”جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى“ جەلىلەس نەگىزگى تاقىرىپتىق اقپار جاريالاۋ ٴماجىلىسىنىڭ 3 ـ ٴماجىلىسى وتكىزىلدى
بۇراتالا وبلىسى: ”التى ٴىرى دامۋ ستراتەگياسى“ ارقىلى جوعارى ساپالى دامۋدى ىلگەرىلەتتى
انار بۇلت \ شينجياڭ گازەتىنىڭ ٴتىلشىسى سۇڭ يا ـ ۋىن 8 ـ ايدىڭ 7 ـ كۇنى ۇرىمجىدەن حابارلايدى. 8 ـ ايدىڭ 7 ـ كۇنى ”جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ تابىستى امالياتى“ جەلىلەس نەگىزگى تاقىرىپتىق اقپار جاريالاۋ ٴماجىلىسىنىڭ 3 ـ ٴماجىلىسى وتكىزىلدى. اقپار جاريالاۋ ماجىلىسىندە ”’التى ٴىرى دامۋ ستراتەگياسىن‘ ىشكەرىلەي اتقارىپ، بۇراتالا وبلىسى ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ“ ارقاۋ ەتىلىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ جەتەكشىلىگىندە، بۇراتالا موڭعۇل اۆتونوميالى وبلىسى ەكونوميكاسىنىڭ، قوعامىنىڭ جوعارى ساپالى دامۋىندا قول جەتكەن كورنەكتى ىلگەرىلەۋشىلىكتەر مەن ناتيجەلەر تانىستىرىلدى.
جۋىق جىلداردان بەرى، بۇراتالا وبلىسى وبلىستى زاڭمەن باسقارۋ، وبلىستى ىنتىماقتاسا ورنىقتىرۋ، ەكولوگيالىق وبلىس قۇرۋ، شەكارا وتكەلى ارقىلى وبلىستى قۇدىرەتتەندىرۋ، مادەنيەت ـ ساياحات ارقىلى وبلىستى گۇلدەندىرۋ، كاسىپ سالاسى ارقىلى وبلىستى بايىتۋ سىندى ”التى ٴىرى دامۋ ستراتەگياسىن“ ىشكەرىلەي اتقارىپ، جوعارى دەڭگەيدە ەسىك اشۋدىڭ، جوعارى ساپالى دامۋدىڭ جاڭا جاعدايىن كۇش سالا اشتى.
ەكونوميكالىق دامۋ سالاسىندا شەكارا وتكەلى بۇراتالا وبلىسىنىڭ ەڭ كورنەكتى باسىمدىعى. بۇراتالا وبلىسى ٴداۋىر ورايىن مىقتاپ يگەرىپ، ”ٴبىر بەلدەۋ، ٴبىر جول“ وزەكتى رايونى قۇرىلىسىمەن بەلسەنە توعىسىپ، ىلگەرىندى ـ كەيىندى 10 ميلليارد يۋاننان استام قارجى قوسىپ، شەكارا وتكەلىنىڭ كەدەننەن وتكىزۋ قابىلەتى مەن ونىمدىلىگىن جاپپاي جوعارىلاتتى. 2024 ـ جىلى الاتاۋ ساعاسى شەكارا وتكەلىنەن تەمىر جول مەن تاس جول ارقىلى وتكىزىلگەن زات مولشەرى 17 ميلليون 730 مىڭ توننا بولىپ، تۇتاس شينجياڭدا الدىڭعى قاتاردا تۇردى؛ جۇڭگو - ەۆروپا (ورتا ازيا) كەزەكشى پويەزىنىڭ قاتىناۋ مولشەرى 7684 كەزەككە جەتىپ، بۇكىل ەلدىڭ جالپى مولشەرىنىڭ ۇشتەن ٴبىرىن يەلەدى. بيىل بۇراتالا وبلىسى شەكارا اتتاعان ەلەكتروندى ساۋدا كەشەندى سىناق رايونى بولىپ بەكىتىلىپ، شەكارا وتكەلى ەكونوميكاسىنىڭ دامۋىنا جاڭا قوزعالىس قۋاتىن ۇستەدى.
ەكولوگيالىق وبلىس قۇرۋ ستراتەگياسىنىڭ جەتەكشىلىگىندە، بۇراتالا وبلىسى ”تۇنىق سۋ، جاسىل تاۋ — باعالى بايلىق“ ۇستانىمىن باستان ـ اياق بۇلجىماي امالياتتا ايگىلەدى، ەكولوگيالىق ورتا ساپالىلانا ٴتۇستى، ورمان، جايلىم، سازدىق تۇتاس وبلىس جالپى اۋدانىنىڭ %83.2 ىن يەلەدى، اۋاسى ساپالى بولعان كۇن سانى %96تەن استى، وزەن، كول، سۋ قويماسى مەن اۋىز سۋ سۋ كوزىنىڭ سۋ ساپاسى %100 ولشەمگە جەتتى. سونىمەن بىرگە جاسىل تيپ جاڭالاۋدىڭ ناتيجەسى كورنەكتى بولىپ، جاسىل ەلەكترلى گەنەراتور اگراگاتتارىنىڭ يەلەگەن سالىستىرماسى %85.7 بولىپ، 10 مىڭ يۋاندىق GDPدىڭ ەنەرگيا جۇمسالىمى ۇزدىكسىز تومەندەپ، ەكونوميكالىق دامۋ مەن ەكولوگيانى قورعاۋدىڭ جاراسىمدى قاتار ٴومىر ٴسۇرۋى جۇزەگە اسىرىلدى.
مادەنيەت ـ ساياحات ارقىلى وبلىستى گۇلدەندىرۋ ستراتەگياسى بۇراتالا وبلىسى ساياحاتىنىڭ قارىشتاپ دامۋىنا مۇمكىندىك جاسادى. جۋىق جىلداردان بەرى، بۇراتالا وبلىسى تاريحي مادەنيەت بايلىعىن تولىق اشىپ، مادەنيەت ارقىلى ساياحاتتى تۇلعالاۋ، ساياحات ارقىلى مادەنيەتتى ايگىلەۋ دامۋ وي جەلىسىنە تاباندى بولىپ، بۇكىل وبلىس ساياحاتىنىڭ دەڭگەيىنىڭ كوتەرىلىپ دارەجەسىنىڭ جوعارىلاۋىن ىلگەرىلەتتى. ىقپالى كەڭ ٴبىر قىدىرۋ ماركالى جارىستار مەن ەرەكشەلىككە يە قيمىلداردى وتكىزۋ ارقىلى قىرۋار ساياحاتشىلاردى اتاعىن ەستىپ كەلۋگە باۋرادى. 8 ـ ايدىڭ 5 ـ كۇنىنە دەيىن بيىل سايرام كولى كورىنىس ٴوڭىرى 5 ميلليون ساياحاتشى (رەت) قابىلدادى، بۇل سايكەس مەزگىلدەگىدەن %11.24 ارتىپ، ساياحات بازارى ۇزدىكسىز قىزا ٴتۇستى.
وبلىستى زاڭمەن باسقارۋ جاعىندا بۇراتالا وبلىسى باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن ۇزدىكسىز جوعارىلاتىپ، تىنىشتىق قۇرىلىسىن تەرەڭدەتۋ ارقىلى ”باياندى تىنىشتىق ساۋىتى“، سونداي ـ اق بۇكىل ەل بويىنشا قالا ٴوڭىرى قوعامىن باسقارۋدى وسىزامانداندىرۋدى تۇيىندە سىناق ەتۋدە تولىمدى قالا اتاعىنا يە بولدى، بۇقارانىڭ حاۋىپسىزدىك سەزىمى مەن رازىلىق دەڭگەيى ۇزدىكسىز جوعارىلادى، قازىر بۇكىل شينجياڭ بويىنشا ۇلگىلى ايماق، وبلىس قۇرۋ نىساناسىنا قاراي ورنىقتى قادام تاستاۋدا.
