مۇنداي سەنىم التىننان دا قىمبات
انار بۇلت \ شينجياڭ گازەتىنىڭ ٴتىلشىسى لي جيا ـ ني
”قاراشى، بۇل ۋاڭ اتاي“، ”ۋاڭ اتاي قايتىپ كەلگەننەن كەيىن ول كىسىدەن ناق مايداننىڭ قانداي ەكەنىن ٴسوزسىز سۇرايىق...“ 9 ـ ايدىڭ 5 ـ كۇنى ٴالي مامۇتتىڭ 2 بالاسى حاباردان تاعى ٴبىر رەت ۋاڭ اتايدىڭ بەينەسىن ىزدەدى.
ولار ايتىپ وتىرعان ”ۋاڭ اتاي“ ٴدال تيانشان تەمىر كورىنىس ٴوڭىرى تاعلاق قىستاعىنداعى نەگىزگى تاقىرىپتىق قوناق ٴۇيىنىڭ قارجىگەرى ۋاڭ يۇڭفۋ ەدى. ۋاڭ يۇڭفۋ تاعى اقسۋ ايماقتىق ۇلتتار ىنتىماعى، العاباسارلىعىن جەبەۋ قوعامىنىڭ ورىنباسار باستىعى، وسى جەبەۋ قوعامى كەزىندە مەملەكەتتىك ۇلتتار ىنتىماعى، العاباسارلىعىنداعى ۇلگىلى كوللەكتيۆ اتاعىنا يە بولعان. ۋاڭ يۇڭفۋ وسى رەت ۇسىنىسپەن مەملەكەتتىك از ساندى ۇلتتار ەكسكۋرسيا ۇيىرمەسىنە قاتىناسىپ، بەيجيڭگە بارىپ 9 ـ ايدىڭ 3 ـ كۇنگى اسكەري پاراتتى ناق مايداندا كوردى.
”ول كورىنىستى تىلمەن بەينەلەپ جەتكىزۋ قيىن“. ۋاڭ يۇڭفۋ: اسكەري پاراتتان وتكەن شارشى توپ بىركەلكى ٴجۇرىپ كەلگەن، وزىق جابدىقتار تاڭ قالدىرا بوي كورسەتكەن كەزدە ونە بويىمدى كۇش كەرنەدى، ـ دەدى. قايتىپ كەلىپ بالالاردى كەزىكتىرگەنىندە ۋاڭ يۇڭفۋ ولاردى جاقسى وقىپ، ارمان ارقالاپ قۇلشىنا ۇمتىلۋعا، بۇدان كەيىن وسىنداي سالتاناتتى باسى ـ قاسىندا كورۋ ورايىنا يە بولىپ، مەملەكەتتىڭ ٴتىپتى دە شۇعىلالى ساتتەرىنە كۋا بولۋعا شابىتتاندىردى. ۋاڭ يۇڭفۋ تاعى ٴالي مەن قىزمەتتەستەرىنە ٴبىر نيەتپەن ىنتىماقتاسىپ، اناردىڭ دانىندەي تىعىز ۇيىسىپ، كۇرەس جۇرگىزۋ ارقىلى تۇرمىستارىن بارعان سايىن جاقسارتا تۇسۋلەرىن ايتتى.
ۋاڭ يۇڭفۋ مەن ٴاليدىڭ قارىم ـ قاتىناسىن 2004 ـ جىلدان باستاپ ايتۋعا تۋرا كەلەدى. سول جىلى ۋاڭ يۇڭفۋ اقسۋ قالاسىنىڭ ٴبىر قۇرىلىس ورنىن تەكسەرىپ جۇرگەن كەزدە ٴاليدىڭ اكەسى مامۇت ساۋۇتپەن تانىسادى. اڭگىمە اراسىندا مامۇت وتباسىنىڭ ونسۋ اۋدانى كوكيار قالاشىعى تاعلاق قىستاعىنان كەلگەندىگىن، وتباسىنداعىلاردىڭ بىرنەشە مۋ جەرى مەن ۋاقىتتىق جۇمىس ىستەۋگە سۇيەنىپ تۇرمىس كەشىرىپ جاتقاندىقتارىن، بالالاردىڭ وقۋ اقىسى، ەگدەلەگەن شەشەسىنىڭ ەمدەلۋ، ٴدارى ـ دارمەك اقىسى ۇنەمى ونى باسىنا تارتسا اياعىنا جەتپەيىن كۇيگە تۇسىرگەندىگىن بىلەدى.
ۋاڭ يۇڭفۋ مۇنى بىلگەننەن كەيىن، وعان كومەكتەسۋگە بەكىپ، مامۇتقا تۇراقتى جۇمىس تاۋىپ بەردى. تۇراقتى كىرىسى بولعان سوڭ، مامۇت وتباسىنداعىلاردىڭ تۇرمىسى كۇن سايىن جاقسارادى، ونىڭ ۋاڭ يۇڭفۋعا العىسى شەكسىز بولىپ، ەكى وتباسىنىڭ بارىس ـ كەلىسى دە بىرتە ـ بىرتە جيىلەي باستايدى.
ٴار جولى مەرەكە كەلگەندە مامۇت ۇنەمى بىرنەشە كۇن بۇرىن ۋاڭ يۇڭفۋعا تەلەفون شالىپ، ونى ۇيىنە كەلىپ مەرەكە وتكىزۋگە ىستىق ىقىلاسپەن شاقىرادى. ەكى وتباسىنداعىلار بىرگە وتىرىپ ٴدامدى تاعامداردان اۋىز تيگەندە مامۇت ۇنەمى مەملەكەتتە ٴبىر تۇتاس قولدانىلاتىن تىلمەن تىم جاتىق ەمەس كۇيدە ۋاڭ يۇڭفۋعا: ”باۋىرىم، سەن باردا مەرەكە ٴتىپتى دە دۋماندى بولادى“، ـ دەيدى. مىنە وسىلاي ارالاسا ٴجۇرىپ ەكەۋى جاقسى دوستارعا اينالادى.
2004 ـ جىلى 8 ـ ايدا مامۇت اياق استىنان شۇعىل سيپاتتى كوكىرەك پەردەسى قابىنۋىنا شالدىعىپ، اۋرۋ جاعدايى ناشارلايدى. مامۇت وتباسىنداعىلاردىڭ جان ـ جاقتان قارىز اقشا سۇراپ جۇرگەنىن بىلگەن ۋاڭ يۇڭفۋ دەرەۋ 10 مىڭ يۋان الىپ شىعىپ، شيپاحاناعا بارىپ ونىڭ بالنيتساعا جاتۋ راسمياتتارىن بىتىرەدى.
”شيپاحانادا ۋاڭ اعاي ارى ـ بەرى شاپقىلاپ راسمياتتاردى بىتىرۋگە كومەكتەستى“. ٴالي ەسكە الىپ بىلاي دەدى: سول كەزدە اكەمنىڭ اۋرۋ جاعدايىنان قاتتى الاڭداپ، قايتەرىمدى بىلمەي قالدىم، ۋاڭ اعاي باستان ـ اياق قاسىمدا بولىپ مەنى جۇباتتى. ۋاڭ يۇڭفۋدىڭ كومەگىندە مامۇتتىڭ اۋرۋ جاعدايى بىرتىندەپ جاقسارىپ، ەكى وتباسىنداعىلاردىڭ سۇيىسپەنشىلىگى دە وسى قيىنشىلىق بارىسىندا بارعان سايىن تەرەڭدەي ٴتۇستى.
كەيىن ۋاڭ يۇڭفۋ جۇمىستارىمەن قاربالاس بولدى، مامۇتپەن ٴار دايىم تەلەفوندا جۋىقتاعى جاعدايلارى جونىندە اڭگىمەلەسىپ تۇرسا دا، كەزدەسەتىن كەزدەرى بىرتە ـ بىرتە ازايدى. 2019 ـ جىلى ۋاڭ يۇڭفۋ مامۇتتىڭ ۇزاق ۋاقىت ناۋقاستانعاندىعى سەبەپتى، دەنساۋلىعىنىڭ بۇرىنعىعا جەتپەي قالعاندىعىنان، ٴدال اتا ـ اناسىنا قاسارىسۋ مەزگىلىندە تۇرعان ٴاليدى باسقارىپ، تاربيەلەۋگە مۇرشاسى جەتپەي جۇرگەنىن ەستيدى. سونىمەن مامۇتپەن اقىلداسقان سوڭ، ٴاليدى ٴوز جانىنا الادى.
”ۋاڭ اعاي بەينە اكەم سياقتى، ماعان قالتقىسىز قامقورلىق كورسەتتى“. ٴالي بىلاي دەدى: كەيدە ويىنعا وتە بەرىلىپ كەتەمىن، دەسەدە ۋاڭ اعاي بۇعان بولا مەنەن باز كەشپەدى، قايتا اكەمدى ٴتۇسىنۋىم، ادام بولۋ دا جاۋاپكەرشىلىك ارقالاي ٴبىلۋىم كەرەكتىگىن سابىرلىلىقپەن ٴناسيحاتتاپ، مەنى بىرتىندەپ دۇرىس ارناعا تۇسۋگە جەتەكتەدى.
2020 ـ جىلى ۋاڭ يۇڭفۋ تاعلاق قىستاعىندا قارجى قوسىپ، نەگىزگى تاقىرىپتىق قوناق ٴۇي سالادى، ٴتىپتى دە كوپ ادامنىڭ جۇمىستانۋ ماسەلەسىن شەشۋ ٴۇشىن، ەڭ الدىمەن جەرگىلىكتى ورىنداعى قىستاق تۇرعىندارىن جۇمىسقا قابىلدايدى. ٴالي سولاردىڭ ٴبىرى ەدى.
ۋاڭ يۇڭفۋدىڭ دەن قويا تاربيەلەۋىمەن ٴالي بىرتە ـ بىرتە بۇرىنعى الاڭعاسارلىعىن تاستاپ، جۇمىستى تىڭعىلىقتى دا پەيىلدى ىستەيتىن بولىپ وزگەردى. ول قوناق ٴۇيدىڭ الدىڭعى تەكشەسىندە قوناق قابىلداۋدان باستاپ ۇيرەنىپ، ٴاربىر بولمەنىڭ ٴپىشىنى مەن ەرەكشەلىگىن قانىق ٴبىلىپ، جولاۋشىلاردىڭ سۇراۋلارىنا بايسالدىلىقپەن تۇسىنىك جاساپ، ماسەلەگە جولىققاندا سابىرلىلىقپەن ٴبىر جاقتى ەتە ٴبىلدى. بىرنەشە جىل شىڭدالۋدان كەيىن، قازىر ٴالي قوناق ٴۇيدىڭ ديرەكتورىنا اينالدى.
”ۋاڭ اعاي بولماسا، بۇگىنگى مەن دە بولماس ەدىم“. ٴاليدىڭ ايتۋىنشا، قازىر قوناق ٴۇيدى باسقارۋ، قىزمەتشىلەردى ورنالاستىرۋ، جولاۋشىلاردى قابىلداۋ سياقتى جۇمىستاردى ۋاڭ يۇڭفۋ وعان الاڭسىز تاپسىراتىن بولعان. مۇنداي سەنىم التىننان دا قىمبات.
”مامۇت ەكەۋىمىز اعا ـ باۋىرمىز، اعا ـ باۋىرلار ارينە ٴوزارا كومەكتەسۋى كەرەك“. ۋاڭ يۇڭفۋ 20 نەشە جىل ۋاقىتتا وسىنداي ٴبىر ـ ٴبىرىن جادىندا ساقتايتىن، ٴوزارا قارايلاساتىن سۇيىسپەنشىلىكتىڭ بارىنەن دە شىنايى بولعاندىعىن، بۇدان كەيىنگى ومىردە ۇزدىكسىز جالعاسا تۇسەتىندىگىن ايتتى.
