شينحۋا اگەنتتىگىنىڭ 8 ـ ايدىڭ 29 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «ورتالىق كوميتەت ۇگىت ٴبولىمىنىڭ، ورتالىق كوميتەت ۇيىمداستىرۋ ٴبولىمىنىڭ ＜شي جينپيڭ ەل باسقارۋ جونىندەنىڭ＞ 5 ـ تومىن ۇيرەنۋدى مۇقيات ۇيىمداستىرۋ جونىندەگى حابارلاندىرۋىن» كوشىرىپ تاراتتى، سونداي ـ اق حابارلاندىرۋ شىعارىپ، وڭىرلەردەن، تاراۋلاردان ٴىس جۇزىندىكپەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«ورتالىق كوميتەت ۇگىت ٴبولىمىنىڭ، ورتالىق كوميتەت ۇيىمداستىرۋ ٴبولىمىنىڭ ＜شي جينپيڭ ەل باسقارۋ جونىندەنىڭ＞ 5 ـ تومىن ۇيرەنۋدى مۇقيات ۇيىمداستىرۋ جونىندەگى حابارلاندىرۋىنىڭ» تولىق مازمۇنى تومەندەگىدەي:
شي جينپيڭ جاڭا ٴداۋىر جۇڭگوشا سوتسياليزم يدەياسى — ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا تاباندى بولۋدا قول جەتكىزگەن نازاريادا جاڭالىق اشۋداعى كەلەلى جەتىستىك، زامانىمىزداعى جۇڭگو ماركسيزمى، 21 ـ عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ ٴداۋىر جاۋھارى، ول ماركسيزمنىڭ جۇڭگوشالانۋىنىڭ، زامانالانۋىنىڭ تىڭ شارىقتاۋىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە عىلمي ارەكەت باعدارناماسىن ازىرلەدى. پارتيا 20 ـ قۇرىلتايى ”ەكىنى ۇشتاستىرۋدىڭ“ باي مازمۇنى مەن اماليات تالابىن ىشكەرىلەي ٴتۇسىندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنداعى دۇنيەگە كوزقاراستى، ادىستەمەنى جانە وعان سىڭىرىلگەن تۇرعىنى، كوزقاراستى، ٴادىستى ەگجەي ـ تەگجەيلى قورىتىندىلادى ٴارى ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ٴورىسىن اشۋ جونىندە جاڭا تالاپ قويىپ، پارتيانىڭ جاسامپاز نازارياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداۋ جونىندە ورنالاستىرۋ جاسادى.
«شي جينپيڭ ەل باسقارۋ جونىندەنىڭ» 1 ـ تومىنان 4 ـ تومىنا دەيىن باسپادان شىعۋى شي جينپيڭ جاڭا ٴداۋىر جۇڭگوشا سوتسياليزم يدەياسىمەن وي ـ سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتىپ، حالىقارالىق قوعامنىڭ جۇڭگو جولى، جۇڭگو باسقارۋى، جۇڭگو قاعيداسى جونىندەگى تۇسىنىگىن، تانىمىن ارتتىرۋعا كومەكتەسۋ جاعىندا ماڭىزدى رول اتقاردى. «شي جينپيڭ ەل باسقارۋ جونىندەنىڭ» 4 ـ تومى باسپادان شىققاننان بەرى، باس شۋجي شي جينپيڭ ەل باسقارۋعا باسشىلىق ەتۋ جاڭا امالياتى بارىسىندا نازاريا مەن امالياتتى ۇشتاستىرۋ تۇرعىسىنان پارتيا مەن مەملەكەت ىستەرىنىڭ دامۋىنا قاتىستى ٴبىر قىدىرۋ كەلەلى داۋىرلىك تاقىرىپقا ىشكەرىلەي جاۋاپ بەرىپ، ٴبىر قىدىرۋ جاڭا يدەيا، جاڭا كوزقاراس، جاڭا تۇجىرىم ارقىلى پارتيانىڭ نازاريادا جاڭالىق اشۋ جەتىستىكتەرىن بايىتتى جانە دامىتتى.
پارتيا ورتالىق كوميتەتىنىڭ بەكىتۋىمەن ورتالىق كوميتەت ۇگىت ٴبولىمى (مەملەكەتتىك كەڭەس اقپارات كەڭسەسى) ورتالىق كوميتەت پارتيا تاريحى جانە حۇجات زەرتتەۋ ورنىمەن، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىمەن بىرلەسىپ «شي جينپيڭ ەل باسقارۋ جونىندەنىڭ» 5 ـ تومىن قۇراستىردى. بۇل كىتاپقا باس شۋجي شي جينپيڭنىڭ 2022 ـ جىلى 5 ـ ايدىڭ 27 ـ كۇنىنەن 2024 ـ جىلى 12 ـ ايدىڭ 20 ـ كۇنىنە دەيىنگى باياندامالارى، سوزدەرى، سۇحباتتارى، لەكسيالارى، ارناۋ سوزدەرى، ماقالالارى، نۇسقاۋلارى سياقتى 91 شىعارما ەنگىزىلىپ، 18 ارناۋلى تاقىرىپقا بولىنگەن. ٴبىر ٴبولىم شىعارمالار تۇڭعىش رەت اشىق جاريالاندى.
«شي جينپيڭ ەل باسقارۋ جونىندەنىڭ» 5 ـ تومىندا قاتاڭ دا كۇردەلى حالىقارالىق ورتا جانە جاپالى دا اۋىر ىشكى رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جوعارى ساپالى دامۋدى كۇش سالا ىلگەرىلەتىپ، رەفورمانى اناعۇرلىم جاپپاي تەرەڭدەتۋدى جوسپارلاپ جانە ىلگەرىلەتىپ، جوعارى دەڭگەيدە سىرتقا ەسىك اشۋدى ىلگەرىلەتىپ، قامال الىپ قيىندىقتى جەڭىپ، قايراتتانا ەكپىندەي ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋ جولىندا نىق قادام تاستاۋدى ىلگەرىلەتۋدەگى جالىندى امالياتى جاندى ەستەلىككە الىنعان، ”ەكىنى ۇشتاستىرۋعا“ تاباندى بولۋدىڭ، ماركسيزمنىڭ جۇڭگوشالانۋىن، زامانالانۋىن ىلگەرىلەتۋدىڭ ەڭ جاڭا جەتىستىكتەرى شوعىرلى ايگىلەنگەن، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قوسقان اقىل ـ پاراساتى مەن جوباسى تولىق بەينەلەنگەن، بۇل شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ەڭ جاڭا جەتىستىكتەرىن جان ـ جاقتى، جۇيەلى بەينەلەگەن قۇزىرلى شىعارما.
«شي جينپيڭ ەل باسقارۋ جونىندەنىڭ» 5 ـ تومىنىڭ باسپادان شىعىپ تاراتىلۋى قالىڭ پارتيا مۇشەلەرىنىڭ، كادرلاردىڭ، بۇقارانىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن ونان ارى ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن اناعۇرلىم تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداۋىن ىلگەرىلەتىپ، جۇدىرىقتاي جۇمىلىپ پارتيا 20 ـ قۇرىلتايىندا جاسالعان ۇلى جوبانى جۇزەگە اسىرۋ جولىندا ىنتىماقتاسا كۇرەس جۇرگىزۋ جونىنەن؛ حالىقارالىق قوعامنىڭ وسى ماڭىزدى يدەيانىڭ ەڭ جاڭا دامۋىن دەر كەزىندە ٴتۇسىنىپ، جۇڭگو ۇستانىمى، جۇڭگو جوباسى، جۇڭگو اقىل ـ پاراساتى جونىندەگى تۇسىنىگىن تەرەڭدەتۋىنە كومەكتەسىپ، ادامزاتتىڭ تاعدىرلاس ورتاق تۇلعاسىن قول ۇستاسا بىرگە قۇرۋ جونىنەن ماڭىزدى ٴمان الادى.
«شي جينپيڭ ەل باسقارۋ جونىندەنىڭ» 5 ـ تومىن مۇقيات ۇيرەنۋ — شي جينپيڭ جاڭا ٴداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋداعى، حالىقتى تاربيەلەۋدەگى، امالياتقا جەتەكشىلىك ەتۋدەگى ماڭىزدى شارا. ٴار دارەجەلى پارتيا ۇيىمدارى دەن قويا ۇيىمداستىرىپ، ورنالاستىرىپ، «شي جينپيڭ ەل باسقارۋ جونىندەنىڭ» 5 ـ تومى مەن 1 ـ تومىنان 4 ـ تومىنا دەيىنگى بولىگىن ٴبىر تۇتاس تۇلعا رەتىندە قاراپ، قالىڭ پارتيا مۇشەلەرىن، كادرلاردى تاباندىلىقپەن ٴتۇپ نۇسقانى وقىپ، اۋەلگى ٴماتىندى ۇيرەنىپ، قاعيدانى ٴتۇسىنىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدى، تانىمدى، سەنىمدى، ارەكەتتى بىرلىككە كەلتىرۋدى شىنايى ورىنداۋعا جەتەكتەۋ كەرەك. ٴار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى «شي جينپيڭ ەل باسقارۋ جونىندەنىڭ» 5 ـ تومىن ۇيرەنۋ جوسپارىنا ەنگىزىپ، يدەيانى ۇيرەنۋ، يدەيانى ٴتۇسىنۋ، يدەيانى قولدانۋ سانالىلىعىن جانە تاباندىلىعىن ۇزدىكسىز كۇشەيتىپ، ۇيرەنۋ جەتىستىگىن ٴىس تىندىرىپ ناتيجە جاراتۋدىڭ، جوعارى ساپالى دامۋدى ىلگەرىلەتۋدىڭ ٴىس جۇزىندىك ونىمدىلىگىنە اينالدىرۋ كەرەك. ٴار دارەجەلى پارتيا مەكتەپتەرى (اكىمشىلىك شۋەيۋان)، كادرلار شۋەيۋاندارى «شي جينپيڭ ەل باسقارۋ جونىندەنىڭ» 5 ـ تومىن تاربيەلەۋدىڭ، وقىتۋدىڭ ماڭىزدى مازمۇنىنا ەنگىزۋى، ٴارقايسى جوعارى مەكتەپتەر ونى يدەيا ـ ساياسي تاربيەسىنىڭ ماڭىزدى وقۋلىعى ەتۋى ٴتيىس، ٴار دارەجەلى پارتكومداردىڭ لەكتورلار ۇيىرمەسى، سونداي ـ اق جاڭا ٴداۋىر وركەنيەت امالياتى ورتالىقتارى، قالا، اۋدان دارەجەلى توعىسپالى مەديا ورتالىقتارى وبيەكتىلەنگەن، قابىلداۋشىلارعا جىكتەلگەن ۇگىت لەكسيانى، ۇگىتتى كۇشەيتىپ، باۋراۋ قۋاتىن، ىقپال كۇشىن ۇزدىكسىز كۇشەيتۋى كەرەك. نازاريانى امالياتپەن ۇشتاستىراتىن ماركسيزمدىك ۇيرەنۋ ستيلىنە تاباندى بولىپ، رەفورما، دامۋ، ورنىقتىلىق سياقتى ٴار جاقتاعى قىزمەتتەردى ويداعىداي ىستەۋمەن بىرلەستىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن اناعۇرلىم ويداعىداي يدەيانى بىرلىككە كەلتىرىپ، ەرىك ـ جىگەردى بىرلىككە كەلتىرىپ، ارەكەتتى بىرلىككە كەلتىرىپ، پارتيا ورتالىق كوميتەتىنىڭ ٴتۇرلى شەشىمدەرىن، ورنالاستىرۋلارىن جاسامپازدىقپەن دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ تەلەگەي كۇشىن ۇيىستىرۋ كەرەك.
