڭگىر شىلدەدەگى شينجياڭنىڭ ەڭ رومانتيكالى داستانى بولىپ توعىسۋدا.
بيىل الدىڭعى جارتى جىلدا شينجياڭ ساياحاتىندا تاعى ٴبىر رەت ”قۇبىلىستىق دارەجەدە“ ارتۋ جارىققا شىقتى: بۇكىل رايون جيىنى 130 ميلليون ساياحاتشى (رەت) قابىلداپ، سايكەس مەزگىلدەگىدەن %11.15 ارتتى؛ ساياحاتشىلاردىڭ جۇمساعان اقشاسى 142 ميلليارد 560 ميلليون يۋانعا جەتىپ، سايكەس مەزگىلدەگىدەن %11.59 ارتتى. شينجياڭ وزگەشە جاراتىلىستىق قاسيەتىنە، قۇنارلى مادەنيەت، تاريح مايەگىنە سۇيەنىپ، مادەنيەت پەن ساياحاتتى توعىستىرىپ، تۇتاس ٴوڭىردى بىرگە ارەكەتتەندىرىپ، ”اعىن مولشەرىن“ ”ايالداۋ مولشەرىنە“ اينالدىرىپ، جوعارى ساپالى دامۋ جولىن ىزدەنىسپەن اشتى.
مادەنيەت پەن ساياحاتتى توعىستىرۋ شينجياڭدى ساياحاتتاۋ اعىن مولشەرىن جانداندىردى
7 ـ ايدىڭ اياق شەنىندە كەزەكتى ٴبي مەرەكەلەرى سالتاناتى تيانشان الابىن شارپىدى — 7 ـ كەزەكتى جۇڭگو شينجياڭ حالىقارالىق ۇلتتار ٴبي فەستيۆالى ٴبىر توپ ەل ٴىشى ـ سىرتىنىڭ جوعارى دەڭگەيدەگى كوركەمونەر ٴلاززاتىن الا كەلدى. وسى كەزەكتى ٴبي فەستيۆالىنىڭ كونسەرتتىك قيمىلى ٴۇرىمجى قالاسىن نەگىزگى قيمىل الاڭى، ىلە قازاق اۆتونوميالى وبلىسىن، حوتان ايماعىن، اقسۋ ايماعىن، قارامايلى قالاسىن، قۇمىل قالاسىن، ارال قالاسىن بولىمشە قيمىل الاڭى ەتتى. جوعارى دەڭگەيدەگى كونسەرت كورەرمەندى ٴتانتى ەتىپ قالماي، ونان دا ماڭىزدىسى، بيىل جازداعى شينجياڭنىڭ مادەنيەت ـ ساياحات بازارىنا تاسقىنداعان ومىرشەڭ كۇش ۇستەدى.
ٴبي فەستيۆالى 7 ـ ايدىڭ 20 ـ كۇنىنەن 8 ـ ايدىڭ 5 ـ كۇنىنە دەيىن جالعاسىپ، ٴدال شينجياڭ ساياحاتىنىڭ ٴبىر جىلداعى ەڭ دابىرالى مەزگىلىنە تۋرا كەلدى، شينجياڭنىڭ ٴىشى ـ سىرتىنان كونسەرت كورۋگە كەلگەن كورەرمەندەر مەن ساياحاتشىلار قوسا قاباتتاسىپ، شينجياڭداعى نەگىزگى ساياحات قالالارى مەن كورىنىس وڭىرلەرىنىڭ قىزۋى جىلدام جوعارىلاپ، قوناقجايلارعا تاپسىرىس شۇعىل ارتىپ، جاڭا كەزەكتى ساياحاتشىلاردىڭ قاۋىرت كوبەيۋ مەزگىلىن قارسى الىپ، شينجياڭنىڭ مادەنيەت ـ ساياحات كاسىپ سالاسىنىڭ دامۋىنا تىڭ اعىن مولشەرى ارناسىن قوستى.
”اۆتونوميالى رايوندىق مادەنيەت ـ ساياحات مەڭگەرمەسى ساۋدا ىستەرى، قاتىناس، اۆياتسيا سەرىكتەستىگى قاتارلى كوپتەگەن تاراۋلارمەن بىرگە ’تاماقتانۋ، قونالقى، ساپارلاۋ، ساياحاتتاۋ، زات ساتىپ الۋ، كوڭىل اشۋ‘ سياقتىلاردى قامتىعان ٴبىرسىپىرا كوپ جاقتى ’تيىمدىلىك جاساۋ ۇلكەن سي قالتاسىن‘ دەن قويا جوبالادى“، ـ دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى يۇي جيە تانىستىرىپ. بۇل تيىمدىلىك شارالارى كورىنىس ٴوڭىرىنىڭ ەسىك بەلەتى، قوناقجايعا تۇنەۋ، ەرەكشە اس ـ سۋ جانە ۇشاق بەلەتى، قاتىناس سياقتى كوپ جاقتىلى تيىمدىلىك بايلىعىن بىرىكتىرىپ، ”ويىن قويۋ+ “ تۇتىنۋ ۇلگىسىندە جاڭالىق اشۋ ارقىلى ٴتىپتى دە كوپ ساياحاتشىلاردى باۋرادى.
شينجياڭ مادەنيەت پەن ساياحاتتى توعىستىرۋدا كوپ جاقتان وركەندەتىپ، تەرەڭنەن توعىسىپ، ساياحات اعىن مولشەرىن ۇزدىكسىز جوعارىلاتۋدى جان ـ جاقتى ىلگەرىلەتتى. الدىڭعى جارتى جىلدا شينجياڭنىڭ مادەنيەت ـ ساياحات قيمىلى تارتىمدىلىعىمەن ىركەس ـ تىركەس ايگىلەندى، 6 ـ كەزەكتى شينجياڭ كوكتەمگى ساياحات كورمەسى، 3 ـ كەزەكتى شينجياڭ مادەنيەت ـ كوركەمونەر فەستيۆالى، تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمى تاڭداۋلى كونسەرتىن ارالاپ قويۋ، 2025 ـ جىلعى جۇڭگو تاكلاماكاندى اينالۋ (حالىقارالىق) راللي جارىسى سياقتى تانىمال قيمىلدار ورىستەتىلدى؛ بۇلدىرگەن مۋزيكا فەستيۆالى، لي زۇڭشىڭ 2025 ”انگە تولى جىل“ ارالاپ ٴان سالۋ ساۋىق كەشى سياقتى ويىن قويۋ قيمىلدارى تولاستاماي، ونەر كورسەتۋدىڭ ومىرشەڭ كۇشىن قاۋلاتتى، اسىرەسە، ”ويىن قويۋشىلارعا ىلەسىپ ساياحاتتاۋدىڭ“ ومىرشەڭ كۇشىن شار تاراپقا تاراتتى. جەر ـ جەر ەسىك بەلەتىن ارزانداتۋ، تەگىن بولۋ، جاتىن ورىنعا تيىمدىلىك جاساۋ، تۇتىنۋ قوسىمشا قاراجاتى، ”تالون تۇبىرشىگى ەكونوميكاسى“ سياقتى كوپ ولشەمدى قوسىلا ارەكەتتەنۋ ارقىلى مادەنيەت ـ ساياحات تۇتىنۋىنىڭ ومىرشەڭ كۇشىن تاسىتتى.
بۇدان سىرت، بيىل سالىنىپ ٴبىتىپ اشىلعان باتىس ٴوڭىر باسقاقتىعى مۇراجايى، كۇسان مۇراجايى قاتارلىلار شينجياڭنىڭ مادەنيەت الاڭ ـ سارايلارىنىڭ ”ينتەرنەت جۇلدىزدارىنىڭ ٴسوزسىز باراتىن جەرىنە“ اينالۋ حيكاياسىن جالعاستىردى، ولاردىڭ ساياحاتشىلاردىڭ اعىن مولشەرىن ارتتىرۋداعى ەڭبەگىن ەسكەرمەۋگە بولمايدى.
وزگەشە ساياحاتتاۋ ٴتاسىلى ساياحاتتىڭ جاڭا كارتاسىن قايتا تۇلعالادى
جازدىڭ ىستىق كەزىندە باعراش كولىن اينالىپ ساياحاتتاۋ تاس جولى ساياحاتشىلار ورلەۋىن قارسى الدى. ”كولدىڭ اينالاسىن قۇمدى ٴشول كومكەرگەن، تابيعات بىرگە جاساسقان“ وزگەشە كورىنىسكە سۇيەنىپ، باعراش كولى ٴوزى اۆتوكولىك ايداپ ساياحاتتايتىن ساياحاتشىلاردىڭ قىزۋ تالعامىنا اينالدى، جول بويىنداعى ساياحات وڭىرلەرىندە، ساياحات تۇيىندەرىندە ساياحاتشىلار ٴيىن تىرەسىپ، اۆتوكولىك اعىنى جوڭكىلدى. بيىل الدىڭعى جارتى جىلدا كوپتەگەن ٴوزى اۆتوكولىك ايداپ ساياحاتتايتىن ساياحاتشىلار وسىناۋ ٴبىر جاعى كوكجيەگىنە كوز جەتپەيتىن كول سۋى، ٴبىر جاعى بۇيرات ـ بۇيرات قۇم مەن ٴشول دالا بولعان كولدى اينالعان تاس جولعا كەلىپ، كۇندىز كورىنىس تاماشالاپ، كەشتە سول ماڭداعى قوناقجايلارعا، حالىقتىق تۇسەلحانالارعا قونىپ، ”تاماقتانۋ، تۇنەۋ، ساياحاتتاۋ، زات ساتىپ الۋ، كوڭىل اشۋ“ سياقتى كوپتەگەن كاسىپ كۇيىنىڭ ورنىقتى ارتۋىنا جەتەكشى بولدى.
وزگەشە بايلىق باسىمدىعىنا سۇيەنگەن شينجياڭ قار ـ مۇز ساياحاتى، ٴوزى اۆتوكولىك ايداپ ساياحاتتاۋ، تومەنگى كەڭىستىكتە ساياحاتتاۋ سياقتى وزگەشە ساياحاتتى زور كۇشپەن دامىتىپ، بۇكىل ەلدىڭ الدى بولعان پارىقتى باسەكەلەسۋ باسىمدىعىن قالىپتاستىردى.
قازىر شينجياڭنىڭ قار ـ مۇز ساياحاتى، ٴوزى اۆتوكولىك ايداپ ساياحاتتاۋ، ەرەكشە ساياحات سياقتىلارى تۇگەلدەي مەملەكەتتىڭ ”ٴبىرىنشى شارشى توبىنا“ ەنىپ، شار تاراپتاعى ساياحاتشىلار اتىن ەستىپ وسىندا اعىلۋدا. 2024 - 2025 قار ماۋسىمىندا شينجياڭنىڭ S دارەجەلى شاڭعى الاڭدارى 3 ميلليون 572 مىڭ 800 ساياحاتشى (رەت) قابىلداپ، سايكەس مەزگىلدەگىدەن %10.22 ارتتى؛ ساياحاتشىلاردىڭ جۇمساعان قارجىسى 844 ميلليون يۋانعا جەتىپ، سايكەس مەزگىلدەگىدەن %39.13 ارتتى؛ مايتاۋ - كۇشار تاس جولى، باعراش كولىن اينالعان تاس جول، S101 تيانشان جاعراپيالىق سۋرەت ٴدالىزى، التاي - قوم تاس جولى سياقتى ينتەرنەتتە تانىمال تاس جولدار ٴوزى اۆتوكولىك ايداپ ساياحاتتاۋشىلار ورلەۋىن قارسى الدى. مايتاۋ - كۇشار تاس جولىندا بيىل كولىك قاتىناۋ قالپىنا كەلگەن الدىڭعى 3 كۇندە اۆتوكولىك اعىنى 56 مىڭ اۆتوكولىكتەن (رەت) اسىپ، وسى ٴبىر قارلى تاۋ، جايلاۋ، اڭعار ٴوزارا تۇتاسقان كورىنىستى تاماشالايتىن داڭعىل جول جەر ـ جەردەن كەلەتىن ٴوزى اۆتوكولىك ايداپ ساياحاتتاۋشىلاردىڭ ٴسوزسىز بارىپ كورەتىن جەرىنىڭ بىرىنە اينالدى؛ ەرەكشە ساياحات كوپ سالالى دامۋ جاعدايىن بايقاتتى، جاياۋ ٴجۇرىپ جاھان كەزۋ، تومەنگى كەڭىستىك ساياحاتى، تاۋعا شىعۋ، ٴمىنىس ساياحاتى سياقتى جاڭا كاسىپ كۇيى، جاڭا ونىمدەر تولاسسىز جارىققا شىعۋدا.
جاڭا كاسىپ كۇيى ساياحاتتىڭ جاڭا قوزعالىس قۋاتىن وياتتى
”جول بويى قارلى تاۋ، قالىڭ ورمان، سايىن ساحارا، كولىگىڭدى ايداپ كوركەم كورىنىستى كەشىپ جۇرەسىڭ، كوز كورىپ جەتىسە المايدى ەكەن“، ـ دەيدى ەندى عانا ٴوزى اۆتوكولىك ايداپ التاي - قوم تاس جولىن ٴجۇرىپ تاۋىسقان سىچۋاندىق ساياحاتشى لي ميڭلياڭ تەبىرەنىپ.
التاي - قوم تاس جولى التاي قالاسىنان باستالادى، اقىرعى بەكەتى قوم قىستاعى بولىپ، جالپى ۇزىندىعى 209.45 كيلومەتر، التايداعى ”مىڭ شاقىرىمدىق سۋرەت ٴدالىزىنىڭ“ ماڭىزدى بولىگى، قوم قاتارلى بازارلى كورىنىس وڭىرلەرىن تىزبەكتەي جالعاپ، ساياحات قاتىناسىنداعى ۇلكەن اينالما جەلىسىن قالىپتاستىرعان. ساياحاتشىلار كولىگىن ايداپ ٴجۇرىپ التاي تاۋىنىڭ ەڭ كوركەم كورىنىسىن تاماشالاي الادى. بيىل 6 ـ ايدىڭ 30 ـ كۇنى التاي - قوم تاس جولىندا رەسمي تۇردە ەكى باعىتتا اۆتوكولىك قاتىناپ اينالىمعا ٴتۇستى، 7 ـ ايدىڭ 30 ـ كۇنىنە دەيىن جيىنى 400 مىڭنان استام ٴوزى اۆتوكولىك ايداپ ساياحاتتاپ جۇرگەن ساياحاتشى وسى ارامەن ٴجۇرىپ، كۇنىنە ورتا ەسەپپەن 1000نان استام اۆتوكولىك قاتىناپ، ساياحاتشىلار 10 مىڭنان اسقان. التاي - قوم تاس جولى بيىل ”جاڭادان دارەجەسى كوتەرىلگەن“ شينجياڭداعى ايگىلى ينتەرنەتتە تانىمال ساياحات تاس جولىنا اينالدى. قازىر التاي - قوم تاس جولى جيەگىندە 200دەن استام ەرەكشە حالىقتىق تۇسەلحانا، د30ان استام مالشىلار شاتتىعى ساياجايى ”ەڭسە كوتەرىپ شىعا كەلىپ“، ۇزدىكسىز ارتقان جولاۋشى اعىنىنا ساياحاتتىق قىزمەت وتەۋ قامتاماسىزدىعىن ازىرلەدى.
سوڭعى جىلدارى شينجياڭنىڭ جەر ـ جەرىندە ۇزدىكسىز جارىققا شىققان ساياحات جاڭا كورىنىس وڭىرلەرى، جاڭا كاسىپ كۇيى، جاڭا نىساندار سياقتىلار ساياحات اعىن مولشەرىنىڭ ورنىقتى قاداممەن ارتۋداعى نەگىزىنە اينالدى. قازىر شينجياڭنىڭ جەر ـ جەرىندە تومەنگى كەڭىستىك ساياحاتى دامىپ كەلە جاتىر، مىسالى، تىك ۇشاقپەن تاماشالاۋ، اۋا شارىمەن سەزىنۋ، قالقىما پاراشوت، موتورلى پاراشوت سياقتى تۇرلەردى قامتيدى، سايرام كولى كورىنىس ٴوڭىرى سياقتىلار تومەن كەڭىستىك ەكونوميكاسىنىڭ ”گۇلدەنىپ ـ كوركەيۋىن“ ىسكە اسىرىپ، شينجياڭدى ”ۇشىپ ٴجۇرىپ ساياحاتتاۋ“ ساياحاتشىلار اعىنىن ارتتىرۋدىڭ تىڭ قوزعالىس قۋاتىنا اينالۋدا.
وتكەن جارتى جىلدا شينجياڭ ساياحاتى كوپ ٴتۇرلى تيىمدىلىكتەردىڭ دەمەۋىندە دامۋ بەتالىسى كىسىنى قۋانتتى. 6 ـ ايدىڭ ورتا شەنىنە كەلگەندە قاناس كورىنىس ٴوڭىرىنىڭ، نارات كورىنىس ٴوڭىرىنىڭ، تيانشان بوعدا كولى كورىنىس ٴوڭىرىنىڭ بارلىعى قابىلداعان ساياحاتشى سانى ٴبىر ميلليون ادامنان (رەت) اسۋدى جۇزەگە اسىردى. شيەچىڭ ساياحاتى جاريالاعان 2025 ـ جىلعى جازعى دەمالىس كەزىندە بۇكىل جەر شارىندىق بازارلىلار تىزىمىندە شينجياڭ قالالارىنىڭ ورەسى ٴوسۋ جاعدايى وتە ايقىن، ٴۇرىمجى بيىل جاڭادان ارتقان قىزعىندى نىسانالى قالاعا اينالدى.
