انار بۇلت \ شينجياڭ گازەتىنىڭ ٴتىلشىسى يىن لۋ 8 ـ ايدىڭ 16 ـ كۇنى حوتاننان حابارلايدى. 8 ـ ايدىڭ 15 ـ كۇنى كەشتە 2025 ـ جىلعى ”شينجياڭ جاقسى جەر“ بەيزاتتىق مۇرا بويىنشا شينجياڭعا كومەكتەسۋ نەگىزگى تاقىرىپتىق كورمە قيمىلى حوتان قالاسى يوتقان بايىرعى قالاسىندا باستالدى. وسى رەتكى قيمىلدا شينجياڭ ۇيعۇر اۆتونوميالى رايونىنان، شينجياڭ ٴوندىرىس ـ قۇرىلىس بيڭتۋانىنان جانە باسقا 25 ولكەدەن (رايون، قالا) 435 بەيزاتتىق مۇرا ۋاكىلدىك نىسانى، 383 بەيزاتتىق مۇرا ۋاكىلدىك جالعاستىرۋشىسى كورمەگە قاتىناستى، كورمەگە قاتىناسقان ولكەلەر مەن كورمەگە قاتىناسقان نىساندار كولەمى جاعىنان تۇگەلدەي تاريحتاعى ەڭ زور دەڭگەيگە جەتتى.
قيمىلدىڭ نەگىزگى ٴماجىلىس الاڭى يوتقان بايىرعى قالاسىنا ورنالاستىرىلدى، بەتاشار زال، كورمەلەۋ ـ ايگىلەۋ جانە ەرەكشەلىككە يە بەيزاتتىق مۇرا قيمىلدارى سىندى 3 بولىكتەن قۇرالدى. بەتاشار زالدا بۇكىل ەلدەگى ٴارقايسى ولكە (قالا، رايون) مەن شينجياڭ ٴوزارا ۇسىنعان 52 بەيزاتتىق مۇرا تۋىندىسى ٴتۇيىندى كورسەتىلدى، بۇل تۋىندىلار جۇڭحۋا ۇلى شاڭىراعىنىڭ ىنتىماعىن، بەرەكەسىن شوعىرلى ايگىلەدى.
عىلىم ـ تەحنولوگيانىڭ قۋات ۇستەۋى وسى رەتكى قيمىلدىڭ ۇلكەن جارقىن ٴتۇيىنى بولدى. ورتالىق اسەمونەر شۋەيۋانى، گۋاڭيۇي لايتى، فىڭيۇيجۋ سياقتى جوعارى مەكتەپتەر مەن كاسىپورىندار تەرى قۋىرشاق تەاتر، بالشىق ٴمۇسىن، اتىلاس تورعىنىن بوياۋ ونەرى سياقتى بەيزاتتىق مۇرا نىساندارى مەن عىلىم ـ تەحنولوگيامەن توعىستىرىلعان سيفرلاندىرىلعان ىقپالداستىق قۇرىلعىسى ارقىلى عىلىم ـ تەحنولوگيانىڭ بەيزاتتىق مۇرانى تاراتۋداعى شىت جاڭا رولىن تىكەلەي كورسەتتى.
قيمىل كەزىندە بەيزاتتىق مۇرا ٴبي مانەرى، بەيزاتتىق مۇرا بازارى، بەيزاتتىق مۇرا قولونەرى، بەيزاتتىق مۇرا زەرتتەۋ ـ ۇيرەنۋى سياقتى ەرەكشەلىككە يە قيمىلدار نەگىزگى قيمىل ورنىندا ىركەس ـ تىركەس ورىستەتىلدى، چۋانجۇي تەاترى، ۋچياۋ سەرىك ويىنى، جيڭيۇن بارابانى، شينجياڭ ٴان ـ جىرى، حۋا ـ ىر سياقتىلاردى قامتىعان كوپتەگەن بەيزاتتىق مۇرا كورمەلىك قويىلىمدارى، سونداي ـ اق چۋشياڭ ٴيىستى تۇتانعىشى، دىحۋا فارفور جاساۋ ونەرى، سيا ساۋىت جاساۋ سياقتى 45 بەيزاتتىق مۇرا نىسانى سول جەردە جاساپ كورسەتىلدى. بەيزاتتىق مۇرا زەرتتەۋ ـ ۇيرەنۋ بۋىنى جاستار مەن ورەندەردىڭ بەيزاتتىق مۇرا ۋاكىلدىك جالعاستىرۋشىلارىمەن بەتپە ـ بەت پىكىرلەسىپ، بەيزاتتىق مۇرا تۋىندىلارىن جاساۋدىڭ جالپى بارىسىن تىكەلەي سەزىنۋلەرىنە مۇمكىندىك جاسايدى.
بىردەي باستالعان ”بەيزاتتىق مۇرا جازعى تۇتىنۋ زات ساتىپ الۋ ايى“ قيمىلى الداعى ٴبىر ايدا ”جازعى تۇتىنۋ“، ”ساياحات“ نەگىزگى تاقىرىپتارىن ارقاۋ ەتىپ، ”بۇلتتاعى بەيزاتتىق مۇرا“ تۇعىرى ارقىلى 100گە جۋىق ساپالى بەيزاتتىق مۇرا ونىمدەرىن، ايتالىق، حوتان قاس تاسى ويماسى، كۇشار ۇلكەن نانى، قارامايلى قىش ـ فارفور بۇيىمدارى سياقتىلاردى تانىستىرىپ، ساياحاتشىلاردى شينجياڭدى جان ـ جاقتى ساياحاتتاۋعا باۋراپ، جەرگىلىكتى ورىن كاسىپ سالاسىنىڭ دامۋىنا دەم بەرەدى.
قيمىل الاڭىندا تاعى شينجياڭنىڭ ”مادەنيەت جانە ساياحات ارقىلى تۇتىنۋدى جەبەۋ“ حالىققا تيىمدىلىك جەتكىزۋ شاراسى جاريالاندى، تۇتىنۋدىڭ جاڭا ارتۋ ٴتۇيىنىن جەتىلدىرۋ، تۇتىنۋ قوسىمشا قاراجاتىن بەرۋ كولەمىن كەڭەيتۋ، بارلىق ۋاقىتتا تۇتىنۋدى جانداندىرۋ سياقتى جاقتاردا ۇسىنىلىمدى ارتتىرادى.
وسى رەتكى قيمىلدا حوتان مۇراجايى، حوتان تۋانچىڭ كورىنىس اۋماعى، قاراقاش كونە قالاسى كورىنىس اۋماعى سياقتى بولىمشە الاڭداردا ايۋان ـ ساراي تۇرعىندار تۇراعىن قالىپتاستىرۋ ونەرى، قاس تاسى ويماسى، تۇت قاعازىن جاساۋ ونەرى، 12 مۇقام سياقتى بەيزاتتىق مۇرا ۋاكىلدىك نىساندارى كورمەسى، كورمەلىك قويىلىمى جانە ىقپالداسىپ سەزىنۋ ورنالاستىرىلدى.
بۇل قيمىل 2021 ـ جىلدان باستاپ ٴۇرتىس 5 جىل وتكىزىلدى، جيىنى 1450 بەيزاتتىق مۇرا ۋاكىلدىك جالعاستىرۋشىسى قاتىناسىپ، 1217 ٴتۇرلى ٴار دارەجەلى بەيزاتتىق مۇرا ۋاكىلدىك نىسانى كورسەتىلىپ، حالىق بۇقاراسىنىڭ بەيزاتتىق مۇرانى قورعاۋ جەتىستىكتەرىن ٴبولىسۋىنىڭ ماڭىزدى دانەكەرىنە جانە شينجياڭدى مادەنيەتپەن نارلەندىرۋدى ىلگەرىلەتۋدىڭ ماڭىزدى شاراسىنا اينالدى.
وسى رەتكى بەيزاتتىق مۇرا ارقىلى شينجياڭعا كومەكتەسۋ نەگىزگى تاقىرىپتىق كورمە قيمىلىن ”شينجياڭدى مادەنيەتپەن نارلەندىرۋ، بەيزاتتىق مۇرانىڭ ابىرويىن اسىرۋ“ نەگىزگى تاقىرىبىمەن تىعىز بايلانىستىرىپ، مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى بىرلەسىپ باس بولىپ ۇيىمداستىردى، اۆتونوميالى رايوندىق مادەنيەت جانە ساياحات مەڭگەرمەسى، حوتان ايماقتىق اكىمشىلىك مەكەمەسى مىندەتىنە الىپ وتكىزدى.
