انار بۇلت \ شينجياڭ گازەتىنىڭ ٴتىلشىسى ليۋ ي
7 ـ ايدىڭ 13 ـ كۇنى حوتان - نيە - چەرشەن - چارقىلىق 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى تۇتاس جەلى بويىنشا تۇتاستىرىلىپ، وسى ٴبىر تارىم ويپاتىن اينالعان ەنەرگيا ٴدالىزىنىڭ ”تۇتاسۋى“ ىسكە استى. بۇل — تاس جول، تەمىر جول، اۋەجاي، قۇم بوگەيتىن ىقتاسىن بەلدەۋىنىڭ تاكلاماكاندا ”تۇتاسۋى“ جۇزەگە اسىرىلعاننان كەيىنگى تاعى ٴبىر كەلەلى نەگىزدىك قۇرىلعى قۇرىلىسى نىسانىنىڭ اينالمالى جەلى قالىپتاستىرۋى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وڭتۇستىك شينجياڭ قىزمەتىنە ايرىقشا ٴمان بەرىپ، وڭتۇستىك شينجياڭ قىزمەتىن ويداعىداي ىستەۋ جونىندە ٴبىرسىپىرا ماڭىزدى نۇسقاۋ بەردى. شينجياڭ جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، ”شينجياڭ ٴبىر تۇتاس جۇيە، وڭتۇستىك شينجياڭ شاحمات كوزى“ دەگەن ٴسوزدىڭ تەرەڭ ٴمانى مەن امالياتتىق تالابىن دالمە ـ ٴدال ٴتۇسىنىپ، يگەرىپ، وڭتۇستىك شينجياڭنىڭ دامۋىنداعى ولقىلىقتاردى كۇش سالا تولىقتادى.
تاس جول اينالدىرا تۇتاستىرىلدى، تەمىر جول اينالدىرا تۇتاستىرىلدى، اۋەجاي اينالدىرا تۇتاستىرىلدى، ەلەكتر قۋاتى اينالدىرا تۇتاستىرىلدى، قۇم بوگەيتىن جاسىل بەلدەۋ اينالدىرا تۇتاستىرىلدى، شينجياڭ قۇلازىعان تارىم ويپاتىندا نەگىزدىك قۇرىلعىلار قۇرىلىسىن بەكەمدەپ، قاراماققا مۇمكىن بولماعان كوپتەگەن ىستەردى رەالدىققا اينالدىرىپ، وڭتۇستىك شينجياڭنىڭ جۇڭگو ۇلگىسىندەگى وسىزامانداندىرۋ جولىندا ارشىندى قاداممەن العا باسۋىن ىلگەرىلەتتى.
تۇيىندەردى تۇتاستىرۋ ارقىلى اينالما قالىپتاستىرىلىپ، دامۋداعى ولقىلىقتار تولىقتاندى
وڭتۇستىك شينجياڭدى ايتار بولساق ويىڭىزعا نە ورالار ەدى؟ حوش ٴيىسى اڭقىعان قاۋىن ـ قاربىز، جەمىس ـ جيدەك، قويۋ ۇلتتىق سالت ـ سانا ما، الدە بۇيرات ـ بۇيرات سارى قۇم با؟ وڭتۇستىك شينجياڭ — شينجياڭداعى تيانشان تاۋىنىڭ وڭتۇستىگىنە، كۇنلۇن تاۋىنىڭ سولتۇستىگىنە ورنالاسقان وڭتۇستىك شينجياڭ سىندى وسى ٴبىر كەڭ ـ بايتاق ٴوڭىر ۇزاق تاريحقا جانە شۇعىلالى مادەنيەتكە يە بولۋمەن بىرگە، مۇندا ناشار جاراتىلىستىق شارت ـ جاعداي سەبەبىنەن ادامداردىڭ زارەسىن ۇشىرىپ تايقىتاتىن، ”اجال تەڭىزى“ دەپ اتالعان دۇنيە جۇزىندەگى 2 ـ ۇلكەن كوشپەلى قۇمدى ٴشول — تاكلاماكان ٴشولى كوسىلىپ جاتىر، ونان دا ماڭىزدىسى، وسىندا قونىستانعان ادامداردى ٴومىر ٴسۇرۋدىڭ، دامۋدىڭ قاتاڭ سىناعىنا ٴدوپ كەلتىردى.
وسى بىرنەشە جىلدا تاكلاماكان ٴشولى ”تۇيىق شەڭبەر“، ”تۇتاسۋمەن“ قايتا ـ قايتا بايلانىسىپ، ٴار رەتكى ”تۇتاسۋ“ مەن ”تۇيىق شەڭبەردىڭ“ بارلىعى قىزۋ تاقىرىپقا اينالدى، ادامدار مۇنداي ۇلى ىسكە القاۋ ٴسوزىن اياعان ەمەس.
جاسامپازدىقپەن جولدىڭ ورنىنا كوپىر ىستەتۋ، تىرەۋدى الدىن الا قۇيۋ تەحنولوگياسىنان پايدالانىپ، قۇمدى بوران مەن سۋ تاپشى بولۋ سىندى قيىن ماسەلەنى شەشىپ، دۇنيە جۇزىندەگى تۇڭعىش قۇمدى ٴشول تەمىر جول اينالما جەلىسىن ٴساتتى سالدى؛ ”سۋ، توپىراق، اۋا“ بايلانىس مەحانيزمى مەن ”اعاش، بۇتا ـ بۇرگەن، ٴشوپتى“ عىلمي ورنالاستىرۋ ارقىلى 337 مىڭ 600 شارشى كيلومەتر كەلەتىن تاكلاماكان ٴشولى ”جاسىل ٴشارپى“ وراندى؛ تەز قازۋ، تەز دايىنداۋ، بەتوندى تەز قۇيۋ سىندى ”ٴۇش تەز“ قۇرىلىس ٴادىسىن زەرتتەپ اشىپ، اسپالى جول تاسىمالىنا سايكەسىپ، ەلەكتر مۇناراسىن قۇم تەڭىزىنەن وتكىزىپ، ەلەكتر تورىنىڭ تارىمدى اينالۋىن جۇزەگە اسىردى...
مەملەكەت ”نەگىزدىك قۇرىلعىلار قۇرىلىسى كەرەمەتىنىڭ“ زور كۇشپەن قولداۋىنا ارقا سۇيەگەن بۇگىنگى تاڭدا ٴۇرىمجى - لوپنۇر جوعارى قارقىندى تاس جولى تيانشان تاۋىن ”تەسىپ ٴوتىپ“، وڭتۇستىك شينجياڭداعى بارلىق ايماق، وبلىستا تەمىر جول قاتىناپ، ٴار ۇلت بۇقاراسىنىڭ ٴجۇرىس ـ تۇرىسىنداعى قيىن ماسەلەلەر ٴونىمدى شەشىلدى، ەنەرگيا، سۋ يگىلىگى، قاتىناس سياقتى ٴبىر توپ كەلەلى نەگىزدىك قۇرىلعىلاردىڭ سالىنۋى وڭتۇستىك شينجياڭنىڭ دامۋ نەگىزىن بەكەمدەدى، وڭتۇستىك شينجياڭ تاريحتاعى دامۋى ەڭ تاماشا، ەڭ تەز مەزگىلدى قارسى الدى.
7 ـ ايدىڭ باسىندا چەرشەن اۋدانى اچچان قالاشىعىنىڭ ٴبيداي اتىزىندا كومباين ارلى ـ بەرلى قايشالىسىپ، قۇمدى شولدەن وزگەرتىلگەن وسى جاڭا استىق اتىزىنان تۇڭعىش رەت مول ٴونىم الىندى.
”قۇمدى بوران ازايدى، سۋ دا، ەلەكتر دە بار بولدى، قۇمدى ٴشول دە قۇنارلى اتىزعا اينالدى“. وسى قالاشىقتاعى ەگىمشىلىك وتباسى ليۋ يۇڭ تولىق سەنىممەن بىلاي دەدى: كەيىن سۇرلەم جۇگەرىسىن قايتالاي ەگىپ، ونان سوڭ قوي باعۋعا بولادى، قۇمدى ٴشول جيەگىندە اينالمالى اۋىل شارۋاشىلىعىن دامىتۋ ەندىگارى قول جەتپەيتىن ٴىس ەمەس.
مۇنداي مول ٴونىم كورىنىسى ادامدارعا نەگىزدىك قۇرىلعى قۇرىلىسىنىڭ وڭتۇستىك شينجياڭنىڭ دامۋىنداعى كەلەلى ٴمانىن ستراتەگيالىق تۇرعىدان ۇعىندىردى، كەزىندە بىتىراڭقى ورنالاسقان جاسىل القاپتار كۇن سايىن كەمەلدەنگەن نەگىزدىك قۇرىلعىلاردىڭ دەمەۋىندە تۇيىندەردى تۇتاستىرىپ اينالىم قالىپتاستىرىپ، اينالىمدى شوعىرلاندىرىپ كولەم قالىپتاستىردى. 30 جىلعا تاياۋ ۋاقىتتان بەرى، شينجياڭنىڭ جاسىل القابىنىڭ اۋدانى 56 مىڭ شارشى كيلومەتر ارتىپ، شولەيتتەنگەن جەر 1955.7 شارشى كيلومەتر ازايىپ، قۇمايتتانعان جەر 242.8 شارشى كيلومەتر ازايىپ، ٴشول جەر اۋدانى مەن قۇمدى جەر اۋدانى بىردەي ازايۋ جۇزەگە اسىرىلدى.
اينالىمدى شوعىرلاندىرىپ تور قالىپتاستىرىپ، توعىسۋ جاعدايىن تۇلعالادى
نەگىزدىك قۇرىلعى قۇرىلىسى وڭتۇستىك شينجياڭ مەن بۇكىل ەلدىڭ جەر ـ جەرىنىڭ ارالىعىن قىسقارتتى، بۇرىن توماعا تۇيىق وڭتۇستىك شينجياڭ اشىق دامۋدىڭ الدىڭعى لەگىنە ارشىندى قادام تاستاۋدا.
7 ـ ايدىڭ 1 ـ كۇنى قاشقاردان چۇڭچيڭ باتىس ۆوگزالىنا دەيىنگى K4532 كەزەكشى پويەزىنىڭ قاشقار ۆوگزالىنان اتتانۋىنا بايلانىستى گولمۋد ـ كورلا تەمىر جولى ارقىلى شينجياڭعا كىرىپ ـ شىعاتىن جولاۋشىلار پويەزى تۇڭعىش رەت رەسمي قاتىنادى. بۇل جول ەندىگارى تۇرپاندى اينالىپ وتپەي، قاشقاردان چۇڭچيڭگە توتە قاتىناپ، وڭتۇستىك شينجياڭ مەن سىچۋان، چۇڭچيڭ ٴوڭىرىنىڭ اراسىن جاقىنداتىپ، جەلى بويىنداعى بۇقارانىڭ ارالاسۋىنا، ىشتەسۋىنە، توعىسۋىنا قولايلىلىق جاراتتى.
جىبەك جولىنىڭ كوركەم كورىنىسى مەن سىچۋان - چۇڭچيڭ وتتىقتى قازانى تەمىر جولدىڭ ەكى باسىندا تۇتاسىپ، وڭتۇستىك شينجياڭنىڭ جاڭعاعى، شىلانى پويەزبەن وتانىمىزدىڭ باتىس وڭتۇستىك بازارىنا كىرىپ، سىچۋان - چۇڭچيڭ تەحنولوگياسى، قارجىسى وڭتۇستىك شينجياڭنىڭ كاسىپ سالاسىنىڭ دارەجەسىن جوعارىلاتۋعا دەم بەرىپ، پويەز ەكى جەردىڭ گۋمانيتارلىق، ەكونوميكا ـ ساۋدا اۋىس ـ كۇيىسىنىڭ ٴۇرتىس قوس باعىتتا اتتانۋىن جۇزەگە اسىرۋعا دەم بەردى.
مۇنداي توعىسۋ جاعدايى وڭتۇستىك شينجياڭداعى ٴار ۇلت بۇقاراسىنا وتانىمىز ۇلى شاڭىراعىنىڭ مەيىرىن اناعۇرلىم تەرەڭ سەزىندىردى.
بىلتىر جىل باسىنان بەرى، بايىنعولين موڭعۇل اۆتونوميالى وبلىسى شينجياڭعا كومەكتەسۋ قارجىسىن ٴبىر تۇتاس جوسپارلاپ، جەرگىلىكتى بۇقارانى جۇڭگو كوممۋنيستىك پارتياسى تاريحى كورمە سارايىنا، بەيجيڭ ۇلتتار مادەنيەت سارايىنا بارىپ، تيان ـ انمىن الاڭىندا مەملەكەت تۋىن شىعارۋ سالتىن تاماشالاۋ سياقتىلارعا ۇيىمداستىردى.
”ۇلى بىرلىك“، ”ۇلى توعىسۋ“، ”ۇلى ىنتىماق“، بەيجيڭ ۇلتتار مادەنيەت سارايىنىڭ 3 بولىك كورمە زالىنىڭ ماڭدايشالىعىنا جازىلعان ۇلكەن ارىپتەر چەرشەن اۋدانى ويجايلاۋ قالاشىعى سارىقول قىستاعىنىڭ تۇرعىنى جامال تۇرسۇنعا تەرەڭ اسەر قالدىردى: ”پارتيا مەن مەملەكەتتىڭ قامقورلىعىندا، قولداۋىندا، اۋىلىمىزدىڭ تۇرمىسى بارعان سايىن جاقساردى، قۇمدى شولدەن شىعۋ ەندىگارى قيىن ٴىس ەمەس، ٴبىز اناردىڭ دانىندەي تىعىز ۇيىسىپ، اناعۇرلىم كوركەم بولاشاقتى بىرگە جاراتامىز“.
ۇقساس ٴبىر اسپان استىندا، ۇقساس ٴبىر جەردە قۇمدى شولمەن ىرگەلەس جاتقان وڭتۇستىك شينجياڭ ۇزدىكسىز توعىسۋ ارقىلى تۇتاس تۇلعالىق وڭىرلىك دامۋ جاڭا جاعدايىن قالىپتاستىرۋدا. اۆتونوميالى رايوندىق 10 ـ كەزەكتى پارتكوم سەگىزىنشى جالپى ٴماجىلىسى «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ، شينجياڭ ۇيعۇر اۆتونوميالى رايوندىق حالىق ۇكىمەتىنىڭ وڭتۇستىك شينجياڭنىڭ جوعارى ساپالى دامۋىن جەبەۋ جونىندەگى ٴبىرقانشا ساياسات ـ شارانى» قاراپ ماقۇلدادى، بايىنعولين موڭعۇل اۆتونوميالى وبلىسى مەن بيڭتۋاننىڭ وڭتۇستىك شينجياڭداعى شى ـ قالالارىن تۇڭعىش رەت قولداۋ كولەمىنە ەنگىزىپ، اكىمشىلىك رايوندارعا ٴبولۋدى تالقانداپ، وڭىرلىك تۇتاس تۇلعالىق دامۋ تۇرعىسىنان وڭتۇستىك شينجياڭعا جوبا جاساپ، وڭتۇستىك شينجياڭ تارىمدى اينالعان ەكونوميكالىق بەلدەۋى ويىن ورتاعا قويىپ، شينجياڭنىڭ ەكونوميكالىق، قوعامدىق دامۋىنىڭ جاڭا ارتۋ ۇيەگىن قالىپتاستىردى.
جاڭا دامۋ ارناسىنىڭ جەتەكشىلىگىندە، شينجياڭ ٴار جاقتاعى بايلىق كۇشتەرىنىڭ وڭتۇستىك شينجياڭعا شوعىرلانۋىن، نەگىزگى ساتىعا بەيىمدەلۋىن ىلگەرىلەتۋگە جەتەكشىلىك ەتىپ، بيڭتۋان مەن جەرگىلىكتى ورىننىڭ قالانى ٴبىر تۇلعالاندىرۋ قۇرىلىسىن جەبەپ، تەرەڭ كىرىگۋدى، توعىسپالى دامۋدى ىلگەرىلەتىپ، وڭتۇستىك شينجياڭ سىندى ”شاحمات كوزىن“ كۇش بىرىكتىرە جانداندىردى. 2024 ـ جىلى وڭتۇستىك شينجياڭداعى ٴار ۇلت بۇقاراسىنىڭ كىرىسى ٴبىرشاما تەز ارتتى، مۇنىڭ ىشىندە قاشقار ايماعىنىڭ جان باسىندىق قولداعى تابىسى سايكەس مەزگىلدەگىدەن %7.7 ارتتى، اۋىل ـ قىستاق تۇرعىندارىنىڭ جان باسىندىق قولداعى تابىسى سايكەس مەزگىلدەگىدەن %8.8 ارتتى.
اينالىم ارقىلى تىزبەك قالىپتاستىرىپ، ەرەكشەلىكتى، باسىمدىقتى سومدادى
ەكولوگيالىق ورتا ۇزدىكسىز جاقسارىپ، حالىق تۇرمىسى اۋىس ـ كۇيىسى اناعۇرلىم جيىلەپ، بولماشى وزگەرىستەر ەكونوميكانىڭ جوعارى ساپالى دامۋى ٴۇشىن ارقاۋدى بەكەمدەپ، نەگىزدى جەتىلدىردى. بۇل دا مەملەكەتتىڭ شينجياڭدى زور كۇشپەن قولداپ، وڭتۇستىك شينجياڭنىڭ نەگىزدىك قۇرىلعى شارت ـ جاعدايىن جاقسارتۋداعى ۇلكەن اقىل ـ پاراساتى.
تارىم ويپاتىندا مۇناي ـ گاز بايلىعى مول، جۇڭگونىڭ مۇناي ـ گاز ونەركاسىبىنىڭ ”ٴۇمىت تەڭىزى“. بۇل ارا قايتا تۋىندايتىن ەنەرگيانىڭ ”ىرىستى القابى“، جاڭا ەنەرگيانىڭ ساقتالۋ مولشەرى مول، ساپاسى جاقسى، اشۋ شارت ـ جاعدايى جاقسى، بولاشاعى نۇرلى.
بۇگىنگى تاڭدا وڭتۇستىك شينجياڭ نەگىزدىك قۇرىلعىلار مەن ەكولوگيالىق ورتانىڭ ۇزدىكسىز جاقسارۋى الا كەلگەن تيىمدىلىككە سۇيەنىپ، بايلىق ارتىقشىلىعىن كەلەلى كاسىپ سالاسى نىساندارىنا اينالدىرۋدى جەدەلدەتىپ، وڭتۇستىك شينجياڭنىڭ ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن ورناتتى، ەكونوميكالىق دامۋدىڭ ”ارتىقشىلىق“ ەرەكشەلىگى بىرتىندەپ ايقىندالىپ، باياندى دامۋ جاڭا جولىن اشتى.
”شينجياڭ ەلەكترىن سىرتقا جەتكىزۋ“ 3 ـ ارناسى — قۇمىل - چۇڭچيڭ ±800 كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى وندىرىسكە قوسىلىپ ەلەكتر جەتكىزدى، چارقىلىق جاڭا ەنەرگيا بازاسى جەدەل قۇرىلىس جۇرگىزدى، حوتان داحۇڭليۋتان ليتي كەنى، حوشاۋيۇن قورعاسىن ـ مىرىش كەنى سياقتى دۇنيە جۇزىلىك دارەجەلى كەن قۇرىلىسىنىڭ اياق الىسى تەزدەدى، ٴىرى نىساندار وڭتۇستىك شينجياڭنىڭ ونەركاسىپ، كەن كاسىبى، جاڭا ەنەرگيا كاسىپ سالاسى، جەمىس ورمان شارۋاشىلىعى، ماقتا جانە استىق ەگۋ، وڭدەۋ سياقتى وسىزاماندانعان كاسىپ سالاسى جۇيەسى قۇرىلىسىنىڭ بەرىك نەگىزىنە تىرەك بولىپ، ٴتۇرلى باسىمدىققا يە بايلىقتار مەن سايكەستى قۇرىلعىلاردى بىرىكتىرىپ، تۇتاستىرىپ، باسىمدىقتار قاباتتاسىپ، وڭتۇستىك شينجياڭدى سۋ تاپشى، ەلەكتر از ەنەرگيا ۇشىنان بايلىق فاكتورلارىن تۇلعالىق سايكەستىرەتىن كاسىپ سالاسى بيىگىنە بىرتىندەپ بەت الدىردى.
تارىم ويپاتىن اينالعان 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ تۇتاس جەلى بويىنشا تۇتاستىرىلۋىنا بايلانىستى تارىم ويپاتىنىڭ وڭتۇستىك جيەگىندەگى نيە اۋدانى دامۋ ورايىن قارسى الدى. جەرگىلىكتى ورىنداعى 48 مىڭ مۋلىق ينجەنەريالىق جولمەن قۇمدى تىزگىندەۋ، 70 مىڭ مۋلىق بيولوگيالىق جولمەن قۇمدى تىزگىندەۋ، 2 ميلليون 500 مىڭ كيلوۆاتتىق فوتوۆولتتىق قۇمدى تىزگىندەۋ ينجەنەرياسىنىڭ قۇرىلىس اياق الىسى تەزدەپ، تاكلاماكان شولىندەگى قۇم توبەشىكتەردىڭ جىلجۋ قارقىنى ٴونىمدى باياۋلاپ، ەلەكتر تورىنىڭ اينالىم حاۋىپسىزدىگىن قامتاماسىز ەتۋ مەن ەكولوگيانى ۇزدىكسىز جاقسارتۋدىڭ ٴوزارا بىرلىگىن جۇزەگە اسىردى.
نيە اۋدانىنىڭ ورىنباسار اكىمى جاڭ جيۋجيە بىلاي دەپ تانىستىردى: قازىر 3 فوتوۆولت كاسىپورنى، سونداي ـ اق ٴبىر جەل ەلەكتر كاسىپورنى نيە اۋدانىنا ىرگە تەۋىپ، 10 ميلليارد يۋاننان استام قارجى قوسۋدى جەبەپ، جەرگىلىكتى ورىنداعى 1000نان استام ادامنىڭ جۇمىستانۋىنا جەتەكشىلىك ەتىپ، اۋدان ەكونوميكاسىنىڭ دامۋى مەن شارۋالار كىرىسىنىڭ ٴۇرتىس ارتۋىن پارمەندى جەبەدى.
ەكونوميكالىق ساندى مالىمەتتەر دە وڭتۇستىك شينجياڭنىڭ دامۋىن ايعاقتادى. 2024 ـ جىلى وڭتۇستىك شينجياڭ ونەركاسىبىنىڭ ارتقان قۇنى 152 ميلليارد 970 ميلليون يۋان بولىپ، جاڭادان كوبەيگەن كولەمنەن جوعارى ونەركاسىپ كاسىپورىندارى 200دەن اسىپ، ونەركاسىپكە قوسىلعان قارجى سايكەس مەزگىلدەگىدەن %15 ارتتى. بيىل وڭتۇستىك شينجياڭ بىلتىرعى تاكلاماكان ٴشولىنىڭ جيەكتى تورلاپ ”تۇتاستىرۋ“ نەگىزىندە جاڭادان 4 ميلليون 790 مىڭ مۋ جەردە جاسىلدىق كولەمىن كەڭەيتتى، جەر ـ جەر ٴار جاقتىڭ قۇمايتتانۋدان ساقتانۋ، قۇمدى تىزگىندەۋ بەلسەندىلىگىن تولىق جۇمىلدىردى، وڭتۇستىك شينجياڭداعى ەگىنشى ـ مالشىلار قۇمدى ٴشول توڭىرەگىندەگى قۇمايتتانعان جەرلەرگە ەتتى سۇڭعىلا، قۇمدى ٴشول روزا گۇلى سياقتى ەرەكشە ەكونوميكالىق داقىلدارىن 6 ميلليون مۋدان استام جەرگە ەگىپ، 300 مىڭنان استام ادامنىڭ ورنىقتى جۇمىستانۋىنا جەتەكشىلىك ەتتى.
بۇگىنگى تاڭدا تيانشان الابىنداعى ٴار ۇلت پەرزەنتتەرى ٴبىر ـ بىرىنە قارايلاسىپ، ىنتىماقتاسا كۇرەس جۇرگىزىپ، كۇن سايىن جاڭارىپ، اي سايىن تۇلەجۋگە باتىلدىق ەتەتىن تەبىنمەن وڭتۇستىك شينجياڭنىڭ بۇكىل شينجياڭنىڭ، بۇكىل ەلدىڭ دامۋ ۇلكەن ارناسىمەن توعىسۋىن ىلگەرىلەتتى. اسپان اياسىن تورلاعان قۇمدى بوران سەيىلىپ، قۇم تەڭىزىنەن التىن قازاتىن، جاسىلداندىرۋ مەن بايۋدى بىردەي گۇلدەندىرگەن شىت جاڭا وڭتۇستىك شينجياڭنىڭ ومىرشەڭ كۇشى تاسقىنداۋدا.
