— بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ جونىندەگى جالپى شولۋ
شينحۋا اگەنتتىگىنىڭ تىلشىلەرى
ورتالىقتىڭ سەگىز ٴتۇرلى بەلگىلەمەسى — شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ حالىقتىڭ سەنىمىنە يە بولۋ شاراسى، جاڭا داۋىردەگى پارتيانى باسقارۋدىڭ، پارتيانى جونگە سالۋدىڭ بەلگى سيپاتتى شاراسى.
ورتالىقتىڭ سەگىز ٴتۇرلى بەلگىلەمەسى 5 جىلدىق، 10 جىلدىق بەلگىلەمە ەمەس، قايتا ۇزاق ۋاقىتتىق ٴونىمدى قۇرىش قاعيدا، قاتاڭ ولشەم.
بيىل 3 ـ ايدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى تىڭعىلىقتى ورىستەتىلدى، قالىڭ پارتيا مۇشەلەرى، كادرلار باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن مۇقيات ۇيرەنىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋ ەگجەي ـ تەگجەيلى ەرەجەسىنىڭ رۋحىن تاباندىلىقپەن دايەكتىلەندىرىپ، پارتيا ستيلىنىڭ ۇزدىكسىز جاقسارۋىن ىلگەرىلەتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىن ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە سارقىلماس قۋاتتى كۇش ۇستەدى.
دەن قويا جوسپارلاپ، دالمە ـ ٴدال جەتەكشىلىك ەتىپ، ۇيرەنۋ تاربيەسىنىڭ بۇكىل پارتيادا تىڭعىلىقتى ورىستەتىلۋىن ىلگەرىلەتتى
ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ — باس شۋجي شي جينپيڭ ٴوزى جوسپارلاعان بيىلعى پارتيا قۇرىلىسى قىزمەتىنىڭ ٴتۇيىندى مىندەتى.
مەملەكەتتىك ەكى ٴماجىلىس جابىلىپ ٴبىر اپتاعا جەتپەي، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ باستالا سالىسىمەن باس شۋجي شي جينپيڭ گۇيجوۋعا، يۇننانعا بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.
قىزمەت تەكسەرگەن كەزىندە باس شۋجي شي جينپيڭ پارتيا ورتالىق كوميتەتىنىڭ وسى رەتكى ۇيرەنۋ تاربيەسىن ورىستەتۋ ۇيعارىمى جونىندەگى تەرەڭ تولعانىسىن كوپ رەت تىلگە تيەك ەتتى —
”بەرتىنگى جىلدارى سەگىز ٴتۇرلى بەلگىلەمە ٴتۇبىرلى سيپاتتى وزگەرىستى شىنىمەن ىلگەرىلەتتى، سالت جاڭارعان سوڭ، بۇرىن ٴسىڭىستى بولىپ كەتكەن اۋىر جاعدايلاردىڭ باسىم كوبى جوعالدى. سونىمەن قاتار كەيبىر جەرلەردە بوساڭسۋ تۋىلعاندىعىن، كەيبىر جاقتاردا ٴالى دە ەسكەرۋسىز، قالتارىس قالاتىن وڭىرلەر ساقتالىپ وتىرعاندىعىن، كەيبىر ناشار ادەتتەردىڭ قايتا ورشىگەنىن كورە ٴبىلۋىمىز كەرەك. شەگە قاققاندا تاعى دا بىرنەشە رەت قاعىپ، تىنباي كۇش سالىپ، جاقسى سالتتى ادەتكە اينالدىرۋ كەرەك“.
جاڭا داۋىردە جاڭا ۇلى تاراۋ جازىلۋدا. 2025 ـ جىلى ”14 ـ بەسجىلدىق“ اياقتالادى، ”15 ـ بەسجىلدىق“ جوسپارلانۋدا.
وسى شەشۋشى ۋاقىت تۇيىنىندە ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ — شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ جانە پارتيا ٴتارتىبىن ۇيرەنۋ تاربيەسىنىڭ جەتىستىگىن بەكەمدەۋدىڭ، تەرەڭدەتۋدىڭ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋدىڭ ماڭىزدى شاراسى، پارتيا مەن بۇقارانىڭ، كادرلار مەن بۇقارانىڭ بايلانىسىن نىعايتۋدىڭ، پارتيانىڭ بيلىك جۇرگىزۋ نەگىزىن بەكەمدەۋدىڭ تابيعي تالابى، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ پارمەندى قامتاماسىزدىعى.
باس شۋجي شي جينپيڭ وسى رەتكى ۇيرەنۋ تاربيەسىنە ايرىقشا ٴمان بەرىپ، وتكەلدى مەڭگەرىپ باعىت بەلگىلەپ، تۇتاس بارىسىنا جەتەكشىلىك ەتىپ، ٴوزى ىلگەرىلەتىپ، ٴبىر قىدىرۋ جەلىلەس ماڭىزدى ٴسوز سويلەپ، كوپ رەت ماڭىزدى نۇسقاۋ بەرىپ، بەكىتۋ جازىپ، بۇكىل پارتيادا ۇيرەنۋ تاربيەسىن ويداعىداي ورىستەتۋگە ايقىن بەتالىس كورسەتتى —
گۇيجوۋدا، يۇنناندا قىزمەت تەكسەرگەن، تەكسەرۋ ـ زەرتتەۋ جۇرگىزگەن كەزىندە بىلاي دەپ تاپسىردى: ”ٴار دارەجەلى پارتيا ۇيىمدارى پارتيا ورتالىق كوميتەتىنىڭ وسى ۇيعارىمىنىڭ كەلەلى ٴمانىن تەرەڭ ٴتۇسىنىپ، نازاردى نەگىزگى تاقىرىپقا شوعىرلاندىرىپ، قاراپايىم، ناقتى تۇردە ۇيرەنۋ تاربيەسىن ويداعىداي ۇيىمداستىرۋى، فورماشىلدىق ىستەمەۋى كەرەك، فورماشىلدىقتىڭ وزىنە دە سەگىز ٴتۇرلى بەلگىلەمەدە قارسى تۇرىلادى“؛
حىناندا قىزمەت تەكسەرگەن، تەكسەرۋ ـ زەرتتەۋ جۇرگىزگەن كەزىندە بىلاي دەپ باسا دارىپتەدى: ”ستيلدە قاتاڭ بولۋ تالابىن قاتاڭ شاراعا شىنايى اينالدىرىپ، قۇرىش قاعيدانىڭ تەمىر تەگەۋرىندىك رولىن ساۋلەلەندىرىپ، ۇيرەنۋدىڭ ساپالى، تەكسەرۋدىڭ تەبىندى، تۇزەتۋدىڭ ٴونىمدى بولۋىنا شىنايى كەپىلدىك ەتۋ كەرەك“؛
سانشيدە قىزمەت تەكسەرگەن، تەكسەرۋ ـ زەرتتەۋ جۇرگىزگەن كەزىندە بىلاي دەپ اتاپ كورسەتتى: ”ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنىڭ كەيىنگى قىزمەتتەرىن مىقتاپ يگەرىپ، ەگجەي ـ تەگجەيلى يگەرىپ، ماسەلەلەردى تەكسەرىپ ورتاعا قويۋدا شىنايى بولۋ، رەتتەۋ ـ تۇزەتۋ شارالارى ناقتى بولۋ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك“؛
...
بيىل ”1 ـ شىلدە“ قارساڭىندا 6 ـ ايدىڭ 30 ـ كۇنى بەيجيڭ جۇڭنانحايدا جۇڭگو كوممۋنيستىك پارتياسى ورتالىق كوميتەتى ساياسي بيۋروسى ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرۋ، ”ٴتورت بۇرىس ستيلدى“ تۇزەتۋ باياندى مەحانيزمىن اقاۋسىزداندىرۋ جونىندە 21 ـ رەتكى توپتىق ۇيرەنۋىن جۇرگىزدى.
وسى رەتكى توپتىق ۇيرەنۋدە باس شۋجي شي جينپيڭ بىلاي دەپ باسا دارىپتەدى: وزىنە ـ ٴوزى توڭكەرىس جاساۋ — پارتيامىزدىڭ تىنىشتىق ـ بىلىقپالىق، گۇلدەنۋ ـ قۇلدىراۋ سىندى تاريح پەريودىنان اتتاپ وتۋدەگى ەكىنشى جاۋابى، ستيلدى يگەرۋدەن باستاپ كىرىسىپ، پارتيانى جاپپاي قاتاڭ باسقارۋدى ىلگەرىلەتۋ جاڭا داۋىردەگى پارتيانىڭ وزىنە ـ ٴوزى توڭكەرىس جاساۋداعى ماڭىزدى تاجىريبەسى.
”پارتيامىز ارقالاعان جۇڭگو ۇلگىسىندەگى وسىزامانداندىرۋ قۇرىلىسى مىندەتى توتەنشە اۋىر، ٴدوپ كەلگەن بيلىك جۇرگىزۋ ورتاسى ايرىقشا كۇردەلى، وزىنە ـ ٴوزى توڭكەرىس جاساۋ سىندى وسى ارقاۋدى، ٴسوز جوق، اناعۇرلىم مىقتاپ شيراتۋىمىز كەرەك“. ستيل قۇرىلىسىنان پارتيانىڭ وزىنە ـ ٴوزى توڭكەرىس جاساۋىنا دەيىن ٴسوز بولعاندا، باس شۋجي شي جينپيڭ :”پارتيانىڭ وزىنە ـ ٴوزى توڭكەرىس جاساۋىن ىلگەرىلەتۋدە تانىمدى جوعارىلاتۋ، پارتيالىلىقتى كۇشەيتۋ، ۇقىق جۇرگىزۋدى ارناعا ٴتۇسىرۋ، باقىلاۋدى، ٴتارتىپ اتقارۋدى قاتايتۋ، پارتيانى باسقارۋ، پارتيانى جونگە سالۋ جاۋاپكەرشىلىگىن اتقارۋ سياقتى جاقتاردا اناعۇرلىم تىڭعىلىقتى تياناقتاندىرۋ كەرەك“ دەگەن ايقىن تالاپتى العا قويىپ، پارتيانىڭ وزىنە ـ ٴوزى توڭكەرىس جاساۋىن سوڭىنا دەيىن جالعاستىراتىن ايقىن سيگنال تاراتتى.
ساياسي سيپاتقا، يدەيالىق سيپاتقا يە بولۋمەن بىرگە، باعىتتامالىلىق سيپاتقا، جەتەكشىلىك سيپاتقا دا يە بولدى، باس شۋجي شي جينپيڭ ايقىن تالاپ قويۋمەن بىرگە، ٴوزى ونەگە كورسەتىپ ورتالىقتىڭ سەگىز ٴتۇرلى بەلگىلەمەسىن باس بولىپ دايەكتىلەندىرىپ، بۇكىل پارتيادا ۇيرەنۋ تاربيەسىن تىڭعىلىقتى ورىستەتۋگە ٴتۇبىرلى بويسۇنۋ ولشەمىن ازىرلەپ، شۇعىلالى ونەگە ورناتتى.
دەن قويا ورنالاستىرۋ جاساپ، ايبىنمەن شاپشاڭ قيمىلدادى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا ۇيرەنۋ تاربيەسىنىڭ نىسانا ـ مىندەتتەرىن، ٴادىس ـ جولدارىن جانە قىزمەت تالاپتارىن مىقتاپ يگەرىپ، ساياسي سانالىلىقتى، يدەيالىق سانالىلىقتى، ارەكەت سانالىلىعىن كۇشەيتىپ، ۇيرەنۋ، تەكسەرۋ، تۇزەتۋدى ٴبىر تۇلعالى ىلگەرىلەتىپ، ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى.
2025 ـ جىلى 3 ـ ايدىڭ 2 ـ كۇنى جۇڭگو كوممۋنيستىك پارتياسى ورتالىق كوميتەتى كەڭسەسى «بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتۋ جونىندەگى حابارلاندىرۋدى» باسىپ تاراتىپ، ۇيرەنۋ تاربيەسىن ورىستەتۋ جونىندە ناقتى تالاپتار قويىپ، نىسانا ـ مىندەتتەردى ايقىن تۇراقتاندىردى.
3 ـ ايدىڭ 12 ـ كۇنى ورتالىق كوميتەت پارتيا قۇرىلىسى قىزمەتى باسشىلىق گرۋپپاسى ٴماجىلىس اشىپ، باس شۋجي شي جينپيڭنىڭ ۇيرەنۋ تاربيەسى جونىندەگى ماڭىزدى ٴسوزىنىڭ جانە ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، ۇيرەنۋ تاربيەسىنىڭ دايىندىق قىزمەتى جاعدايى جونىندەگى مالىمەتتى تىڭداپ، ۇيرەنۋ تاربيەسى قىزمەتىن اقىلداستى، ورنالاستىردى.
ورتالىق كوميتەت پارتيا قۇرىلىسى قىزمەتى باسشىلىق گرۋپپاسى ٴبىر تۇتاس جوسپارلاپ سايكەستىرۋدى كۇشەيتتى، ورتالىق كوميتەت ۇيىمداستىرۋ ٴبولىمى ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورگاندارىمەن ورتالىق دەڭگەيىندە ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى قىزمەتى ارناۋلى ٴبانىن قۇرىپ، ناقتى قىزمەتتەردى مىندەتىنە الدى.
ٴار دارەجەلى پارتكوم (پارتيا باسشىلىق گرۋپپاسى) وزەكتى قىزمەتپەن تىعىز بىرلەستىرىپ، نىسانا ـ تالاپتاردى يگەرىپ، دەن قويا جوسپار جاساپ، ورنالاستىرىپ، دەر كەزىندە ورنالاستىرىپ ىلگەرىلەتىپ، پارتكوم (پارتيا باسشىلىق گرۋپپاسى) شۋجيلەرى ٴبىرىنشى جاۋاپتى ادام جاۋاپكەرشىلىگىن شىنايى ارقالاپ، باسشىلىق القاداعى باسقا مۇشەلەر ”ٴبىر قىزمەت ورنىندا قوس جاۋاپكەرشىلىك ارقالاپ“، ساتىلار بويىنشا تياناقتاندىرۋدى يگەرىپ، ۇيرەنۋ تاربيەسىن سوڭىنا دەيىن دايەكتىلەندىرۋدى ىلگەرىلەتتى.
قۋزاۋدى، جەتەكشىلىك ەتۋدى كۇشەيتۋ — ۇيرەنۋ تاربيەسىنىڭ تىڭعىلىقتى ونىمدىلىككە قول جەتكىزۋىنىڭ ماڭىزدى كەپىلى. باس شۋجي شي جينپيڭ جەتەكشىلىك ەتۋ گرۋپپاسىن، قۋزاۋشىلىق جاساۋ گرۋپپاسىن جىبەرۋ، بەلگىلەمەگە قايشى ٴىشىپ ـ جەۋدى وڭاۋ سياقتىلار جونىندە ٴبىر قىدىرۋ ماڭىزدى نۇسقاۋ بەرىپ، بەكىتۋ جازىپ، قاتىستى قىزمەتتەردىڭ تياناقتانۋىن، ناقتىلانۋىن ىلگەرىلەتتى.
ۇيرەنۋ تاربيەسى مەزگىلىندە ورتالىق دەڭگەيىندە ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى قىزمەتى ارناۋلى ٴبانى، ورتالىق ٴتارتىپ تەكسەرۋ كوميتەتى كەڭسەسى بەلگىلەمەگە قايشى ٴىشىپ ـ جەپ، ورتالىقتىڭ سەگىز ٴتۇرلى بەلگىلەمەسىنىڭ رۋحىنا اۋىر قايشىلىق جاساعان 3 توپتاعى جيىنى 4 ماسەلەنى اشىق حابارلاپ، كۇشتى سەسكەندىرۋ قالىپتاستىردى.
قاتاڭ قۋزاپ، ناقتى جەتەكشىلىك ەتىپ، ماسەلەلەردى شەشتى. پارتيا ورتالىق كوميتەتى ىلگەرىندى ـ كەيىندى 2 توپقا ٴبولىپ، ورتالىقتىڭ 11 جەتەكشىلىك ەتۋ گرۋپپاسىن جىبەرىپ، 30 جەر مەن مەكەمە ـ ورىنعا مەڭزەس جەتەكشىلىك ەتۋ، قۋزاۋ ـ جەتەكشىلىك ەتۋ ورىستەتتى. وسىمەن قاتار جەر ـ جەر جانە قاتىستى ورىندار جيىنى 8513 قۋزاۋ ـ جەتەكشىلىك ەتۋ گرۋپپاسىن جىبەرىپ، 21 مىڭعا جۋىق جەر مەن مەكەمە ـ ورىنعا مەڭزەس قۋزاۋ ـ جەتەكشىلىك ەتۋ قىزمەتىن ورىستەتتى.
ورتالىقتىڭ جەتەكشىلىك ەتۋ گرۋپپالارى مەن قۋزاۋ ـ جەتەكشىلىك ەتۋ گرۋپپالارى ۇقساس سۇراۋعا بىرگە جاۋاپ قايتارۋعا تاباندى بولىپ تەكسەرىپ بەكىتۋ وتكەلىن قاتايتىپ، ماسەلەنى شەشۋدى ىلگەرىلەتىپ، ”وتكىر سەمسەرلىك“ رولدى تولىق ساۋلەلەندىرىپ، تيپتىك دەلولارعا تەرەڭ تالداۋ جاساۋدى كۇشەيتىپ، ”تيپتىك ماسەلەلەردى تەكسەرۋ ـ زەرتتەۋ“ ۇلگىسىندەگى تەكسەرۋ ـ زەرتتەۋ ٴادىسىن ورىستەتىپ، ”ٴبىر ماسەلەنى شەشۋدەن“ ” ٴبىر تۇردەگى ماسەلەنى شەشۋدى“ جۇزەگە اسىرۋدى ىلگەرىلەتىپ، تۇيىنمەن كولەمدى جەبەۋ ارقىلى ۇيرەنۋ تاربيەسىندە تىڭعىلىقتى ونىمدىلىككە قول جەتكىزۋدى ىلگەرىلەتتى.
ساتى سايىن تياناقتاندىرىپ، قادام سايىن تەرەڭدەتتى.
ٴار دارەجەلى پارتيا ۇيىمدارىنىڭ تىڭعىلىقتى ورنالاستىرۋىندا، ىلگەرىلەتۋىندە جەر ـ جەر، تاراۋلار، ورىندار ۇيرەنۋ تاربيەسىن ورىستەتۋدى پارتيانىڭ ستيل قۇرىلىسىن كۇشەيتۋمەن تىعىز بىرلەستىرىپ، ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ٴوزارا ساباقتاستىرۋعا تاباندى بولىپ، ماسەلەنى بەتكە الىپ، ماسەلەنى قاداعالاپ تۇزەتىپ، قاسارىسىپ تارتىپكە قايشىلىق جاساعانداردى قاتاڭ تەكسەرىپ، تەز ٴبىر جاقتى ەتىپ، تيپتىك ماسەلەلەردى اشىق حابارلاپ، ٴىس جۇزىندىك ارەكەت ارقىلى قۇرىش قاعيدانى ونان ارى قاتايتىپ، بەرىك ولشەمدى ونان ارى بەكەمدەدى.
نازاردى نەگىزگى تاقىرىپقا شوعىرلاندىرىپ، ناقتى ونىمدىلىككە ٴمان بەرىپ، ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتتى
سەگىز ٴتۇرلى بەلگىلەمە تياناقتانۋىمەن، ستيل قۇرىلىسى جالپى بەتتىك جاندانا ٴتۇستى.
ۇيرەنۋ تاربيەسى ورىستەتىلگەننەن بەرى، ٴار دارەجەلى پارتيا ۇيىمدارى ساياسي جاۋاپكەرشىلىك ارقالاپ، دەن قويا ۇيىمداستىرىپ، اتقارىپ، كۇندەلىكتى تۇرمىسپەن توعىستىرىپ، ۇدايى يگەرىپ، ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتۋگە تاباندى بولىپ، كورنەكتى ماسەلەلەردى شىنداپ كىرىسىپ شەشىپ، ۇيرەنۋ تاربيەسىنىڭ ٴتارتىپتى، ٴونىمدى ورىستەتىلۋىن جەبەدى.
نازاردى نەگىزگى تاقىرىپقا شوعىرلاندىرىپ، ۇيرەنۋدى، زەرتتەۋ، تالقىنى تەرەڭدەتتى —
ٴارقايسى پارتيا ياچەيكالارىنا سۇيەنىپ، 151 جاس كادردى 4 نازاريا گرۋپپاسىنا ٴبولىپ، ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋ ەگجەي ـ تەگجەيلى ەرەجەسىنىڭ رۋحى سياقتى مازمۇنداردى ارقاۋ ەتىپ ۇيرەنۋ جوسپارىن جاساپ، ”باستاماشىلدىقپەن ۇيرەنۋ + شەشىپ ٴتۇسىندىرۋ + تالقىلاۋ“ فورماسى ارقىلى ٴار اپتادا ٴبىر تاقىرىپ ۇيرەندى، ٴار ايدا ٴبىر رەت تالقى ورىستەتتى...
سىچۋاننىڭ چىڭدۋىندا قالالىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى جاس كادرلاردىڭ ۇيرەنۋ تاربيەسىن كورنەكتى تۇردە مىقتى يگەرىپ، جاستاردىڭ الۋان ٴتۇرلى، باي مازمۇندى نازاريا ۇيرەنۋ قيمىلى ارقىلى جاس كادرلاردىڭ يدەيانى توعىستىرۋ بارىسىندا قايتالاي ۇيرەنۋىنە، قايتالاي تۇسىنۋىنە، قايتالاي تەرەڭدەتۋىنە كومەكتەستى.
بۇل جەر ـ جەردىڭ، تاراۋلاردىڭ، ورىنداردىڭ ”يدەيا ۇيرەنۋدى“ ٴبىرىنشى ورىنداعى مىندەت جانە باستان ـ اياق ساباقتاستىرىلاتىن نەگىزگى جەلى ەتۋگە تاباندى بولىپ، نازاردى نەگىزگى تاقىرىپقا شوعىرلاندىرىپ، ۇيرەنۋدى، زەرتتەپ ـ تالقىلاۋدى تەرەڭدەتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن كوكەيگە ۇيالاتۋدى، ارەكەتتە ايگىلەۋدى ىلگەرىلەتۋىنىڭ ىقشام كورىنىسى.
قاز ـ قالپىندا ۇيرەندى. ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورگانى، ورتالىق كوميتەت كەڭسەسى، ورتالىق كوميتەت ۇيىمداستىرۋ ٴبولىمى، ورتالىق كوميتەت ۇگىت ٴبولىمى نازاريا ۇيرەنۋ وزەكتى گرۋپپاسىنىڭ ۇيرەنۋى سياقتى فورمالار ارقىلى كۇش سالا يدەيالىق جاقتان توركىنىن تۇزەتىپ، قاينارىن تازارتىپ، نەگىزدى بەكەمدەدى؛ ورتالىق كوميتەت بىرلىكساپ ٴبولىمى، ورتالىق كوميتەت سىرتپەن بايلانىس جاساۋ ٴبولىمى، ورتالىق كوميتەت قوعامدىق قىزمەت ٴبولىمى، ورتالىق كوميتەت ساياسي ـ زاڭ كوميتەتى ٴتۇرلى ۇيرەنۋ تۇعىرلارىنان ويداعىداي پايدالانىپ، ۇگىت لەكسيا، پىسىقتاۋ جاساۋ، پارتيا مۇشەلەرىن كەزەكپەن باۋلۋ سياقتى تاسىلدەردى قولدانىپ، ۇيرەنۋ تاربيەسىنىڭ ٴونىمدى قامتۋىن جەبەدى؛ شاڭحاي، لياۋنيڭ، جيلين، گانسۋ پارتيا ياچەيكاسى ”ٴۇش جيىن، ٴبىر ساباق“، نەگىزگى تاقىرىپتىق پارتيا كۇنى قيمىلى سياقتى فورمالار ارقىلى پارتيا مۇشەلەرىن، كادرلاردى ىشكەرىلەي زەرتتەۋ ـ تالقى جۇرگىزۋگە، پىكىر اۋىستىرۋعا ۇيىمداستىرىپ، تەرەڭدەتۋدى، كادەگە جاراتۋدى جەبەدى.
دەلو مىسالىنا بىرلەستىرىپ ۇيرەندى. بەيجيڭ، تيانجين، انحۇي، حىنان، حۋبەي تيپتىك دەلو مىسالدارىن رەتتەپ باسىپ تاراتىپ، شوعىرلى وقۋ، كورۋ، پىكىر اۋىستىرۋ، زەرتتەۋ ـ تالقى جۇرگىزۋ سياقتى تاسىلدەردى قولدانىپ پارتيا مۇشەلەرىن، كادرلاردى دەلونى اينا ەتىپ، ٴوزىن تەكسەرۋگە جەتەكتەدى؛ جياڭسۋ، جىجياڭ، شانشي، شينجياڭ ٴوندىرىس ـ قۇرىلىس بيڭتۋانى تارتىپكە قايشىلىق جاساعان، زاڭعا قايشىلىق جاساعان كادرلاردىڭ ساقتاندىرۋ ەستەلىگى، وپىق جەۋ ەستەلىگى، ساقتاندىرۋ تاربيەسى فيلمى جانە ساقتاندىرۋ تاربيەسى بازاسى سياقتى بايلىقتاردان پايدالانىپ ساقتاندىرۋ تاربيەسىن ورىستەتىپ، پارتيا مۇشەلەرىن، كادرلاردى ورتالىقتىڭ سەگىز ٴتۇرلى بەلگىلەمەسىنىڭ رۋحىن دايەكتىلەندىرۋ، تياناقتاندىرۋ سانالىلىعىن، ىرىقتىلىعىن كۇشەيتۋگە جەتەكتەدى.
تۇرگە ٴبولىپ ۇيرەنۋگە جەتەكشىلىك ەتتى. گۋاڭدۇڭ، يۇننان، شيزاڭ، شينجياڭ جاڭادان وسىرىلگەن كادرلار، جاس كادرلار، شەشۋشى قىزمەت ورىندارىنداعى كادرلار سياقتى ٴتۇيىندى وبيەكتىلەردىڭ ۇيرەنۋىن كورنەكتى تۇردە ويداعىداي يگەردى؛ ورتالىق كوميتەت پارتيا مەكتەبى (مەملەكەت اكىمشىلىك شۋەيۋانى) ۇيرەنۋ تاربيەسىنىڭ قاتىستى مازمۇندارىن مىندەتتى ساباق رەتىندە وقىتۋ جوسپارىنا ەنگىزدى، بۇل بارلىق كلاستاردى قامتىدى؛ مەملەكەتتىك وركەندەتۋ بانكەسى، جۇڭگو ەلەكترون عىلىم ـ تەحنولوگيا توبى شەكتى سەرىكتەستىگى، مەملەكەت ەلەكتر تورى سەرىكتەستىگى، مەملەكەت ەنەرگيا توبى، جۇڭگو جىلجىمالى حابارلاسۋ سەرىكتەستىگى تۇرلىشە قاۋىمنىڭ ەرەكشەلىگىنە مەڭزەس، ٴتۇرلى ۇيرەنۋ تۇعىرلارىنان ويداعىداي پايدالانىپ، ۇگىت لەكسيا ارقىلى پىسىقتاۋ جاساۋ، پارتيا مۇشەلەرىن كەزەكپەن باۋلۋ، ۇيرەنۋدى ۇيگە جەتكىزۋ سياقتى تاسىلدەردەن ويداعىداي پايدالانىپ، ۇيرەنۋ تاربيەسىنىڭ ٴونىمدى قامتۋىن جەبەدى.
جەر ـ جەر، تاراۋلار، ورىندار باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتۋ جونىندەگى ماڭىزدى بايىمداۋلارىن جانە ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋ ەگجەي ـ تەگجەيلى ەرەجەسىنىڭ رۋحىن ۇيرەنۋدى جالپى بارىستا ساباقتاستىرىپ، «پارتيا 18 ـ قۇرىلتايىنان بەرگى ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋدەگى تابىستار مەن تاجىريبەلەر»، «سەگىز ٴتۇرلى بەلگىلەمە جۇڭگونى وزگەرتتى»، «پارتيا، ۇكىمەت ورگاندارىنىڭ ۇنەمشىلدىكتى قاتاڭ اتقارۋ، ىسىراپشىلدىققا قارسى تۇرۋ ەرەجەسى» سياقتى قۇزىرلى ۇيرەنۋ ماتەريالدارىن ويداعىداي ۇيرەنىپ، ويداعىداي پايدالانىپ، ساياسي دەڭگەيدى ونان ارى جوعارىلاتىپ، يدەيالىق تانىمدى كۇشەيتىپ، ىشكەرىلەي ۇيرەنىپ، جەتە ٴتۇسىنۋ جاعىندا كۇش سالىپ، ناقتى ونىمدىلىككە قول جەتكىزدى.
ۇلگىگە، ولشەمگە تۋرالانىپ، ماسەلەنى ىشكەرىلەي تەكسەرىپ ورتاعا قويدى —
پارتيا مۇشەلەرى، كادرلار كاسىپورىن نىساندارىنا، اۋىل ـ قىستاقتارعا، الەۋمەتتىك اۋماقتارعا بارىپ، ۇسىنىس ـ پىكىر تىڭداپ، ”توعىسپالى مەديا ۇكىمەت ىستەرى جونىندە كەڭەس سۇراۋ“، 12345 ىستىق لەنياسى سياقتى ارنالاردى ىركىلىسسىزدەندىرىپ، قوعام جاعدايىن، حالىق رايىن جينادى...
گۇيجوۋ ولكەسىنىڭ گۇيياڭ قالاسىندا جەرگىلىكتى ورىن كوپ ٴتۇرلى تاسىلدەردى جانە امالداردى كەشەندى پايدالانىپ، فورماشىلدىق، توي ـ تومالاق، ٴولىم ـ ٴجىتىم ىستەرىن بەلگىلەمەگە قايشى وتكىزۋ سياقتى جاقتارداعى ماسەلەلەردى تەكسەرىپ ورتاعا قويۋدى، تاباندا اتقارىپ، تاباندا تۇزەتۋدى ٴجىتى قاداعالاپ كورنەكتى ونىمدىلىككە قول جەتكىزدى.
ۇيرەنۋ تاربيەسى بارىسىندا گۇيجوۋ ٴتارتىپ تەكسەرۋ، باقىلاۋ ـ تەكسەرۋ، شارلاۋ، شارلاپ تەكسەرۋ، ارىز ـ ارمان اڭىس ەتۋ، سونداي ـ اق قارا كۇشتەردى الاستاۋ، سۇرقيا كۇشتەردى جويۋ سياقتىلارمەن ۇشتاستىرا وتىرىپ بايقالعان ماسەلەلەردى تارماق بويىنشا سالىستىرىپ ”ەلەكتەن وتكىزىپ“، دەر كەزىندە تەكسەرىپ انىقتاپ، يكەمدى جاڭالاپ، جەر ـ جەردە، ورىنداردا ماسەلەنى تەكسەرىپ ورتاعا قويۋدىڭ جالعاننان شىنعا اينالۋىن، تايازدان تەرەڭدەۋىن جەبەپ، تۇزەتۋدى، وڭاۋدى قاتاڭ ويداعىداي يگەردى.
ماسەلەنى تەكسەرىپ ورتاعا قويۋ بارىسى — جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرۋ بارىسى.
مەملەكەتتىك حالىق قۇرىلتايى تۇراقتى كوميتەتى ورگانى، مەملەكەتتىك كەڭەس كەڭسەسى، مەملەكەتتىك ساياسي كەڭەس ورگانى، ورتالىق كوميتەت فينانس قىزمەتى كوميتەتى، مەملەكەتتىك كەڭەستىڭ مەملەكەت مەنشىگىندەگى مال ـ مۇلىكتى باقىلاۋ ـ باسقارۋ كوميتەتى ورتالىقتىڭ سەگىز ٴتۇرلى بەلگىلەمەسىنىڭ جانە ونى اتقارۋ ەگجەي ـ تەگجەيلى ەرەجەسىنىڭ رۋحىنا قايشى ماسەلەلەرى تىزىمىنە، كومەسكى، ٴتۇرى وزگەرگەن ستيل ماسەلەلەرى تىزىمىنە سالىستىرىپ، ورىن تەپكەن ماسەلەلەردى جاپپاي ىشكەرىلەي ىزدەپ تاۋىپ شىقتى، باسشىلىق القاسى جانە باسشى كادرلار باستاماشىلدىقپەن ٴوزىن ىشكەرىلەي قاداعالاپ تەكسەردى؛
ورتالىق كوميتەت ساياسات زەرتتەۋ كەڭسەسى، ورتالىق كوميتەت رەفورمانى جاپپاي تەرەڭدەتۋ كوميتەتى كەڭسەسى، ورتالىق جانە مەملەكەت ورگاندارى قىزمەتى كوميتەتى، سىرتقى ىستەر مينيسترلىگى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى ٴبىر جاعىنان، ۇيرەنىپ، ٴبىر جاعىنان، ٴوزىن قاداعالاپ تەكسەرۋگە تاباندى بولىپ، تاراۋلاردى، ورىنداردى ماسەلەنى تەكسەرىپ ورتاعا قويۋدى تەرەڭدەتۋگە ۇيىمداستىرىپ، ماسەلەنى دالمە ـ ٴدال تابۋ نەگىزىندە ٴتىزىم شىعارىپ، بايقالا سالىسىمەن تۇزەتىپ، تاباندا اتقارىپ، تاباندا تۇزەتتى؛
چۇڭچيڭ، گۋاڭشي، چيڭحاي، نيڭشيا بۇقارانىڭ ماڭىنداعى بۇرىس ستيلدى جانە شىرىكتەسۋ ماسەلەلەرىن وڭاۋمەن ۇشتاستىرىپ، فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتىپ، ۇستازدىق ٴمورال، ۇستازدىق ستيل، شيپاگەرلىك ٴمورال، شيپاگەرلىك ستيل قۇرىلىسى سياقتى قىزمەتتەردى كۇشەيتىپ، ماسەلەنى ونان ارى دالمە ـ ٴدال شىنايى ىزدەپ، ماسەلەنى تەكسەرىپ العا قويۋ ٴتىزىمىن يكەمدى جاڭالادى؛
...
بەلسەنە ۇلگىگە، ولشەمگە تۋرالانىپ، ماسەلەنىڭ قاينارىن ىشكەرىلەي اشتى. جەر ـ جەر، تاراۋلار، ورىندار جاپپاي تەكسەرۋ، ىشكەرىلەي تەكسەرۋ، ناقتى تەكسەرۋ تالابىنا ساي، جاعدايدى كۇش سالا انىقتاپ، ماسەلەنى دالمە ـ ٴدال تاۋىپ، ناقتى شارانى العا قويدى.
شىنداپ كىرىسىپ، قيىن ماسەلەلەردى شەشىپ، تۇزەتۋدى، وڭاۋدى ىلگەرىلەتتى —
”تۇرعىندار اۋماعىنىڭ سايكەستى قۇرىلعىلارى تولىق ەمەس، سۋ، ەلەكتر تۇراقسىز، دەنە شىنىقتىرۋ اسپاپتارى تاپشى، ۇكىمەتتىڭ كومەكتەسىپ شەشۋىن ٴۇمىت ەتەمىز“. سانشي ولكەسى لۇيلياڭ قالاسىندا ورىستەتىلگەن قالا، اۋدان باسشىلارىنىڭ مەرزىمدى ۋاقىتتا الەۋمەتتىك اۋماققا ىشكەرىلەي بارىپ، بۇقارامەن بەتپە ـ بەت اڭگىمەلەسۋ قيمىلىندا ليشى رايونى شيشوۋبا ٴمالىسى شۋەفۋ الەۋمەتتىك اۋماعىنداعى تۇرعىندار ماسەلەلەردى اڭىس ەتتى. تەكسەرۋ ـ زەرتتەۋ جۇرگىزگەن باسشىلار تاباندا قالاداعى قاتىستى تاراۋلاردىڭ جاۋاپتىلارىن جيناپ، سول جەردىڭ وزىندە جۇمىس ىستەپ، جاۋاپكەرشىلىك نەگىزگى تۇلعاسىن جانە شەشۋ ۋاقىت شەگىن ٴتۇر بويىنشا ايقىندادى.
باستان ـ اياق نازاردى ماسەلەگە شوعىرلاندىرىپ، ماسەلەنى شىن مانىندە شەشۋ — ۇيرەنۋ تاربيەسىنىڭ ماڭىزدى مازمۇنى.
ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى، وقۋ ـ اعارتۋ مينيسترلىگى، قوعام حاۋىپسىزدىگى مينيسترلىگى، حالىق ىستەرى مينيسترلىگى شوعىرلى وڭالاتىن ماسەلەلەردى تىزىمنەن ٴوشىرىپ باسقارۋدى جۇرگىزىپ، ٴبىر ماسەلە شەشىلسە بىرەۋىن تىزىمنەن ٴوشىرىپ، پارمەندى شارا قولدانباعاندارعا، اياق الىسى باياۋلارعا ەسكەرتۋ بەرىپ، قۋزاپ، ۇستىرتتىك ىستەگەندەردى، فورماشىلدىق ىستەگەندەردى، ات ۇستىلىك ىستەگەندەردى قاتاڭ سىنداپ، دەر كەزىندە تۇزەتتى.
بەيجيڭ داشۋەسى، چيڭحۋا داشۋەسى، حۋاجۇڭ شىفان داشۋەسى تاباندا اتقارىپ، تاباندا تۇزەتۋدى كۇش سالا ويداعىداي يگەرىپ، ٴتىزىمدى ۇزدىكسىز رەتتەپ، جاڭالاپ، نازاردى وقىتۋشى ـ وقۋشىلاردىڭ ٴتول مۇددەسىنە شوعىرلاندىرىپ، كوپشىلىك شوعىرلى اڭىس ەتكەن جانە كوڭىل بولەتىن، ٴجىتى قاداعالاپ وتىرعان ماسەلەلەردى ۇيلەسىمدى تۇزەتۋدى جەبەدى.
حيلۇڭجياڭ داشيڭانليڭ ٴوڭىرى ”تۇيىندەردە تۇرىپ توركوزدەرىنە كىرۋ“ ، ”قالا رايونىن جاياۋ ارالاۋ“ سياقتى تەكسەرۋ ـ زەرتتەۋ قىزمەت ادىستەرىن شىعارىپ، قوعام جاعدايىن، حالىق رايىن ۇعىسىپ، يگەرىپ، جول بەتىنىڭ ٴبۇلىنۋى، ٴوز الدىنا بەتالدى قۇرىلىس سالۋ سياقتى ماسەلەلەردى شەشتى؛ فۋجياننىڭ جينجياڭى كوپ ٴتۇرلى شارا قولدانىپ، جەر بايلىعىنان جوعارى ٴونىمدى پايدالانۋ سياقتىلارعا ساياساتتىق قولداۋ ازىرلەپ، ونەركاسىپ كاسىپورىندارىنىڭ جوعارى ساپالى دامۋىنا دەم بەردى؛ حاينان ولكەسى باۋتيڭ ليزۋ، مياۋزۋ اۆتونوميالى اۋدانى ”جان اشىر ادام كەلدى — كادرلار مەن بۇقارا تىلدەسىپ قيىن ماسەلەنى شەشۋ“ قيمىلىن تۇتقا ەتىپ، سۋ يگىلىگى ارىق ـ توعاندارىنىڭ بالشىقپەن بىتەلۋى، سۋ توعاندارىنىڭ ٴبۇلىنۋىنىڭ سۋارۋعا ىقپال جاساۋى سياقتى بۇقارانىڭ كوپتەگەن شۇعىل، قيىن، ۋايىمداعان، ٴزارۋ ماسەلەلەرىن شەشۋدى ىلگەرىلەتتى...
نە ماسەلە بولسا سول ماسەلەنى شەشتى، قايسى ماسەلە كورنەكتى بولسا سول ماسەلەنى ٴتۇيىندى وڭادى.
ۇيرەنۋ تاربيەسى ورىستەتىلگەننەن بەرى، جەر ـ جەر، تاراۋلار، ورىندار بەلگىلەمەگە قايشىلىق جاساپ ٴىشىپ ـ جەۋ سياقتى 11 جاقتاعى كورنەكتى ماسەلەنى شىنايى يگەرىپ، قاتاڭ يگەرىپ ٴارى كورنەكتى ماسەلەلەردى قاتاڭ شارا قولدانىپ شەشىپ، قازىرگىنى يگەردى، تيپتى يگەردى، حابارلاندىرۋدى يگەردى، سونداي ـ اق شىندىقتى ٴىس جۇزىنەن ىزدەۋدى الدىڭعى ورىنعا قويىپ، باقىلاۋ ـ تەكسەرۋدى بەلگىلەمە بويىنشا، ٴتارتىپ بويىنشا، زاڭ بويىنشا ورىستەتىپ، كۇتىپ وتىرماي، يەك سۇيەمەي، بايقالا سالىسىمەن تۇزەتىپ، دەرەۋ تۇزەتىپ، تۇزەتۋدەن ونىمدىلىك جاراتىپ، مەزەتتىك قانا ٴىس ەتۋمەن، ٴبىر تاياقپەن ايداۋمەن اينالىسپادى.
اشىق تاربيە جۇرگىزدى، بۇقارا سەزە الدى، قولجەتىمدى بولدى —
سۋ شۇمەگىن بۇراعاندا تاپ ـ تازا اۋىز سۋ سارىلداپ اقتى، حۋنان چاڭدى ۋليڭ رايونى لۋديشان اۋىلى جينشىدي الەۋمەتتىك اۋماعىندا ۇيىندەگى اسحانادا كوكونىس جۋىپ جاتقان سۇن جياشۇن قاريا رازىلىقپەن كۇلىمسىرەدى.
بۇرىن جينشىدي الەۋمەتتىك اۋماعى، سونداي ـ اق ماڭايىنداعى سۋمەن قامداۋ قۇبىر تورى كونەرۋ، سۋ قاشۋ، سۋ اعۋ، سۋ تامشىلاۋ، سۋ سورعالاۋى اۋىر بولىپ، سۋ ىستەتۋدىڭ قاۋىرت مەزگىلىندە سۋ قىسىمى جەتكىلىكسىز، سۋ مولشەرى از بولۋ ماسەلەسى ۇنەمى تۋىلىپ، تۇرعىنداردىڭ كۇندەلىكتى تۇرمىسىنا اۋىر ىقپال جاساپ كەلگەن بولاتىن. ۇيرەنۋ تاربيەسى بارىسىندا جەرگىلىكتى ورىن بۇقارانىڭ تالاپ ـ تىلەگىن بەلسەنە تىڭداپ، ۇسىنىس ـ پىكىر جيناپ، قۇبىر تورىن جاڭالاۋدى دەرەۋ باستاپ، الەۋمەتتىك اۋماقتىڭ، سونداي ـ اق ماڭايداعى 600دەن استام وتباسىنداعى تۇرعىنىنىڭ سۋدان پايدالانۋ ماسەلەسىن تۇبەگەيلى شەشتى.
ورتالىقتىڭ سەگىز ٴتۇرلى بەلگىلەمەسىنىڭ رۋحىن تاباندىلىقپەن تياناقتاندىرۋدا تيتتەي دە جالعاندىق ىستەۋگە بولمايدى. جەر ـ جەر، تاراۋلار، ورىندار اشىق تاربيە جۇرگىزۋدى ۇيرەنۋ تاربيەسىن تەرەڭدەتۋدى، ناقتىلاندىرۋدى ىلگەرىلەتۋدەگى ٴونىمدى ٴتاسىل ەتتى، قالىڭ پارتيا مۇشەلەرى، كادرلار بۇقارالىق لۋشيانمەن ويداعىداي جۇرۋگە تاباندى بولىپ، اۋىل ـ قىستاقتى گۇلدەندىرۋ ٴبىرىنشى شەبىنە، ناقتى ەكونوميكا ٴبىرىنشى شەبىنە، قوعامدىق باسقارۋ ٴبىرىنشى شەبىنە ىشكەرىلەي بارىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن اداقتاپ تەكسەرىپ، بۇقارامەن بىرگە ويلاپ، بىرگە ىستەدى.
توبەدەن تامشى تامعانىن ۇيدەگى ادام بىلەدى، ساياساتتاعى كىناراتتى حالىق سەزەدى. ستيل قۇرىلىسىنىڭ ونىمدىلىگى قانداي ەكەندىگىندە بۇقارانىڭ سەزىنۋى ەڭ شىنايى.
ەكولوگيالىق ورتا مينيسترلىگى پارتيا مۇشەلەرىن، كادرلاردى كىشى پەيىلدىلىكپەن ٴبىرىنشى شەپكە ىشكەرىلەي بارۋعا ۇيىمداستىرىپ، جەرگىلىكتى ورىن ەكولوگيالىق ورتا تاراۋلارىنىڭ، كاسىپورىنداردىڭ ەكولوگيالىق ورتانى قورعاۋ قىزمەتىن ونان ارى جاقسارتۋ جونىندەگى ۇسىنىس ـ پىكىرلەرىن مۇقيات تىڭداپ، بۇقارا نازار اۋدارعان شۋىل، ماي ىسى، قارا، ساسىق سۋلار، قاتتى زاتتاردى، جاراقسىز زاتتاردى زاڭعا قايشىلىق جاساپ توگۋ سياقتى ماسەلەلەردى كۇش سالا شەشتى.
ىشكى موڭعۇل اۆتونوميالى رايونى شيلينعول امىگى پارتيا مۇشەلەرىن، كادرلاردى ەگىن شارۋاشىلىعىنا ٴتيىمدى، مال شارۋاشىلىعىنا ٴتيىمدى، كاسىپورىندارعا ٴتيىمدى ساياساتتاردى تياناقتاندىرۋدى ىلگەرىلەتۋدە امال ويلاپ، ناقتى شارا قولدانۋعا جەتەكتەپ، ”پارتيا مۇشەلەرى وزەكتى وتباسى“، ”ەكىنى جەتكىزىپ، ەكىگە قىزمەت وتەۋ“ سياقتى دانەكەرلەرمەن ۇشتاستىرىپ، پارتيا مۇشەلەرىن، كادرلاردى حالىق جاعدايىن كەڭىنەن، ىشكەرىلەي تەكسەرىپ، حالىق تىلەگىن تىڭداپ، جۇمىس ورنىن تياناق ەتىپ ۇلەس قوسۋعا ۇيىمداستىردى؛
شاندۇڭ ولكەسى جينان قالاسى ەمدەۋ قامتاماسىزداندىرۋ مەكەمەسى كاسىپ ٴتارتىبىن ساپالىلاندىرۋدا بۇقارانىڭ تالابىنا جاناسىمدى بولۋدى تياناق ەتىپ، ٴبىتىرۋ، قىزمەت وتەۋ ۇلگىسىندە رەفورما جاساپ، جاڭالىق اشىپ، بالالى بولۋ كومەك قاراجاتىن تەز، دالمە ـ ٴدال تاراتۋدى جۇزەگە اسىردى. 2025 ـ جىلدىڭ الدىڭعى جارتىسىنا دەيىن بۇكىل قالادا 25 مىڭ 700 ادام (رەت) ”ٴوتىنىش ەتۋدى كەشىرىم ەتىپ دەرەۋ يگىلىكتەنۋ“ ٴتاسىلى ارقىلى بالالى بولۋ ۇستەمە قاراجاتى مامىلەسىنە يە بولدى؛
...
جاۋاپكەرشىلىك ارقالاپ ىسكەرلىك كورسەتۋ بارىسىندا شىنايى ەڭبەك كورسەتتى، بۇقاراعا قىزمەت وتەۋ بارىسىندا ناقتى ونىمدىلىككە قول جەتكىزدى.
ۇيرەنۋ تاربيەسى ورىستەتىلگەننەن بەرى، جەر ـ جەر، تاراۋلار، ورىندار ”ەسىكتى اشىپ قويۋعا باتىل بولىپ“، ”ەسىكتى شىنايى اشىپ“، تەكسەرۋ جانە تۇزەتۋ بارىسىندا بۇقارانىڭ ات سالىسۋىنا ٴمان بەرىپ، بۇقارانىڭ باقىلاۋىن قابىلداپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن ويداعىداي شەشتى. كوپتەگەن بۇقارا ۇيرەنۋ تاربيەسى ارقىلى پارتيا مۇشەلەرى مەن كادرلاردىڭ ستيلىندە بۇرىلىس بولعاندىعىن، كوممۋنيستەردىڭ ”مۇقياتتىلىقتى بارىنشا دارىپتەيتىن“ پوزيتسياسىن، پارتيا ورتالىق كوميتەتىنىڭ ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرۋ، ستيل قۇرىلىسىن مىقتى يگەرۋ بەرىك بەكىمىن كورگەندىگىن ايتتى.
جاڭا داۋىردەگى جاڭا جورىقتا پارتيانىڭ بورىشى مەن مىندەتىن جۇزەگە اسىرۋعا مىعىم ستيل قامتاماسىزدىعىن ازىرلەدى
ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى جان ـ جاقتى تەرەڭ، جان دۇنيەگە سۇراۋ تاستايتىن، تاعانىن بەكەمدەيتىن ستيل جاعىنداعى شىڭدالۋ سانالادى، قالىڭ پارتيا مۇشەلەرى مەن كادرلار جاپپاي ٴبىر رەت شوعىرلى يدەيالىق شىڭدالۋدى، پارتيالىلىق شىنىعۋدى، ساياسي توسەلۋدى باستان كەشىردى، پارتيانىڭ وزىنە ـ ٴوزى توڭكەرىس جاساۋىن جاپپاي قايتالاي تانىپ، قايتالاي تەرەڭدەتىپ، قايتالاي ارەكەتتەنىپ، پارتيا ستيلىن جالپى تۇلعالىق جاقتان جوعارىلاتۋدى جۇزەگە اسىردى.
الايدا مىنانى دا ايقىن كورە ٴبىلۋىمىز كەرەك: ”ٴتورت بۇرىس ستيل“ ماسەلەسى ٴۇزىلدى ـ كەسىلدى تازالانعان جوق، توپىراعى ٴالى بار، بۇرىس ستيل مەن شىرىكتەسۋ قۇبىلىسىنىڭ ساقتالعان مولشەرى تۇبەگەيلى جويىلمادى، ارتۋ مولشەرى ٴالى دە وڭاي ٴارى ٴجيى جارىققا شىعۋدا، ورتالىقتىڭ سەگىز ٴتۇرلى بەلگىلەمەسىنىڭ رۋحىن دايەكتىلەندىرۋ، ستيلدى دۇرىستاپ ٴتارتىپتى قاتايتۋ، شىرىكتەسۋگە قارسى تۇرۋ ٴۇشىن، ٴسوز جوق، ۇزاققا سوزىلاتىن شايقاس جۇرگىزۋ كەرەك.
”قاتاڭدىقتى“ ماڭداي الدى ورىنعا قويۋعا تاباندى بولىپ، پاك، كىرشىكسىز ساياسي ەكولوگيانى ۇزدىكسىز بەكەمدەۋ كەرەك —
”بەلگىلەمەگە قايشىلىق جاساپ تارتۋ ـ تارالعى، سياقى، تۇتىنۋ كارتچكاسىن قابىلداعان“، ”بەلگىلەمەگە قايشىلىق جاساپ باسقارۋ جانە قىزمەت وتەۋ وبيەكتىسىنىڭ اۆتوموبيلىن ىستەتە تۇرعان“، ”ۇكىمەت ٴىسىن ٴادىل اتقارۋعا ىقپالى ٴتيۋى مۇمكىن بولعان قوناعاسىنى قابىلداعان“...
بيىل ”1 ـ مامىر“، دۋان ـ ۋ مەرەكەلەرىنىڭ الدىندا حىبەي ولكەلىك ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان 8 تيپتىك ماسەلەنى اشىق حابارلاندىرىپ، پارتيا مۇشەلەرى مەن كادرلارعا ساقتىق دابىلىن قاعىپ، ستيل ماسەلەسىندە ”نولدىك توزىمدىلىك“ كورسەتۋ، بەلەڭ بەرسە بولدى سوققى بەرۋ، سوڭىنا دەيىن قاتاڭ بولۋ ايقىن سيگنالىن تاراتتى.
ۇيرەنۋ تاربيەسى ورىستەتىلگەننەن بەرى، جەر ـ جەر، تاراۋلار، ورىندار باتىل ٴۇن قاتىپ، كۇشتى دارىمەن اۋرۋدى ەمدەپ، بەلگىلەمەگە قايشىلىق جاساپ ٴىشىپ ـ جەۋ، بەلگىلەمەگە قايشىلىق جاساپ تارتۋ ـ تارالعى، سياقى قابىلداۋ، ۇسىنۋ، بۇقارانىڭ مۇددەسىنە زيان جەتكىزۋ، جاۋاپكەرشىلىك ارقالاماۋ، ٴىس تىندىرماۋ سياقتى كورنەكتى ماسەلەلەردى رەتتەپ ـ وڭاپ، ”ٴتورت بۇرىس ستيلدىڭ“ كومەسكىلەنۋىن، ٴتۇرىنىڭ وزگەرۋىن قاتاڭ تەجەدى، ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان ٴبىر توپ تيپتىك دەلونى قاتاڭ تەكسەرىپ، تەز ٴبىر جاقتى ەتىپ ٴارى اشىق حابارلاندىرىپ، شىن مانىندە قاتاڭ اۋقىم قالىپتاستىرىپ، دۇرىس سالت ورناتىپ، قالىڭ پارتيا مۇشەلەرى مەن كادرلاردىڭ ساياسي تانىمىن ونان ارى كۇشەيتىپ، ستيلى پاك، سالتى دۇرىس ساياسي ەكولوگيانى ونان ارى بەكەمدەۋدى ىلگەرىلەتتى.
ساندى مالىمەتتە كورسەتىلۋىنشە، 2025 ـ جىلى 3 ـ ايدان 7 ـ ايعا دەيىن ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان 111 مىڭ ماسەلەنى تەكسەرىپ ٴبىر جاقتى ەتكەن، 145 مىڭ ادامعا سىن ايتىپ، تاربيە بەرىپ جانە ٴبىر جاقتى ەتىپ، شىنايى باسقارۋ، شىنايى قاتاڭ بولۋ، باتىلدىقپەن باسقارۋ، باتىلدىقپەن قاتاڭ بولۋ، ۇزاق ۋاقىت باسقارۋ، ۇزاق ۋاقىت قاتاڭ بولۋ رايىن ٴتىپتى دە كۇشەيتكەن.
جاڭا ساپارعا قادام تاستاعاندا، ٴسوز جوق، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، پارتيانىڭ وزىنە ـ ٴوزى توڭكەرىس جاساۋ جونىندەگى ماڭىزدى يدەياسىن ىشكەرىلەي ۇيرەنىپ، جەتە ٴتۇسىنىپ، قاتاڭ نەگىزگى اۋەننەن باستان ـ اياق جازباي، ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ساباقتاستىرىپ، ”بىرگە تەكسەرۋ“ ارقىلى بۇرىس ستيلدەر مەن شىرىكتەسۋ قاباتتاسقان ماسەلەلەردى قاتاڭ جازالاپ، ”بىرگە وڭاۋ“ ارقىلى بۇرىس ستيل مەن شىرىكتەسۋدىڭ ورتاق قاينارىن الاستاپ، ”تەكسەرۋ“ مەن ”وڭاۋدى“ ساباقتاستىرىپ بۇرىس ستيل مەن شىرىكتەسۋدىڭ وزگەرۋىن تەجەپ، پارتيا مۇشەلەرى مەن كادرلاردىڭ سانالى تۇردە ەرەجەگە، تارتىپكە بويسۇنۋىن، جۇرەكتىلىكپەن ٴىس تىندىرىپ ناتيجە جاراتۋىن ىلگەرىلەتۋ كەرەك.
”ۇدايىلىققا“، ”ۇزاق ۋاقىتتىلىققا“ كۇش سالىپ، ۇيرەنۋ تاربيەسىنىڭ ۇدايىلانۋىن، ۇزاق ۋاقىت ٴونىمدى بولۋىن ىلگەرىلەتۋ كەرەك —
قۋىرماش تۇرلەرىن ايىرىم ورنالاستىرماۋ، قول تەلەفونمەن ەكىلىك كودتى سكانەرلەپ اقىسىن تولەۋ... جياڭشيدە ”گانسانما“ تۇعىرىنىڭ جالپىلاستىرىلىپ قولدانىلۋى ولكە، قالا، اۋدان، اۋىل ٴتورت دارەجەلى 5291 ورگان اسحاناسىنىڭ وزگە جەردەن تاماقتانۋ اقىسىن تولەۋ، ەسەبىن جابۋ كاسىبىن تۇتاستىرىپ، بۇكىل ولكەدەگى ۇكىمەت جۇمىسىمەن تاماقتانۋ ”ٴبىر كودپەن تۇتاستىرۋدى، ٴبىر جەلىدە قامتۋدى، ٴبىر تۇتاس باقىلاپ ـ باسقارۋدى“ نەگىزىنەن جۇزەگە اسىرىپ، نەگىزگى ساتىنىڭ اۋىرتپالىعىن ٴونىمدى جەڭىلدەتتى.
”قازىر كودتى سكانەرلەپ تاماقتانامىز، اركىم وزىنىكىن ٴوزى تولەيدى، اناعۇرلىم قاراپايىم، اناعۇرلىم قولايلى بولدى“، نەگىزگى ساتى كادرلارىنىڭ جۇرەك ٴۇنى — رەفورما ونىمدىلىگىنىڭ ەڭ تىكە بەينەسى.
ۇيرەنۋ تاربيەسى ورىستەتىلگەننەن بەرى، جەر ـ جەر، تاراۋلار، ورىندار ”تاباندا تۇزەتۋ“ مەن ”ۇزاق ۋاقىت ورناتۋدى“ ۇشتاستىرۋعا تاباندى بولىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساۋ جاعىنداعى كورنەكتى ماسەلەلەرگە مەڭزەس، تۇزىمدەگى ولقىلىقتاردى تولىقتاپ، ٴتۇزىم ساڭلاۋلارىن بىتەپ، ۇقىقتى تەجەۋ مەن باقىلاۋدى كۇشەيتىپ، ۇقىقتىڭ جۇرگىزىلۋىن اناعۇرلىم ارناعا ٴتۇسىردى.
جاڭا ساپارعا قادام تاستاعاندا، ٴسوز جوق، ستيل قۇرىلىسىنىڭ ۇدايىلانعان، باياندى ٴتۇزىم مەحانيزمىن ونان ارى كەمەلدەندىرىپ، ستيل قۇرىلىسىن وڭاۋ ونىمدىلىگىن جوعارىلاتىپ، پارتيالىلىق، پارتيا ستيلى، پارتيا ٴتارتىبىن بىرگە يگەرۋگە تاباندى بولىپ، ”ٴتورت بۇرىس ستيلدى“ تۇزەتۋ مەن جاڭا سالت ورناتۋدى قاتار جۇرگىزۋگە تاباندى بولىپ، سانالىلىقتى جارىققا شىعارىپ، ادەت قالىپتاستىرىپ، شىندىققا جۇگىنىپ ناقتى ٴىس ىستەۋ، پاك تە كىرشىكسىز جاڭا ستيلدى، دۇرىس سالتتى ۇزدىكسىز كۇشەيتۋ كەرەك.
”ىستەۋدى“ ماڭداي الدى ورىنعا قويۋعا تاباندى بولىپ، قالىڭ پارتيا مۇشەلەرى مەن كادرلاردى جۇڭگو ۇلگىسىندەگى وسىزامانداندىرۋ قۇرىلىسىندا كوكىرەك كەرىپ العا شىعىپ جاۋاپكەرشىلىك ارقالاۋعا تاربيەلەۋ، جەتەكتەۋ كەرەك —
پارتيا مۇشەلەرى ەكپىندىلەر اترەتىن ۇيىمداستىرىپ، كۇندىز ـ ٴتۇنى كەزەكتەسىپ كەزەكشىلىك ىستەپ، شارلاۋ ـ تەكسەرۋ جۇرگىزدى؛ تۇندەلەتىپ جاڭبىرعا قاراماي كومەسكى قاتەردى ٴبىر ـ بىردەن تەكسەرىپ، بۇقارانى باسقا جەرگە ورنالاستىردى؛ قالپىنا كەلتىرۋ، قايتا قۇرۋ قىزمەتىن بار كۇشپەن ورىستەتىپ، بۇقارانىڭ نەگىزگى تۇرمىسىن قامتاماسىز ەتتى...
بيىل تاسقىن مەزگىلى كىرگەننەن بەرى، ەلىمىزدىڭ كوپ جەرىندە ٴۇرتىس قالىڭ جاڭبىر جاۋىپ، حالىق بۇقاراسىنىڭ حاۋىپسىزدىگىنە اۋىر قاتەر ٴتوندى. بۋىرقانعان تاسقىن اپاتى الدىندا پارتيا مۇشەلەرى مەن كادرلار ”تاسقىن“ دەگەن ٴسوزدى ەستي سالا اتتانىسقا كەلىپ، حالىقتىڭ ٴومىرى مەن مال ـ مۇلكىنىڭ حاۋىپسىزدىگىن قورعاۋ جولىندا كەۋدە كەرىپ العا شىعىپ، كۇندىز ـ ٴتۇنى قاربالاستىققا تۇسكەن اسەرلى بەينەلەرىن قالدىردى.
ٴبىر ياچەيكا — ٴبىر قامال، ٴبىر پارتيا مۇشەسى — ٴبىر تۋ. ۇيرەنۋ تاربيەسى بارىسىندا جەر ـ جەر، تاراۋلار، ورىندار فورماشىلدىق، تورەشىلدىك ماسەلەلەرىن وڭاۋدى اناعۇرلىم كورنەكتى ورىنعا قويىپ، پارتيا مۇشەلەرى مەن كادرلاردىڭ جاۋاپكەرشىلىك ارقالاپ ىسكەرلىك كورسەتۋ، ٴىس تىندىرىپ ناتيجە جاراتۋ ەرىك ـ جىگەرىن سەرپىلتىپ، ۇيرەنۋ تاربيەسى جەتىستىكتەرىن جوعارى ساپالى دامۋدى ىلگەرىلەتۋدىڭ، نەگىزگى ساتىنى باسقارۋدى كۇشەيتۋدىڭ، شۇعىل، قيىن، قاتەرلى، اۋىر مىندەتتەردى ورىنداۋدىڭ پارمەندى قوزعاۋشى كۇشىنە اينالدىردى.
بيىل 10 ـ ايدا پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى بەيجيڭدە اشىلىپ، حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ جونىندەگى ۇسىنىستار زەرتتەلەدى.
كۇردەلى دە قۇبىلمالى ىشكى ـ سىرتقى ورتا، جاپالى دا اۋىر رەفورما، دامۋ مىندەتى الدىندا پارتيا مۇشەلەرى مەن كادرلاردىڭ تاڭداۋلى ستيلى، تاسقىنداعان رۋحاني كۇيى قيىندىقتاردان قامال الۋدىڭ ماڭىزدى قامتاماسىزدىعى سانالادى.
جەلمەن جۇيتكىپ زەڭگىرگە، تەربەتىلە، كوز تاستايمىن تاۋ ـ وزەن كەلبەتىنە.
جاڭا ساپارعا قادام تاستاعاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تاباندىلىقتى ساقتاپ، قاتاڭ باسقارىپ، قاتاڭ وڭاپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، ٴۇزىلدى ـ كەسىلدى تۇردە وزىنە ـ ٴوزى توڭكەرىس جاساۋ رۋحىمەن ستيل قۇرىلىسىن تەرەڭدەتكەندە، جاڭا داۋىردەگى جۇڭگو كوممۋنيستەرى، ٴسوز جوق، ”جۇڭگو“ اتتى الىپ كەمەنى باستاپ تولقىن جارا العا ىلگەرىلەپ، جەلكەن جايىپ الىسقا ساپار شەگەدى!
(شينحۋا اگەنتتىگىنىڭ 8 ـ ايدىڭ 29 ـ كۇنى بەيجيڭنەن بەرگەن حابارى)
