چىن شياۋجياڭ، ەركىن تۇنياز اۆتونوميالى رايوندىق دامۋ جانە رەفورما كوميتەتىندە تەكسەرۋ ـ زەرتتەۋ جۇرگىزدى
تۇتاس جىلدىق ەكونوميكالىق، قوعامدىق دامۋدىڭ نىسانا ـ مىندەتتەرىن قۇلشىنا ورىنداپ، ”15 ـ بەسجىلدىق“ جوبانى جاساۋ قىزمەتىن جوعارى ساپامەن ويداعىداي ىستەۋ كەرەك
8 - ايدىڭ 8 - كۇنى اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق دامۋ جانە رەفورما كوميتەتىندە تەكسەرۋ - زەرتتەۋ جۇرگىزدى. سۋرەتتە: چىن شياۋجياڭ، ەركىن تۇنياز اۆتونوميالى رايوندىق دامۋ جانە رەفورما كوميتەتى دامۋ ستراتەگياسى مەن جوبا باسقارماسىنا بارىپ، اۆتونوميالى رايوننىڭ ”15 - بەسجىلدىق“ جوباسىن جاساۋ اياق الىسىن ەگجەي - تەگجەيلى ۇعىسىپ، ءتۇرلى ءتۇيىندى قىزمەتتەردى جوسپارلاۋ جانە ىلگەرىلەتۋ جونىندە كوپشىلىكپەن ىشكەرىلەي پىكىر اۋىستىرۋدا.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 8 ـ ايدىڭ 8 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ٴتوراعاسى ەركىن تۇنياز 8 ـ ايدىڭ 8 ـ كۇنى اۆتونوميالى رايوندىق دامۋ جانە رەفورما كوميتەتىندە تەكسەرۋ ـ زەرتتەۋ جۇرگىزدى. چىن شياۋجياڭ بىلاي دەپ باسا دارىپتەدى: شي جينپيڭ ەكونوميكا يدەياسى مەن باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، ەكونوميكالىق دامۋدىڭ تاماشا كۇيىن ساقتاپ، ”14 ـ بەسجىلدىقتىڭ“ تابىسپەن اياقتالۋىن جۇزەگە اسىرىپ، ”15 ـ بەسجىلدىقتىڭ“ تاماشا باستاماسىنا بەرىك نەگىز قالاۋ كەرەك.
چىن شياۋجياڭ، ەركىن تۇنياز اۆتونوميالى رايوندىق دامۋ جانە رەفورما كوميتەتى تۇراقتى مۇلىككە قارجى قوسۋ باسقارماسىنا بارىپ، بۇكىل رايوننىڭ قارجى قوسۋ جانە دامۋ جاعدايى جونىندەگى تانىستىرۋدى تىڭداپ، قارجى قوسۋ قىزمەتى جۇيەسى، قارجى قوسۋ نىساندارىن تەكسەرىپ بەكىتۋ سياقتى جاعدايلاردى ۇعىستى؛ دامۋ ستراتەگياسى مەن جوبا باسقارماسىندا اۆتونوميالى رايوننىڭ ”15 ـ بەسجىلدىق“ جوباسىن جاساۋ اياق الىسىن ەگجەي ـ تەگجەيلى ۇعىسىپ، ٴتۇيىندى قىزمەتتەردى جوسپارلاۋ جانە ىلگەرىلەتۋ جونىندە كوپشىلىكپەن ىشكەرىلەي پىكىر اۋىستىردى.
وسىدان كەيىن چىن شياۋجياڭ، ەركىن تۇنياز اۆتونوميالى رايوندىق دامۋ جانە رەفورما كوميتەتىنىڭ قىزمەت مالىمەتىن تىڭدادى. چىن شياۋجياڭ بىلاي دەپ باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرا وتىرىپ جوعارى ساپالى دامۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن ارقاۋ ەتىپ، جوعارى ساپالى دامۋدى ىلگەرىلەتىپ، حالىق تۇرمىسىنا تىعىز جاناسا جۇرت تىلەگىن ۇيىستىرىپ، جوعارى ساپالى دامۋدى ىلگەرىلەتۋگە تاباندى بولىپ، بۇكىل رايونىمىزداعى ٴار ۇلت حالقىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ”بەس ۇلكەن ستراتەگيالىق ورىننىڭ“ مازمۇنى مەن دانەكەرىن ىشكەرىلەي زەرتتەپ، كىرىسۋ ٴتۇيىنى مەن كۇش سالۋ ٴتۇيىنىن ٴداپ باسىپ تاۋىپ، ساياسات جۇيەسىن اقاۋسىزداندىرىپ، جوبا جاساۋ جۇيەسىن كەمەلدەندىرىپ، نىسان تىرەگىن كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ كەرەك. ”14 ـ بەسجىلدىق“ جوبانىڭ نىسانا ـ مىندەتتەرىن جوعارى ساپامەن ورىنداپ، پارتيا ورتالىق كوميتەتىنىڭ كەزەكتەگى ەكونوميكالىق جاعداي جونىندەگى عىلمي تۇجىرىمىن تەرەڭ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ساياساتتىڭ ۇلاسپالىلىعىن، ورنىقتىلىعىن ساقتاپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، رەفورمانى اناعۇرلىم جاپپاي تەرەڭدەتىپ، ٴونىمدى قارجى قوسۋدى ۇزدىكسىز كەڭەيتىپ، تۇتىنۋدىڭ ومىرشەڭ كۇشىن ۇزدىكسىز قاۋلاتىپ، جوعارى دەڭگەيدەگى سىرتقا ەسىك اشۋدى ىلگەرىلەتىپ، حالىقتىق شارۋاشىلىقتىڭ دامۋىن كۇش سالا ىلگەرىلەتىپ، حالىق تۇرمىسىن قامتاماسىز ەتۋ قىزمەتىن تىڭعىلىقتى ويداعىداي ىستەپ، اۋىر حاۋىپ ـ قاتەرلەر مەن كومەسكى كىناراتتاردان ٴونىمدى ساقتانىپ جانە ونى جويىپ، تۇتاس جىلداعى ەكونوميكالىق، قوعامدىق دامۋ نىسانا ـ مىندەتتەرىن قۇلشىنا ورىنداۋ كەرەك. ”15 ـ بەسجىلدىق“ جوبانى عىلمي تۇردە ويداعىداي جاساپ، ”15 ـ بەسجىلدىق“ جوبا مەزگىلىندەگى كەزەڭدىك تالاپتاردى دۇرىس يگەرىپ، اشىق اقىل ـ كەڭەس الۋعا، حالىقتان اقىل ـ كەڭەس الۋعا تاباندى بولىپ، نازاردى وسىزاماندانعان كاسىپ سالاسى جۇيەسىن ورناتۋ، جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ، وڭتۇستىك شينجياڭ سىندى ”شاحمات كوزىن“ جانداندىرۋ، بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتۋ، ەكولوگيالىق ورتانى قورعاۋدى كۇشەيتۋ سياقتىلارعا شوعىرلاندىرىپ، كەلەلى ستراتەگيالىق مىندەتتەردى، كەلەلى ساياساتتىق شارالاردى، كەلەلى ينجەنەريالىق نىسانداردى عىلمي جوسپارلاۋ كەرەك. پارتيانىڭ جالپى بەتتىك باسشىلىعىنا تاباندى بولىپ، پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن ناقتىلاندىرىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ جەتىستىكتەرىنەن ويداعىداي پايدالانىپ، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تەرەڭدەتىپ، ادال، كىرشىكسىز، جاۋاپكەرشىلىك ارقالايتىن كادرلار قوسىنىن قۇرىپ، رەفورما، دامۋ ىستەرىن ىلگەرىلەتۋگە پارمەندى كەپىلدىك ازىرلەۋ كەرەك.
چىن ۋيجۇن، قادەن كابەن تەكسەرۋ ـ زەرتتەۋگە قاتىناستى.
