انار بۇلت \ شينجياڭ گازەتىنىڭ ٴتىلشىسى سۇڭ ۋيگو
ەرمەن ەگۋدەن وڭدەۋگە، ٴونىمدى ساتۋدان ەرمەنمەن ىستاۋدى سەزىنۋگە، زەرتتەۋ ـ ۇيرەنۋدەن شينجياڭ ەرمەن سورتىن جەتىلدىرۋگە دەيىن، فۋجيان ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى چۋانجوۋ قالالىق بولىمشە قولباسشىلىق شتابىنىڭ (تومەندە قىسقارتىلىپ ”چۋانجوۋدىڭ شينجياڭعا كومەكتەسۋ بولىمشە قولباسشىلىق شتابى“ دەلىنەدى) كومەگى مەن قولداۋىندا، سانجى قالاسى ليۋگۇڭ قالاشىعى شىسانحۋ قىستاعى قىستاقتىڭ ٴىس جۇزىندىگىنە ۇيلەسەتىن دامۋ جولىن تاپتى.
8 ـ ايدىڭ 11 ـ كۇنى ”شينجياڭعا باعىتتامالى كومەكتەسۋ تيانشاندا ورىستەتىلدى“ نەگىزگى تاقىرىپتىق تىلشىلىك ۇيىرمەسىنىڭ تىلشىلەرى شىسانحۋ قىستاعىنان بيىل ەرمەننىڭ 2 ـ رەت ورىلىپ بولعاندىعىن، باۋلانعان ەرمەن اتىزدا ٴۇيىلىپ، كەيبىر ەرمەننىڭ جاڭا جاپىراق شىعارىپ، كەلەسى ورىمداعى ەرمەننىڭ ٴوسىپ كەلە جاتقاندىعىن كوردى.
شىسانحۋ قىستاعى اۋىل شارۋاشىلىعى ەگىمشىلىگىن نەگىز ەتكەن قىستاق، كوپ جىلدان بەرى، ”قىستاق ەكى كوميتەتى“ القاسى تالايدان بەرى جەرگىلىكتى ورىنعا اناعۇرلىم ۇيلەسەتىن ەكونوميكالىق داقىل جونىندە ىزدەنىس جاسادى. 2019 ـ جىلى قىستاق ”ەكى كوميتەتى“ ماڭايىنداعى قارامايلى قالاسى، شينجياڭ ٴوندىرىس ـ قۇرىلىس بيڭتۋانى 6 ـ شى فاڭساۋحۋ ەگىس الاڭى سياقتى جەرلەرگە بارىپ ەرمەن ەگىمشىلىگى جاعدايىن ۇعىسادى. ٴار جىلى دۋان ـ ۋ مەرەكەسى كەزىندە بارلىق وتباسى ەرمەن ىلەدى، ەرمەنمەن ىستالاتىن ادامدار دا بارشىلىق، بۇل شىسانحۋ قىستاعىنىڭ دامۋىنداعى ەرەكشە كاسىپ سالاسى بولا الا ما؟ قىستاق ”ەكى كوميتەتى“ القاسى جاڭا ىزدەنىستى باستايدى.
ماتەريال اقتارىپ، مامانداردان اقىل ـ كەڭەس سۇراپ، بازار قاجەتىن ۇعىسادى... ەگجەي ـ تەگجەيلى دالەلدەۋ ارقىلى 2022 ـ جىلى 4 ـ ايدا قىستاق تەكسەرۋ ۇيىرمەسىن ۇيىمداستىرىپ، حىنان ولكەسى نانياڭ قالاسىنا بارىپ قاتىستى كاسىپ سالاسىنىڭ دامۋ جاعدايىن ۇعىسادى. سول جىلى قىستاق قىستاقتىڭ كوللەكتيۆ جەرىنەن 100 مۋ ٴبولىپ، سىناق رەتىندە ەرمەن ەگەدى.
”ٴبىز سول كەزدە ٴار مۋ جەرگە 6000 ٴتۇپ تىعىزدىق بويىنشا ەكتىك، جىل سوڭىندا ٴار مۋ جەردەن ٴبىر تونناعا تاياۋ ەرمەن الارىمىزدى ويلاماعان ەدىك“، ـ دەدى سانجى قالاسى ليۋگۇڭ قالاشىعى شىسانحۋ قىستاعى پارتيا باس ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى فىڭ جيانجۇن.
ەرمەن ەگۋ ٴساتتى بولعانىمەن، ساتىلۋى ٴوتىمدى بولمادى، الايدا قىستاق كادرلارى بۇعان بولا قامىقپادى، ويتكەنى مۇنداي كوپ جىلدىق وسىمدىكتى بۇكىلدەي ٴدارى رەتىندە پايدالانۋعا بولادى ٴارى ساقتالۋ ۋاقىتى ۇزاق بولعان سايىن دارىلىك ٴونىمى دە جاقسى بولادى، قىستاق تۇرعىندار كوميتەتى مول ٴونىم الىنعان ەرمەندى زاۆود ۇيىندە ساقتادى.
2023 ـ جىلى 10 ـ ايدا چۋانجوۋدىڭ 11 ـ توپتا شينجياڭعا كومەكتەسەتىن كادرلارى شينجياڭعا كەلگەننەن كەيىن، شىسانحۋ قىستاعىنىڭ ەرمەن ەگۋ اۋماعى بارعان سايىن كەڭەيىپ، ٴونىمى ۇزدىكسىز جوعارىلاپ، قىستاقتا 500 - 400 توننا ساپالى ەرمەن ساقتاۋلى تۇرعانىن ۇعىسادى. ”بۇل ەرمەننىڭ ٴبارى اسىل، ٴبىز قۇرعاق ەرمەننەن ناعىز اسىلدى سىعىپ شىعارىپ، قىستاق تۇرعىندارىنىڭ كىرىسىن ارتتىرۋىنا كومەكتەسەمىز“، ـ دەدى چۋانجوۋدىڭ شينجياڭعا كومەكتەسۋ بولىمشە قولباسشىلىق شتابى كاسىپ سالاسى گرۋپپاسىنىڭ باستىعى، سانجى قالالىق ساۋدا ىستەرى جانە ونەركاسىپ، ينفورماتسيالاندىرۋ مەكەمەسىنىڭ ورىنباسار باستىعى چىن جيانجاۋ.
چۋانجوۋدىڭ شينجياڭعا كومەكتەسۋ بويىنشا قولداۋىندا، بيىل 3 ـ ايدىڭ 10 ـ كۇنى ەرمەن وڭدەۋ زاۆودى رەسمي وندىرىسكە قوسىلىپ، تالاي جىل بويى ساقتاۋلى تۇرعان ساپالى ەرمەن وڭدەلىپ، سوڭىندا ەرمەن ۇنتاعى تاياقشاسىنا اينالدى.
قىستاق تاعى ەرمەنمەن ىستاۋدى سەزىنۋ سارايىن قۇرادى ٴارى 70 جاستان اسقان قارتتاردى ەرمەنمەن تەگىن ىستالۋدان يگىلىكتەندىرۋ ساياساتىن العا قويادى.
2022 ـ جىلى قىستاق قىستاق تۇرعىندارىن ەرمەنمەن ىستاۋ تەحنولوگياسىن ۇيرەنۋگە ۇندەيدى، پاڭ يان ٴارى ـ ٴسارى بولماي تىزىمدەلەدى. چۋانجوۋدىڭ شينجياڭعا كومەكتەسۋ بولىمشە قولباسشىلىق شتابى مەن قىستاق ۇرىمجىدەگى ٴبىر كاسىپورىندى ساباق وتۋگە ۇسىنىس ەتتى، تاعى اپتا سوڭىنداعى ۋاقىتتان پايدالانىپ كۋرسانتتاردى ۇرىمجىگە ەرمەنمەن ىستاۋدى ۇيرەنۋگە جىبەرەدى. ۇيرەنىپ قايتىپ كەلگەن پاڭ يان ەرمەنمەن ىستاۋدى سەزىنۋ ورتالىعىنىڭ فيزيكالىق جولمەن ەمدەيتىن قىزمەتكەرىنە اينالىپ، دۇيسەنبىدەن جۇماعا دەيىن سەزىنۋ سارايىندا جۇمىس ىستەيدى.
”قازىر ايىنا 4000 يۋان كىرىس كىرگىزەمىن، وتباسىمىزداعىلار تاعى كوپتەگەن دەنساۋلىقتى كۇتىمدەۋ بىلىمدەرىن يگەردىك“. بيىل 35 جاسقا كەلگەن پاڭ يان بۇرىن ۇيىندە بالا باعاتىن، قازىر قىستاقتاعى ون نەشە تۇرعىن ودان ەرمەنمەن ىستاۋ تەحنولوگياسىن ۇيرەنۋدە.
شىسانحۋ قىستاعىنىڭ تۇرعىنى چىن جياڭ دا ەرمەن كاسىپ سالاسىنىڭ پايداسىن كوردى. چىن جياڭ بۇدان بۇرىن سىرتتا جۇمىس ىستەيتىن، بيىل 3 ـ ايدا ەرمەن وڭدەۋ زاۆودىنىڭ تەحنيگىنە اينالادى، ونىڭ قىزمەتى ٴوندىرىلىپ شىققان ەرمەن ۇنتاعى تاياقشاسىن سارالاپ تەكسەرۋ. بوس ۋاقىتتارىندا ول ۇيرەنگەن ەرمەن ٴوندىرۋ تەحنولوگيالارىن قىزمەتتەستەرىنە ۇيرەتەدى.
فىڭ جيانجۇن بىلاي دەدى: قازىر شىسانحۋ قىستاعىندا ەرمەن ەگۋ، وڭدەۋ، ساتۋ، سەزىنۋ كاسىپ سالاسى تىزبەگى العاشقى ادىمدا قالىپتاستى. قازىر قىستاق شينجياڭنىڭ جەرگىلىكتى ەرمەن سورتى — تيانشان ەرمەنى 1 ـ ٴنومىرلىنى جانە تيانشان ەرمەنى 2 ـ ٴنومىرلىنى بەلسەنە جەتىلدىرۋدە، مەجەمەن 2027 ـ جىلى ەگۋدى جالپىلاستىرامىز. كەلەسى قادامدا ەرمەن زەرتتەۋ، وقىتۋ بازاسىن قۇرىپ، جاستار مەن ورەندەردىڭ جۇڭگوشا شيپاگەرلىك، دارىگەرلىك مادەنيەتىنىڭ باي مازمۇنىن، تەرەڭ ٴمانىن سەزىنۋىنە مۇمكىندىك جاساۋدى جوسپارلاپ وتىرمىز.
”كىشكەنتاي عانا ەرمەندە چۋانجوۋدىڭ شينجياڭعا كومەككە كەلگەن كادرلارىنىڭ تەرەڭ سۇيىسپەنشىلىگى جاتىر، شينجياڭعا كومەكتەسۋ كۇشتەرىنىڭ دەم بەرۋىندە، قىستاق تۇرعىندارىنىڭ تۇرمىسى، ٴسوزسىز، كۇننەن ـ كۇنگە جاقساراتىندىعىنا سەنەمىز“، ـ دەدى فىڭ جيانجۇن.
