9-ايدىڭ 8-كۇنى قىزعىلت شاپاق كەرنەگەن شاق، ۇلىڭگىر وزەنىنىڭ سۋ ءۇستى سايتان كەرىش كورىنىس وڭىرىندە بالىقشى جىرى اۋەلەگەن تاماشا كورىنىس قالىپتاستى.
9-ايدىڭ 8-كۇنى ساياحاتشىلار ۇلىڭگىر وزەنى سۋ ءۇستى سايتان كەرىش كورىنىس ءوڭىرىنىڭ كەشكى شاپاعىن سۋرەتكە تۇسىرۋدە.
9 ـ ايدىڭ 8 ـ كۇنى كەشقۇرىمدا، سۋ قۇستارى سۋ بەتىن قاناتىمەن سىزىپ، اسەم تولقىن قالىپتاستىردى.
تيانشان تورى-شينجياڭ گازەتىنىڭ حابارى (ءتىلشى چين مەيحۋانىڭ سۋرەتتى حابارى). 9 - اي، كۇزگى كۇننىڭ سالقىن سامالى ەسىپ تۇر، كوك اسپان مەن اقشا بۇلت ءبىر-بىرىمەن سايكەسىم تاۋىپ، بۋرىلتوعاي اۋدانى ۇلىڭگىر كولىنىڭ سۋ ءۇستى سايتان كەرىش كورىنىس ٴوڭىرىنىڭ ايبىنىن اسىرىپ، ساياحاتشىلاردىڭ كوڭىلىن كولدەي تولقىتتى.
كەشكى شاپاق ورناعان كەز، قيا بەتتەگى قىزعىلت جارتاس ساعىمى سۋ بەتىنە ءتۇسىپ، سان الۋان رەڭدى تولقىندارعا ۇلاستى. مۇلگىگەن تاۋمەن كول تىنىعى ءبىر ارناعا توعىستى، بالىقشى جىرىنىڭ تامىلجىعان ٴۇنى، بۇلت ساياسىنىڭ كەشكى شاپاق نۇرىمەن شاعىلىسۋى، كۇن باتارداعى قۇستاردىڭ ويناقى بەينەسى وسىنداعى تابيعاتقا سىرلى دا اسەرلى كۇزگى كۇننىڭ تاماشا رەڭىن قوستى.
اتالعان كورىنىس ٴوڭىرى ۇلىڭگىر كولىنىڭ قۇيار ساعاسىنا ورنالاسقان، بۋرىلتوعاي اۋدان قالاشىعىنان نەبارى 14 كيلومەتر قاشىقتىقتا، مۇندا تەڭىز ساعاسىنىڭ كەڭ ـ بايتاق كورىنىستەرىمەن قوسا، شاتقالدى القاپتىڭ تەرەڭ قويناۋلى تابيعاتى قۇنداقتالعان، بۇل ارا جىل سايىن دۇنيە ءجۇزىنىڭ جەر ـ جەرىندەگى ساياحاتشىلاردى وزىنە باۋراپ كەلەدى.
